നാ​ടും ന​ഗ​ര​വും ഉ​ത്സ​വ​ല​ഹ​രി​യി​ൽ; മ​ണ​പ്പു​ള്ളി​ക്കാ​വ് വേ​ല ഇ​ന്ന്

പാ​ല​ക്കാ​ട്: നാ​ലു ദേ​ശ​ങ്ങ​ൾ സം​ഗ​മി​ക്കു​ന്ന ച​രി​ത്ര​പ്ര​സി​ദ്ധ​മാ​യ മ​ണ​പ്പു​ള്ളി​ക്കാ​വ് വേ​ല​ക്ക് വ്യാ​ഴാ​ഴ്ച ന​ഗ​രം സാ​ക്ഷി​യാ​വും. ക​ത്തി​യെ​രി​യു​ന്ന കും​ഭ​മാ​സ​ത്തി​ലെ പ​ക​ൽ വെ​യി​ൽ മാ​യു​ന്ന​തോ​ടെ ച​രി​ത്ര സ്​​മ​ര​ണ​ക​ളു​റ​ങ്ങു​ന്ന കോ​ട്ട​മൈ​താ​ന​ത്ത് ഭ​ഗ​വ​തി​മാ​രു​ടെ നാ​ലു​ദേ​ശ​ങ്ങ​ളും സം​ഗ​മി​ക്കും. കി​ഴ​ക്കേ യാ​ക്ക​ര, പ​ടി​ഞ്ഞാ​റേ യാ​ക്ക​ര, കൊ​പ്പം, വ​ട​ക്ക​ന്ത​റ -മു​ട്ടി​ക്കു​ള​ങ്ങ​ര ദേ​ശ​ങ്ങ​ളാ​ണ് മ​ണ​പ്പു​ള്ളി​ക്കാ​വി​ല​മ്മ​യു​ടെ ഉ​ത്സ​വ​ത്തി​ന് ഒ​രു​ങ്ങി​യ​ത്. എ​ല്ലാ വ​ർ​ഷ​വും മാ​ർ​ച്ച് മാ​സ​ത്തി​ലാ​ണ് മ​ണ​പ്പു​ള്ളി​ക്കാ​വ് വേ​ല വ​രു​ന്ന​തെ​ങ്കി​ലും വേ​ല​ക​ളു​ടെ ച​രി​ത്ര​ത്തി​ലാ​ദ്യ​മാ​യി മ​ണ​പ്പു​ള്ളി​ക്കാ​വ് വേ​ല ഫെ​ബ്രു​വ​രി 29 നാ​ണെ​ന്ന പ്ര​ത്യേ​ക​ത​യു​മു​ണ്ട്. ത​ട്ട​ക​ങ്ങ​ളെ​ല്ലാം ഒ​രു​ങ്ങി​യ​തോ​ടെ ന​ഗ​രം ഉ​ത്സ​വ ല​ഹ​രി​യി​ലാ​ണ്. ഭ​ഗ​വ​തി​മാ​രു​ടെ തി​ട​മ്പേ​റ്റി​യ നെ​റ്റി​പ്പ​ട്ടം കെ​ട്ടി​യ ഗ​ജ​വീ​ര​ന്മാ​രും വാ​ദ്യ​മേ​ള​ങ്ങ​ളു​മെ​ല്ലാം വേ​ല​ക്ക് നി​റം പ​ക​രും. നാ​ലു ദേ​ശ​ങ്ങ​ളി​ൽ നി​ന്നു​മു​ള്ള വ​ണ്ടി വേ​ഷ​ങ്ങ​ളും ത​ട്ടി​ൻ​മേ​ൽ​കൂ​ത്തും വാ​ദ്യ​മേ​ള​ങ്ങ​ളു​മെ​ല്ലാം കോ​ട്ട​മൈ​താ​ന​ത്തെ പു​രു​ഷാ​ര​ത്തെ ഭേ​ദി​ച്ച് രാ​ത്രി​യോ​ടെ മ​ണ​പ്പു​ള്ളി​ക്കാ​വി​ലെ​ത്തു​ന്ന കാ​ഴ്ച മ​ണ​പ്പു​ള്ളി​ക്കാ​വ് വേ​ല​യു​ടെ മാ​ത്രം സ​വി​ശേ​ഷ​ത​യാ​ണ്.

വെ​യി​ൽ താ​ഴു​ന്ന​തോ​ടെ സു​ൽ​ത്താ​ൻ​പേ​ട്ട, കോ​ർ​ട്ട് റോ​ഡ്, കോ​ട്ട​മൈ​താ​നം, യാ​ക്ക​ര റോ​ഡ് എ​ന്നി​വി​ട​ങ്ങ​ളി​ലൊ​ക്കെ ദേ​ശ​ങ്ങ​ളു​ടെ വേ​ല കാ​ണാ​ൻ ആ​ളു​ക​ൾ എ​ത്തി​ത്തു​ട​ങ്ങും. വൈ​കീ​ട്ട് ഏ​ഴോ​ടെ കോ​ട്ട​ക്കു മു​ന്നി​ലാ​ണ് നാ​ലു ദേ​ശ​ങ്ങ​ളു​ടെ​യും ഗ​ജ​വീ​ര​ന്മാ​ർ അ​ണി​നി​ര​ക്കു​ന്ന​ത്. എ​ല്ലാ ദേ​ശ​ങ്ങ​ളു​ടെ വേ​ല​ക​ളും മ​ണ​പ്പു​ള്ളി​ക്കാ​വി​ൽ എ​ത്തു​ന്ന​തോ​ടെ രാ​വേ​ല​ക്ക് തു​ട​ക്ക​മാ​വും. താ​ലൂ​ക്കി​ൽ പ്രാ​ദേ​ശി​ക അ​വ​ധി​യും ന​ഗ​ര​ത്തി​ൽ ഗ​താ​ഗ​ത നി​യ​ന്ത്ര​ണ​ങ്ങ​ളും ഉ​ണ്ടാ​വും. വേ​ല​യു​ടെ ഭാ​ഗ​മാ​യി നാ​ലു ദേ​ശ​ങ്ങ​ളി​ലും രാ​വി​ലെ​യും വൈ​കീ​ട്ടും എ​ഴു​ന്ന​ള്ള​ത്തു​മു​ണ്ടാ​കും. കി​ഴ​ക്കെ യാ​ക്ക​ര മ​ണ​പ്പു​ള്ളി​ക്കാ​വ് ക്ഷേ​ത്ര​ത്തി​ൽ ആ​രം​ഭി​ക്കു​ന്ന ല​ക്ഷാ​ർ​ച്ച​ന വ്യാ​ഴം രാ​വി​ലെ​യോ​ടെ സ​മാ​പി​ക്കും. നെ​റ്റി​പ്പ​ട്ടം കെ​ട്ടി​യ ഗ​ജ​വീ​ര​ന്മാ​രും ജ​ന​സാ​ഗ​ര​ത്തെ​യും ആ​കാ​ശ​ത്തു നി​ന്നും അ​നു​ഗ്ര​ഹാ​ശി​സ്സു​ക​ൾ പൊ​ഴി​ക്കു​ന്ന ദേ​വ​ഗ​ണ​ങ്ങ​ളെ​യും സാ​ക്ഷി​യാ​ക്കി ഭ​ഗ​വ​തി​മാ​ർ ഉ​പ​ചാ​രം ചൊ​ല്ലി പി​രി​യു​ന്ന രാ​വും ക​ഴി​ഞ്ഞ് കൊ​ടി​യി​റ​ക്ക​ത്തോ​ടെ ഒ​രു വ​ർ​ഷ​ത്തെ കാ​ത്തി​രി​പ്പി​ന് വി​രാ​മ​മി​ട്ട് മ​ണ​പ്പു​ള്ളി​ക്കാ​വ് വേ​ല​ക്ക് പ​രി​സ​മാ​പ്തി​യാ​വും.