ദു​രി​ത​ങ്ങ​ൾ​ക്കി​ട​യി​ൽ അ​ൽ​പം ആ​ശ്വാ​സം; സീ​ന​ത്തി​ന് മു​ൻ​ഗ​ണ​ന കാ​ർ​ഡ്

പാ​ല​ക്കാ​ട്: ഭി​ന്ന​ശേ​ഷി​ക്കാ​ര​നാ​യ മ​ക​നെ​യും കൊ​ണ്ട് ദു​രി​ത​ങ്ങ​ളു​ടെ ന​ടു​വി​ൽ ജീ​വി​തം ത​ള്ളി​നീ​ക്കു​ന്ന സീ​ന​ത്തി​ന് അ​ൽ​പം ആ​ശ്വാ​സ​മാ​യി മു​ൻ​ഗ​ണ​ന റേ​ഷ​ൻ കാ​ർ​ഡ് ല​ഭ്യ​മാ​യി.

വ​ർ​ഷ​ങ്ങ​ളാ​യി മു​ൻ​ഗ​ണ​നേ​ത​ര വി​ഭാ​ഗ​ത്തി​ലെ നീ​ല​കാ​ർ​ഡു​മാ​യി ക​ഴി​ഞ്ഞി​രു​ന്ന ച​ട​നാം​കു​റി​ശ്ശി ശ്രീ​ന​ഗ​ർ ന​ഗ​റി​ലെ സീ​ന​ത്തി​ന് മു​ൻ​ഗ​ണ​ന വി​ഭാ​ഗ​ത്തി​ൽ​പെ​ട്ട പി​ങ്ക് കാ​ർ​ഡാ​ണ് ല​ഭ്യ​മാ​ക്കി​യ​ത്. തി​ങ്ക​ളാ​ഴ്ച​യോ​ടെ ന​ട​പ​ടി​ക്ര​മ​ങ്ങ​ൾ ഓ​ൺ​ലൈ​നാ​യി പൂ​ർ​ത്തി​യാ​ക്കി. അ​ടു​ത്തു​ള്ള അ‍ക്ഷ​യ കേ​ന്ദ്ര​ത്തി​ൽ​നി​ന്നും കാ​ർ​ഡ് ഡൗ​ൺ​ലോ​ഡ് ചെ​യ്യാം. ഒ​റ്റ​മു​റി ഷെ​ഡി​ൽ ക​ഴി​യു​ന്ന സീ​ന​ത്തും മ​ക്ക​ളും മു​ൻ​ഗ​ണ​നേ​ത​ര വി​ഭാ​ഗ​ത്തി​ൽ ഉ​ൾ​പ്പെ​ട്ടി​രു​ന്ന​തി​നാ​ൽ അ​ർ​ഹ​മാ​യ ആ​നു​കൂ​ല്യ​ങ്ങ​ളൊ​ന്നും ല​ഭി​ച്ചി​രു​ന്നി​ല്ല.

ജ​ന്മ​നാ ഭി​ന്ന​ശേ​ഷി​യു​ള്ള മൂ​ത്ത​മ​ക​ൻ ഷാ​ജി​ർ അ​ലി​യേ​യും (27) കൊ​ണ്ട് ചി​കി​ത്സ​ക്ക് പോ​കു​മ്പോ​ഴും നീ​ല​കാ​ർ​ഡ് ത​ട​സ്സ​മാ​യി. ഇ​തു​മൂ​ലം സ​ർ​ക്കാ​ർ ആ​ശു​പ​ത്രി​ക​ളി​ലു​ൾ​പ്പെ​ടെ ചി​കി​ത്സാ ആ​നു​കൂ​ല്യം ല​ഭി​ച്ചി​രു​ന്നി​ല്ല.

ഒ​റ്റ​മു​റി ഷെ​ഡി​ന് മു​ന്നി​ലി​ട്ട ചെ​റി​യ പെ​ട്ടി​ക്ക​ട​യി​ൽ​നി​ന്നും കി​ട്ടു​ന്ന തു​ച്ഛ​മാ​യ വ​രു​മാ​നം കൊ​ണ്ടാ​ണ് സീ​ന​ത്ത് മ​ക​ന്‍റെ ചി​കി​ത്സ​യും ജീ​വി​ത ചെ​ല​വു​ക​ളും നോ​ക്കി​യി​രു​ന്ന​ത്. പി​ങ്ക് കാ​ർ​ഡ് ല​ഭി​ച്ച​തോ​ടെ റേ​ഷ​ൻ ആ​നു​കൂ​ല്യ​ങ്ങ​ളും ചി​കി​ത്സ​സ​ഹാ​യ​ങ്ങ​ളും ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് സീ​ന​ത്ത്. ഭ​ർ​ത്താ​വ് ക​ര​ൾ​രോ​ഗം​മൂ​ലം ഏ​ഴ് വ​ർ​ഷം മു​മ്പാ​ണ് മ​രി​ച്ച​ത്. ശേ​ഷം ര​ണ്ട് മ​ക്ക​ളു​മാ​യി ദു​രി​ത​ത്തി​ലാ​ണ് സീ​ന​ത്ത് ക​ഴി​ഞ്ഞി​രു​ന്ന​ത്.

സീ​ന​ത്തി​ന്‍റെ ദു​ര​വ​സ്ഥ സം​ബ​ന്ധി​ച്ച് നേ​ര​ത്തെ ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. തു​ട​ർ​ന്ന് സാ​മൂ​ഹി​ക​നീ​തി വ​കു​പ്പ് ജി​ല്ല ഓ​ഫി​സ​ർ സ​മീ​ർ മ​ച്ചി​ങ്ങ​ൽ ഇ​ട​പെ​ടു​ക​യും ജി​ല്ല സ​പ്ലൈ ഓ​ഫി​സ​ർ എ.​എ​സ്. ബീ​ന സീ​ന​ത്തി​ന്‍റെ റേ​ഷ​ൻ കാ​ർ​ഡ് മു​ൻ​ഗ​ണ​ന വി​ഭാ​ഗ​ത്തി​ലേ​ക്ക് മാ​റ്റാ​ൻ ന​ട​പ​ടി സ്വീ​ക​രി​ക്കു​ക​യു​മാ​യി​രു​ന്നു. കാ​ർ​ഡ് ല​ഭി​ച്ച​തി​ൽ സ​ന്തോ​ഷം ഉ​ണ്ടെ​ന്നും മ​ക്ക​ളു​മാ​യി ക​ഴി​യാ​ൻ അ​ട​ച്ചു​റ​പ്പു​ള്ള വീ​ടാ​ണ് ഇ​നി സ്വ​പ്ന​മെ​ന്നും സീ​ന​ത്ത് പ​റ​ഞ്ഞു. സു​മ​ന​സ്സു​ക​ൾ സ​ഹാ​യി​ക്കു​മെ​ന്ന പ്ര​തീ​ക്ഷ​യി​ലാ​ണ് സീ​ന​ത്ത്.