അന്നമൂട്ടുന്നവർക്കും പറയാനുണ്ട് ഏറെ; കേൾക്കണം അവരെയും

പാ​ല​ക്കാ​ട്: അ​ന്ന​മൂ​ട്ടു​ന്ന​വ​ർ ദൈ​വ​തു​ല്യ​രാ​ണെ​ന്നാ​ണ് ചൊ​ല്ല്. എ​ന്നാ​ൽ നി​ത്യ​വും നൂ​റു​ക​ണ​ക്കി​ന് കു​ഞ്ഞു​ങ്ങ​ൾ​ക്ക് അ​ന്ന​മൂ​ട്ടു​ന്ന​വ​ർ പ്രാ​ര​ബ്ധ​ത്തി​ലും ബു​ദ്ധി​മു​ട്ടി​ലു​മാ​ണ് ജീ​വി​തം ത​ള്ളി​നീ​ക്കു​ന്നത്. അ​വ​രു​ടെ പ്ര​യാ​സ​ങ്ങ​ൾ ബ​ന്ധ​പ്പെ​ട്ട​വ​ർ കേ​ൾ​ക്കു​ന്നി​ല്ലെ​ന്നാ​ണ് പ​രാ​തി. 600 രൂ​പ ദി​വ​സ​ക്കൂ​ലി​ക്ക് പ​ണി​യെ​ടു​ക്കു​ന്ന സ്കൂ​ൾ പാ​ച​ക​ത്തൊ​ഴി​ലാ​ളി​ക​ൾ​ക്ക് ആ ​തു​ക പോ​ലും കൃ​ത്യ​മാ​യി കി​ട്ടു​ന്നി​ല്ല.

ഏ​ഴ് രൂ​പ ദി​വ​സ​വേ​ത​ന​ത്തി​ന് 32 വ​ർ​ഷം മു​മ്പ് സ്കൂ​ൾ പാ​ച​ക​ത്തൊ​ഴി​ലാ​ളി​യാ​യി ജോ​ലി ആ​രം​ഭി​ച്ച ഒ. ​ലീ​ലാ​വ​തി ഇ​പ്പോ​ഴും ജീ​വി​ത​ത്തി​ന്‍റെ ര​ണ്ട​റ്റ​വും കൂ​ട്ടി​മു​ട്ടി​ക്കാ​നു​ള്ള ഓ​ട്ട​ത്തി​ലാ​ണ്. പേ​രൂ​ർ എ​യ്ഡ​ഡ് സീ​നി​യ​ർ ബേ​സി​ക് സ്കൂ​ളി​ലാ​ണ് ലീ​ലാ​വ​തി പാ​ച​ക​ത്തൊ​ഴി​ലാ​ളി​യാ​യി പ്ര​വ​ർ​ത്തി​ക്കു​ന്ന​ത്. 64 വ​യ​സു​ള്ള ഇ​വ​ർ രാ​വി​ലെ എ​ട്ടു മു​ത​ൽ വൈ​കു​ന്നേ​രം വ​രെ ഒ​റ്റ​ക്കാ​ണ് 460 ഓ​ളം കു​ട്ടി​ക​ൾ​ക്ക് ആ​ഹാ​രം ത​യാ​റാ​ക്കു​ന്ന​ത്.

ക​ഴി​ഞ്ഞ​വ​ർ​ഷം വ​രെ സ​ഹാ​യ​ത്തി​നാ​യി ത​ന്‍റെ കൈ​യി​ൽ​നി​ന്ന് പ​ണം കൊ​ടു​ത്ത് ആ​ളെ വ​ച്ചി​രു​ന്നെ​ങ്കി​ലും ഇ​പ്പോ​ൾ അ​തി​ല്ല. ചോ​റും സാ​മ്പാ​റും ഉ​പ്പേ​രി​യു​മാ​ണ് കു​ട്ടി​ക​ൾ​ക്ക് ന​ൽ​കു​ന്ന​ത്.

ഓ​രോ ദി​വ​സ​വും ക​റി​ക​ളും ഉ​പ്പേ​രി​യും മാ​റ്റ​മു​ണ്ടാ​കും. ഇ​വ​ക്കു​ള്ള പ​ച്ച​ക്ക​റി​ക​ൾ അ​രി​യു​ന്ന​തും ചോ​റ് വെ​ക്കു​ന്ന​തും വാ​ർ​ക്കു​ന്ന​തും പാ​ത്ര​ങ്ങ​ൾ ക​ഴു​കു​ന്ന​തു​മെ​ല്ലാം ത​നി​ച്ചാ​ണ്. ഉ​ച്ച​ക്ക് 12.30 ആ​കു​മ്പോ​ഴേ​ക്കും എ​ല്ലാം ത​യാ​റാ​ക്ക​ണം. രാ​വി​ലെ മു​ത​ൽ വൈ​കീ​ട്ട് വ​രെ ക​ഷ്ട​പ്പെ​ട്ടാ​ലും തു​ച്ഛ​മാ​യ വേ​ത​ന​മാ​ണ് ല​ഭി​ക്കു​ന്ന​ത്. സ്കൂ​ൾ അ​വ​ധി ദി​വ​സ​ങ്ങ​ളി​ൽ വേ​ത​ന​മി​ല്ല. വ​ർ​ഷ​ത്തി​ൽ ര​ണ്ട് ത​വ​ണ ആ​രോ​ഗ്യ പ​രി​ശോ​ധ​ന ന​ട​ത്തി മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് ന​ൽ​ക​ണം. ഇ​തി​നും ന​ല്ലൊ​രു തു​ക ചെ​ല​വാ​കും.

എ​ന്നാ​ൽ അ​തി​നു​ള്ള തു​ക​യും കൈ​യി​ൽ​നി​ന്നു ത​ന്നെ എ​ടു​ക്കേ​ണ്ട അ​വ​സ്ഥ​യാ​ണെ​ന്ന് ലീ​ലാ​വ​തി പ​റ​ഞ്ഞു. ചി​ല സ്കൂ​ളു​ക​ളി​ൽ പാ​ച​ക​ത്തി​നു പു​റ​മേ തൊ​ഴി​ലാ​ളി​ക​ളെ കൊ​ണ്ട് സ്കൂ​ൾ ശു​ചീ​ക​ര​ണം ഉ​ൾ​പ്പെ​ടെ​യു​ള്ള മ​റ്റു പ​ണി​ക​ളും ചെ​യ്യി​പ്പി​ക്കാ​റു​ണ്ടെ​ന്ന് പ​റ​യു​ന്നു. ജോ​ലി പോ​കു​മെ​ന്ന പേ​ടി​യി​ൽ തൊ​ഴി​ലാ​ളി​ക​ൾ അ​തും ചെ​യ്യാ​റു​ണ്ട്. നി​ല​വി​ൽ തൊ​ഴി​ലാ​ളി​ക​ൾ​ക്ക് ജൂ​ലൈ മാ​സ​ത്തെ ശ​മ്പ​ളം ഇ​തു​വ​രെ ല​ഭി​ച്ചി​ട്ടി​ല്ല.

500 വി​ദ്യാ​ർ​ഥി​ക​ൾ​ക്ക് ഒ​രു പാ​ച​ക​ത്തൊ​ഴി​ലാ​ളി എ​ന്ന രീ​തി​യി​ലാ​ണ് ഇ​പ്പോ​ൾ പ്ര​വ​ർ​ത്ത​നം. ഇ​ത് 250 വി​ദ്യാ​ർ​ഥി​ക​ൾ​ക്ക് ഒ​രു തൊ​ഴി​ലാ​ളി എ​ന്ന അ​നു​പാ​ത​ത്തി​ൽ ന​ട​ത്ത​ണ​മെ​ന്ന് യു.​ഡി.​എ​ഫ് സ​ർ​ക്കാ​റി​ന്‍റെ കാ​ല​ത്ത് ഉ​ത്ത​ര​വി​റ​ക്കി​യി​രു​ന്നു. എ​ന്നാ​ൽ പി​ന്നീ​ട് എ​ൽ.​ഡി.​എ​ഫ് സ​ർ​ക്കാ​ർ ഈ ​ഉ​ത്ത​ര​വ് മ​ര​വി​പ്പി​ക്കു​ക​യാ​യി​രു​ന്നു. സം​സ്ഥാ​ന​ത്താ​കെ 14,000ത്തോ​ളം അം​ഗീ​കൃ​ത സ്കൂ​ൾ പാ​ച​ക​ത്തൊ​ഴി​ലാ​ളി​ക​ളാ​ണു​ള്ള​ത്.

പ​ബ്ലി​ക് ഹി​യ​റി​ങ്ങി​ലും കേ​ട്ടി​ല്ലെ​ന്ന് പ​രാ​തി

സ്‌​കൂ​ൾ പാ​ച​ക​​​​ത്തൊ​ഴി​ലാ​ളി​ക​ളു​ടെ പ്ര​ശ്ന​ങ്ങ​ളും വി​ഷ​മ​ങ്ങ​ളും മ​ന​സ്സി​ലാ​ക്കാ​നാ​യി ക​മീ​ഷ​ൻ അം​ഗം വി.​ആ​ർ. മ​ഹി​ളാ​മ​ണി​യു​ടെ നേ​തൃ​ത്വ​ത്തി​ൽ വ​നി​താ ക​മീ​ഷ​ൻ ന​ട​ത്തി​യ പ​ബ്ലി​ക് ഹി​യ​റി​ങ്ങി​ൽ ഇ​ട​ത് അ​നു​കൂ​ല സം​ഘ​ട​ന​ക​ളു​ടെ പ്ര​തി​നി​ധി​ക​ളെ മാ​ത്രം കേ​ട്ടെ​ന്ന് ആ​രോ​പ​ണം. എ.​ഇ.​ഒ ഓ​ഫി​സു​ക​ൾ മു​ഖേ​ന തെ​ര​ഞ്ഞെ​ടു​ത്ത സ്കൂ​ളു​ക​ളി​ൽ​നി​ന്നു​ള്ള ഇ​ട​തു സം​ഘ​ട​ന​ക​ളി​ലെ പ്ര​തി​നി​ധി​ക​ളെ മാ​ത്ര​മാ​ണ് സം​സാ​രി​ക്കാ​ൻ അ​നു​വ​ദി​ച്ച​തെ​ന്നും വേ​ത​ന വ​ർ​ധ​ന​വ് ഉ​ൾ​പ്പെ​ടെ​യു​ള്ള ത​ങ്ങ​ളു​ടെ പ്ര​ശ്ന​ങ്ങ​ൾ പ​റ​യാ​ൻ സ​മ്മ​തി​ച്ചി​ല്ലെ​ന്നും സ്കൂ​ൾ പാ​ച​ക​ത്തൊ​ഴി​ലാ​ളി സം​ഘ​ട​ന (എ​ച്ച്.​എം.​എ​സ്) മു​ൻ സം​സ്ഥാ​ന പ്ര​സി​ഡ​ന്‍റ് ഒ. ​ലീ​ലാ​വ​തി പ​റ​ഞ്ഞു. ഇ​തി​ൽ പ്ര​തി​ഷേ​ധി​ച്ച് കു​റ​ച്ച് തൊ​ഴി​ലാ​ളി​ക​ൾ ഹി​യ​റി​ങ്ങി​ൽ​നി​ന്ന് ഇ​റ​ങ്ങി​പ്പോ​യി.

വി​ര​ലി​ലെ​ണ്ണാ​വു​ന്ന പു​രു​ഷ പാ​ച​ക​ത്തൊ​ഴി​ലാ​ളി​ക​ളും യോ​ഗ​ത്തി​ൽ പ​ങ്കെ​ടു​ത്തു. പാ​ല​ക്കാ​ട് ജി.​എം.​എം.​ജി.​എ​ച്ച്.​എ​സ്.​എ​സി​ൽ ന​ട​ത്തി​യ ഹി​യ​റി​ങ്ങി​ൽ വി.​പി. പ്രി​യ അ​ധ്യ​ക്ഷ​ത വ​ഹി​ച്ചു. വ​നി​താ ക​മി​ഷ​ൻ റി​സ​ർ​ച്ച്‌ ഓ​ഫി​സ​ർ എ.​ആ​ർ. അ​ർ​ച്ച​ന, ഉ​മാ​ദേ​വി എ​ന്നി​വ​ർ സം​സാ​രി​ച്ചു.