ഒന്നാം വിളക്ക് ഒരുക്കം തുടങ്ങി ര​ണ്ടാം വി​ള​യു​ടെ നെ​ല്ല് സം​ഭ​രി​ക്കാ​ത്ത​തും

പാ​ല​ക്കാ​ട്: പ്ര​തി​സ​ന്ധി​ക​ൾ​ക്കി​ട​യി​ലും ആ​ത്മ​വി​ശ്വാ​സം കൈ​വി​ടാ​തെ ക​ർ​ഷ​ക​ർ പ്ര​തീ​ക്ഷ​യോ​ടെ ഒ​ന്നാം വി​ള​ക്ക് ഒ​രു​ക്കം തു​ട​ങ്ങി. ജി​ല്ല​യി​ൽ സാ​ധാ​ര​ണ പൊ​ടി​വി​ത ന​ട​ത്തി​യാ​ണ് ഒ​ന്നാം​വി​ള കൃ​ഷി​യി​റ​ക്കു​ന്ന​ത്. വി​ഷു ക​ഴി​ഞ്ഞ ഉ​ട​നെ കാ​ലാ​വ​സ്ഥ അ​നു​കൂ​ല​മാ​യാ​ൽ ക​ർ​ഷ​ക​ർ കൃ​ഷി​പ്പ​ണി​ക​ൾ​ക്ക് തു​ട​ക്കം കു​റി​ക്കു​ന്ന​ത് പ​തി​വാ​ണ്. വി​ത ആ​രം​ഭി​ക്കു​ന്ന​തി​ന് മു​മ്പാ​യി പാ​ട​ശേ​ഖ​ര​ങ്ങ​ളി​ലെ വ​ര​മ്പു​ക​ൾ വൃ​ത്തി​യാ​ക്കി ട്രാ​ക്ട​ർ ഉ​പ​യോ​ഗി​ച്ച് നി​ലം ഉ​ഴു​തു​മ​റി​ച്ച് വി​ത്ത് എ​റി​യു​ന്ന​തി​ന് പാ​ക​മാ​ക്കു​ന്ന പ്ര​വൃ​ത്തി​ക​ളാ​ണ് ഇ​പ്പോ​ൾ ന​ട​ക്കു​ന്ന​ത്.

ജി​ല്ല​യു​ടെ പ​ടി​ഞ്ഞാ​റ​ൻ മേ​ഖ​ല​ക​ളി​ലാ​ണ് ആ​ദ്യം കൃ​ഷി​പ്പ​ണി​ക്ക് ഒ​രു​ക്കം തു​ട​ങ്ങു​ന്ന​ത്. ഉ​മ, ജ്യോ​തി തു​ട​ങ്ങി​യ വി​ത്തു​ക​ളാ​ണ് സാ​ധാ​ര​ണ ഒ​ന്നാം വി​ള​ക്ക് ഉ​പ​യോ​ഗി​ക്കു​ന്ന​ത്. ഇ​തി​ൽ ഉ​മ​ക്ക് 120 ദി​വ​സ​വും ജ്യോ​തി​ക്ക് 90 ദി​വ​സ​വു​മാ​ണ് കാ​ലാ​വ​ധി. ഒ​ന്നാം വി​ള​യി​ൽ കൂ​ടു​ത​ൽ മ​ഴ ല​ഭി​ക്കു​ന്ന​തി​നാ​ൽ ചെ​ടി​ക​ൾ മ​ഴ​യ​ത്ത് വീ​ഴാ​തെ നി​ൽ​ക്കു​ന്ന വി​ത്തു​ക​ളാ​ണ് ക​ർ​ഷ​ക​ർ തെ​ര​ഞ്ഞ​ടു​ക്കു​ന്ന​ത്. കാ​ലാ​വ​സ്ഥ അ​നു​കൂ​ല​മാ​യാ​ൽ ശ​രാ​ശ​രി 26,000 മു​ത​ൽ 30,000 ഹെ​ക്ട​ർ വ​രെ സ്ഥ​ല​ത്ത് ഒ​ന്നാം​വി​ള കൃ​ഷി​യി​റ​ക്കും. അ​തേ​സ​മ​യം, ര​ണ്ടാം വി​ള​യു​ടെ നെ​ല്ല് ഇ​തു​വ​രെ സം​ഭ​രി​ക്കാ​ത്ത​തും സം​ഭ​രി​ച്ച നെ​ല്ലി​ന്‍റെ പ​ണം ല​ഭി​ക്കാ​ത്ത​തും ക​ർ​ഷ​ക​രെ പ്ര​തി​സ​ന്ധി​യി​ലാ​ക്കു​ന്നു​ണ്ട്.