മുതലമട: നണ്ടൻകിഴായയിൽ ദമ്പതികൾ ഉൾപ്പെടെ മൂന്നുപേർക്ക് വെട്ടേറ്റു. നണ്ടൻകിഴായ ചേനപ്പൻ തോട്ടത്തിൽ 'ആയൂർമന്ത്ര' സ്ഥാപന ഉടമയും പ്ലാച്ചിമട സമര ഐക്യദാർഢ്യ സമിതി ജനറൽ കൺവീനറുമായ ആറുമുഖൻ പത്തിച്ചിറ (47), ആയൂർമന്ത്ര സ്ഥാപനത്തിലെ ജീവനക്കാരി നണ്ടൻകിഴായ സ്വദേശി സുധ (42), ഭർത്താവ് രാമനാഥൻ (49) എന്നിവർക്കാണ് വ്യാഴാഴ്ച വൈകീട്ട് ഏഴോടെ വെട്ടേറ്റത്.
രാമനാഥൻ ആറുമുഖന്‍റെ ആയുർവേദ കമ്പനിക്കകത്ത് കയറിയാണ് സുധയെ വെട്ടിയത്. തടയാനെത്തിയ ആറുമുഖൻ പത്തിച്ചിറക്കും തിരിച്ച് രാമനാഥനും വെട്ടേറ്റു. സുധയുമായി ബന്ധപ്പെട്ട വിഷയത്തിൽ നടന്ന വാക്കേറ്റമാണ് ആക്രമണത്തിലെത്തിയതെന്നാണ് പൊലീസ് പറയുന്നത്. കൂടുതൽ വിവരങ്ങൾ അന്വേഷിക്കുന്നതായി കൊല്ലങ്കോട് സി.ഐ വിപിൻദാസ് പറഞ്ഞു. പരിക്കേറ്റവരെ ജില്ല ആശുപത്രിയിലും നെന്മാറ ആശുപത്രിയിലുമായി പ്രവേശിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.