കുഴൽപണവുമായി പിടിയിലായ യുവാക്കൾ
പാലക്കാട്: വാളയാർ എക്സൈസ് ചെക്ക്പോസ്റ്റ് വഴി ബസിൽ കടത്താൻ ശ്രമിച്ച 48.90 ലക്ഷം രൂപയുടെ കുഴൽപണവുമായി രണ്ടുയുവാക്കൾ പിടിയിൽ.
എറണാകുളം നോർത്ത് വില്ലേജ് കല്ലൂർ ദേശത്ത് തുരുത്തിയിൽ വീട്ടിൽ അബ്ദുറഹ്മാൻ (28), മൂവാറ്റുപുഴ ആവോലി ദേശം വട്ടകുന്നിൽ കാമിൽ (25) എന്നിവരാണ് പിടിയിലായത്. ഞായറാഴ്ച വൈകീട്ട് 6.45നാണ് സംഭവം.
വാളയാർ എക്സൈസ് ഇൻസ്പെക്ടർ വി.എസ്. പ്രദീപിന്റെ നേതൃത്വത്തിലുള്ള സംഘമാണ് പരിശോധന നടത്തിയത്. പ്രതികളെയും പണവും വാളയാർ പൊലീസിന് കൈമാറി.
പ്രിവന്റിവ് ഓഫിസർമാരായ പി.എം. ഷാനവാസ്, സി.ജെ. ഫ്രാൻസിസ്, സിവിൽ എക്സൈസ് ഓഫിസർമാരായ ഷൈബു, രതീഷ്, ജോസ് പ്രകാശ് എന്നിവർ പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.