പന്തളത്ത്​ സി.പി.എം അനിശ്ചിതകാല സമരം തുടങ്ങി

പന്തളം: നഗരസഭ കോൺഫറൻസ് ഹാളിൽ അസഭ്യവർഷം നടത്തിയ പന്തളം നഗരസഭ ചെയർപേഴ്സൻ സുശീല സന്തോഷിന്റെ രാജി ആവശ്യപ്പെട്ട്​ സി.പി.എം പന്തളം ഏരിയ കമ്മിറ്റിയുടെ അഭിമുഖ്യത്തിൽ അനിശ്ചിതകാല സമരം ആരംഭിച്ചു. വെള്ളിയാഴ്ച രാവിലെ നഗരസഭ കവാടത്തിലാണ്​ പ്രതിഷേധ സമരം ആരംഭിച്ചത്. രാവിലെ ടൗൺ ചുറ്റി പ്രകടനവുമായി എത്തിയാണ് സമരത്തിന് തുടക്കം കുറിച്ചത്. വരുംദിവസങ്ങളിൽ വിവിധ ലോക്കൽ കമ്മിറ്റികളുടെയും ബഹുജന സംഘടനകളുടെയും പ്രവർത്തകരും സമരത്തിൽ പങ്കാളികളാവുമെന്ന്​ പാർട്ടി നേതൃത്വം അറിയിച്ചു. ശനിയാഴ്ചത്തെ സമരത്തിന് പന്തളം ലോക്കൽ കമ്മിറ്റി നേതൃത്വം നൽകും. വെള്ളിയാഴ്ച മുടിയൂർക്കോണം ലോക്കൽ കമ്മിറ്റി സംഘടിപ്പിച്ച സമരം സി.പി.എം ജില്ല സെക്രട്ടേറിയറ്റംഗം പി.ബി. ഹർഷകുമാർ ഉദ്​ഘാടനം ചെയ്തു. പന്തളം ഏരിയ കമ്മിറ്റിയംഗം ഇ. ഫസൽ അധ്യക്ഷത വഹിച്ചു. പന്തളം ലോക്കൽ സെക്രട്ടറി നവാസ് ഖാൻ, ജില്ല കമ്മിറ്റിയംഗം ലസിത നായർ, ഏരിയ സെക്രട്ടറി ആർ. ജ്യോതികുമാർ, ഏരിയ കമ്മിറ്റി അംഗങ്ങളായ കെ.പി. ചന്ദ്രശേഖരക്കുറുപ്പ്, വി.പി. രാജേശ്വരൻ, എസ്. കൃഷ്ണകുമാർ, രാധ രാമചന്ദ്രൻ, ബി. പ്രദീപ്, അബീഷ് എന്നിവർ സംസാരിച്ചു. photo സി.പി.എം പന്തളം ഏരിയ കമ്മിറ്റിയുടെ ആഭിമുഖ്യത്തിൽ നടത്തിയ പ്രതിഷേധ സമരം പി.ബി. ഹർഷകുമാർ ഉദ്ഘാടനം ചെയ്യുന്നു add on p4 lead