പത്തനംതിട്ട: മുനിസിപ്പൽ സെക്രട്ടറിയുടെ ഡ്യൂട്ടി തടസ്സപ്പെടുത്തിയ കേസിൽ കൗൺസിലർ വി.ആർ ജോൺസണിന് മുൻകൂർ ജാമ്യം. നഗരസഭ സെക്രട്ടറി ഷേർള ബീഗത്തിന്റെ ഔദ്യോഗിക കൃത്യനിർവഹണം തടസ്സപ്പെടുത്തിയെന്ന പരാതിയിൽ പത്തനംതിട്ട പൊലീസ് രജിസ്റ്റർ ചെയ്ത കേസിൽ ആരോപണ വിധേയനായ പത്തനംതിട്ട നഗരസഭ ഏഴാം വാർഡ് കൗൺസിലർ വി.ആർ. ജോൺസണിനാണ് പത്തനംതിട്ട ജില്ല കോടതി മുൻകൂർ ജാമ്യം നൽകിയത്. ജൂലൈ 23നാണ് കേസിന് ആസ്പദമായ സംഭവം. അന്ന് ചേർന്ന നഗരസഭ കൗൺസിൽ യോഗം യു.ഡി.എഫ് കൗൺസിലർമാർ തടസ്സപ്പെടുത്തുകയും നഗരസഭ ഹാളിലെ ഡെസ്ക്കും മൈക്കും കസേരയും ഉൾപ്പെടെ തകർക്കുകയും ചെയ്തിട്ടും അവർക്കെതിരെ കേസ് കൊടുക്കാൻ മുതിരാത്ത ചെയർമാനും സെക്രട്ടറിയുമാണ് വിചിത്രമായ സംഭവങ്ങൾ പറഞ്ഞ് സി.പി.എം കൗൺസിലർ വി.ആർ ജോൺസണിന് എതിരെ ജാമ്യമില്ല വകുപ്പ് ചുമത്തി മൊഴി നൽകിയതെന്ന് അഡ്വ. ബി. അരുൺ ദാസ് കോടതിയിൽ ജോൺസണിന് വേണ്ടി വാദിച്ചു. ജോൺസന്റെ പ്രവൃത്തി കുറ്റകൃത്യം ചെയ്യണമെന്ന് ഉദ്ദേശ്യത്തോടെ അല്ലായിരുന്നെന്നും അതുമൂലം സെക്രട്ടറിയുടെ ഡ്യൂട്ടിക്ക് തടസ്സം നേരിട്ടില്ലെന്നും ജനകീയ പ്രശ്നങ്ങൾ സെക്രട്ടറിയുടെ മുന്നിൽ ഉന്നയിക്കാൻ കൗൺസിലർക്ക് അവകാശം ഉണ്ടെന്നും നിരീക്ഷിച്ച ജില്ല കോടതി ജഡ്ജി (അഡീഷനൽ - 1) ജയകുമാർ ജോൺ.എസ് ഉപാധികളോടെ മുൻകൂർ ജാമ്യം അനുവദിക്കുകയായിരുന്നു. കോടതി നിർദേശത്തെ തുടർന്ന് പത്തനംതിട്ട പൊലീസ് സ്റ്റേഷനിൽ ഹാജരായ വി.ആർ ജോൺസണിനെ ആൾജാമ്യത്തിൽ വിട്ടയച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.