റാന്നി: പുനലൂർ-മൂവാറ്റുപുഴ പാതയിൽ റാന്നി ഭാഗത്ത് ഒരിടവേളക്കുശേഷം അപകട പരമ്പര. കഴിഞ്ഞ ദിവസം മാമുക്ക്, കുത്തുകല്ലുങ്കൽപടി എന്നിവിടങ്ങളിൽ ബൈക്കുകളും സ്കൂട്ടറുകളും കൂട്ടിയിടിച്ച് നാലുപേർക്കു പരിക്കേറ്റു. കുത്തുകല്ലുങ്കൽപടിയിലുണ്ടായ അപകടത്തിൽ പുതുശേരിമല ബിന്ദുഭവൻ ശശിധരൻ നായർ (68), ഭാര്യ വത്സലകുമാരി (56), ഇടക്കുളം ഇഞ്ചിപ്പാക്കൽ സനീഷ് (18) എന്നിവർക്കാണ് പരിക്കേറ്റത്. കുത്തുകല്ലുങ്കൽപടിക്ക് സമീപം വെള്ളിയാഴ്ച രാവിലെ 10.30നാണ് സംഭവം. ശശിധരൻ നായരും ഭാര്യയും ബ്ലോക്കുപടി ഭാഗത്തുനിന്ന് സ്കൂട്ടറിൽ വൈക്കം പെട്രോൾ പമ്പ് റോഡിലേക്കു കയറാനൊരുങ്ങുമ്പോൾ മന്ദിരം ഭാഗത്തു നിന്നെത്തിയ സനീഷ് ഓടിച്ച ബൈക്കിടിക്കുകയായിരുന്നു. ശശിധരൻ നായരുടെ കാലിനു പരിക്കേറ്റു. സ്കൂട്ടർ തകർന്നു.മാമുക്ക് ഇൻഡസ് ഷോറൂമിനു മുന്നിലും അപകടമുണ്ടായി. മാമുക്ക് ഭാഗത്തുനിന്നെത്തിയ സ്കൂട്ടർ യാത്രക്കാരൻ തേക്കാട്ടിൽപടി റോഡിലേക്കു തിരിയാൻ ശ്രമിക്കുന്നതിനിടെ പിന്നാലെയെത്തിയ ബൈക്കിടിക്കുകയായിരുന്നു. സ്കൂട്ടർ യാത്രക്കാരന് പരിക്കേറ്റു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.