റാന്നി പുതിയ പാലം: നിർമാണ തടസ്സങ്ങളൊഴിയുന്നു

റാ​ന്നി: റാ​ന്നി പു​തി​യ പാ​ല​ത്തി​ന്റെ നി​ർ​മാ​ണ ത​ട​സ്സ​ങ്ങ​ളൊ​ഴി​യു​ന്നു. അ​പ്രോ​ച്ച് റോ​ഡി​നാ​യി ഏ​റ്റെ​ടു​ക്കേ​ണ്ട നി​ലം റോ​ഡ് നി​ർ​മാ​ണ​ത്തി​ന്​ പ​രി​വ​ർ​ത്ത​നം ചെ​യ്യാ​നു​ള്ള അ​നു​മ​തി ഉ​ത്ത​ര​വ് ല​ഭി​ച്ചു.

പു​ന​ലൂ​ർ-​മൂ​വാ​റ്റു​പു​ഴ സം​സ്ഥാ​ന​പാ​ത​യി​ലെ റാ​ന്നി വ​ലി​യ പാ​ല​ത്തി​ന് സ​മാ​ന്ത​ര​മാ​യി പു​തി​യ പാ​ല​ത്തി​ന്‍റെ നി​ർ​മാ​ണം നേ​ര​ത്തേ ആ​രം​ഭി​ച്ചി​രു​ന്നെ​ങ്കി​ലും സ്ഥ​ല​മേ​റ്റെ​ടു​ക്ക​ൽ ന​ട​പ​ടി​ക​ൾ വൈ​കി​യ​തോ​ടെ ഇ​ട​ക്ക്​ മു​ട​ങ്ങി. 26 കോ​ടി രൂ​പ മു​ട​ക്കി നി​ർ​മി​ക്കു​ന്ന പാ​ല​ത്തി​ന്‍റെ നി​ർ​മാ​ണ​ച്ചു​മ​ത​ല കെ.​ആ​ർ.​എ​ഫ്.​ബി​ക്കാ​ണ്.

അ​പ്രോ​ച്ച് റോ​ഡി​നാ​യി ഏ​റ്റെ​ടു​ക്കേ​ണ്ട ഭൂ​മി​യു​ടെ ഡേ​റ്റ​ബാ​ങ്ക് ഉ​ൾ​പ്പെ​ട്ട റാ​ന്നി വി​ല്ലേ​ജി​ലെ വി​വി​ധ സ​ർ​വേ ന​മ്പ​റു​ക​ളി​ൽ​പെ​ട്ട 22.11 ആ​ർ സ്ഥ​ലം നി​ല​മാ​ണ്. കെ.​ആ​ർ.​എ​ഫ്.​ബി എ​ക്സി. എ​ൻ​ജി​നീ​യ​റു​ടെ പ​രാ​മ​ർ​ശ പ്ര​കാ​രം 2008ലെ ​കേ​ര​ള നെ​ൽ​വ​യ​ൽ ത​ണ്ണീ​ർ​ത്ത​ട സം​ര​ക്ഷ​ണ നി​യ​മ​ത്തി​ലെ വ​കു​പ്പ് 8 പ്ര​കാ​രം രൂ​പ​വ​ത്​​ക​രി​ച്ച സം​സ്ഥാ​ന​ത​ല സ​മി​തി ഒ​ക്ടോ​ബ​റി​ൽ കൂ​ടി​യ യോ​ഗ​ത്തി​ൽ പ​രി​ശോ​ധി​ച്ച് സ​ർ​ക്കാ​റി​ലേ​ക്ക് റി​പ്പോ​ർ​ട്ട് സ​മ​ർ​പ്പി​ച്ച​തി​നെ തു​ട​ർ​ന്നാ​ണ് ത​രം​മാ​റ്റ​ലി​ന് അ​നു​മ​തി ന​ൽ​കി​യ​ത്. ത​ണ്ണീ​ർ​ത്ത​ട സം​ര​ക്ഷ​ണ നി​യ​മം വ​കു​പ്പ് പ്ര​കാ​രം ഭൂ​മി​യു​ടെ പ​ത്തു ശ​ത​മാ​നം ജ​ല സം​ര​ക്ഷ​ണ​ത്തി​ന്​ ഓ​ട, ക​ലു​ങ്ക് തു​ട​ങ്ങി​യ​വ നി​ർ​മി​ക്കാ​ൻ മാ​റ്റി​വെ​ക്ക​ണ​മെ​ന്ന വ്യ​വ​സ്ഥ​യി​ലാ​ണ് ഭൂ​മി പ​രി​വ​ർ​ത്ത​ന​ത്തി​നു​ള്ള അ​നു​മ​തി ന​ൽ​കി​യി​രി​ക്കു​ന്ന​ത്.

റോ​ഡ് നി​ർ​മാ​ണം പൊ​തു​ആ​വ​ശ്യ​മാ​ണെ​ന്ന് ക​ണ്ട​തി​നെ തു​ട​ർ​ന്നാ​ണ് ഭൂ​മി ത​രം​തി​രി​വി​നു​ള്ള അ​നു​മ​തി ല​ഭി​ച്ച​ത്. ഇ​നി ഏ​റ്റെ​ടു​ക്കു​ന്ന വ​സ്തു​ക്ക​ളു​ടെ വി​ല നി​ശ്ച​യി​ക്കു​ന്ന മു​റ​ക്ക്​ പ​ണം കെ​ട്ടി​വെ​ച്ച് ഭൂ​മി ഏ​റ്റെ​ടു​ക്കാ​നാ​കും. പാ​ല​ത്തി​ന്‍റെ പു​തു​ക്കി​യ എ​സ്റ്റി​മേ​റ്റി​ന് അ​നു​മ​തി ല​ഭി​ക്കു​ന്ന​തോ​ടെ നി​ർ​മാ​ണം ടെ​ൻ​ഡ​ർ ചെ​യ്യാ​നാ​കും.