പാലത്തിന്‍റെ കൈവരി തകർന്നിട്ട്​ വർഷങ്ങൾ; എത്ര നാൾ സഹിക്കണം?...

റാ​ന്നി: ശ​ബ​രി​മ​ല റോ​ഡി​ലെ പാ​ല​ത്തി​ന്‍റെ കൈ​വ​രി ത​ക​ർ​ന്നി​ട്ട്​ വ​ർ​ഷ​ങ്ങ​ളാ​യി​ട്ടും പ​രി​ഹാ​ര​മി​ല്ലെ​ന്ന് ആ​ക്ഷേ​പം. പ്ലാ​ച്ചേ​രി- എ​രു​മേ​ലി റോ​ഡി​ലെ പ്ലാ​ച്ചേ​രി ഫോ​റ​സ്റ്റ് സ്റ്റേ​ഷ​ന് ​​സ​മീ​പ​ത്തെ പാ​ല​ത്തി​ന്‍റെ കൈ​വ​രി​യാ​ണ്​ ത​ക​ര്‍ന്ന നി​ല​യി​ലു​ള്ള​ത്.

ഇ​വി​ടെ നി​ര​വ​ധി അ​പ​ക​ട​ങ്ങ​ൾ ഉ​ണ്ടാ​യി​ട്ടും ത​ൽ​സ്ഥി​തി തു​ട​രു​ക​യാ​ണ് ഇ​പ്പോ​ഴും. പു​ന​ലൂ​ര്‍-​മൂ​വാ​റ്റു​പു​ഴ സം​സ്ഥാ​ന പാ​ത​യോ​ട്​ ചേ​ര്‍ന്ന് എ​രു​മേ​ലി റോ​ഡി​ന്‍റെ ആ​രം​ഭ​ത്തി​ലാ​ണ് വീ​തി കു​റ​ഞ്ഞ ഈ ​പാ​ലം സ്ഥി​തി ചെ​യ്യു​ന്ന​ത്. ഉ​ന്ന​ത നി​ല​വാ​ര​ത്തി​ല്‍ നി​ർ​മി​ച്ച പ്ലാ​ച്ചേ​രി-​എ​രു​മേ​ലി റോ​ഡി​ലെ പാ​ലം കോ​ട്ട​യം- പ​ത്ത​നം​തി​ട്ട ജി​ല്ല അ​തി​ര്‍ത്തി​യി​ലാ​ണ്.ശ​ബ​രി​മ​ല സീ​സ​ൺ ആ​രം​ഭി​ക്കും മു​മ്പ്​ ന​ട​ക്കു​ന്ന അ​റ്റ​കു​റ്റ​പ്പ​ണി​യി​ൽ ഈ ​പാ​ല​ത്തി​ന്‍റെ കൈ​വ​രി ഉ​യ​ര​ത്തി​ൽ കെ​ട്ടി സു​ര​ക്ഷ ഒ​രു​ക്ക​ണ​മെ​ന്ന ആ​വ​ശ്യ​മു​യ​ര്‍ന്നി​ട്ടും അ​വ​ഗ​ണി​ക്കു​ന്ന​താ​യാ​ണ് പ​രാ​തി.

ക​ഴി​ഞ്ഞ ശ​ബ​രി​മ​ല സീ​സ​ൺ സ​മ​യ​ത്ത്​ തീ​ർ​ഥാ​ട​ക​രു​ടെ വാ​ഹ​നം നി​യ​ന്ത്ര​ണം ന​ഷ്ട​മാ​യി പാ​ല​ത്തി​ല്‍ ഇ​ടി​ച്ചി​രു​ന്നു. അ​ന്ന് കൈ​വ​രി​യു​ള്ള​ത് കൊ​ണ്ട് വാ​ഹ​നം തോ​ട്ടി​ലേ​ക്ക് മ​റി​യാ​തെ ര​ക്ഷ​പ്പെ​ട്ടി​രു​ന്നു. ക​ഴി​ഞ്ഞ സീ​സ​ൺ സ​മ​യ​ത്ത്​ പാ​ല​ത്തി​ന്‍റെ ഇ​രു​വ​ശ​ത്തും മ​ര​ക്ക​മ്പു​ക​ള്‍ കു​ഴി​ച്ചി​ട്ട്​ ക​യ​ർ വ​ലി​ച്ചു​കെ​ട്ടി​യാ​ണ് മു​ന്ന​റി​യി​പ്പ് ന​ൽ​കി​യി​രു​ന്ന​ത്.

ശ​ബ​രി​മ​ല സീ​സ​ൺ ആ​രം​ഭി​ക്കു​മ്പോ​ൾ വ​ലി​യ തി​ര​ക്കു​ള്ള റോ​ഡാ​ണി​ത്. എ​രു​മേ​ലി​ക്ക് പോ​കു​ന്ന വാ​ഹ​ന​ങ്ങ​ളും സം​സ്ഥാ​ന​പാ​ത വ​ഴി വ​രു​ന്ന വാ​ഹ​ന​ങ്ങ​ളും ഈ ​വ​ഴി​യാ​ണ് വ​രി​ക. ര​ണ്ടു​വ​ലി​യ വാ​ഹ​ന​ങ്ങ​ള്‍ വ​ന്നാ​ൽ തി​രി​ഞ്ഞു പോ​കാ​ൻ ബു​ദ്ധി​മു​ട്ടാ​ണ്. കൈ​വ​രി കൂ​ടെ​യി​ല്ലെ​ങ്കി​ൽ ഏ​ത് സ​മ​യ​ത്തും അ​പ​ക​ടം ഉ​ണ്ടാ​കു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ര്‍.