കാട്ടുപന്നി ബുള്ളറ്റിലിടിച്ചു; രണ്ട് പേർക്ക്​ പരിക്ക്​

കാട്ടുപന്നി ബുള്ളറ്റിലിടിച്ചു; രണ്ടുപേർക്ക്​ പരിക്ക്​ മറ്റത്തൂര്‍: കൊടകര-വെള്ളിക്കുളങ്ങര റോഡിലെ ചുങ്കാലില്‍ കാട്ടുപന്നി ബുള്ളറ്റിലിടിച്ച്​ രണ്ടുപേര്‍ക്ക് പരിക്കേറ്റു. ചൊവ്വാഴ്ച വൈകീട്ട്​ ഏഴോടെ ചുങ്കാല്‍ പോള്‍സന്‍പടിക്കും ഇത്തുപാടത്തിനും ഇടയിലാണ് അപകടം. പരിക്കേറ്റവര്‍ കൊടകരയിലെ സ്വകാര്യ ആശുപത്രിയില്‍ ചികിത്സ തേടി. കാട്ടുപന്നിക്കൂട്ടം റോഡ് മുറിച്ചു കടക്കുന്നത് കണ്ട് ഇവർ വാഹനം നിർത്തിയ ശേഷം മുന്നോട്ടെടുത്തപ്പോൾ മറ്റൊരു പന്നി പാഞ്ഞെത്തി ബുള്ളറ്റിൽ ഇടിക്കുകയായിരുന്നു. റോഡില്‍ വീണ യാത്രക്കാരെ പരിസരവാസികള്‍ എത്തിയാണ് ആശുപത്രിയിലെത്തിച്ചത്. കൊടകര-വെള്ളിക്കുളങ്ങര റോഡില്‍ മറ്റത്തൂര്‍ മുതല്‍ ചുങ്കാല്‍ വരെ ഭാഗത്ത് കാട്ടുപന്നികള്‍ ഇരുചക്രവാഹനയാത്രക്കാര്‍ക്ക് ഭീഷണിയായിട്ടുണ്ട്.