ബിനീഷ്
കാട്ടൂർ: നിരവധി ക്രിമിനൽ കേസുകളിൽ പ്രതിയും കാട്ടൂർ സ്റ്റേഷനിൽ റൗഡി ലിസ്റ്റിൽ ഉള്ളയാളുമായ കരാഞ്ചിറ സ്വദേശി ഇയ്യത്തുപറമ്പിൽ രജനിയെ (ബിനീഷ് -37) ഇരിങ്ങാലക്കുട ഡിവൈ.എസ്.പി ബാബു കെ. തോമസ്, ഇൻസ്പെക്ടർ ടി.വി. ഷിബു എന്നിവർ ചേർന്ന് അറസ്റ്റ് ചെയ്തു.
ഗുണ്ട കായ്ക്കുരു രാജേഷിന്റെ സംഘാംഗമായിരുന്ന ഇയാൾ നിരവധി തവണ ജയിൽവാസം അനുഭവിച്ചിട്ടുണ്ട്. കഴിഞ്ഞദിവസം രാത്രിയോടെ കരാഞ്ചിറ പാലത്തിനടിയിൽനിന്നാണ് പ്രതിയെ പിടികൂടിയത്. ഇയാൾക്കെതിരെ കോടതി വാറണ്ട് പുറപ്പെടുവിച്ചിട്ടുണ്ടായിരുന്നു. അന്തിക്കാട്, കാട്ടൂർ, ചേർപ്പ് ചാവക്കാട്, ഒല്ലൂർ സ്റ്റേഷനുകളിൽ കേസുകളുണ്ട്.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എസ്.ഐ ജെ. ജെയ്സൻ, സീനിയർ സി.പി.ഒ ഇ.എസ്. ജീവൻ, സോണി സേവ്യർ, സി.പി.ഒ കെ.എസ്. ഉമേഷ്, വി.എസ്. അനൂപ്, ടി.എൻ. ബിനീഷ് എന്നിവർ പ്രതിയെ പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.