രാ​പ​ക​ൽ മ​ണ്ണെ​ടു​പ്പ്; കോ​ട്ടോ​ൽ​കു​ന്ന് അ​പ്ര​ത്യ​ക്ഷ​മാ​കു​ന്നു

പെ​രു​മ്പി​ലാ​വ്: ദേ​ശീ​യ​പാ​ത നി​ർ​മാ​ണ​ത്തി​ന്‍റെ മ​റ​വി​ൽ കോ​ട്ടോ​ൽ കു​ന്നി​ടി​ച്ച് മ​ണ്ണെ​ടു​ക്ക​ൽ ത​കൃ​തി​. ക​ട​വ​ല്ലൂ​ർ പ​ഞ്ചാ​യ​ത്ത് പ്ര​ദേ​ശ​മാ​യ കോ​ട്ടോ​ല്‍ കു​ന്നി​ലാ​ണ് ദേ​ശി​യ​പാ​ത നി​ര്‍മാ​ണ​ത്തി​നാ​യി ര​ണ്ടി​ട​ത്തു​നി​ന്ന് മ​ണ്ണെ​ടു​ക്കു​ന്ന​ത്. ഇ​തോ​ടെ സ​മീ​പം പ​ഴ​ക്കം ചെ​ന്ന വീ​ടു​ക​ളി​ല്‍ ക​ഴി​യു​ന്ന പ​ട്ടി​ക​ജാ​തി കു​ടും​ബ​ങ്ങ​ളു​ൾ​പ്പ​ടെ​യു​ള്ള​വ​രാ ഭീ​ഷ​ണി​യി​ൽ ക​ഴി​യു​ന്ന​ത്. രാ​പ​ക​ൽ ഭേ​ദ​മ​ന്യെ​യാ​ണ് നൂ​റു​ക​ണ​ക്കി​ന് ലോ​ഡ് മ​ണ്ണ് ക​ട​ത്തു​ന്ന​ത്.

ഉ​രു​ള​ന്‍ ക​ല്ലു​ക​ള്‍ നി​റ​ഞ്ഞ പ്ര​കൃ​തി​യാ​ണ് കു​ന്നി​ന്റേ​ത്. വ​ലി​യ മ​ണ്ണ് മാ​ന്തി യ​ന്ത്ര​ങ്ങ​ള്‍ ഉ​പ​യോ​ഗി​ച്ചു​ള്ള മ​ണ്ണെ​ടു​പ്പ് വീ​ടു​ക​ള്‍ക്ക് കോ​ട്ടം വ​രു​ത്തു​ന്ന​താ​യി നാ​ട്ടു​കാ​ർ​ക്ക് പ​രാ​തി​യു​ണ്ട്. പ​ക​ലും രാ​ത്രി​യു​മു​ള്ള മ​ണ്ണെ​ടു​പ്പ് മൂ​ലം വ​ലി​യ ശ​ബ്ദ​വും അ​നു​ഭ​വ​പ്പെ​ടു​ന്നു. വീ​ടു​ക​ള്‍ക്ക് കു​ലു​ക്കം സൃ​ഷ്ടി​ക്കു​ന്ന​താ​യും പ​റ​യു​ന്നു.

അ​പ​ക​ട ഭീ​ഷ​ണി​ക്കൊ​പ്പം ലോ​റി​ക​ള്‍ പോ​കു​ന്ന​തി​ന്റെ ശ​ബ്ദ​വും പൊ​ടി​ശ​ല്യ​വും ഏ​റെ​യാ​ണ്. ഇ​വി​ടെ​യു​ള്ള 14 വീ​ടു​ക​ളി​ൽ ഒ​മ്പ​ത് വീ​ടു​ക​ളി​ല്‍ താ​മ​സ​ക്കാ​രു​മു​ണ്ട്. കു​ന്ന് സം​ര​ക്ഷ​ണ സ​മി​തി ക​ള​ക്ട​ര്‍ക്കും ജി​യോ​ള​ജി, താ​ലൂ​ക്ക്, പ​ഞ്ചാ​യ​ത്ത് വ​കു​പ്പു​ക​ള്‍ക്ക് പ​രാ​തി ന​ല്‍കി​യി​രു​ന്നെ​ങ്കി​ലും കു​ടും​ബ​ങ്ങ​ളു​ടെ അ​പ​ക​ട ഭീ​ഷ​ണി പ​രി​ശോ​ധി​ക്കു​വാ​നോ മ​ണ്ണെ​ടു​പ്പ് നി​ര്‍ത്തി​വെ​ക്കു​ന്ന​തി​നോ ന​ട​പ​ടി​ക​ള്‍ സ്വീ​ക​രി​ച്ചി​ല്ലെ​ന്നും ആ​ക്ഷേ​പ​മു​ണ്ട്.

മാ​ത്ര​മ​ല്ല, നി​ര​വ​ധി ട്ടോ​റ​സ് ലോ​റി​ക​ൾ ക​ട​ന്നു​പോ​യി ഈ ​മേ​ഖ​ല​യി​ലെ റോ​ഡു​ക​ളും ത​ക​ർ​ന്നി​രി​ക്കു​ക​യാ​ണ്. ഇ​തി​നി​ടെ പ​ഞ്ചാ​യ​ത്ത് അ​ധി​കൃ​ത​ർ മ​ണ്ണെ​ടു​പ്പ് നി​ർ​ത്തി​വെ​പ്പി​ച്ചി​രു​ന്നെ​ങ്കി​ലും ര​ണ്ടു ദി​വ​സ​ത്തി​ന് ശേ​ഷം അ​ത് പു​ന​രാ​രം​ഭി​ച്ചി​രു​ന്നു. ജി​യോ​ള​ജി വ​കു​പ്പി​നെ ഉ​ത്ത​ര​വോ​ടെ​യാ​ണ് മ​ണ്ണെ​ടു​പ്പ് തു​ട​രു​ന്ന​തെ​ങ്കി​ലും പ്ര​തി​ക​രി​ക്കാ​ൻ രാ​ഷ്ട്രീ​യ ക​ക്ഷി​ക​ൾ ആ​രും മു​ന്നോ​ട്ട് വ​രാ​ത്ത​തി​ൽ സ​മി​പ വാ​സി​ക​ളി​ൽ അ​മ​ർ​ഷ​മു​ണ്ട്.

ഇ​തി​നി​ട​യി​ൽ ട്ടോ​റ​സ് ലോ​റി​ക​ളി​ൽ അ​മി​ത ഭാ​രം ക​യ​റ്റി പോ​കു​ന്നു​വെ​ന്ന് ചൂ​ണ്ടി കാ​ട്ടി കോ​ൺ​ഗ്ര​സി​ന്‍റെ നേ​തൃ​ത്വ​ത്തി​ൽ മൂ​ന്ന് വാ​ഹ​ന​ങ്ങ​ൾ വെ​ള്ളി​യാ​ഴ്ച ത​ട​ഞ്ഞു.