പു​തി​യകാ​വി​ൽ വ്യാ​പാ​ര സ്ഥാ​പ​നം കു​ത്തി​ത്തു​റ​ന്ന് ല​ക്ഷ​ങ്ങ​ളു​ടെ മ​ല​ഞ്ച​ര​ക്ക് ക​വ​ർ​ന്നു

മ​തി​ല​കം: പു​തി​യ​കാ​വി​ൽ വ്യാ​പാ​ര സ്ഥാ​പ​നം കു​ത്തി​ത്തു​റ​ന്ന് ല​ക്ഷ​ങ്ങ​ളു​ടെ മ​ല​ഞ്ച​ര​ക്ക് ക​വ​ർ​ന്നു. ശ്രീ​നാ​രാ​യ​ണ​പു​രം പ​ത്താ​യാ​ക്കാ​ട് സ്വ​ദേ​ശി പാ​മ്പി​നെ​ഴു​ത്ത് റ​ഷീ​ദി​ന്റെ ഉ​ട​മ​സ്ഥ​ത​യി​ലു​ള്ള മ​ല​ഞ്ച​ര​ക്ക് ക​ട​യി​ലാ​ണ് ക​വ​ർ​ച്ച ന​ട​ന്ന​ത്. ആ​റ് ല​ക്ഷ​ത്തി​ലേ​റെ രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു. പു​തി​യ കാ​വ് സെ​ന്റ​റി​ന് പ​ടി​ഞ്ഞാ​റ് ഭാ​ഗ​ത്ത് കൂ​ളി​മു​ട്ടം റോ​ഡി​ന് സ​മീ​പം പ്ര​വ​ർ​ത്തി​ക്കു​ന്ന ക​ട​യി​ലാ​ണ് മോ​ഷ്ടാ​ക്ക​ൾ ക​യ​റി​യ​ത്. ഫ്ലാ​റ്റ് കെ​ട്ടി​ട​ത്തി​ന്റെ താ​ഴ​ത്തെ നി​ല​യി​ലു​ള്ള ക​ട​യു​ടെ ഷ​ട്ട​റി​ന്റെ പൂ​ട്ട് പൊ​ളി​ച്ചാ​ണ് മോ​ഷ​ണം ന​ട​ത്തി​യി​രി​ക്കു​ന്ന​ത്. ക​ട​യി​ൽ മു​പ്പ​ത് ചാ​ക്കു​ക​ളി​ലാ​യി സൂ​ക്ഷി​ച്ചി​രു​ന്ന 1500 കി​ലോ അ​ട​യ്ക്ക, 150 കി​ലോ ജാ​തി​ക്ക, 20 കി​ലോ ജാ​തി​പ​ത്രി, 50 കി​ലോ ജാ​തി പൂ​വ് എ​ന്നി​വ​യാ​ണ് ന​ഷ്ട​പ്പെ​ട്ട​ത്. വാ​ഹ​ന​ത്തി​ലാ​ണ് മ​ല​ഞ്ച​ര​ക്ക് ചാ​ക്കു​ക​ൾ ക​ട​ത്തി​യി​രി​ക്കു​ന്ന​ത്. അ​ട​ക്ക​യും ചാ​ക്കും മ​റ്റും ക​ട​ക്ക​ക​ത്തും പു​റ​ത്തും ചി​ത​റി​യ നി​ല​യി​ലാ​ണ്.

വ്യാ​ഴാ​ഴ്ച രാ​വി​ലെ നാ​ട്ടു​കാ​രാ​ണ് മോ​ഷ​ണം ന​ട​ന്ന​ത​റി​ഞ്ഞ് ഉ​ട​മ​യെ വി​വ​ര​മ​റി​യി​ച്ച​ത്. മ​തി​ല​കം പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു. തീ​ര​ദേ​ശ മേ​ഖ​ല​യി​ൽ മു​മ്പും മ​ല​ഞ്ച​ര​ക്ക് സാ​ധ​ന​ങ്ങ​ളു​ടെ മോ​ഷ​ണം ഉ​ണ്ടാ​യി​ട്ടു​ണ്ട്.