ഈ​ച്ച​പട്ടണം: സമരത്തിനൊരുങ്ങി കുരിയച്ചിറ ആക്ഷൻ കൗൺസിൽ

തൃ​ശൂ​ർ: ഈ​ച്ച​ക​ളെ ​കൊ​ണ്ട് പൊ​റു​തി​മു​ട്ടിയ കുരിയിച്ചിറ നിവാസികൾ സമരത്തിന്. ആ​ക്ഷ​ൻ കൗ​ൺ​സി​ൽ ഫോ​ർ ക്ലീ​ൻ കൂ​രി​യ​ച്ചി​റ​യു​ടെ നേ​തൃ​ത്വ​ത്തി​ലാ​ണ് സ​മ​രം. കു​രി​യ​ച്ചി​റ അ​റ​വു​ശാ​ല​ക്കു സ​മീ​പം തൃ​ശൂ​ർ കോ​ർ​പ​റേ​ഷ​ൻ സ്ഥാ​പി​ച്ച ഒ.​ഡ​ബ്ല്യു.​എ​സ് പ്ലാ​ന്റ് ഗു​രു​ത​ര ആ​രോ​ഗ്യ പ്ര​ശ്ന​ങ്ങ​ൾ സൃ​ഷ്ടി​ക്കു​ന്നു​ണ്ടെ​ന്ന് ആ​ക്ഷ​ൻ ക​മ്മി​റ്റി ആ​രോ​പി​ച്ചു.

ദു​ർ​ഗ​ന്ധ​വും ഈ​ച്ച, കൊ​തു​ക്, കീ​ട​ങ്ങ​ൾ പെ​രു​കു​ന്ന​തും സ്ഥി​തി കൂ​ടു​ത​ൽ വ​ഷ​ളാ​ക്കു​ന്നു​ണ്ട്. പ്ലാ​ന്റ് അ​ട​ച്ചു​പൂ​ട്ട​ണ​മെ​ന്നാ​വ​ശ്യ​പ്പെ​ട്ട് കു​രി​യ​ച്ചി​റ സെ​ന്റ​റി​ൽ ബു​ധ​നാ​ഴ്‌​ച വൈ​കീ​ട്ട് അ​ഞ്ച് മ​ണി​മു​ത​ൽ ആ​റുവ​രെ നാ​ട്ടു​കാ​ർ മ​നു​ഷ്യച്ചങ്ങ​ല തീ​ർ​ക്കും.

ഈ​ച്ച ശ​ല്യം വ​ർ​ധി​ച്ച​തി​നെ തു​ട​ർ​ന്നാ​ണ് ആ​ക്ഷ​ൻ കൗ​ൺ​സി​ൽ രൂ​പ​വ​ത്ക​രി​ച്ച​തെ​ന്നും അ​ഞ്ച് കൗ​ൺ​സി​ല​ർ​മാ​രും പു​രോ​ഹി​ത​രും ജ​ന​ങ്ങ​ളും ഒ​പ്പി​ട്ട ഭീ​മ​ഹ​ര​ജി മേ​യ​ർ​ക്കും ​പ്ര​തി​പ​ക്ഷ നേ​താ​വി​നും ജീ​വ​ന​ക്കാ​ർ​ക്കും ന​ൽ​കി​യി​ട്ടും ഫ​ല​മു​ണ്ടാ​യി​ല്ലെ​ന്ന് ഇ​വ​ർ കു​റ്റ​പ്പെ​ടു​ത്തു​ന്നു. ജി​ല്ല ക​ല​ക്ട​ർ, മലിനീകരണ നിയന്ത്രണ ബോ​ർ​ഡ് എ​ന്നി​വക്കും ആ​ക്ഷ​ൻ കൗ​ൺ​സി​ൽ പ​രാ​തി ന​ൽ​കി​യെ​ങ്കി​ലും ന​ട​പ​ടി​യാ​യി​ല്ല.

ഇ​തി​നി​ടെ മേ​യ​റു​ടെ അ​ധ്യ​ക്ഷ​ത​യി​ൽ മോ​ണി​റ്റ​റി​ങ് സ​മി​തി രൂ​പ​വ​ത്ക​രി​ച്ചെ​ങ്കി​ലും മീ​റ്റി​ങ്ങി​ൽ എ​ടു​ത്ത തീ​രു​മാ​ന​ങ്ങ​ൾ ന​ട​പ്പാ​ക്കാ​ൻ മേ​യ​റോ ഭ​ര​ണ​സ​മി​തി​യോ യാ​തൊ​രു ന​ട​പ​ടി​യും സ്വീ​ക​രി​ച്ചി​​ല്ല.

ക​ഴി​ഞ്ഞ 11 മാ​സ​മാ​യി മോ​ണി​റ്റ​റി​ങ് സ​മി​തി കൂ​ടാ​ൻ മേ​യ​ർ ത​യാ​റാ​യി​ട്ടി​ല്ല. ഈ ​കാ​ര്യ​ത്തി​നാ​യി ആ​ക്ഷ​ൻ കൗ​ൺ​സി​ൽ അം​ഗ​ങ്ങ​ളും സ്ഥ​ലം കൗ​ൺ​സി​ല​ർ​മാ​രും നി​ര​വ​ധി ത​വ​ണ കോ​ർ​പ​റേ​ഷ​ൻ അ​ധി​കാ​രി​ക​ളെ സ​മീ​പി​ച്ചെ​ങ്കി​ലും നി​ഷേ​ധാ​ത്മ​ക​വും നി​രു​ത്ത​ര​വാ​ദ​പ​ര​വു​മാ​യ നി​ല​പാ​ടാ​ണ് മേ​യ​റും ഭ​ര​ണ​സ​മി​തി​യും സ്വീ​ക​രി​ച്ചി​ട്ടു​ള്ള​തെ​ന്നും ആ​ക്ഷ​ൻ കൗ​ൺ​സി​ൽ ഭാ​ര​വാ​ഹി​ക​ൾ പ​റ​യു​ന്നു.

ഒ​ന്ന​ര​മാ​സ​മാ​യി കോ​ർ​പ​റേ​ഷ​നി​ലെ മു​ഴു​വ​ൻ മാ​ലി​ന്യ​വും കൊ​ണ്ടു​വ​ന്ന് കൂ​ട്ടി​യി​ട്ട് ശ​രി​യാ​യ വി​ധം സം​സ്ക​രി​ക്കാ​തെ ദു​ർ​ഗ​ന്ധ​വും ഈ​ച്ച​യും കൊ​തു​ക്, കീ​ട​ങ്ങ​ൾ എ​ന്നി​വ പെ​രു​കി സ​മീ​പ​വാ​സി​ക​ൾ വീ​ടു​ക​ളി​ൽ താ​മ​സി​ക്കാ​ൻ സാ​ധി​ക്കാ​തെ വീ​ട് മാ​റി പോ​കു​ന്ന സാ​ഹ​ച​ര്യം ഉ​ണ്ടാ​യി​ട്ടു​ള്ള​താ​ണ്. വീ​ടു​ക​ളി​ൽ ഭ​ക്ഷ​ണം പാ​കം ചെ​യ്യു​ന്ന​തി​നോ മ​റ്റും സാ​ധി​ക്കാ​തെ നി​റ​യെ ഈ​ച്ച​ക​ൾ പെ​രു​കി ജീ​വി​ക്കാ​ൻ സാ​ധി​ക്കാ​ത്ത അ​വ​സ്ഥ​യി​ലാ​യി​.

പ്ലാ​ന്റ് ശ​രി​യാ​യി സം​ര​ക്ഷി​ച്ച് കൊ​ണ്ടു​പോ​കാ​ൻ കോ​ർ​പ​റേ​ഷ​ന് സാ​ധി​ക്കു​ന്നി​ല്ല എ​ന്ന് ഉ​റ​പ്പാ​യ സാ​ഹ​ച​ര്യ​ത്തി​ൽ അ​ത് അ​ട​ച്ചു​പൂ​ട്ടി പൊ​തു​ജ​ന​ങ്ങ​ൾ​ക്ക് സ്വൈ​ര്യ​മാ​യി ജീ​വി​ക്കാ​ൻ അ​വ​സ​രം ഉ​ണ്ടാ​ക​ണം എ​ന്ന് ആ​വ​ശ്യ​പ്പെ​ട്ടാ​ണ് മ​നു​ഷ്യ​ച്ച​ങ്ങ​ല തീ​ർ​ക്കു​ന്ന​ത്.

മ​നു​ഷ്യ​ച്ചങ്ങ​ല​ക്കു​ശേ​ഷം കു​രി​യ​ച്ചി​റ സെ​ന്റ​റി​ൽ ചേ​രു​ന്ന പ്ര​തി​ഷേ​ധ​യോ​ഗം പി. ​ബാ​ല​ച​ന്ദ്ര​ൻ എം.​എ​ൽ.​എ ഉ​ദ്ഘാ​ട​നം ചെ​യ്യും. കു​രി​യ​ച്ചി​റ ഇ​ട​വ​ക വി​കാ​രി ഫാ. ​തോ​മ​സ് വ​ട​ക്കൂ​ട്ട്, ഫാ. ​ഡെ​ന്നി ത​ലോ​ക്കാ​ര​ൻ, കൗ​ൺ​സി​ല​ർ​മാ​ർ, വി​വി​ധ രാ​ഷ്ട്രീ​യ നേ​താ​ക്ക​ളും വ്യാ​പാ​രി നേ​താ​ക്ക​ളും സാ​മൂ​ഹി​ക പ്ര​വ​ർ​ത്ത​ക​രും തു​ട​ങ്ങി​യ​വ​ർ സം​സാ​രി​ക്കും. വാ​ർ​ത്ത സ​മ്മേ​ള​ന​ത്തി​ൽ ആ​ക്ഷ​ൻ കൗ​ൺ​സി​ൽ ചെ​യ​ർ​മാ​ൻ ഡേ​വീ​സ് കൊ​ച്ചു​വീ​ട്ടി​ൽ, ഡോ. ​ടോ​മി ഫ്രാ​ൻ​സീ​സ്, ജോ​സ് മ​ണി, ജോ​ബി ജോ​ൺ, തോ​മ​സ് വി. ​ആ​ന്റ​ണി എ​ന്നി​വ​ർ പ​​ങ്കെ​ടു​ത്തു.