കുരിയച്ചിറയിലെ മാലിന്യ പ്ലാന്‍റിലേക്ക് ഇന്ന്​ കോൺഗ്രസ്​ കൗൺസിലർമാരുടെ മാർച്ച്

തൃ​ശൂ​ർ: പ്ര​വ​ർ​ത്ത​നം സ്തം​ഭി​ച്ച തൃ​ശൂ​ർ കോ​ർ​പ​റേ​ഷ​ന്‍റെ കു​രി​യ​ച്ചി​റ​യി​ലെ ജൈ​വ മാ​ലി​ന്യ സം​സ്ക​ര​ണ പ്ലാ​ന്‍റി​ലേ​ക്ക്​ വെ​ള്ളി​യാ​ഴ്ച കോ​ൺ​ഗ്ര​സ്​ കൗ​ൺ​സി​ല​ർ​മാ​ർ മാ​ർ​ച്ചും ധ​ർ​ണ​യും ന​ട​ത്തും. രാ​വി​ലെ 11ന്​ ​ഡി.​സി.​സി പ്ര​സി​ഡ​ന്‍റ്​ ജോ​സ്​ വ​ള്ളൂ​ർ ഉ​ദ്​​ഘാ​ട​നം ചെ​യ്യു​മെ​ന്ന്​ കോ​ർ​പ​റേ​ഷ​ൻ പ്ര​തി​പ​ക്ഷ ക​ക്ഷി നേ​താ​വ്​ രാ​ജ​ൻ ജെ. ​പ​ല്ല​ൻ അ​റി​യി​ച്ചു. ഈ​ച്ച ശ​ല്യം കൊ​ണ്ട് പ​രി​സ​ര​ത്തെ വീ​ട്ടു​കാ​രും ബി​സി​ന​സ്​ സ്ഥാ​പ​ന​വും പൊ​റു​തി​മു​ട്ടു​ക​യാ​ണ്.

പ്ലാ​ന്‍റി​ൽ ശു​ചീ​ക​ര​ണ സം​വി​ധാ​നം കാ​ര്യ​ക്ഷ​മ​മ​ല്ലെ​ന്ന്​ കൗ​ൺ​സി​ല​ർ സു​നി​ൽ​രാ​ജ്​ ആ​രോ​പി​ക്കു​ന്നു. പൂ​രം ക​ഴി​ഞ്ഞ ശേ​ഷം ന​ഗ​ര​ത്തി​ൽ​നി​ന്ന്​ ശേ​ഖ​രി​ച്ച ജൈ​വ മാ​ലി​ന്യ​വും പൂ​രം പ്ര​ദ​ർ​ശ​ന ന​ഗ​രി​യി​ൽ​നി​ന്ന്​ ശേ​ഖ​രി​ക്കു​ന്ന മാ​ലി​ന്യ​വും എ​ത്തി​ച്ചു. ഇ​തോ​ടെ പ്ലാ​ന്‍റി​ന്‍റെ പ്ര​വ​ർ​ത്ത​നം താ​റു​മാ​റാ​യി.

കു​രി​യ​ച്ചി​റ പ്ലാ​ന്‍റി​ലേ​ക്ക്​ മാ​ലി​ന്യം കൊ​ണ്ടു​പോ​കു​ന്ന​ത്​ താ​ൽ​ക്കാ​ലി​ക​മാ​യി ത​ട​സ്സ​പ്പെ​ട്ട​തോ​ടെ ന​ഗ​ര​ത്തി​ൽ ഫ്ലാ​റ്റു​ക​ളി​ൽ​നി​ന്നും വീ​ടു​ക​ളി​ൽ​നി​ന്നു​മു​ള്ള കു​ടും​ബ​ശ്രീ ഹ​രി​ത​ക​ർ​മ സേ​ന​യു​ടെ ജൈ​വ മാ​ലി​ന്യ ശേ​ഖ​ര​ണം അ​വ​താ​ള​ത്തി​ലാ​യി.

ദി​വ​സ​ങ്ങ​ളാ​യി മാ​ലി​ന്യം ശേ​ഖ​രി​ക്കു​ന്നി​ല്ല. ഈ ​നി​ല തു​ട​ർ​ന്നാ​ൽ താ​മ​സ​ക്കാ​ർ റോ​ഡ​രി​കി​ൽ മാ​ലി​ന്യം നി​ക്ഷേ​പി​ക്കു​ന്ന പ​ഴ​യ അ​വ​സ്ഥ തി​രി​ച്ചെ​ത്തും. വേ​ന​ൽ​മ​​ഴ പെ​യ്താ​ൽ ആ ​മാ​ലി​ന്യം അ​ഴു​കി ന​ഗ​ര​വും ദു​രി​ത​ത്തി​ലാ​കും. കാ​ര്യ​ങ്ങ​ൾ ഇ​ങ്ങ​നെ പോ​കു​മ്പോ​ഴും കോ​ർ​പ​റേ​ഷ​ന്‍റെ അ​നാ​സ്ഥ​ക്ക്​ കു​റ​​വൊ​ന്നു​മി​ല്ലെ​ന്ന ആ​ക്ഷേ​പം ശ​ക്ത​മാ​ണ്.