തൃശൂർ: പൂങ്കുന്നത്ത് നവജാത ശിശുവിനെ കൊലപ്പെടുത്തി തോട്ടില്‍ ഉപേക്ഷിച്ച കേസിൽ പ്രതികളുമായി പൊലീസ് തെളിവെടുപ്പ് നടത്തി. കുഞ്ഞി‍െൻറ മാതാവ് മേഘ, കാമുകന്‍ മാനുവല്‍ എന്നിവരുടെ വീടുകളിലും മൃതദേഹം ഉപേക്ഷിച്ച തോടി‍െൻറ പരിസരത്തുമായിരുന്നു തെളിവെടുപ്പ്. വരടിയത്തെ മേഘയുടെ വീട്ടിലാണ് യുവതിയുമായി ആദ്യം പൊലീസ് എത്തിയത്. മേഘയെ കാണാൻ വഴിയോരത്തും വീടിനു ചുറ്റും നാട്ടുകാർ ഒരുമിച്ചുകൂടിയിരുന്നു. ഒരു കൈ കൊണ്ട് മുഖം പകുതി മറച്ച് നാട്ടുകാർക്ക് മുഖം നൽകാതെയും ആരെയും കൂസാതെയുമാണ് മേഘ നടന്നുനീങ്ങിയത്. കുഞ്ഞിനെ ബക്കറ്റിലെ വെള്ളത്തിൽ മുക്കി കൊലപ്പെടുത്തിയ രീതി മേഘ അന്വേഷണ സംഘത്തോട് വിശദീകരിച്ചു. കുഞ്ഞിനെ സൂക്ഷിച്ച ബാഗ് കഴുകി വൃത്തിയാക്കി ഉണക്കാനിട്ടത് പൊലീസിന് കാണിച്ച് കൊടുത്തു.
ഡി.എൻ.എ പരിശോധനക്കായി മേഘയുടെയും സാമ്പിളെടുത്തു. കുഞ്ഞി‍െൻറ മൃതദേഹം മെഡിക്കൽ കോളജ് മോർച്ചറിയിൽ സൂക്ഷിച്ചിരിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.