ജീ​വ​ന​ക്കാ​ർ​ക്ക് താ​മ​സ സൗ​ക​ര്യം ഇ​ല്ല; പെ​ങ്ങാ​മു​ക്ക് -തി​രു​വ​ന​ന്ത​പു​രം കെ.​എ​സ്.​ആ​ർ.​ടി.​സി സ​ർ​വി​സ് വീ​ണ്ടും നി​ല​ച്ചു

പ​ഴ​ഞ്ഞി: ‘പാ​തി​രാ കു​റു​ക്ക​ൻ’​എ​ന്ന അ​പ​ര​നാ​മ​ത്തി​ൽ അ​റി​യ​പ്പെ​ട്ടി​രു​ന്ന പെ​ങ്ങാ​മു​ക്ക് -തി​രു​വ​ന​ന്ത​പു​രം കെ.​എ​സ്.​ആ​ർ.​ടി.​സി ബ​സ് സ​ർ​വി​സ് വീ​ണ്ടും നി​ല​ച്ചു. ജീ​വ​ന​ക്കാ​ർ​ക്ക് പെ​ങ്ങാ​മു​ക്കി​ൽ താ​മ​സ സൗ​ക​ര്യ​മി​ല്ലാ​ത്ത​താ​ണ് സ​ർ​വി​സ് വീ​ണ്ടും നി​ർ​ത്താ​ൻ കാ​ര​ണം. ജീ​വ​ന​ക്കാ​ർ​ക്ക് സ്ഥി​രം താ​മ​സ സൗ​ക​ര്യ​മൊ​രു​ക്കി ന​ൽ​കി​യാ​ൽ മാ​ത്ര​മേ ഈ ​സ​ർ​വി​സ് പു​ന​രാ​രം​ഭി​ക്കാ​നാ​കൂ​വെ​ന്ന നി​ല​പാ​ടി​ലാ​ണ് അ​ധി​കൃ​ത​രും.

1982ലാ​ണ് അ​ന്ന​ത്തെ എം.​എ​ൽ.​എ​യാ​യി​രു​ന്ന പെ​ങ്ങാ​മു​ക്ക് സ്വ​ദേ​ശി കെ.​എ​സ്. നാ​രാ​യ​ണ​ൻ ന​മ്പൂ​തി​രി​യു​ടെ പ്ര​ത്യേ​ക താ​ൽ​പ​ര്യ​പ്ര​കാ​രം സ​ർ​വി​സ് തു​ട​ങ്ങി​യ​ത്. പു​ല​ർ​ച്ചെ അ​ഞ്ചി​ന് പെ​ങ്ങാ​മു​ക്കി​ൽ നി​ന്ന് പു​റ​പ്പെ​ട്ട് ഉ​ച്ച​ക്ക് ര​ണ്ടി​ന് തി​രു​വ​ന​ന്ത​പു​ര​ത്ത് എ​ത്തും. തി​രി​ച്ച് അ​വി​ടെ​നി​ന്ന് പു​റ​പ്പെ​ടു​ന്ന ബ​സ് രാ​ത്രി 11.30 ന് ​പെ​ങ്ങാ​മു​ക്കി​ൽ എ​ത്തും.

ഇ​ങ്ങ​നെ​യാ​യി​രു​ന്നു സ​ർ​വി​സ്. ഇ​തി​നും മു​മ്പും പ​ല ത​വ​ണ സ​ർ​വി​സ് നി​ല​ച്ചും തു​ട​ങ്ങി​യും പോ​യി​രു​ന്ന ഈ ​റൂ​ട്ട് ഇ​നി പു​ന​രാ​രം​ഭി​ക്കാ​ൻ താ​മ​സ സൗ​ക​ര്യം അ​ത്യാ​വ​ശ്യ​മാ​യി വ​ന്നി​രി​ക്കു​ക​യാ​ണ്. നാ​ല​ര പ​തി​റ്റാ​ണ്ടാ​യു​ള്ള സ​ർ​വി​സ് ഇ​നി​യും ആ​രം​ഭി​ക്ക​ണ​മെ​ങ്കി​ൽ പ​ഞ്ചാ​യ​ത്തി​ന്‍റെ അ​ധീ​ന​ത​യി​ലു​ള്ള പു​റമ്പോ​ക്ക് ഭൂ​മി​യി​ൽ സ്ഥി​ര​മാ​യ താ​മ​സ സൗ​ക​ര്യം ഒരുക്കി ന​ൽ​ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.

അ​തി​നു​ള്ള സൗ​ക​ര്യം ല​ഭി​ച്ചാ​ൽ കെ​ട്ടി​ടം ഒ​രു​ക്കാ​ൻ എം.​എ​ൽ.​എ​യും ത​യാ​റാ​ണെ​ന്ന നി​ല​പാ​ടി​ലാ​ണ്. സ്വ​ന്ത​മാ​യ കെ​ട്ടി​ടം ഒ​രു​ക്കി വ​രു​ന്ന​തി​ന് കാ​ല​താ​മ​സം ഉ​ള്ള​തി​നാ​ൽ താ​ൽ​കാ​ലി​ക​മാ​യി മ​റ്റൊ​രു വാ​ട​ക വീ​ട്ടി​ൽ താ​മ​സം ഒ​രു​ക്കി കൊ​ടു​ക്കാ​നു​ള്ള ശ്ര​മ​വും ന​ട​ക്കു​ന്ന​താ​യി അ​റി​യു​ന്നു.

പ​ഴ​ഞ്ഞി, കു​ന്നം​കു​ളം മേ​ഖ​ല​യി​ലെ ദീ​ർ​ഘ​ദൂ​ര യാ​ത്ര​ക്കാ​രും വി​ദ്യാ​ർ​ഥി​ക​ളും ക​ച്ച​വ​ട​ക്കാ​രും ഈ ​സ​ർ​വി​സ് നി​ല​ച്ച​തി​ൽ ദു​രി​ത​ത്തി​ലാ​ണ്. കൂ​ടാ​തെ പ​ഴ​ഞ്ഞി മേ​ഖ​ല​യി​ലേ​ക്ക് മ​റ്റു ര​ണ്ടു കെ.​എ​സ്.​ആ​ർ.​ടി.​സി ബ​സ് സ​ർ​വി​സു​ക​ൾ ഉ​ണ്ടാ​യി​രു​ന്നെ​ങ്കി​ലും അ​തും നി​ല​ച്ചി​ട്ട് വ​ർ​ഷ​ങ്ങ​ൾ ഏ​റെ​യാ​യി.

പെ​രു​ന്തി​രു​ത്തി-​പു​ളി​ക്ക​ക​ട​വ് പാ​ലം തു​റ​ന്ന​തോ​ടെ പൊ​ന്നാ​നി- കു​ന്നം​കു​ളം സ​ർ​വി​സ് ഉ​ണ്ടാ​യി​രു​ന്നു. ​പ്രതിദിനം നാ​ല് സ​ർ​വി​സ് ന​ട​ത്തി​യി​രു​ന്നു. ചി​റ​ക്ക​ൽ- വ​ട​ക്കാ​ഞ്ചേ​രി - മു​ള​ങ്കു​ന്ന​ത്തു​കാ​വ് മെ​ഡി​ക്ക​ൽ കോ​ള​ജ് - തി​രു​വ​ന​ന്ത​പു​രം സ​ർ​വി​സ് ന​ട​ത്തി​യി​രു​ന്ന ബ​സും ഉ​ണ്ടാ​യി​രു​ന്നു. ഇ​വ​യെ​ല്ലാം പ​ഴ​ഞ്ഞി​ക്കാ​രു​ടെ ഓ​ർ​മ മാ​ത്ര​മാ​യി മാ​റി​യി​രി​ക്കു​ക​യാ​ണ്.