പള്ളിച്ചൽ-പാരൂർക്കുഴി പ്രദേശത്ത് വാഹനങ്ങൾ ഇടിച്ചുതകർന്ന സുരക്ഷാവേലികൾ
ബാലരാമപുരം: ദേശീയപാതയിലെ സുരക്ഷാവേലികൾ അപകടത്തിൽ തകർന്ന് മാസം പിന്നിടുമ്പോഴും നടപടിയില്ലാതെ പോകുന്നതിനെതിരെ പരക്കെ ആക്ഷേപം. കരമന-കളിയിക്കാവിള ദേശീയപാതയിൽ നടപ്പാതക്കരകിൽ ഇരുമ്പുപൈപ്പിൽ സ്ഥാപിച്ച സുരക്ഷാവേലി അപകടത്തിൽ തകർന്ന് കമ്പികൾ പുറത്ത് കാണത്തക്ക നിലയിൽ പലതും അപകടാവസ്ഥയിലാണ്.
നടപ്പാതയിലേക്ക് ചരിഞ്ഞുകിടക്കുന്ന സുരക്ഷാവേലികൾ പലതും യാത്ര തടസ്സവും സൃഷ്ടിക്കുന്നു. ദേശീയപാതയിൽ അമിത വേഗത്തിൽ പായുന്ന വാഹനങ്ങളിൽ നിന്ന് സുരക്ഷ നേടുന്നതിനായി സ്ഥാപിച്ചിട്ടുള്ള സുരക്ഷാവേലികൾ സുരക്ഷിതമല്ലാത്തത് പ്രതിഷേധത്തിനിടയാക്കുന്നു. ഏറെ അപകടം നിറഞ്ഞ പള്ളിച്ചൽ-പാരൂർക്കുഴി പ്രദേശത്താണ് സുരക്ഷാവേലികൾ പലതും അപകടാവസ്ഥയിലുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.