പേരൂർക്കട മാനസികാരോഗ്യ കേന്ദ്ര വികസനം; മാസ്റ്റർപ്ലാൻ തയാറാക്കണമെന്ന്​ മനുഷ്യാവകാശ കമീഷൻ

തി​രു​വ​ന​ന്ത​പു​രം: പേ​രൂ​ർ​ക്ക​ട മാ​ന​സി​കാ​രോ​ഗ്യ കേ​ന്ദ്ര​ത്തി​ൽ നി​ല​വി​ലു​ള്ള അ​പ​ര്യാ​പ്ത​ത​ക​ൾ പ​രി​ഹ​രി​ക്കാ​ൻ സ​മ​ഗ്ര​മാ​യ മാ​സ്റ്റ​ർ​പ്ലാ​ൻ ത​യാ​റാ​ക്കി ആ​വ​ശ്യാ​നു​സ​ര​ണം ഫ​ണ്ട് അ​നു​വ​ദി​ച്ച് സ​മ​യ​ക്ര​മം നി​ശ്ച​യി​ച്ച് ന​ട​പ്പാ​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ അ​ധ്യ​ക്ഷ​ൻ ജ​സ്റ്റി​സ് ആ​ന്‍റ​ണി ഡൊ​മി​നി​ക്.

മാ​ന​സി​കാ​രോ​ഗ്യ കേ​ന്ദ്ര​ത്തി​ൽ ന​ട​ത്തി​യ സ​ന്ദ​ർ​ശ​ന​ത്തി​ന് ശേ​ഷം ആ​രോ​ഗ്യ​വ​കു​പ്പ് പ്രി​ൻ​സി​പ്പ​ൽ സെ​ക്ര​ട്ട​റി​ക്ക് ന​ൽ​കി​യ നി​ർ​ദേ​ശ​ങ്ങ​ളി​ലാ​ണ് ഇ​ക്കാ​ര്യ​മു​ള്ള​ത്. ന​വം​ബ​ർ 17നാ​ണ് ക​മീ​ഷ​ൻ ആ​ശു​പ​ത്രി സ​ന്ദ​ർ​ശി​ച്ച​ത്. ജ​യി​ൽ ഡി.​ജി.​പി​യും ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണം.

10 വ​ർ​ഷ​മാ​യി മു​ട​ങ്ങി​ക്കി​ട​ക്കു​ന്ന കെ​ട്ടി​ട​സ​മു​ച്ച​യ​ത്തി​ന്റെ പ​ണി പു​ന​രാ​രം​ഭി​ക്ക​ണം, ആ​ധു​നി​ക മാ​ന​സി​കാ​രോ​ഗ്യ ചി​കി​ത്സ​ക്ക് പ​ര്യാ​പ്ത​മാ​യ ഒ​രു ഒ.​പി ബ്ലോ​ക്ക് സ​ജ്ജ​മാ​ക്ക​ണം, ജീ​വ​ന​ക്കാ​രു​ടെ ത​സ്തി​ക​ക​ൾ പു​നഃ​ക്ര​മീ​ക​രി​ക്ക​ണം, കൂ​ടു​ത​ൽ പാ​ച​ക​ക്കാ​രെ നി​യോ​ഗി​ക്ക​ണം, ന​ഴ്സി​ങ്​ സൂ​പ്ര​ണ്ട്, സീ​നി​യ​ർ ന​ഴ്സി​ങ് ഓ​ഫി​സ​ർ, ന​ഴ്സി​ങ്​ ഓ​ഫി​സ​ർ, ഹോ​സ്പി​റ്റ​ൽ അ​റ്റ​ൻ​ഡ​ൻ​റ് ത​സ്തി​ക​ക​ൾ അ​ടി​യ​ന്ത​ര​മാ​യി നി​ക​ത്ത​ണം, സു​ര​ക്ഷ​ക്കാ​യി പ്ര​ത്യേ​കം സം​വി​ധാ​നം ഏ​ർ​പ്പെ​ടു​ത്ത​ണം, അ​ന്തേ​വാ​സി​ക​ൾ​ക്ക് മ​റ്റ് രോ​ഗ​ങ്ങ​ളു​മു​ള്ള​തി​നാ​ൽ സ്പെ​ഷാ​ലി​റ്റി ഡോ​ക്ട​ർ​മാ​രെ നി​യ​മി​ക്ക​ണം.

തി​രു​വ​ന​ന്ത​പു​രം സെ​ൻ​ട്ര​ൽ ജ​യി​ലി​ലെ ത​ട​വു​കാ​ർ​ക്ക് അ​വി​ടെ​ത്ത​ന്നെ മാ​ന​സി​ക​രോ​ഗ ചി​കി​ത്സ ന​ൽ​ക​ണം, രോ​ഗം ഭേ​ദ​മാ​യ​വ​രെ ബ​ന്ധു​ക്ക​ളെ ഏ​ൽ​പ്പി​ക്കു​ക​യോ പു​ന​ര​ധി​വാ​സ കേ​ന്ദ്ര​ത്തി​ലേ​ക്ക് മാ​റ്റു​ക​യോ ചെ​യ്യ​ണം, ഭാ​വി വി​ക​സ​ന പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​ൻ നോ​ഡ​ൽ ഓ​ഫി​സ​റെ നി​യ​മി​ക്ക​ണ​മെ​ന്നും ക​മീ​ഷ​ൻ ​ശി​പാ​ർ​ശ ചെ​യ്തു.

തു​ട​ർ​ച്ച​യാ​യ ചി​കി​ത്സ ആ​വ​ശ്യ​മി​ല്ലാ​ത്ത വ്യ​ക്തി​ക​ൾ​ക്കാ​യി പു​ന​ര​ധി​വാ​സ കേ​ന്ദ്ര​ങ്ങ​ൾ ജി​ല്ല​ക​ൾ തോ​റും തു​ട​ങ്ങ​ണം, പേ​രൂ​ർ​ക്ക​ട മാ​ന​സി​കാ​രോ​ഗ്യ കേ​ന്ദ്ര​ത്തെ മെൻറ​ൽ ഹെ​ൽ​ത്ത് ഇ​ൻ​സ്റ്റി​റ്റ്യൂ​ട്ട് ആ​ൻ​ഡ്​ റി​സ​ർ​ച്ച് സെൻറ​ർ നി​ല​വാ​ര​ത്തി​ൽ ഉ​യ​ർ​ത്ത​ണം, ആ​ർ​ദ്രം മി​ഷ​ൻ പ​ദ്ധ​തി​യി​ൽ മാ​ന​സി​കാ​രോ​ഗ്യ​കേ​ന്ദ്ര​ത്തെ ഉ​ൾ​പ്പെ​ടു​ത്ത​ണം, ഫോ​റ​ൻ​സി​ക് വാ​ർ​ഡി​ൽ സി.​സി.​ടി.​വി കാ​മ​റ​ക​ൾ സ്ഥാ​പി​ക്കു​ക​യും ജ​യി​ൽ ഉ​ദ്യോ​ഗ​സ്ഥ​രു​ടെ സേ​വ​നം ഉ​റ​പ്പാ​ക്ക​ണം, ഫോ​റ​ൻ​സി​ക് വാ​ർ​ഡി​ൽ വി​ടു​ത​ൽ ല​ഭി​ക്കാ​ത്ത രോ​ഗി​ക​ളു​ണ്ടെ​ങ്കി​ൽ അ​വ​രെ ബ​ന്ധു​ക്ക​ളെ ഏ​ൽ​പ്പി​ക്കു​ക​യോ പു​ന​ര​ധി​വാ​സ കേ​ന്ദ്ര​ത്തി​ലേ​ക്ക് മാ​റ്റു​ക​യോ ചെ​യ്യ​ണ​മെ​ന്നും മ​നു​ഷ്യാ​വ​കാ​ശ ക​മീ​ഷ​ൻ ശി​പാ​ർ​ശ ചെ​യ്​​തു.