വിഴിഞ്ഞം തുറമുഖം: രണ്ട്​ ജില്ലകളെ ബന്ധിപ്പിച്ച്​ വ്യാവസായിക സാമ്പത്തിക വളർച്ച മുനമ്പ് പദ്ധതി

തി​രു​വ​ന​ന്ത​പു​രം: വി​ഴി​ഞ്ഞം അ​ന്താ​രാ​ഷ്​​ട്ര തു​റ​മു​ഖ വി​ക​സ​ന​ത്തി​ന്​ അ​നു​ബ​ന്ധ​മാ​യി തി​രു​വ​ന​ന്ത​പു​രം, കൊ​ല്ലം ജി​ല്ല​ക​ളെ ഉ​ൾ​പ്പെ​ടു​ത്തി​യു​ള്ള ‘വി​ഴി​ഞ്ഞം-​കൊ​ല്ലം-​പു​ന​ലൂ​ർ വ്യ​വ​സാ​യി​ക സാ​മ്പ​ത്തി​ക വ​ള​ർ​ച്ച മു​ന​മ്പ്​ പ​ദ്ധ​തി’​ക്ക്​ കി​ഫ്ബി​യു​ടെ അ​നു​മ​തി. ഗ​താ​ഗ​ത, ലോ​ജി​സ്റ്റി​ക്, വ്യ​വ​സാ​യ പാ​ർ​ക്കു​ക​ളു​ടെ സം​യോ​ജ​ന​ത്തി​ലൂ​ടെ സം​സ്ഥാ​ന​ത്തി​ന്‍റെ തെ​ക്ക​ൻ മേ​ഖ​ല​യെ ഊ​ർ​ജ്ജ​സ്വ​ല​മാ​യ വ്യ​വ​സാ​യി​ക സാ​മ്പ​ത്തി​ക കേ​ന്ദ്ര​മാ​ക്കി മാ​റ്റു​ക​യാ​ണ്​ പ​ദ്ധ​തി​യു​ടെ ല​ക്ഷ്യം.

ര​ണ്ട്​ ജി​ല്ല​ക​ളി​ലെ തീ​ര​പ്ര​ദേ​ശ​ങ്ങ​ളെ​യും മ​ല​യോ​ര മേ​ഖ​ല​യെ​യും മ​ധ്യ മേ​ഖ​ല​യെ​യും പ്ര​ധാ​ന റോ​ഡ്-​റെ​യി​ൽ ഇ​ട​നാ​ഴി​ക​ൾ വ​ഴി വ്യ​വ​സാ​യ ഇ​ട​നാ​ഴി​യു​ടെ ഭാ​ഗ​മാ​ക്കും. ക​മീ​ഷ​നി​ങ്ങി​ന് സ​ജ്ജ​മാ​യി​ക്കൊ​ണ്ടി​രി​ക്കു​ന്ന വി​ഴി​ഞ്ഞം അ​ന്താ​രാ​ഷ്ട്ര തു​റ​മു​ഖ​ത്തി​ന്‍റെ സാ​ധ്യ​ത​ക​ൾ പ്ര​യോ​ജ​ന​പ്പെ​ടു​ത്തു​ക​യെ​ന്ന​താ​ണ്​ പ​ദ്ധ​തി സ​ങ്ക​ൽ​പ്പം.

ച​ര​ക്കു​കൈ​മാ​റ്റം സു​ഗ​മ​മാ​ക്കും​വി​ധം തു​റ​മു​ഖ​ത്തി​ന്റെ പ്ര​വ​ർ​ത്ത​ന​ങ്ങ​ളു​മാ​യി പൊ​രു​ത്ത​പ്പെ​ടു​ന്ന വ്യാ​വ​സാ​യി​ക ഇ​ട​നാ​ഴി​യാ​ണ്​ സ്ഥാ​പി​ക്കു​ക. വി​ഴി​ഞ്ഞം തു​റ​മു​ഖം കേ​ന്ദ്രീക​രി​ച്ച് വി​ഭാ​വ​നം ചെ​യ്യു​ന്ന പ​ദ്ധ​തി കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളി​ലാ​യി 1,456 ച​തു​ര​ശ്ര കി​ലോ​മീ​റ്റ​ർ വി​സ്തൃ​തി​യി​ൽ വ്യാ​പി​ച്ചു​കി​ട​ക്കു​ന്നു.

പ്ര​ധാ​ന ഹൈ​വേ​ക​ൾ​ക്കും റെ​യി​ൽ ശൃം​ഖ​ല​ക​ൾ​ക്കും സ​മീ​പ​മു​ള്ള പ്ര​ദേ​ശ​ത്തി​ന്‍റെ പ്ര​ത്യേ​ക​ത​ക​ളെ അ​ടി​സ്ഥാ​ന​മാ​ക്കി ആ​ഗോ​ള​ത​ല​ത്തി​ൽ മ​ത്സ​രി​ക്കാ​ൻ ക​ഴി​യു​ന്ന ഒ​രു ‘സ്മാ​ർ​ട്ട് ഇ​ൻ​ഡ​സ്ട്രി​യും ആ​വാ​സ വ്യ​വ​സ്ഥ​യു​മാ​ണി​ത്. സാ​ധ്യ​താ പ​ഠ​ന​ങ്ങ​ൾ, ഫ​ണ്ടി​ങ്, വ്യ​വ​സാ​യ സ്ഥാ​പ​ന​ങ്ങ​ളും ഉ​ട​മ​സ്ഥ​രു​മാ​യു​ള്ള ക​രാ​റു​ക​ൾ, അ​ടി​സ്ഥാ​ന സൗ​ക​ര്യ വി​ക​സ​നം തു​ട​ങ്ങി ഘ​ട്ടം ഘ​ട്ട​മാ​യു​ള്ള സ​മീ​പ​ന​മാ​ണ് പ​ദ്ധ​തി​ക്കാ​യി സ്വീ​ക​രി​ക്കു​ക.

മൂ​ന്ന് വ​ർ​ഷ​ത്തി​നു​ള്ളി​ൽ മൂ​ന്ന് ല​ക്ഷം കോ​ടി രൂ​പ​യു​ടെ നി​ക്ഷേ​പം ആ​ക​ർ​ഷി​ക്കാ​നാ​ണ് സ​ർ​ക്കാ​ർ ല​ക്ഷ്യ​മി​ടു​ന്ന​ത്. പ​ര​മ്പ​രാ​ഗ​ത ഭൂ​മി എ​ടു​ക്ക​ൽ രീ​തി​ക​ൾ​ക്ക​പ്പു​റ​മു​ള്ള ലാ​ൻ​ഡ് പൂ​ളി​ങ്, പൊ​തു-​സ്വ​കാ​ര്യ പ​ങ്കാ​ളി​ത്തം, നേ​രി​ട്ട് വാ​ങ്ങ​ൽ, ഭൂ​മി കൈ​മാ​റ്റം തു​ട​ങ്ങി​യ നൂ​ത​ന രീ​തി​ക​ളി​ലു​ടെ ഭൂ​മി ഏ​റ്റെ​ടു​ക്കും. കൂ​ടാ​തെ ഇ​ട​നാ​ഴി​ക​ളി​ൽ പ്ര​ത്യേ​ക സാ​മ്പ​ത്തി​ക മേ​ഖ​ല​ക​ൾ പ്ര​ഖ്യാ​പി​ക്കു​ക​യും ചെ​യ്യും.

വി​ക​സ​ന മേ​ഖ​ല​ക​ളെ ബ​ന്ധി​പ്പി​ക്കാ​ൻ ഗ​താ​ഗ​ത ഇ​ട​നാ​ഴി​ക​ൾ

വി​ഴി​ഞ്ഞം-​കൊ​ല്ലം-​പു​ന​ലൂ​ർ വ​ള​ർ​ച്ച ഇ​ട​നാ​ഴി​ക്കു​ള്ളി​ലെ വി​വി​ധ വി​ക​സ​ന മേ​ഖ​ല​ക​ൾ ബ​ന്ധി​പ്പി​ക്കു​ന്ന​തി​ന് ഗ​താ​ഗ​ത ഇ​ട​നാ​ഴി​ക​ൾ പ്ര​ധാ​ന​മാ​ണ്. വി​ഴി​ഞ്ഞം-​കൊ​ല്ലം ദേ​ശീ​യ പാ​ത, കൊ​ല്ലം-​ചെ​ങ്കോ​ട്ട ദേ​ശീ​യ​പാ​ത, പു​തി​യ ഗ്രീ​ൻ​ഫീ​ൽ​ഡ്, കൊ​ല്ലം-​ചെ​ങ്കോ​ട്ട റെ​യി​ൽ​വേ ലൈ​ൻ, പു​ന​ലൂ​ർ-​നെ​ടു​മ​ങ്ങാ​ട്-​വി​ഴി​ഞ്ഞം റോ​ഡ് എ​ന്നി​വ​യാ​ണ് ഈ ​വ​ള​ർ​ച്ച മു​ന​മ്പി​ന്റെ മൂ​ന്ന് വ​ശ​ങ്ങ​ൾ.

പ​ദ്ധ​തി പ്ര​ദേ​ശ​ത്തി​നു​ള്ളി​ലെ തി​രു​വ​ന​ന്ത​പു​രം ഔ​ട്ട​ർ​റി​ങ് റോ​ഡും വി​ഴി​ഞ്ഞം-​നാ​വാ​യി​ക്കു​ളം ഔ​ട്ട​ർ ഏ​രി​യ ഗ്രോ​ത്ത് കോ​റി​ഡോ​റും ത​ല​സ്ഥാ​ന മേ​ഖ​ല​യു​ടെ വി​ക​സ​ന​ത്തി​ന് ക​രു​ത്തേ​കു​മെ​ന്നാ​ണ്​ കി​ഫ്​​ബി​യു​ടെ വി​ല​യി​രു​ത്ത​ൽ. ഗ​താ​ഗ​ത ഇ​ട​നാ​ഴി​ക​ളു​ടെ വി​ക​സ​നം സ്വ​കാ​ര്യ നി​ക്ഷേ​പം പ്രോ​ത്സാ​ഹി​പ്പി​ക്കു​ന്ന​തോ​ടൊ​പ്പം പ്ര​ധാ​ന ല​ക്ഷ്യ​സ്ഥാ​ന​ങ്ങ​ളി​ലേ​ക്കു​ള്ള പ്ര​വേ​ശ​നം സു​ഗ​മ​മാ​ക്കു​ക​യും ചു​റ്റു​പാ​ടു​മു​ള്ള പ്ര​ദേ​ശ​ങ്ങ​ളി​ൽ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ക്കു​ക​യും ചെ​യ്യു​മെ​ന്നാ​ണ്​ ക​ണ​ക്കാ​ക്കു​ന്ന​ത്.

ഭാ​വി​യി​ൽ ഈ ​ഇ​ട​നാ​ഴി കൊ​ല്ല​ത്തു​നി​ന്നും ആ​ല​പ്പു​ഴ വ​ഴി കൊ​ച്ചി​യി​ലേ​ക്കും, പു​ന​ലൂ​ർ നി​ന്ന്​ പ​ത്ത​നം​തി​ട്ട​യി​ലേ​ക്കും എം.​സി റോ​ഡ് വ​ഴി കോ​ട്ട​യ​ത്തേ​ക്കും ബ​ന്ധി​പ്പി​ച്ച് മ​ധ്യ​കേ​ര​ള​ത്തി​ലേ​ക്ക് വ്യാ​പി​പ്പി​ക്കാ​നും ആ​ലോ​ചി​ക്കു​ന്നു​ണ്ട്.

വി​ക​സ​ന​ത്തി​നു​ള്ള പ്ര​ധാ​ന മേ​ഖ​ല​ക​ൾ

• വി​ഴി​ഞ്ഞം നോ​ഡ്: തു​റ​മു​ഖ​ത്തേ​ക്ക് നേ​രി​ട്ട് പ്ര​വേ​ശ​ന​മു​ള്ള അ​ന്താ​രാ​ഷ്ട്ര വ്യാ​പാ​ര​ത്തി​നു​ള്ള ക​വാ​ട​മാ​യി പ്ര​വ​ർ​ത്തി​ക്കും
• കൊ​ല്ലം അ​ർ​ബ​ൻ സെ​ന്‍റ​ർ നോ​ഡ്: നി​ല​വി​ലെ വ്യ​വ​സാ​യ​ങ്ങ​ളെ ഗ​താ​ഗ​ത ശൃം​ഖ​ല​ക​ളു​മാ​യി ബ​ന്ധി​പ്പി​ക്കും
• പു​ന​ലൂ​ർ നോ​ഡ്: പു​ന​രു​പ​യോ​ഗ ഊ​ർ​ജ വ്യ​വ​സാ​യ​ങ്ങ​ളു​ടെ കേ​ന്ദ്ര​മാ​യി മാ​റും
• പ​ള്ളി​പ്പു​റം - ആ​റ്റി​ങ്ങ​ൽ- വ​ർ​ക്ക​ല, പാ​രി​പ്പ​ള്ളി-​ക​ല്ല​മ്പ​ലം, നീ​ണ്ട​ക​ര-​കൊ​ല്ലം, കൊ​ല്ലം-​കു​ണ്ട​റ, കു​ണ്ട​റ-​കൊ​ട്ടാ​ര​ക്ക​ര, അ​ഞ്ച​ൽ-​ആ​യൂ​ർ, നെ​ടു​മ​ങ്ങാ​ട്-​പാ​ലോ​ട് തു​ട​ങ്ങി​യ​വ​യും ഉ​ൾ​പ്പെ​ടും

മേ​ഖ​ല തി​രി​ച്ചു​ള്ള വി​ക​സ​നം ഇ​ങ്ങ​നെ

• ത​ന​തു വ്യ​വ​സാ​യ​ങ്ങ​ളെ ഏ​ഴ് പ്ര​ധാ​ന മേ​ഖ​ല​ക​ളാ​യി തി​രി​ച്ചു​ള്ള വ്യ​വ​സാ​യ ഇ​ട​നാ​ഴി​യു​ടെ ഭാ​ഗ​മാ​ക്കി​യി​ട്ടു​ണ്ട്.
• സ​മു​ദ്രോ​ത്പ​ന്ന ഭ​ക്ഷ്യ സം​സ്ക​ര​ണ​വും ക​യ​റ്റു​മ​തി​യും
• കാ​ർ​ഷി​കാ​ധി​ഷ്ഠി​ത വ്യ​വ​സാ​യ​ങ്ങ​ൾ
• ഐ​ടി-​ഐ.​ടി.​ഇ.​എ​സ്-​ബ​ഹി​രാ​കാ​ശ മേ​ഖ​ല:
• ഗ​താ​ഗ​ത​വും ലോ​ജി​സ്റ്റി​ക്സും
• പു​ന​രു​പ​യോ​ഗ ഊ​ർ​ജം
• അ​സം​ബ്ലിം​ഗ് യൂ​ണി​റ്റു​ക​ൾ
• മെ​ഡി​ക്ക​ൽ ടൂ​റി​സം