പാലത്തി‍െൻറ അപ്രോച്ച് റോഡ് തകർന്നു

പാലത്തി‍ൻെറ അപ്രോച്ച് റോഡ് തകർന്നു ഗൂഡല്ലൂർ: പാലത്തി‍ൻെറ അപ്രോച്ച് റോഡ് ഉടൻ നന്നാക്കണമെന്ന ആവശ്യം ഉയർന്നു. പാട്ടവയൽ, പന്തക്കാപ്പ്,​ കുളപ്പള്ളി ഭാഗങ്ങളെ ബന്ധിപ്പിക്കുന്ന പാലപ്പള്ളി തോടിന് കുറുകെയുള്ള പാലത്തി‍ൻെറ അപ്രോച്ച് റോഡുകളിൽ ഒരു ഭാഗമാണ് മഴ വെള്ളത്തിൽ തകർന്നുകിടക്കുന്നത്. പാട്ടവയൽ, പന്തക്കാപ്പ്, പാലപ്പള്ളി, കൊളപ്പള്ളി, നെല്ലിയാളം ടാൻടീ എന്നിവിടങ്ങളെ ബന്ധിപ്പിക്കുന്ന ഈ പാതയിൽ നിരവധി ലോക്കൽ ജീപ്പുകളും ഓട്ടോകളും മറ്റു വാഹനങ്ങളും കടന്നു പോകുന്നു. പച്ചത്തേയില സംഭരിക്കുന്ന വാഹനങ്ങളും ഇതു വഴിയാണ് വരുന്നത്. വാഹനസൗകര്യത്തിനായി താൽക്കാലികമായി മണ്ണിട്ടുനികത്തിയെങ്കിലും സുരക്ഷിതമല്ലാത്ത സ്ഥിതിയാ​െണന്ന് നാട്ടുകാർ ചൂണ്ടിക്കാട്ടി. പഞ്ചായത്ത് അധികൃതർ വേണ്ട നടപടി സ്വീകരിക്കണമെന്നാണ് പ്രദേശവാസികളുടെ ആവശ്യം. GDR BRIDGE: പാലാപ്പള്ളി തോടിനു കുറുകെയുള്ള അപ്രോച്ച് റോഡ് തകർന്ന നിലയിൽ