അരുണമല ഇക്കോ ടൂറിസം പദ്ധതി: എതിർപ്പുമായി കാട്ടുനായ്ക്ക കുടുംബങ്ങൾ

ക​ൽ​പ​റ്റ: ജി​ല്ല​യു​ടെ പ​രി​സ്ഥി​തി സ​ന്തു​ല​ന​ത്തി​ൽ പ്ര​ധാ​ന പ​ങ്കു​വ​ഹി​ക്കു​ന്ന അ​രു​ണ​മ​ല​യി​ലും പ​രി​സ​ര​ത്തും വി​നോ​ദ​സ​ഞ്ചാ​ര പ​ദ്ധ​തി​ക​ൾ അ​നു​വ​ദി​ക്കി​ല്ലെ​ന്നും ഇ​​ക്കോ ടൂ​റി​സം ന​ട​ത്താ​നു​ള്ള ശ്ര​മ​ത്തി​ൽ​നി​ന്ന്​ വ​നം വ​കു​പ്പ് പി​ന്മാ​റ​ണ​മെ​ന്നും അ​രു​ണ​മ​ല കാ​ട്ടു​നാ​യ്ക്ക ഗ്രാ​മ​ത്തി​ലെ കു​ടും​ബ​ങ്ങ​ളു​ടെ യോ​ഗം ആ​വ​ശ്യ​പ്പെ​ട്ടു.

നി​ല​വി​ൽ കോ​ള​നി​ക്ക് സ​മീ​പ​മു​ള്ള ഹോം ​സ്​​റ്റേ​ക​ളും റി​സോ​ർ​ട്ടു​ക​ളും ഉ​ട​ൻ അ​ട​ച്ചു​പൂ​ട്ട​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു. ഈ ​ആ​വ​ശ്യ​മു​ന്ന​യി​ച്ച് അ​ധി​കൃ​ത​ർ​ക്ക്​ നി​വേ​ദ​നം ന​ൽ​കാ​നും പ്ര​ക്ഷോ​ഭം സം​ഘ​ടി​പ്പി​ക്കാ​നും ആ​വ​ശ്യ​മെ​ങ്കി​ൽ നി​യ​മ ന​ട​പ​ടി​ക​ൾ സ്വീ​ക​രി​ക്കാ​നും തീ​രു​മാ​നി​ച്ചു. ആ​ക്​​ഷ​ൻ ക​മ്മി​റ്റി ഭാ​ര​വാ​ഹി​ക​ളും വ​യ​നാ​ട് പ്ര​കൃ​തി​സം​ര​ക്ഷ​ണ സ​മി​തി പ്ര​വ​ർ​ത്ത​ക​രും തീ​രു​മാ​നം സൗ​ത്ത് വ​യ​നാ​ട് ഡി.​എ​ഫ്.​ഒ, ജി​ല്ല ക​ല​ക്ട​ർ എ​ന്നി​വ​രെ അ​റി​യി​ച്ചു.

പു​ൽ​മേ​ടു​ക​ളും നി​ത്യ​ഹ​രി​ത വ​ന​ങ്ങ​ളും ചേ​ർ​ന്ന അ​പൂ​ർ​വ​മാ​യ ആ​വാ​സ വ്യ​വ​സ്ഥ​യാ​ണ് അ​രു​ണ​മ​ല പ്ര​ദേ​ശം. നൂ​റ്റാ​ണ്ടു​ക​ളാ​യി കാ​ട്ടു​നാ​യ്ക്ക കു​ടും​ബ​ങ്ങ​ൾ ഇ​വി​ടെ​യാ​ണ്​ താ​മ​സി​ക്കു​ന്ന​ത്. 60 കു​ടും​ബ​ങ്ങ​ൾ ഒ​രേ​ക്ക​ർ മു​ത​ൽ ആ​റേ​ക്ക​ർ വ​രെ​യു​ള്ള ഭൂ​മി​യി​ൽ ഏ​ല​വും കു​രു​മു​ള​കും കൃ​ഷി ചെ​യ്ത് പ​ട്ടി​ണി​ര​ഹി​ത​വും സ​മ്പ​ന്ന​വു​മാ​യ ജീ​വി​ത​മാ​ണ് ന​യി​ക്കു​ന്ന​ത്. എ​ന്നാ​ൽ, ടൂ​റി​സം പി​ടി​മു​റു​ക്കി​യ​തോ​ടെ അ​ഞ്ചു​വ​ർ​ഷ​മാ​യി ത​ങ്ങ​ളു​ടെ ജീ​വി​തം ദു​സ്സ​ഹ​മാ​ണെ​ന്ന്​ ഇ​വ​ർ പ​റ​യു​ന്നു.

കോ​ള​നി​ക്ക​ടു​ത്തു​ള്ള റി​സോ​ർ​ട്ടു​ക​ളി​ൽ എ​ത്തു​ന്ന സ​ന്ദ​ർ​ശ​ക​ർ ചു​റ്റു​മു​ള്ള പു​ൽ​മേ​ടു​ക​ളി​ലും മ​ല​ന്ത​ല​പ്പു​ക​ളി​ലും ഗ്രാ​മ​ത്തി​ലും രാ​പ്പ​ക​ൽ ഭേ​ദ​മി​ല്ലാ​തെ ബ​ഹ​ളം​വെ​ച്ച് ക​യ​റി​യി​റ​ങ്ങി ശ​ല്യം ചെ​യ്യു​ന്നു. സ്ത്രീ​ക​ളോ​ട് അ​പ​മ​ര്യാ​ദ​യാ​യി പെ​രു​മാ​റു​ന്നു. ആ​ദി​വാ​സി ഫ​ണ്ട് ഉ​പ​യോ​ഗി​ച്ച് അ​വ​ർ​ക്ക് മാ​ത്ര​മാ​യു​ണ്ടാ​ക്കി​യ റോ​ഡി​ലൂ​ടെ സ്ത്രീ​ക​ൾ​ക്കും മ​റ്റും ന​ട​ക്കാ​ൻ ക​ഴി​യാ​ത്ത അ​വ​സ്ഥ​യാ​യി. സ​ഞ്ചാ​രി​ക​ളു​ടെ ശ​ല്യ​ത്തി​ന് പ​രി​ഹാ​ര​മു​ണ്ടാ​ക്ക​ണ​മെ​ന്ന് അ​പേ​ക്ഷി​ച്ച്​ ആ​ദി​വാ​സി ക്ഷേ​മ- വ​നം ഉ​ദ്യോ​ഗ​സ്ഥ​ർ​ക്കും ക​ല​ക്​​ട​ർ​ക്കും ര​ണ്ടു​വ​ർ​ഷ​ത്തി​നി​ടെ പ​ല പ്രാ​വ​ശ്യം പ​രാ​തി ന​ൽ​കി​യി​ട്ടും പ​രി​ഹാ​ര​മു​ണ്ടാ​യി​ട്ടി​ല്ല. ട്ര​ക്കി​ങ്ങും ടെൻറ്​ ടൂ​റി​സ​വും ആ​രം​ഭി​ക്കാ​നാ​ണ് വ​നം വ​കു​പ്പ് ത​കൃ​തി​യാ​യ നീ​ക്കം ന​ട​ത്തു​ന്ന​ത്.

ടൂ​റി​സം പ​ദ്ധ​തി അ​രു​ണ​മ​ല​യി​ലേ​ക്ക് വ​രു​ന്ന​തോ​ടെ ചു​റ്റു​മു​ള്ള പു​ൽ​മേ​ടു​ക​ളും നി​ത്യ​ഹ​രി​ത​വ​ന​വും ന​ശി​ക്കു​ക​യും മൊ​ട്ട​ക്കു​ന്നാ​വു​ക​യും ചെ​യ്യും. കാ​ട്ടു​തീ രൂ​ക്ഷ​മാ​കും. അ​തോ​ടെ ജ​ല​സു​ര​ക്ഷ ത​ക​രു​ക​യും മ​ല​യി​ടി​ച്ചി​ലും ഉ​രു​ൾ​പൊ​ട്ട​ലും ഉ​ണ്ടാ​വു​മെ​ന്നും ഇ​വ​ർ ​പ​റ​യു​ന്നു. ബി. ​അ​ഖി​ൻ പ്ര​സി​ഡ​ൻ​റും എ.​എം. മു​ര​ളി സെ​ക്ര​ട്ട​റി​യു​മാ​യാ​ണ്​ ആ​ക്​​ഷ​ൻ ക​മ്മ​റ്റി രൂ​പ​വ​ത്​​ക​രി​ച്ച​ത്. യോ​ഗ​ത്തി​ൽ കെ. ​മ​ണി അ​ധ്യ​ക്ഷ​ത വ​ഹി​ച്ചു. പ്ര​കൃ​തി​സം​ര​ക്ഷ​ണ സ​മി​തി പ്ര​സി​ഡ​ൻ​റ്​ എ​ൻ. ബാ​ദു​ഷ, തോ​മ​സ്​ അ​മ്പ​ല​വ​യ​ൽ, എ.​വി. മ​നോ​ജ്, അ​രു​ൾ ബാ​ദു​ഷ, റോ​ണി പൗ​ലോ​സ്, മ​ധു അ​രു​ണ​മ​ല തു​ട​ങ്ങി​യ​വ​ർ സം​സാ​രി​ച്ചു.