മാനന്തവാടി: തോൽപെട്ടി എക്സൈസ് ചെക്ക്പോസ്റ്റിൽ നടത്തിയ വാഹനപരിശോധനയിൽ ആന്ധ്രയിൽനിന്നും കെ.എസ്.ആർ.ടി.സി ബസിൽ കടത്തിക്കൊണ്ടുവന്ന 30 കിലോയോളം കഞ്ചാവ് പിടികൂടി. സംഭവത്തിൽ കോഴിക്കോട് മാവൂർ പടാരുകുളങ്ങര സ്വദേശി രാജീവിനെ (42) എക്സൈസ് സംഘം അറസ്റ്റ് ചെയ്തു. ബസിന്റെ പിൻസീറ്റിനടിയിൽ രണ്ട് ബാഗുകളിലായി സൂക്ഷിച്ച കഞ്ചാവാണ് പിടികൂടിയത്. സംസ്ഥാന എക്സൈസ് എൻഫോഴ്സ്മെന്റ് സ്ക്വാഡ് തലവൻ അസി. എക്സൈസ് കമീഷണർ ടി. അനിൽകുമാറിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ സ്റ്റേറ്റ് എക്സൈസ് എൻഫോഴ്സ്മെന്റ് സ്‌ക്വാഡിലെ ഉദ്യോഗസ്ഥരും മാനന്തവാടി എക്സൈസ് ഇൻസ്‌പെക്ടറും സംഘവും നടത്തിയ പരിശോധനയിലാണ് പ്രതി പിടിയിലായത്.
എക്സൈസ് ഇൻസ്പെക്ടർമാരായ ബിൽജിത്, എസ്. മധുസൂദനൻ നായർ, പ്രിവന്റിവ് ഓഫിസർമാരായ സുരേഷ് വെങ്ങാലികുന്നേൽ, അരുൺപ്രസാദ്, ചന്ദ്രൻ, സിവിൽ എക്സൈസ് ഓഫിസർമാരായ എം.എം. അരുൺകുമാർ, മുഹമ്മദലി, സജി പോൾ, സുബിൻ, ശ്രീധരൻ, വിജേഷ്‌കുമാർ, വിഷ്ണു, രാജേഷ്, എക്സൈസ് ഡ്രൈവർ കെ. രാജീവ് എന്നിവരും പരിശോധന സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.