പ്രധാനമന്ത്രിയുടെ സന്ദർശനം; മുതുമലയിൽ ഒരുക്കം തുടങ്ങി

ഗൂ​ഡ​ല്ലൂ​ർ: പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ സ​ന്ദ​ർ​ശ​നത്തോ​ട​നു​ബ​ന്ധി​ച്ച് മു​തു​മ​ല ക​ടു​വ സ​ങ്കേ​തം തെ​പ്പ​ക്കാ​ട് ആ​ന​ക്യാ​മ്പി​ൽ ഒ​രു​ക്കം ആ​രം​ഭി​ച്ചു. ഏ​പ്രി​ൽ ഒ​മ്പ​തി​നാ​ണ് പ്ര​ധാ​ന​മ​ന്ത്രി മു​തു​മ​ല​യി​ൽ എ​ത്തു​ന്ന​ത്.

ആ​ന​ക്യാ​മ്പി​ലേ​ക്കു​ള്ള പ്ര​ധാ​ന ഇ​രു​മ്പു​പാ​ലം ത​ക​ർ​ച്ച നേ​രി​ട്ട​തി​നാ​ൽ പൊ​ളി​ച്ചു​മാ​റ്റി​യി​രു​ന്നു. പ​ക​രം നി​ർ​മി​ച്ചി​ട്ടി​ല്ല. ലോ​ഗൗ​സ് ഭാ​ഗ​ത്ത് കൂ​ടി​യു​ള്ള ത​റ​പ്പാ​ല​ത്തി​ലൂ​ടെ മാ​ത്ര​മേ ആ​ന​ക്യാ​മ്പി​ലേ​ക്ക് പോ​കാ​ൻ ക​ഴി​യു​ക​യു​ള്ളൂ. ത​റ​പ്പാ​ല​ത്തി​ന്റെ ടാ​റി​ങ് പ​ണി​യും ആ​ന​ക്യാ​മ്പി​ലേ​ക്കു​ള്ള ന​ട​പ്പാ​ത​യി​ൽ ടൈ​ൽ​സ് പ​തി​ക്ക​ലും തു​ട​ങ്ങി. തെ​പ്പ​ക്കാ​ട് മു​ത​ൽ ക​ർ​ണാ​ട​ക അ​തി​ർ​ത്തി​വ​രെ​യു​ള്ള ദേ​ശീ​യ​പാ​ത​യു​ടെ അ​റ്റ​കു​റ്റ​പ്പ​ണി​യും പു​രോ​ഗ​മി​ക്കു​ന്നു.

ഓ​സ്കാ​ർ പു​ര​സ്കാ​രം ല​ഭി​ച്ച ദി ​എ​ലി​ഫ​ൻ​റ് വി​സ്പ​റേ​സ് ഹ്ര​സ്വ​ചി​ത്ര​ത്തി​ലെ താ​ര ദ​മ്പ​തി​ക​ളാ​യ ബൊ​മ്മ​ൻ, വെ​ള്ളി ദ​മ്പ​തി​ക​ളെ കാ​ണു​ക​യും ആ​ദ​രി​ക്കു​ക​യും ചെ​യ്യും. ഇ​വ​രു​മാ​യി പ്ര​ധാ​ന​മ​ന്ത്രി സം​വ​ദി​ക്കും. ക​ർ​ണാ​ട​ക ബ​ന്ദി​പ്പൂ​ർ ക​ടു​വ സ​ങ്കേ​ത​ത്തി​ൽ ന​ട​ക്കു​ന്ന പ​രി​പാ​ടി​യി​ലും പ്ര​ധാ​ന​മ​ന്ത്രി പ​ങ്കെ​ടു​ക്കും.