പൊലീസ് മർദനത്തിൽ പ്രതിഷേധം

കൽപറ്റ: യൂത്ത് കോൺഗ്രസ് എസ്.പി ഓഫിസിലേക്ക് നടത്തിയ മാർച്ചിൽ പ്രകോപനമില്ലാതെ യു.ഡി.എഫ് ജില്ല കൺവീനർ എൻ.ഡി. അപ്പച്ചനെയും യൂത്ത് കോൺഗ്രസ് പ്രവർത്തകരെയും പൊലീസ്​ മർദിച്ചതിൽ പ്രതിഷേധം. പിണറായിയുടെ അഴിമതി മൂടിവെക്കാൻ നടത്തുന്ന പൊലീസ് ഭീകരതക്കെതിരെ മണ്ഡലം കോൺഗ്രസ്​ കമ്മിറ്റി പ്രകടനവും യോഗവും നടത്തി.

കെ.പി.സി.സി മെംബർ പി.പി. ആലി ഉദ്ഘാടനം ചെയ്​തു. മണ്ഡലം പ്രസിഡൻറ്​ ഗിരീഷ് കൽപറ്റ അധ്യക്ഷത വഹിച്ചു. കെ.കെ. രജേന്ദ്രൻ, സാലി റാട്ടക്കൊല്ലി, പി.കെ. മുരളി, എസ്. മണി, പി.കെ. സുരേഷ്, സുനീർ ഇത്തിക്കൽ, ഡി​േൻറാ ജോസ്, ഇ.കെ. സുരേഷ്, ശശികുമാർ, ആബിദ് എന്നിവർ സംസാരിച്ചു.

വൈത്തിരി: കലക്ടറേറ്റിലേക്ക് മാർച്ച്​ നടത്തിയ യൂത്ത് കോൺഗ്രസ്​ പ്രവർത്തകരെയും യു.ഡി.എഫ് ജില്ല കൺവീനറെയും പൊലീസ് മർദിച്ചതിൽ വൈത്തിരി കോൺഗ്രസ് മണ്ഡലം കമ്മിറ്റി പ്രതിഷേധിച്ചു.പ്രസിഡൻറ്​ എ.എ. വർഗീസ് അധ്യക്ഷത വഹിച്ചു. എം. രാഘവൻ, കെ.വി. ഫൈസൽ, സലിം, ഷഹീർ, എസ്. രാമചന്ദ്രൻ എന്നിവർ സംസാരിച്ചു.

മാനന്തവാടി: പൊലീസ് അതിക്രമത്തിൽ കുറ്റക്കാർക്കെതിരെ കർശന നടപടി സ്വീകരിക്കണമെന്ന് മുൻ മന്ത്രിയും എ.ഐ.സി.സി അംഗവുമായ പി.കെ. ജയലക്ഷ്മി ആവശ്യപ്പെട്ടു. ജനാധിപത്യരീതിയിൽ പ്രതിഷേധിക്കുന്നവരെ അടിച്ചമർത്താനുള്ള ഭരണകൂട തീരുമാനം പ്രതിഷേധാർഹമാണെന്ന്​ ജയലക്ഷ്മി പറഞ്ഞു.