പെരിയ ഇരട്ടക്കൊല: പ്ര​തി​ക​ൾ ആ​വ​ശ്യ​പ്പെ​ട്ടത് ക​ണ്ണൂ​ർ ജ​യി​ലി​ലേ​ക്ക് അ​യ​ക്ക​ണ​മെ​ന്ന്

കൊ​ച്ചി: കാസർകോട് പെരിയയിൽ രണ്ട് യൂത്ത് കോൺഗ്രസ് പ്രവർത്തകരെ കൊലപ്പെടുത്തിയ കേസിൽ ശിക്ഷാ വിധി പറഞ്ഞ ഇന്ന്, പ്രതികൾ കോടതിയിൽ ആവശ്യപ്പെട്ടത് ക​ണ്ണൂ​ർ ജ​യി​ലി​ലേ​ക്ക് അ​യ​ക്ക​ണ​മെ​ന്ന്. ശി​ക്ഷ വി​ധി​ക്കും മു​മ്പു​ള്ള വാ​ദ​ത്തി​ലാ​ണ്​ ഇക്കാര്യം ആവശ്യപ്പെട്ടത്. കു​ടും​ബ​ത്തെ നോ​ക്കാ​ൻ ആ​രു​മി​ല്ലെ​ന്നും പ്ര​തി​ക​ൾ കോടതിയെ അറിയിച്ചു.

കൃ​പേ​ഷി​നെ​യും ശ​ര​ത് ലാ​ലി​നെ​യും കൊ​ല ചെ​യ്ത​ത് പ്ര​ഫ​ഷ​ന​ൽ രീ​തി​യി​ലാ​ണെ​ന്നും വ​ധ​ശി​ക്ഷ ന​ൽ​ക​ണ​മെ​ന്നും പ്രോ​സി​ക്യൂ​ഷ​ൻ പറഞ്ഞു. പ്ര​തി​ക​ളു​ടെ ക്രൂ​ര​കൃ​ത്യ​ത്തി​ലൂ​ടെ ര​ണ്ട് യു​വാ​ക്ക​ളു​ടെ ജീ​വി​തം ഇ​ല്ലാ​താ​യി. കൃ​ത്യ​മാ​യ ഗൃ​ഹ​പാ​ഠം ന​ട​ത്തി​യാ​ണ് പ്ര​തി​ക​ൾ കൊ​ല​പാ​ത​കം ന​ട​ത്തി​യ​തെ​ന്നും കൊ​ല ചെ​യ്യ​പ്പെ​ട്ട​വ​രു​ടെ കു​ടും​ബ​ത്തി​ന്‍റെ മാ​ന​സി​കാ​വ​സ്ഥ പ​രി​ഗ​ണി​ച്ചാ​ൽ പ്ര​തി​ക​ൾ ഒ​രു ക​രു​ണ​ക്കും അ​ർ​ഹ​മ​ല്ലെ​ന്നും പ്രോ​സി​ക്യൂ​ഷ​ൻ ബോ​ധി​പ്പി​ച്ചു.

ഇ​രു​ഭാ​ഗം വാ​ദ​വും പൂ​ർ​ത്തി​യാ​ക്കി​യ​ശേ​ഷം കേ​സ് വ​ധ​ശി​ക്ഷ ന​ൽ​കാ​വു​ന്ന അ​പൂ​ർ​വ​ങ്ങ​ളി​ൽ അ​പൂ​ർ​വം എ​ന്ന ഗ​ണ​ത്തി​ൽ ഉ​ൾ​പ്പെ​ടി​ല്ലെ​ന്ന്​ കോ​ട​തി വി​ല​യി​രു​ത്തി. ഡ​ൽ​ഹി സ്ഫോ​ട​ന​ക്കേ​സി​ലെ പ്ര​തി​ക​ൾ​ക്കു​പോ​ലും വ​ധ​ശി​ക്ഷ വി​ധി​ച്ചി​ട്ടി​ല്ലെ​ന്നും മു​ൻ കോ​ട​തി വി​ധി​ക​ൾ പ​രി​ഗ​ണി​ക്ക​ണ​മെ​ന്നും പ്ര​തി​ഭാ​ഗം വാ​ദി​ച്ചു. തു​ട​ർ​ന്നാ​ണ്​ 10 പ്ര​തി​ക​ൾ​ക്ക് ജീ​വ​പ​ര്യ​ന്തം ത​ട​വും നാ​ലു​പേ​ർ​ക്ക് അ​ഞ്ചു​വ​ർ​ഷം വീ​തം ക​ഠി​ന ത​ട​വും വി​ധി​ച്ച​ത്.

സം​സ്ഥാ​ന രാ​ഷ്ട്രീ​യ​ത്തി​ൽ കോ​ളി​ള​ക്ക​ങ്ങ​ൾ സൃ​ഷ്ടി​ച്ച കേ​സി​ൽ 20 മാ​സ​ത്തോ​ളം നീ​ണ്ട വി​ചാ​ര​ണ ന​ട​പ​ടി​ക​ളാ​ണ് ​വെ​ള്ളി​യാ​ഴ്ച ശി​ക്ഷാ​വി​ധി​യോ​ടെ അ​വ​സാ​നി​ച്ച​ത്. പ്ര​തി​ക​ൾ ആ​ക്ര​മ​ണ​ത്തി​ന് ഉ​പ​യോ​ഗി​ച്ച വാ​ഹ​ന​ങ്ങ​ൾ എ​ന്ത് ചെ​യ്യ​ണ​മെ​ന്ന കാ​ര്യ​ത്തി​ൽ കോ​ട​തി പ്ര​ത്യേ​ക ഉ​ത്ത​ര​വി​റ​ക്കും. അ​തേ​സ​മ​യം, ഉ​പ​യോ​ഗി​ക്കാ​നാ​വാ​ത്ത തൊ​ണ്ടി​മു​ത​ലു​ക​ൾ ന​ശി​പ്പി​ച്ചു​ക​ള​യാ​നും കോ​ട​തി നി​ർ​ദേ​ശി​ച്ചി​ട്ടു​ണ്ട്.