കൂരാച്ചുണ്ട്: കോടഞ്ചേരി സ്റ്റേഷനിലെ സിവിൽ പൊലീസ് ഓഫിസർ മുതുകാട് പൊന്മലപ്പാറ ചേലാറ്റിൽ വിനോദ് കുമാറി (41)നെതിരെയുള്ള പോക്സോ കേസ് അന്വേഷിക്കാൻ കോഴിക്കോട് റൂറൽ ജില്ല പൊലീസ് മേധാവി ആർ. കറുപ്പ സ്വാമി പ്രത്യേക അന്വേഷണസംഘത്തെ ചുമതലപ്പെടുത്തി. പേരാമ്പ്ര എ.എസ്.പി വിഷ്ണു പ്രദീപിനാണ് ചുമതല. കൂരാച്ചുണ്ട് സി.ഐ കെ.പി. സുനിൽകുമാർ, വടകര വനിത സെൽ സി.ഐ എം. ഉഷാകുമാരി ഉൾപ്പെടെ ഒമ്പതുപേരാണ് സംഘത്തിലുള്ളത്.
പ്രതിയായ പൊലീസ് ഉദ്യോഗസ്ഥനെ സർവിസിൽനിന്ന് സസ്പെൻഡ് ചെയ്തിട്ടുണ്ട്. ഇയാൾ ഒളിവിലാണെന്നാണ് പൊലീസ് പറയുന്നത്. കൂരാച്ചുണ്ട് പൊലീസ് സ്റ്റേഷൻ പരിധിയിലെ യുവതിയാണ് വിനോദ് കുമാറിനെതിരെ താമരശ്ശേരി ഡിവൈ.എസ്.പിക്ക് പരാതി നൽകിയത്. വീട്ടിൽ അതിക്രമിച്ചു കയറി ഇവരുടെ പ്രായപൂർത്തിയാകാത്ത പെൺകുട്ടികളോട് മോശമായി പെരുമാറിയെന്നാണ് പരാതി. വിനോദ് കുമാറിനെതിരെ കൂരാച്ചുണ്ട് പൊലീസ് ആണ് പോക്സോ കേസ് രജിസ്റ്റർ ചെയ്തത്. നേരത്തേ ഇയാൾക്കെതിരെ യുവതി നൽകിയ കേസിൽ ഹൈകോടതിയിൽനിന്ന് മുൻകൂർ ജാമ്യത്തിലിറങ്ങിയതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.