തെരുവ് നായ്ക്കളിൽ ത്വക്​രോഗം വ്യാപകം; ശ്രദ്ധിച്ചില്ലെങ്കിൽ മനുഷ്യരിലേക്ക്​ പകരുമെന്ന്​ ആരോഗ്യ പ്രവർത്തകർ

ചേ​ർ​ത്ത​ല: തെ​രു​വ് നാ​യ്ക്ക​ളി​ലു​ണ്ടാ​വു​ന്ന തൊ​ലി​പ്പു​റ​ത്തെ വൈ​റ​സ് ബാ​ധ വ​ൻ​തോ​തി​ൽ വ​ർ​ധി​ക്കു​ന്നു. ഇ​ത്​ മ​നു​ഷ്യ​രി​ലേ​ക്കും പ​ട​രു​മെ​ന്ന്​ ആ​രോ​ഗ്യ വി​ദ​ഗ്​​ധ​ർ. റോ​ഡി​ലൂ​ടെ അ​ല​ഞ്ഞ് തി​രി​ഞ്ഞ് ന​ട​ക്കു​ന്ന നാ​യ്ക്ക​ളി​ലാ​ണ് തൊ​ലി അ​ഴു​കി പോ​കു​ന്ന വൈ​റ​സ് ബാ​ധ ക​ണ്ടു​വ​രു​ന്ന​ത്. തെ​രു​വ് നാ​യ്ക്ക​ൾ കൂ​ട്ട​ത്തോ​ടെ ന​ട​ക്കു​ന്ന​തും ക​ടി​പി​ടി​കൂ​ടു​ന്ന​തി​ലൂ​ടെ​യു​മാ​ണ് വൈ​റ​സ് ബാ​ധ വ്യാ​പി​ക്കു​ന്ന​ത്.

കാ​ലാ​വ​സ്ഥ മാ​റ്റ​വും ശു​ചി​ത്വ​മി​ല്ലാ​ത്ത​തും രോ​ഗ​പ്ര​തി​രോ​ധ ശേ​ഷി​ക്കു​റ​വു​മാ​ണ് ച​ർ​മ രോ​ഗം വ​ർ​ധി​ക്കാ​ൻ കാ​ര​ണം. വ​ലി​യ തോ​തി​ലു​ള്ള ചൊ​റി​ച്ചി​ൽ മൂ​ലം ശ​രീ​ര​ത്തി​ലെ രോ​മം കൊ​ഴി​ഞ്ഞ ഭാ​ഗ​ത്ത് ചു​വ​ന്ന് ത​ടി​ച്ച അ​വ​സ്ഥ​യെ ഡെ​ർ​മാ​റ്റോ മൈ​ക്കോ സി​സ് (Dermato mycosis) എ​ന്നാ​ണ് മൃ​ഗ​ഡോ​ക്ട​ർ​മാ​ർ വി​ശേ​ഷി​പ്പി​ക്കു​ന്ന​ത്. ഇ​ത് നി​യ​ന്ത്രി​ച്ചി​ല്ലെ​ങ്കി​ൽ മ​നു​ഷ്യ​രി​ലേ​ക്ക്​ വ​ള​രെ വേ​ഗം വ്യാ​പി​ക്കു​മെ​ന്നാ​ണ് ആ​രോ​ഗ്യ പ്ര​വ​ർ​ത്ത​ക​ർ പ​റ​യു​ന്ന​ത്.

ചേ​ർ​ത്ത​ല ന​ഗ​ര​ത്തി​ന്‍റെ വി​വി​ധ​യി​ട​ങ്ങ​ളി​ൽ തെ​രു​വ് നാ​യ്ക്ക​ളു​ടെ ശ​ല്യം വ​ർ​ധി​ച്ചി​ട്ടു​ണ്ട്. മു​ട്ടം മാ​ർ​ക്ക​റ്റ് കേ​ന്ദ്രീ​ക​രി​ച്ച് നാ​യ്ക്ക​ളു​ടെ ശ​ല്യ​വും രോ​ഗ​ബാ​ധ​യും വ​ള​രെ കൂ​ടു​ത​ലാ​ണ്. ഇ​തി​നെ​തി​രെ ന​ഗ​ര​സ​ഭ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് വി​വി​ധ യു​വ​ജ​ന സം​ഘ​ട​ന​ക​ളും രം​ഗ​ത്ത് വ​ന്നി​ട്ടു​ണ്ട്.