റാമല്ല: വെസ്റ്റ് ബാങ്കിൽ ഇസ്രായേൽ സേന തുടരുന്ന അതിക്രമങ്ങളിൽ മൂന്നു ഫലസ്തീനികൾകൂടി കൊല്ലപ്പെട്ടു.നാബുൽസ് പട്ടണത്തിലാണ് മൂന്നുപേരെ ഇസ്രായേലി ബുള്ളറ്റുകൾ വധിച്ചുകളഞ്ഞതെന്ന് ഫലസ്തീൻ ആരോഗ്യ മന്ത്രാലയം അറിയിച്ചു.
കഴിഞ്ഞ ദിവസം ജൂത കുടിയേറ്റ മേഖലയിലുണ്ടായ ആക്രമണത്തിന് പകരമായാണ് ആക്രമണമെന്ന് ഫലസ്തീൻ മാധ്യമങ്ങൾ റിപ്പോർട്ട് ചെയ്യുന്നു. അടുത്തിടെ വെസ്റ്റ് ബാങ്കിൽ ഇസ്രായേൽ അതിക്രമങ്ങൾ വർധിച്ചിട്ടുണ്ട്. ജെനിൻ ക്യാമ്പിൽ ഈ മാസം ആദ്യത്തിൽ നടന്ന റെയ്ഡിൽ മൂന്നു കുട്ടികളടക്കം 12 ഫലസ്തീനികൾ കൊല്ലപ്പെട്ടിരുന്നു. ഈ വർഷം ഇതുവരെയായി 200ലേറെ ഫലസ്തീനികളെ ഇസ്രായേൽ വധിച്ചതിൽ ഏറെയും വെസ്റ്റ് ബാങ്കിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.