കോഴിക്കോട്: മുസ്ലിം ലീഗിന്‍റെ വഖഫ് സംരക്ഷണ റാലിയിൽ പങ്കെടുക്കാതിരുന്ന എം.എൽ.എമാരായ കുറുക്കോളി മൊയ്തീൻ, എ.കെ.എം. അഷ്റഫ് എന്നിവരോട് പാർട്ടി വിശദീകരണം തേടി. പാർട്ടി പരിപാടികളിൽ ഉദാസീനത കാണിക്കുന്നവർക്കെതിരെകർശന നടപടി സ്വീകരിക്കുന്നതിന്‍റെ ഭാഗമായി ജില്ല കമ്മിറ്റി റിപ്പോർട്ട് പ്രകാരമാണ് സംസ്ഥാന
കമ്മിറ്റി വിശദീകരണം തേടിയത്. അസംബ്ലി കമ്മിറ്റിയിൽ പങ്കെടുക്കുന്നതിനായി അസംബ്ലി പാർട്ടി സെക്രട്ടറി കെ.പി.എ. മജീദിനോട് നേരത്തെ അവധി ചോദിച്ചിരുന്നതായാണ് കുറുക്കോളി മൊയ്തീൻ മറുപടി നൽകിയത്. ദുബൈ സന്ദർശനത്തിലായതിനാലാണ് പങ്കെടുക്കാൻ കഴിയാതിരുന്നതെന്ന് അഷ്റഫും വിശദീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.