റ​മ​ദാ​ൻ തി​ര​ക്കി​ൽ വി​പ​ണി

ദോ​ഹ: റ​മ​ദാ​ൻ വ്ര​തം ഒ​രാ​ഴ്ച പി​ന്നി​ടു​മ്പോ​ൾ വി​പ​ണി സ​ജീ​വ​മാ​കു​ന്നു. ഭ​ക്ഷ്യ ഉ​ൽ​പ​ന്ന​ങ്ങ​ൾ​ക്കും ഉ​പ​ഭോ​ക്തൃ വ​സ്തു​ക്ക​ൾ​ക്കും വ​ലി​യ തി​ര​ക്കാ​ണ് റ​മ​ദാ​നി​ലെ ആ​ദ്യ നാ​ളു​ക​ളി​ൽ വി​പ​ണി​യി​ൽ പ്ര​ക​ട​മാ​വു​ന്ന​ത്. റ​മ​ദാ​ൻ മാ​സ​ത്തോ​ട​നു​ബ​ന്ധി​ച്ച് വി​ത​ര​ണ ക്വോ​ട്ട​ക​ൾ വ​ർ​ധി​പ്പി​ച്ച​തോ​ടൊ​പ്പം ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കാ​ൻ ക​ച്ച​വ​ട​ക്കാ​ർ ഓ​ഫ​റു​ക​ളും ഇ​ള​വു​ക​ളു​മു​ൾ​പ്പെ​ടു​ന്ന പാ​ക്കേ​ജു​ക​ൾ പ്ര​ഖ്യാ​പി​ച്ച​തു​കാ​ര​ണം ക​ടു​ത്ത മ​ത്സ​ര​ത്തി​നും വി​പ​ണി സാ​ക്ഷ്യം​വ​ഹി​ക്കു​ന്നു​ണ്ട്.

ഭ​ക്ഷ്യ ക​മ്പ​നി​ക​ളും വ്യ​വ​സാ​യി​ക​ളും സാ​മ്പ​ത്തി​ക വി​ദ​ഗ്ധ​രും പ്രാ​ദേ​ശി​ക ഉ​പ​ഭോ​ഗം ഉ​ൾ​ക്കൊ​ള്ളാ​ൻ ആ​വ​ശ്യ​മാ​യ ച​ര​ക്കു​ക​ളു​ടെ​യും ഭ​ക്ഷ്യ ഉ​ൽ​പ​ന്ന​ങ്ങ​ളു​ടെ​യും ല​ഭ്യ​ത സ്ഥി​രീ​ക​രി​ക്കു​ക​യും ചെ​യ്യു​ന്നു​ണ്ട്. കൂ​ടാ​തെ വി​പ​ണി​യി​ൽ ഉ​ൽ​പ​ന്ന​ങ്ങ​ളു​ടെ വി​ല​സ്ഥി​ര​ത ഉ​റ​പ്പു​വ​രു​ത്താ​ൻ വാ​ണി​ജ്യ, വ്യ​വ​സാ​യ മ​ന്ത്രാ​ല​യ​ത്തി​ന്റെ റ​മ​ദാ​ൻ സം​രം​ഭ​ങ്ങ​ൾ​ക്കും പ്ര​മോ​ഷ​നു​ക​ൾ​ക്കും ഉ​പ​ഭോ​ക്താ​ക്ക​ൾ ന​ന്ദി പ​റ​യു​ന്നു. തി​ര​ക്കും ആ​വ​ശ്യ​ക്കാ​രും കൂ​ടു​മ്പോ​ഴും വി​പ​ണി​യി​ൽ വി​ല​സ്ഥി​ര​ത ശ്ര​ദ്ധേ​യ​മാ​ണ്. ഉ​പ​ഭോ​ക്താ​ക്ക​ളെ ആ​ക​ർ​ഷി​ക്കു​ന്ന​തി​നാ​യി വൈ​വി​ധ്യ​മാ​ർ​ന്ന ഓ​ഫ​റു​ക​ളും ​ഫെ​സ്റ്റി​വ​ൽ പ്ര​മോ​ഷ​നു​ക​ളും പ്ര​ഖ്യാ​പി​ച്ചാ​ണ് പ​ല സ്ഥാ​പ​ന​ങ്ങ​ളും രം​ഗ​ത്തു​ള്ള​ത്.

മി​ക്‌​സ​ര്‍ ഗ്രൈ​ൻ​ഡ​ര്‍, എ​യ​ര്‍ ഫ്രെ​യ​ര്‍, മൈ​ക്രോ ഓ​വ​ൻ, ജ്യൂ​സ് ബ്ലെ​ന്‍ഡ​ര്‍ തു​ട​ങ്ങി വൈ​വി​ധ്യ​ത​രം അ​ടു​ക്ക​ള ഉ​പ​ക​ര​ണ​ങ്ങ​ള്‍ തു​ട​ങ്ങി പ​ച്ച​ക്ക​റി, പ​ഴ വ​ര്‍ഗ​ങ്ങ​ളി​ല്‍ വ​രെ ഓ​ഫ​റു​ക​ൾ പ്ര​ഖ്യാ​പി​ച്ചി​ട്ടു​ണ്ട്.

ക​ഴി​ഞ്ഞ മൂ​ന്നു​വ​ർ​ഷ​വും റ​മ​ദാ​ൻ വി​പ​ണി​യെ കോ​വി​ഡി​ന്റെ നി​യ​ന്ത്ര​ണ​ങ്ങ​ൾ ബാ​ധി​ച്ചി​രു​ന്നു​വെ​ങ്കി​ൽ ഇ​ത്ത​വ​ണ ഉ​ത്സ​വ​കാ​ലം പോ​ലെ​യാ​ണ് നോ​മ്പെ​ത്തി​യ​ത്. രാ​വി​ലെ മു​ത​ൽ തു​ട​ങ്ങു​ന്ന തി​ര​ക്ക് വൈ​കു​ന്നേ​ര​ത്തോ​ടെ കൂ​ടു​ത​ൽ സ​ജീ​വ​മാ​വും. രാ​ത്രി​കാ​ല​ങ്ങ​ളി​ലും തി​ര​ക്കി​ന് ഒ​ട്ടും കു​റ​വി​ല്ല. റ​മ​ദാ​ൻ പ​കു​തി​യി​ലേ​ക്ക് നീ​ങ്ങു​മ്പോ​ൾ വ​സ്ത്ര ഷോ​പ്പി​ങ് കൂ​ടി സ​ജീ​വ​മാ​കു​മെ​ന്ന പ്ര​തീ​ക്ഷ​യി​ലാ​ണ് വ്യാ​പാ​രി​ക​ൾ.

​ബ​ജ​റ്റ് ത​യാ​റാ​ക്കി ചെ​ല​വ​ഴി​ക്കു​ക

സാ​ധാ​ര​ണ മാ​സ​ങ്ങ​ളെ അ​പേ​ക്ഷി​ച്ച് റ​മ​ദാ​ൻ മാ​സ​ത്തി​ൽ കു​ടും​ബ​ങ്ങ​ളു​ടെ ഉ​പ​ഭോ​ഗ​നി​ര​ക്ക് ഏ​ക​ദേ​ശം 30 ശ​ത​മാ​ന​മെ​ങ്കി​ലും വ​ർ​ധി​ക്കു​മെ​ന്നാ​ണ് ക​ണ​ക്ക്. ചെ​ല​വ് ഉ​യ​ർ​ത്താ​നും ഇ​ട​യാ​ക്കും. ഇ​തൊ​ഴി​വാ​ക്കാ​ൻ പ്ര​ത്യേ​കം ബ​ജ​റ്റ് ത​യാ​റാ​ക്കു​ക​യും ഓ​ഫ​റു​ക​ളു​ടെ പ്ര​ലോ​ഭ​ന​ത്തി​ൽ വീ​ഴാ​തെ ഷോ​പ്പി​ങ്ങി​ന് അ​നു​യോ​ജ്യ​മാ​യ സ​മ​യം ക​ണ്ടെ​ത്തു​ക​യും ചെ​യ്യ​ണം. കൂ​ടാ​തെ അ​വ​ശ്യ സാ​ധ​ന​ങ്ങ​ളി​ലും ഭ​ക്ഷ്യ​വി​ഭ​വ​ങ്ങ​ളി​ലും മാ​ത്ര​മാ​യി പ്ര​ത്യേ​കം ശ്ര​ദ്ധ കേ​ന്ദ്രീ​ക​രി​ക്കു​ക​യും വേ​ണം.

മാ​സ​ത്തി​ന്റെ തു​ട​ക്ക​ത്തി​ൽ വാ​ണി​ജ്യ, വ്യ​വ​സാ​യ മ​ന്ത്രാ​ല​യം ഉ​പ​ഭോ​ക്താ​ക്ക​ൾ​ക്ക് ആ​ശ്വാ​സ​മേ​കു​ന്ന നി​ര​വ​ധി സം​രം​ഭ​ങ്ങ​ളാ​ണ് പ്ര​ഖ്യാ​പി​ച്ച​ത്. ഇ​രു​പ​തോ​ളം മാ​ളു​ക​ൾ, ഷോ​പ്പു​ക​ൾ, വാ​ണി​ജ്യ ഔ​ട്ട്‌​ലെ​റ്റു​ക​ൾ എ​ന്നി​വ​യു​ടെ ഏ​കോ​പ​ന​ത്തോ​ടെ 900ല​ധി​കം ഉ​ൽ​പ​ന്ന​ങ്ങ​ൾ​ക്ക് കു​റ​ഞ്ഞ വി​ല പ്ര​ഖ്യാ​പി​ച്ചു. കൂ​ടാ​തെ മു​നി​സി​പ്പാ​ലി​റ്റി മ​ന്ത്രാ​ല​യ​വും വി​ദാം ഫു​ഡ് ക​മ്പ​നി​യു​മാ​യി ചേ​ർ​ന്ന് പ്രാ​ദേ​ശി​ക ഉ​ൽ​പാ​ദ​നം പ്രോ​ത്സാ​ഹി​പ്പി​ക്കു​ന്ന​തി​നും റ​മ​ദാ​നി​ൽ ആ​ട്ടി​ൻ മാം​സ​ത്തി​ന് സ​ബ്‌​സി​ഡി ന​ൽ​കു​ന്ന​തി​നു​മാ​യി ദേ​ശീ​യ സം​രം​ഭ​വും വാ​ണി​ജ്യ മ​ന്ത്രാ​ല​യം പ്ര​ഖ്യാ​പി​ച്ചി​രു​ന്നു. പ്ര​സ്തു​ത സം​രം​ഭ​ത്തി​നു​കീ​ഴി​ൽ പൗ​ര​ന്മാ​ർ​ക്ക് കു​റ​ഞ്ഞ നി​ര​ക്കി​ൽ 30000 പ്രാ​ദേ​ശി​ക ആ​ടു​ക​ളെ​യാ​ണ് വി​ത​ര​ണം ചെ​യ്യു​ക.