കൊച്ചി: മോഹൻ ലാൽ അമ്മ പ്രസിഡന്റ് സ്ഥാനത്ത് നിന്നും രാജിവെക്കണമെന്ന് എൻ.എസ് മാധവൻ. പകരം ഹോളിവുഡ് നിർമാതാവ് ഹാർവി വെയ്ൻസ്റ്റീനെ അമ്മയുടെ പ്രസിഡന്റാക്കണമെന്നാണ് എൻ.എസ് മാധവൻ ട്വിറ്ററിലൂടെ ആവശ്യപ്പെട്ടിരിക്കുന്നത്. നിരവധി ബലാൽസംഗ കേസുകളിൽ പ്രതിയാണ് ഹോളിവുഡ് നിർമാതാവ് ഹാർവി വെയ്ൻസ്റ്റീൻ. നൂറിലധികം നടിമാരാണ് ഇയാൾക്കെതിരെ പരാതി ഉന്നയിച്ച് രംഗത്തെത്തിയിരുന്നത്.
ലാലേട്ടൻ രാജി വയ്ക്കുക. ഹാർവി വൈൻസ്റ്റൈനിനെ AMMAയുടെ പ്രസിഡന്റാക്കുക. #Metoo
— N.S. Madhavan (@NSMlive) June 26, 2018
നടീനടന്മാരുടെ സംഘടനയായ അമ്മയിലേക്ക് ദിലീപിനെ തിരിച്ചെടുത്തതിനെ പരിഹസിച്ചാണ് എൻ.എസ് മാധവന്റെ ട്വീറ്റ്. നടി ആക്രമിക്കപ്പെട്ട കേസിൽ നേരത്തേയും നടിയെ അനുകൂലിച്ചുകൊണ്ട് എൻ.എസ് മാധവൻ രംഗത്തെത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.