എ.ഐ.കെ.എം.സി.സി ഫുട്‌ബാള്‍ ലീഗില്‍ വിജയികളായ ഇ.സി ഫേസ് ടു എഫ്.സി കപ്പുമായി
ബംഗളൂരു: ഓള്‍ ഇന്ത്യ കെ.എം.സി.സി ബംഗളൂരു സെന്‍ട്രല്‍ കമ്മിറ്റി അഞ്ചാമത് സമൂഹ വിവാഹത്തോടനുബന്ധിച്ച് നടത്തിയ ഫുട്‌ബാള്‍ ലീഗില്‍ ഇലക്ട്രോണിക് സിറ്റി ഫേസ് ടു എഫ്.സി ചാമ്പ്യന്മാരായി. ബാംഗ്ലൂർ ഫുട്ബാൾ സ്‌റ്റേഡിയത്തില്‍ അരങ്ങേറിയ മത്സരത്തില്‍ വിവിധ ഏരിയ കമ്മിറ്റികളുടെ 16 ടീമുകൾ ഏറ്റുമുട്ടി.
ഫൈനലില്‍ എമ്പയര്‍ എഫ്.സിയും ഇലക്ട്രോണിക് സിറ്റി ഫേസ് 2 എഫ്‌സിയും ഏറ്റുമുട്ടി. പെനാല്‍റ്റി കിക്കിലൂടെയായിരുന്നു ഇ.സി. ഫേസ് ടു എഫ്‌സിയുടെ ജയം. മുസ്‍ലിം ലീഗ് കേരള സെക്രട്ടറി കെ.എം. ഷാജി ഉദ്ഘാടനം ചെയ്തു. കർണാടക യൂത്ത് കോണ്‍ഗ്രസ് അധ്യക്ഷന്‍ മുഹമ്മദ് നാലപ്പാട് കളിക്കാരെ അഭിവാദ്യം ചെയ്തു. എ.ഐ.കെ.എം.സി.സി സെക്രട്ടറി എം.കെ. നൗഷാദ് വിജയികള്‍ക്ക് ട്രോഫികള് സമ്മാനിച്ചു. പ്രസിഡന്റ് ടി. ഉസ്മാന്‍, ഡോ.എം.എ. അമീറലി, റഹീം ചാവശ്ശേരി, അബ്ദുല്ല മാവള്ളി, ടി.സി. മുനീര്‍, അമീര്‍ ദുബൈ പ്ലാസ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.