ബംഗളൂരു: പണ്ഡിതനും സമസ്ത കേന്ദ്ര മുശാവറ അംഗവും ഉള്ളാളടക്കം നിരവധി മഹല്ലുകളുടെ ഖാദിയുമായിരുന്ന ഫസൽ കോയമ്മ തങ്ങൾ അൽ ബുഖാരിയുടെ അനുസ്മരണം വെള്ളിയാഴ്ച വൈകീട്ട് ഏഴിന് കെ.ജി ഹള്ളി താനി റോഡിലെ സി.എം.എ ഗ്രാൻഡ് കൺവെൻഷൻ സെന്‍ററിൽ നടക്കും.
മുഖ്യ അതിഥിയായി ഇന്ത്യൻ ഗ്രാൻഡ് മുഫ്തി കാന്തപുരം എ.പി. അബൂബക്കർ മുസ് ലിയാർ പങ്കെടുക്കും. പരിപാടി ശാഫി സഅദിയുടെ അധ്യക്ഷതയിൽ സി.എം. ഇബ്രാഹീം ഉദ്ഘാടനം ചെയ്യും. ഡോ. ഹുസൈൻ സഖാഫി ചുള്ളിക്കോട് മുഖ്യപ്രഭാഷണം നടത്തും. മന്ത്രി സമീർ അഹമ്മദ്, റഹീം ഖാൻ, നാസർ ഹുസൈൻ എം.പി, എം.എൽ.എമാരായ എൻ.എ. ഹാരിസ്, രിസ്‍വാൻ അർഷദ്, എം.എൽ.സിമാരായ ബി.എം. ഫാറൂഖ്, നസീർ അഹ്മദ്, അബ്ദുൽ ജബ്ബാർ എന്നിവരും റോഷൻ ബേഗ് തുടങ്ങി മറ്റു രാഷ്ട്രീയ സാംസ്കാരിക നേതാക്കളും സംബന്ധിക്കും.
സുന്നി കോഓഡിനേഷനു കീഴിൽ നടക്കുന്ന പരിപാടിക്ക് വിപുലമായ ഒരുക്കങ്ങളാണ് ഏർപ്പെടുത്തിയിട്ടുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.