ബംഗളൂരു: ഇന്ത്യൻ നാഷനൽ ലീഗ് സ്ഥാപക നേതാവും അമരക്കാരനുമായിരുന്ന ഇബ്രാഹിം സുലൈമാൻ സേട്ടിന്റെ അനുസ്മരണ സമ്മേളനം നവംബർ മൂന്നിന് ബംഗളൂരുവിൽ നടക്കും.
ശിവാജി നഗർ ഗുലിസ്ഥാൻ കൺവെൻഷൻ സെന്ററിൽ വൈകീട്ട് നാലിന് നടക്കുന്ന അനുസ്മരണ സമ്മേളനത്തിൽ ഐ.എൻ.എൽ ദേശീയ അധ്യക്ഷൻ പ്രഫ. മുഹമ്മദ് സുലൈമാൻ, മുസ്‍ലിം ലീഗ് ഓർഗനൈസിങ് സെക്രട്ടറിയും എം.പിയുമായ ഇ.ടി. മുഹമ്മദ് ബഷീർ, ജോൺ ബ്രിട്ടാസ് എം.പി, കർണാടക സ്പീക്കർ യു.ടി. ഖാദർ, കർണാടക വഖഫ്-ഭവന മന്ത്രി സമീർ അഹമ്മദ് ഖാൻ, മുൻ കേന്ദ്രമന്ത്രി സി.എം. ഇബ്രാഹിം, ഡോ. കെ.ടി. ജലീൽ എം.എൽ.എ, ഐ.എൻ.എൽ കേരള അധ്യക്ഷനും എം.എൽ.എയുമായ അഹ്മദ് ദേവർകോവിൽ തുടങ്ങിയവർ പങ്കെടുക്കും.
ഇതുസംബന്ധിച്ച് ബംഗളൂരുവിൽ ചേർന്ന ആലോചനാ യോഗത്തിൽ ദേശീയ വനിത പ്രസിഡന്റ് തസ്‌നീം ഇബ്രാഹിം, ഐ.എൻ.എൽ കേരള നേതാക്കളായ അഹ്മദ് ദേവർകോവിൽ, കാസിം ഇരിക്കൂർ, ശോഭ അബൂബക്കർ ഹാജി, പ്രവാസി ലീഗ് നേതാവ് അബ്‌ദുല്ല കോയ, കർണാടക നേതാക്കളായ അസ്ഗർ ഖാൻ, സാലിഹ്, ഐ.എം.സി.സി കർണാടക പ്രസിഡന്റ് സമീർ മമ്മൂട്ടി, സെക്രട്ടറി നസീർ ഹാജി തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.