പിടിയിലായ രാജു തുമ്പാക്ക്
ബംഗളൂരു: മുസ്‍ലിം സ്ത്രീകൾ പ്രസവ യന്ത്രങ്ങളാണെന്ന് പരിഹസിക്കുന്ന വാട്സ്ആപ് സ്റ്റാറ്റസ് പങ്കുവെച്ച കർണാടകയിലെ ആർ.എസ്.എസ് പ്രവർത്തകൻ അറസ്റ്റിൽ. റായ്ചൂർ ലിംഗാസുഗുർ ടൗണിലെ രാജു തുമ്പാക്കാണ് പിടിയിലായത്. വ്യാഴാഴ്ച വൈകീട്ടാണ് ഇയാൾ സ്റ്റാറ്റസ് പങ്കുവെക്കുന്നത്. ഇത് വൈറലായതോടെ മുസ്‍ലിംകൾ പ്രതിഷേധവുമായി രംഗത്തെത്തി. പരാതി നൽകിയിട്ടും അറസ്റ്റ് വൈകുന്നതിനെതിരെ ലിംഗാസുഗുർ പൊലീസ് സ്റ്റേഷനിൽ ആളുകൾ പ്രതിഷേധവുമായെത്തി.
ഇതോടെ വ്യാഴാഴ്ച അർധരാത്രിയോടെ അറസ്റ്റ് ചെയ്ത് മജിസ്ട്രേറ്റിനുമുന്നിൽ ഹാജരാക്കി ജുഡീഷ്യൽ കസ്റ്റഡിയിൽ വിട്ടു. മതവികാരം വ്രണപ്പെടുത്തൽ, സമുദായങ്ങൾക്കെതിരെയോ വ്യക്തികൾക്കെതിരെയോ മനഃപൂർവം കുറ്റകൃത്യം നടത്താൻ പ്രേരിപ്പിക്കൽ അടക്കം വകുപ്പുകളാണ് ചുമത്തിയത്. പ്രദേശത്ത് പൊലീസ് സുരക്ഷ ശക്തമാക്കിയിട്ടുണ്ട്.
വിദ്വേഷ പ്രചാരണത്തിനെതിരെ ശക്തമായ നടപടിയെടുക്കണമെന്ന് ഉന്നത പൊലീസ് ഉദ്യോഗസ്ഥരുടെ യോഗത്തിൽ മുഖ്യമന്ത്രി സിദ്ധരാമയ്യ നിർദേശം നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.