യു​ദ്ധ​ക്കൊ​തി​യ​ൻ ഡി​പ്ലോ​മാ​റ്റ്

ക​ഴി​ഞ്ഞ ദി​വ​സം, നൂ​റാം വ​യ​സ്സി​ൽ അ​ന്ത​രി​ച്ച അ​മേ​രി​ക്ക​യു​ടെ മു​ൻ വി​ദേ​ശ​കാ​ര്യ സെ​ക്ര​ട്ട​റി ഹെൻറി കി​സി​ൻ​ജ​ർ ആ ​രാ​ജ്യ​ത്തി​ന്റെ ച​രി​ത്ര​ത്തി​ലെ സ​മ​ർ​ഥ​നാ​യ ഡി​പ്ലോ​മാ​റ്റാ​ണെ​ന്ന​തി​ൽ സം​ശ​യ​മി​ല്ല. എ​ന്നാ​ൽ അ​തി​നേ​ക്കാ​ളു​പ​രി ലോ​കം​ക​ണ്ട യു​ദ്ധ​ക്കൊ​തി​യ​നാ​യ രാ​ഷ്ട്ര ത​ന്ത്ര​ജ്ഞ​ൻ കൂ​ടി​യാ​യി​രു​ന്നു അ​ദ്ദേ​ഹം. പ്ര​മു​ഖ അ​മേ​രി​ക്ക​ൻ സെ​ലി​ബ്രി​റ്റി ഷെ​ഫും ഗ്ര​ന്ഥ​കാ​ര​നും ഡോ​ക്യു​മെ​ന്റ​റി സം​വി​ധാ​യ​ക​നു​മാ​യ ആ​ന്റ​ണി ബൊ​ർ​ഡൈ​ൻ കി​സി​ൻ​ജ​റെ കൃ​ത്യ​മാ​യി വി​ല​യി​രു​ത്തി​യി​ട്ടു​ണ്ട് .2018ൽ ​ബൊ​ർ​ഡൈ​ന്റെ മ​ര​ണ​ശേ​ഷം പു​റ​ത്തി​റ​ങ്ങി​യ A Cook's Tour: In Search of the Prefect Meal എ​ന്ന പു​സ്ത​കം കി​സി​ൻ​ജ​റു​ടെ നി​ർ​ദേ​ശാ​നു​സ​ര​ണം കം​ബോ​ഡി​യ​യി​ൽ അ​മേ​രി​ക്ക കാ​ട്ടി​ക്കൂ​ട്ടി​യ ഭീ​ക​ര​പ്ര​വ​ർ​ത്ത​ന​ങ്ങ​ൾ വി​ശ​ദീ​ക​രി​ക്കു​ന്നു.

‘ഹെൻറി കം​ബോ​ഡി​യ​യി​ൽ ചെ​യ്തു​കൂ​ട്ടി​യ​തി​ന് സാ​ക്ഷ്യം വ​ഹി​ച്ചി​രു​ന്നെ​ങ്കി​ൽ എ​ന്തു​കൊ​6ണ്ടാ​ണ് ഹേ​ഗി​ലെ അ​ന്താ​രാ​ഷ്ട്ര കോ​ട​തി​യി​ലെ പ്ര​തി​ക്കൂ​ട്ടി​ൽ മി​ലോ​സെ​വി​ച്ചി​നൊ​പ്പം (സെ​ർ​ബി​യ​യു​ടെ മു​ൻ പ്ര​സി​ഡ​ന്റ്) അ​യാ​ളെ കാ​ണാ​ത്ത​തെ​ന്ന് നി​ങ്ങ​ൾ അ​ത്ഭു​ത​പ്പെ​ട്ടേ​ക്കു’​മെ​ന്ന് പു​സ്​​ത​ക​ത്തി​ൽ ബൊ​ർ​ഡൈ​ൻ ചോ​ദി​ക്കു​ന്നു. 1959 മു​ത​ൽ 1975വ​രെ നീ​ണ്ടു​നി​ന്ന വി​യ​റ്റ്നാം യു​ദ്ധ​ത്തി​ൽ ക​മ്യൂ​ണി​സ്റ്റ് ചേ​രി​യി​ലു​ള്ള ഉ​ത്ത​ര വി​യ​റ്റ്നാ​മി​നെ​തി​രെ ദ​ക്ഷി​ണ വി​യ​റ്റ്നാ​മി​നെ പി​ന്തു​ണ​ച്ച അ​മേ​രി​ക്ക, 1973ലെ ​പാ​രി​സ്​ ഉ​ട​മ്പ​ടി​യു​ടെ അ​ടി​സ്​​ഥാ​ന​ത്തി​ൽ യു​ദ്ധ​ത്തി​ൽ​നി​ന്ന് പി​ന്മാ​റു​ന്ന​തി​നു​മു​മ്പ് ഭീ​ക​ര​മാ​യ മ​നു​ഷ്യ​വേ​ട്ട​യും പൂ​ർ​ത്തി​യാ​ക്കി. വി​യ​റ്റ്നാ​മി​ലെ മ​യ്‍ലാ​യി​യി​ൽ അ​മേ​രി​ക്ക ര​ഹ​സ്യ​മാ​ക്കി​വെ​ച്ച കൂ​ട്ട​ക്കൊ​ല​ക​ളു​ടെ വാ​ർ​ത്ത​ക​ൾ യു.​എ​സ്​ പ​ത്ര​പ്ര​വ​ർ​ത്ത​ക​ൻ സെ​യ്മൂ​ർ ഹെ​ർ​ഷാ​ണ് പു​റ​ത്തു​കൊ​ണ്ടു​വ​ന്ന​ത്.

യു​ദ്ധം കൊ​ടു​മ്പി​രി​കൊ​ള്ളു​മ്പോ​ൾ 1969ൽ ​കം​ബോ​ഡി​യ​യി​ലും ലാ​വോ​സി​ലും ക്ല​സ്റ്റ​ർ ബോം​ബി​ങ്ങി​ന് ഉ​ത്ത​ര​വി​ട്ട​ത് കി​സി​ൻ​ജ​റാ​യി​രു​ന്നു. നാ​ലു​വ​ർ​ഷം അ​മേ​രി​ക്ക അ​വി​ടെ വ​ർ​ഷി​ച്ച​ത് 5,40,000 ബോം​ബു​ക​ൾ. നാ​ലു ല​ക്ഷ​ത്തോ​ളം സി​വി​ലി​യ​ന്മാ​രാ​ണ് കൂ​ട്ട​ക്കൊ​ല ചെ​യ്യ​പ്പെ​ട്ട​ത്. അ​ർ​ജ​ന്റീ​ന, ചി​ലി ഉ​ൾ​പ്പെ​ടെ ലാ​റ്റി​ന​മേ​രി​ക്ക​ൻ രാ​ജ്യ​ങ്ങ​ളി​ൽ ക​മ്യൂ​ണി​സ്റ്റ് വി​രു​ദ്ധ സ്വേ​ച്ഛാ​ധി​പ​തി​ക​ൾ​ക്ക് ന​ൽ​കി​യ പി​ന്തു​ണ​ക്കു​പി​ന്നി​ലും ഇ​ദ്ദേ​ഹ​ത്തി​ന്റെ നി​ല​പാ​ടു​ക​ൾ മു​ഖ്യ പ​ങ്കു​വ​ഹി​ച്ചു. ബം​ഗ്ലാ​ദേ​ശ് യു​ദ്ധ​ത്തി​ൽ പാ​കി​സ്താ​നെ പി​ന്തു​ണ​ച്ചും ഇ​ന്ദി​ര ഗാ​ന്ധി​ക്കെ​തി​രെ അ​പ​കീ​ർ​ത്തി​ക​ര​മാ​യ പ​രാ​മ​ർ​ശ​ങ്ങ​ൾ ന​ട​ത്തി​യും വി​വാ​ദം സൃ​ഷ്ടി​ച്ചു.

അ​മേ​രി​ക്ക​യു​ടെ അ​മ്പ​ത്താ​റാ​മ​ത് വി​ദേ​ശ​കാ​ര്യ സെ​ക്ര​ട്ട​റി​യാ​യി 1973 സെ​പ്റ്റം​ബ​ർ 23 മു​ത​ൽ 1977 ജ​നു​വ​രി 20വ​രെ​യാ​ണ് കി​സി​ൻ​ജ​ർ പ്ര​വ​ർ​ത്തി​ച്ച​ത്. പ്ര​സി​ഡ​ന്റ് റി​ച്ചാ​ർ​ഡ് നി​ക്സ​ന്റെ ര​ണ്ടാം കാ​ല​യ​ള​വി​ലാ​യി​രു​ന്നു നി​യ​മ​നം. നി​ക്സ​ൻ ആ​ദ്യ​വ​ട്ടം പ്ര​സി​ഡ​ന്റാ​യ 1969 ജ​നു​വ​രി മു​ത​ൽ ദേ​ശീ​യ സു​ര​ക്ഷ ഉ​പ​ദേ​ഷ്ടാ​വി​ന്റെ ചു​മ​ത​ല വ​ഹി​ച്ചി​രു​ന്ന കി​സി​ൻ​ജ​ർ ര​ണ്ടു പ​ദ​വി​യും വ​ഹി​ച്ച ആ​ദ്യ അ​മേ​രി​ക്ക​ക്കാ​ര​നാ​ണ്. 1975ൽ ​പ്ര​സി​ഡ​ന്റ് ജെ​റാ​ർ​ഡ് ഫോ​ർ​ഡ് ഇ​ര​ട്ട​പ്പ​ദ​വി മാ​റ്റി അ​ദ്ദേ​ഹ​ത്തെ വി​ദേ​ശ​കാ​ര്യ സെ​ക്ര​ട്ട​റി​യാ​യി നി​ല​നി​ർ​ത്തി. സ​മാ​ധാ​ന​ത്തി​നു​ള്ള നൊ​ബേ​ൽ സ​മ്മാ​നം യു​ദ്ധ​ക്കൊ​തി​യ​ന്മാ​ർ​ക്ക് ന​ൽ​കി പ​രി​ഹാ​സ്യ​രാ​കു​ന്ന സ്വീ​ഡി​ഷ് ക​മ്മി​റ്റി ഇ​ത്ത​ര​ത്തി​ൽ ആ​ദ്യ​മാ​യി ആ​ദ​രി​ച്ച​വ​രി​ലൊ​രാ​ളാ​ണ് കി​സി​ൻ​ജ​ർ. വി​യ​റ്റ്നാം യു​ദ്ധം അ​വ​സാ​നി​പ്പി​ക്കു​ന്ന​തി​ന് ന​ൽ​കി​യ ‘സേ​വ​ന​ങ്ങ​ളു​ടെ’ പേ​രി​ലാ​യി​രു​ന്നു 1973ൽ ​പു​ര​സ്​​കാ​രം ന​ൽ​കി​യ​ത്.

ആ​യി​ര​ക്ക​ണ​ക്കി​ന് ഫ​ല​സ്​​തീ​നി​ക​ളെ കൂ​ട്ട​ക്കൊ​ല ചെ​യ്യാ​ൻ നേ​തൃ​ത്വം​കൊ​ടു​ത്ത ഇ​സ്രാ​യേ​ലി മു​ൻ പ്ര​ധാ​ന​മ​ന്ത്രി​യും പ്ര​സി​ഡ​ന്റു​മാ​യി​രു​ന്ന ഷി​മോ​ൺ പെ​ര​സി​ന് സ​മ്മാ​നം ന​ൽ​കി​യ​ത് ‘സ​മാ​ധാ​ന ദൂ​തി’​നാ​യി​രു​ന്ന​ല്ലോ! ദേ​ശീ​യ സു​ര​ക്ഷ ഉ​പ​ദേ​ഷ്ടാ​വ് എ​ന്ന​നി​ല​യി​ൽ 1969 മു​ത​ൽ അ​മേ​രി​ക്ക​ൻ വി​ദേ​ശ​കാ​ര്യ ന​യ​ങ്ങ​ളി​ൽ വ്യ​ക്ത​മാ​യ നി​യ​ന്ത്ര​ണ​മു​ണ്ടാ​യി​രു​ന്നു കി​സി​ൻ​ജ​ർ​ക്ക്. വി​ദേ​ശ​കാ​ര്യ സെ​ക്ര​ട്ട​റി പ​ദ​വി​യി​ൽ എ​ത്തി​യ​തോ​ടെ അ​ത് പാ​ര​മ്യ​ത്തി​ലെ​ത്തി.

എ​ഴു​പ​തു​ക​ളി​ൽ ചൈ​ന​യു​മാ​യി അ​മേ​രി​ക്ക​യു​ടെ ബ​ന്ധ​ത്തി​ലെ പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ കി​സി​ൻ​ജ​റു​ടെ ര​ഹ​സ്യ ന​യ​ത​ന്ത്ര ഇ​ട​പെ​ട​ലു​ക​ൾ സ​ഹാ​യി​ച്ചി​ട്ടു​ണ്ടെ​ന്ന​ത് ശ​രി​യാ​ണ്. സോ​വി​യ​റ്റ് യൂ​നി​യ​നു​മാ​യി ഉ​ണ്ടാ​ക്കി​യ ആ​യു​ധ നി​യ​ന്ത്ര​ണ ഉ​ട​മ്പ​ടി (സോ​ൾ​ട്ട് 1) കി​സി​ൻ​ജ​ർ ഡി​പ്ലോ​മ​സി​യു​ടെ മ​റ്റൊ​രു നേ​ട്ട​മാ​യി​രു​ന്നു. അ​തു​പോ​ലെ 1973ലെ ​അ​റ​ബ്-​ഇ​സ്രാ​യേ​ൽ യു​ദ്ധം അ​വ​സാ​നി​പ്പി​ക്കു​ന്ന​തി​ലും 79ലെ ​ഈ​ജി​പ്ത്-​ഇ​സ്രാ​യേ​ൽ ക്യാ​മ്പ് ഡേ​വി​ഡ് ക​രാ​ർ യാ​ഥാ​ർ​ഥ്യ​മാ​ക്കു​ന്ന​തി​ലും പ​ങ്കു​ണ്ട്. വി​ദേ​ശ​കാ​ര്യ​ങ്ങ​ളി​ൽ വാ​ഷി​ങ്ട​ണി​ന് സ്​​ഥി​രം സു​ഹൃ​ത്തു​ക്ക​ളോ ശ​ത്രു​ക്ക​ളോ ഇ​ല്ലെ​ന്നും താ​ൽ​പ​ര്യ​ങ്ങ​ൾ മാ​ത്ര​മാ​ണു​ള്ള​തെ​ന്നും തു​റ​ന്നു പ​റ​ഞ്ഞ​തും അ​ദ്ദേ​ഹ​മാ​യി​രു​ന്നു.

ഇ​സ്രാ​യേ​ൽ അ​ധി​നി​വേ​ശ​ത്തെ പി​ന്തു​ണ​ച്ച​തിന്റെ പേ​രി​ൽ 1973ൽ ​അ​റ​ബ് രാ​ജ്യ​ങ്ങ​ൾ അ​മേ​രി​ക്ക​ക്ക് എ​തി​രെ ഏ​ർ​പ്പെ​ടു​ത്തി​യ എ​ണ്ണ ഉ​പ​രോ​ധം പി​ൻ​വ​ലി​ക്കു​ന്ന​തി​ന് സ​മ്മ​ർ​ദം ചെ​ലു​ത്താ​ൻ ആ ​വ​ർ​ഷം ഡി​സം​ബ​ർ 15ന് ​അ​ന്ന​ത്തെ സൗ​ദി അ​റേ​ബ്യ​ൻ ഭ​ര​ണാ​ധി​കാ​രി ഫൈ​സ​ൽ രാ​ജാ​വി​നെ കി​സി​ൻ​ജ​ർ സ​ന്ദ​ർ​ശി​ക്കു​ക​യു​ണ്ടാ​യി.1967ലെ ​യു​ദ്ധ​ത്തി​ൽ പി​ടി​ച്ചെ​ടു​ത്ത പ്ര​ദേ​ശ​ങ്ങ​ൾ ഇ​സ്രാ​യേ​ൽ തി​രി​ച്ചു​ന​ൽ​കു​ന്ന​തു​വ​രെ ഉ​പ​രോ​ധം പി​ൻ​വ​ലി​ക്കി​ല്ലെ​ന്ന ഉ​റ​ച്ച നി​ല​പാ​ടാ​യി​രു​ന്നു രാ​ജാ​വി​ന്. ഒ​ന്ന​ര മ​ണി​ക്കൂ​ർ നേ​രം രാ​ജാ​വു​മാ​യി ച​ർ​ച്ച ന​ട​ത്തി​യി​ട്ടും കി​സി​ൻ​ജ​റു​ടെ ന​യ​ത​ന്ത്രം വി​ജ​യി​ച്ചി​ല്ല.

അ​മേ​രി​ക്ക​യു​ടെ അ​ധി​നി​വേ​ശ ഭീ​ക​ര​പ്ര​വ​ർ​ത്ത​ന​ങ്ങ​ളി​ൽ യു.​എ​സ്​ വി​ദേ​ശ​കാ​ര്യ സെ​ക്ര​ട്ട​റി​മാ​രു​ടെ പ​ങ്ക് പ​രി​ശോ​ധി​ച്ചാ​ൽ അ​തി​ലേ​റ്റ​വും മു​ന്നി​ൽ​നി​ൽ​ക്കു​ന്ന​യാ​ളാ​ണ് കി​സി​ൻ​ജ​ർ. 1991ലെ ​ഗ​ൾ​ഫ് യു​ദ്ധാ​ന​ന്ത​രം ഇ​റാ​ഖി​നു​മേ​ൽ അ​മേ​രി​ക്ക ഏ​ർ​പ്പെ​ടു​ത്തി​യ ക​ടു​ത്ത ഉ​പ​രോ​ധ​ത്തെ തു​ട​ർ​ന്ന് അ​ഞ്ചു ല​ക്ഷ​ത്തോ​ളം കു​ഞ്ഞു​ങ്ങ​ൾ കൊ​ല്ല​പ്പെ​ട്ട​ത് ഹി​രോ​ഷി​മ​യെ ക​വ​ച്ചു​വെ​ക്കു​ന്ന കൂ​ട്ട​ക്കു​രു​തി​യാ​ണെ​ന്ന് ചൂ​ണ്ടി​ക്കാ​ട്ടി​യ​പ്പോ​ൾ അ​തി​നെ പ​രി​ഹാ​സ​ത്തോ​ടെ നേ​രി​ട്ട മെ​ഡ​ലൈ​ൻ ഓ​ൾൈ​ബ്ര​റ്റ് മു​ത​ൽ ഇ​ല്ലാ​ത്ത രാ​സാ​യു​ധ​ത്തി​ന്റെ പേ​രി​ൽ യു.​എ​ൻ ര​ക്ഷാ​സ​മി​തി​യെ​പ്പോ​ലും തെ​റ്റി​ദ്ധ​രി​പ്പി​ച്ച് ഇ​റാ​ഖ് അ​ധി​നി​വേ​ശ​ത്തി​ന് ‘അ​നു​മ​തി’ വാ​ങ്ങി​യ കോ​ളി​ൻ പ​വ​ലും ഫ​ല​സ്​​തീ​നി​ൽ ഇ​സ്രാ​യേ​ൽ ന​ട​ത്തു​ന്ന വം​ശ​ഹ​ത്യാ യു​ദ്ധ​ങ്ങ​ളെ ന്യാ​യീ​ക​രി​ച്ച പോം​പി​യോ​യും ആ​ന്റ​ണി ബ്ലി​ങ്ക​നും വ​രെ​യു​ള്ള​വ​ർ അ​ദ്ദേ​ഹ​ത്തി​ന്റെ പി​ൻ​ഗാ​മി​ക​ളാ​യ​ത് സ്വാ​ഭാ​വി​കം. ഇ​റാ​ഖി​ലും അ​ഫ്ഗാ​നി​സ്​​താ​നി​ലും ആ​യി​ര​ക്ക​ണ​ക്കി​ന് നി​ര​പ​രാ​ധി​ക​ളെ കൂ​ട്ട​ക്കൊ​ല​ചെ​യ്യാ​ൻ നേ​തൃ​ത്വം​ന​ൽ​കി​യ പ്ര​തി​രോ​ധ സെ​ക്ര​ട്ട​റി ഡോ​ണ​ൾ​ഡ് റം​സ്​​ഫെ​ൽ​ഡി​നെ​യും ഇ​വി​ടെ പ​രാ​മ​ർ​ശി​ക്കാ​തി​രി​ക്കാ​നാ​വി​ല്ല.

നാ​സി ജ​ർ​മ​നി​യി​ൽ​നി​ന്നു​ള്ള അ​ഭ​യാ​ർ​ഥി​യാ​യി​രു​ന്ന കി​സി​ൻ​ജ​ർ​ക്ക് ഹോ​ളോ​കോ​സ്​​റ്റി​ൽ 13 കു​ടും​ബാം​ഗ​ങ്ങ​ളെ​യും നി​ര​വ​ധി സു​ഹൃ​ത്തു​ക്ക​ളെ​യും ന​ഷ്ട​പ്പെ​ട്ടി​രു​ന്നു. പി​റ​ന്ന മ​ണ്ണാ​യ ജ​ർ​മ​നി​യി​ൽ അ​മേ​രി​ക്ക​ൻ സൈ​നി​ക​നാ​യാ​ണ് അ​ദ്ദേ​ഹം തി​രി​ച്ചെ​ത്തു​ന്ന​ത്. ഹാ​നോ​വ​റി​നു സ​മീ​പം അ​ഹ്​​ലം കോ​ൺ​സ​ൻേ​ട്ര​ഷ​ൻ ക്യാ​മ്പി​ന്റെ മോ​ച​ന​ത്തി​ൽ പ​ങ്കെ​ടു​ത്ത കി​സി​ൻ​ജ​ർ ഇ​രു​പ​തോ​ളം പു​സ്​​ത​ക​ങ്ങ​ൾ ര​ചി​ച്ചി​ട്ടു​ണ്ട്. കോ​വി​ഡ് കാ​ല​ത്തെ​യും അ​തി​ജീ​വി​ച്ച് പി​താ​വ് നൂ​റാം ജ​ന്മ​ദി​നം ആ​ഘോ​ഷി​ച്ച വി​വ​രം മ​ക​ൻ ഡേ​വി​ഡ് കി​സി​ൻ​ജ​ർ മേ​യ് 27ന് ​പ​ങ്കു​വെ​ക്കു​ക​യു​ണ്ടാ​യി. 2020നു ​ശേ​ഷം ര​ണ്ടു പു​സ്​​ത​ക​ങ്ങ​ൾ അ​ദ്ദേ​ഹം പൂ​ർ​ത്തി​യാ​ക്കി​യെ​ന്നും മൂ​ന്നാ​മ​ത്തേ​തി​ന്റെ പ​ണി​പ്പു​ര​യി​ലാ​ണെ​ന്നും വാ​ഷി​ങ്ട​ൺ പോ​സ്​​റ്റി​ൽ എ​ഴു​തി​യ ലേ​ഖ​ന​ത്തി​ൽ ഡേ​വി​ഡ് പ​റ​ഞ്ഞി​രു​ന്നു. ന്യൂ​യോ​ർ​ക് മു​ത​ൽ ല​ണ്ട​ൻ​വ​രെ സ്വ​ന്തം ശ​താ​ബ്ദി ആ​ഘോ​ഷ​ങ്ങ​ളി​ൽ പ​ങ്കെ​ടു​ക്കു​ന്ന തി​ര​ക്കി​ലാ​യി​രു​ന്നു പി​ന്നീ​ട​ങ്ങോ​ട്ട് കി​സി​ൻ​ജ​ർ.