ചീഫ്​ ജസ്​റ്റിസ്​, രാഷ്​ട്രത്തിന്​ താങ്കളിൽ പ്രതീക്ഷയുണ്ട്​

ഏഴു​ പതിറ്റാണ്ടിലേറെ ജീവിതം കാണുകയും ഏതെങ്കിലും പാർട്ടിയുമായി ചങ്ങാത്തപ്പെടുകയും ചെയ്യാത്ത തലമുറയിൽപ്പെടുന്നവർക്ക്​ ഉറപ്പിച്ചു പറയാവുന്ന ഒരു കാര്യമുണ്ട്​- ​ തങ്ങളുടെ നീതിപൂർവകമായ ആവശ്യങ്ങൾക്ക്​ നമ്മുടെ ജനാധിപത്യ സംവിധാനം ഉത്തരം കണ്ടെത്തുമെന്ന്​ സ്വാതന്ത്ര്യാനന്തര ഇന്ത്യയിലെ സാധാരണക്കാരായ ജനങ്ങൾക്ക് ഉത്തമ വിശ്വാസമുണ്ടായിരുന്നു.

1957ലെ പൊതു തെരഞ്ഞെടുപ്പ്​ കാലത്ത്​ മധ്യപ്രദേശിലൊരു പൊതുയോഗത്തിൽ പ്രസംഗിക്കവെ താങ്കളുടെ സ്​ഥാനാർഥി അഴിമതിക്കാരനാണെന്നു പറഞ്ഞ ജനങ്ങളോട്​ എന്നാ​ലദ്ദേഹത്തിന്​ വോട്ടുചെയ്യരുതെന്ന്​ പറയുന്ന ജവഹർലാൽ നെഹ്​റു ചരിത്ര രേഖകളിലുണ്ട്​. പാർലമെൻറ്​ ചട്ടങ്ങളിൽ ചെറുതായൊരു വീഴ്​ച വരുത്തിയാൽ നെഹ്​റുവിനെപ്പോലും ശാസിക്കാൻ ലോക്​സഭ സ്​പീക്കർക്ക്​ കഴിയുമായിരുന്ന കാലമായിരുന്നു അത്​. പാർലമെൻറ്​ നടക്കുന്ന ഒരു ദിവസം പോലും വിട്ടുകളയാതെ ഫയലുകൾ കക്ഷത്ത്​ അടുക്കിപ്പിടിച്ച്​ ഇന്ത്യൻ റിപ്പബ്ലിക്കി​െൻറ പ്രഥമ പ്രധാനമന്ത്രി ഹാജരുണ്ടായിരുന്നു.

എതിർ നിലപാട്​ സ്വീകരിച്ച ഉദ്യോഗസ്​ഥരോട്​ കാര്യങ്ങൾ ത​െൻറ താൽപര്യത്തിനനുസൃതമായി വഴിവിട്ട്​ ചെയ്യണമെന്ന്​ ഒരിക്കൽ​പോലും അദ്ദേഹം ആവശ്യപ്പെട്ടിട്ടില്ല. പിന്നെ​െയാരു കാലത്ത്​, തെരഞ്ഞെടുപ്പ്​ ചട്ടങ്ങളിൽ വീഴ്​ചവരുത്താൻ ഒരാൾക്കും അവസരം നൽകാതെ കോട്ടപോലെ ഉറച്ച കാർക്കശ്യക്കാരനായ ടി.എൻ. ശേഷനെപ്പോലൊരാൾ നമുക്കിടയിലുണ്ടായിരുന്നു. ജനാധിപത്യ സംവിധാനത്തെയോ നിയമവാഴ്​ച​െയയോ അട്ടിമറിക്കാൻ ശ്രമിച്ചാൽ സർക്കാറിലെയോ വ്യവസായ ലോകത്തെയോ ഒരുത്തരെയും വിഖ്യാതരായ നമ്മുടെ പത്ര എഡിറ്റർമാർ വെറുതെ വിട്ടിരുന്നില്ല.

അടൽ ബിഹാരി വാജ്​പേയിയുടെ പാർലമെൻറിലെ കന്നി പ്രസംഗം കേട്ട്​ താങ്കൾ നാളെയൊരിക്കൽ ഇന്ത്യയുടെ പ്രധാനമന്ത്രിയായിത്തീരുമെന്ന്​ നെഹ്​റു പറഞ്ഞ ഒരു കാലമുണ്ടായിരുന്നു. കൽക്കട്ടയിലെ മോഡേൺ റിവ്യൂവിൽ നെഹ്​റുവി​െൻറ ഏകാധിപത്യ പ്രവണതകളെ നിശിതമായി വിമർശിച്ച്​ ഒരു ലേഖനം വന്ന സംഭവമുണ്ട്​, പിന്നെയാണത്​ വെളിപ്പെടുന്നത്​ ആ കുറിപ്പെഴുതിയത്​ നെഹ്​റു തന്നെയായിരുന്നുവെന്ന്​.

അതൊക്കെ ഒരു കാലം. റിപ്പബ്ലിക്കിൽ പൊതുജനം കാത്തുപോന്ന വർധിത വിശ്വാസം പിന്നീട്​ മൂക്കുകുത്തി വീണു. ഭരണനിർവഹണം വൻകിട കോർപറേറ്റുകളുടെയും ഭരണപ്പാർട്ടിയുടെയും നിഷ്​ഠുര താൽപര്യങ്ങൾ സംരക്ഷിക്കാനും പരിപാലിക്കാനുമുള്ള സംവിധാനമാണെന്നു വന്നു.

സുപ്രീംകോടതിയും ജസ്​റ്റിസ്​ രമണയും

ജനങ്ങളുടെ ആധിപത്യം അസ്​തമിക്കുന്ന സങ്കട അവസ്​ഥയിലും ഭരണഘടനയിലും ജനാധിപത്യവിശ്വാസത്തിലുമൂന്നിയ നീതി ലഭിക്കുന്ന ഒരേയൊരു ഇടമായി രാജ്യത്തെ പരമോന്നത നീതിപീഠം നിലനിന്നുപോന്നു. എന്നാൽ, സമീപകാലങ്ങളിൽ പരമോന്നത കോടതിയും വിലാപങ്ങൾക്കുള്ള കാരണമായി. കാര്യങ്ങളെല്ലാം ശുഭകരമല്ലെന്ന്​ കോടതിയിലെ ഉന്നത നീതിന്യായ ഉ​േദ്യാഗസ്​ഥർ തന്നെ പരസ്യമായി ചൂണ്ടിക്കാട്ടിയ സംഭവവുമുണ്ടായി.

ഈ വിശ്വാസച്ചോർച്ചക്ക്​ തടയിടാൻ പുതുതായി ചുമതലയേറ്റ ചീഫ്​ ജസ്​റ്റിസ്​ എൻ.വി. രമണക്ക്​ സാധിക്കുമെന്ന്​ കരുതാൻ ന്യായങ്ങളേറെയുണ്ട്​. പ്രശ്​നപരിഹാര ശ്രമങ്ങൾ അദ്ദേഹം ആദ്യദിനം തന്നെ തുടങ്ങുകയും ചെയ്​തിരിക്കുന്നു. അവകാശങ്ങളിലും അധികാരങ്ങളിലുമുള്ള വിശ്വാസം വീണ്ടെടുക്കാനുതകുന്ന പല വിധിന്യായങ്ങളിലും ജസ്​റ്റിസ്​ രമണ കക്ഷിയായിരുന്നു എന്നത്​ പ്രതീക്ഷക്ക്​ കരുത്തു പകരുന്നു.

ചീഫ്​ ജസ്​റ്റിസി​െൻറ ഓഫിസ്​ വിവരാവകാശ നിയമ പരിധിയിൽ കൊണ്ടുവന്നതും, ജമ്മു-കശ്​മീരിലെ ഇൻറർനെറ്റ്​ വിലക്ക്​ നീക്കിയതും എം.എൽ.എമാർക്കും എം.പിമാർക്കുമെതിരായ ക്രിമിനൽ കേസുകൾ പരിഗണിക്കാൻ അതിവേഗ കോടതികൾക്ക്​ ഉത്തരവിട്ടതുമെല്ലാം അതിനുദാഹരണം.

ഏറ്റവും പഴക്കമേറിയ ജനാധിപത്യ രാജ്യമായ അമേരിക്കയിൽ സുപ്രീംകോടതിയിലേക്കുള്ള ജഡ്​ജിമാരെ ​നാമനിർദേശം ചെയ്യുന്നത്​ പൊളിറ്റിക്കൽ എക്​സിക്യൂട്ടിവ്​ ആണ്​, പിന്നീട്​ അതിന്​ അമേരിക്കൻ കോൺഗ്രസ്​ നിയമസാധുത നൽകുകയാണ്​ രീതി. ഈ നാമനിർദേശങ്ങളെല്ലാം തീർത്തും പ്രത്യയശാസ്​ത്ര പരിഗണന വെച്ചുമാണ്​. മുമ്പുണ്ടായിരുന്ന പ്രസിഡൻറ്​ ഡോണൾഡ്​ ട്രംപ്​ ത​െൻറ രാഷ്​ട്രീയ-പ്രത്യയശാസ്​ത്ര താൽപര്യങ്ങൾ സംരക്ഷിക്കാൻ ലക്ഷ്യമിട്ട്​ സുപ്രീംകോടതിയിലെ മൂന്നു പേരടക്കം മുന്നൂറോളം ജഡ്​ജിമാരെയാണ്​ നിയമിച്ചിരുന്നത്​. എന്നി​ട്ടെന്തുണ്ടായി​? ​പൊള്ളയായ വാദങ്ങളുമായി പ്രസിഡൻറ്​ തെരഞ്ഞെടുപ്പിനെ വെല്ലുവിളിച്ച്​ 65ഓളം കോടതികളെ സമീപിച്ചിട്ടും ഒരു ഫലവുമുണ്ടായില്ല. ട്രംപ്​ നിയമിച്ച ജഡ്​ജിമാരാണ്​ എതിർവിധി പറഞ്ഞവരിലേറെയും.

ജഡ്​ജിമാരുടെ ​െകാളീജിയം നാമനിർദേശം ചെയ്​ത്​ സർക്കാറിലേക്ക്​ അഭിപ്രായമാരായാൻ അയക്കുന്നതാണ്​ ഇന്ത്യയിലെ​ സുപ്രീംകോടതി ജഡ്​ജി നിയമന രീതി. അതായത്,​ നിയമന കാര്യത്തിൽ അമേരിക്കൻ രീതിയിലേറെ സ്വതന്ത്ര അവസ്​ഥ നിലനിൽക്കുന്നുണ്ട്​ ഇന്ത്യയിൽ. യു.എസ്​ സുപ്രീകോടതിയിലെ ജഡ്​ജിമാരുടെ സേവന കാലാവധി​ ആജീവനാന്തമാണെങ്കിൽ ഇന്ത്യയിലതിന്​ പ്രായപരിധിയുണ്ട്​.

എന്നാൽ, ചുരുക്കം ചില ഉദാഹരണങ്ങളൊഴിച്ചാൽ, തങ്ങളുടെ റിട്ടയർമെൻറിനു ശേഷമുള്ള താൽപര്യങ്ങളേക്കാളുപരി ജനങ്ങളുടെ വിശ്വാസമാണ്​ ബഹുമാന്യരായ ജഡ്​ജിമാർ ഉയർത്തിപ്പിടിച്ചത്​. സ്വതന്ത്രമായ അഭിപ്രായ പ്രകടനത്തിനും സമാധാനപൂർണമായ ഒത്തുചേരലിനും പ്രതിഷേധത്തിനും, സ്വകാര്യതക്കും മേൽ അന്യായപൂർണവും ജനാധിപത്യവിരുദ്ധവുമായ കൈയേറ്റം നടമാടുന്ന, ഹേബിയസ്​ കോർപസ്​ പോലും ആപത്തിലായ വല്ലാത്തൊരു കാലത്താണ്​ ജസ്​റ്റിസ്​ രമണ ചീഫ്​ ജസ്​റ്റിസായി ചുമതലയേറ്റിരിക്കുന്നത്​.

ഭരണഘടന വാഗ്​ദാനം ചെയ്യുന്ന ജനകീയ അവകാശങ്ങൾ സംരക്ഷിക്കുന്നതിൽ വരുന്ന വീഴ്​ചകളെക്കുറിച്ച്​ തികഞ്ഞ ബോധ്യത്തോടെ ചില കീഴ്​കോടതികൾ പക്ഷപാതിത്വമോ മുൻവിധികളോ കൂടാതെ നിയമനിർവഹണത്തിന്​ മുന്നോട്ടുവന്ന മഹിതമായ അനുഭവങ്ങൾ സമീപകാലങ്ങളിലുണ്ട്​. വടക്കു കിഴക്കൻ ഡൽഹി കലാപ വിഷയത്തിൽ പ്രോസിക്യൂഷ​െൻറ വ്യാജവും പക്ഷംപിടിച്ചുള്ളതുമായ നിലപാടുകൾക്കെതിരെ അവർ നിലകൊണ്ടു. ചില ഹൈകോടതികളും പ്രോസിക്യൂഷ​െൻറ അന്യായമായ അപേക്ഷകൾ അനുവദിക്കാൻ കൂട്ടാക്കാതെ മൗലികാവകാശങ്ങളുടെ കാവൽപോരാളികളായി മാറി. ദശലക്ഷക്കണക്കിന്​ സാധുജനങ്ങൾ അവർ കടന്നുപോകുന്ന ദുഃസ്വപ്​നത്തിൽ നിന്ന്​ വിടുതൽ തേടുന്നു. അതുകൊണ്ടു തന്നെ, നീതിപൂർണമായി സുപ്രീംകോടതിയെ മുന്നോട്ടു നയിക്കുന്നതിന്​ ജസ്​റ്റിസ്​ രമണക്ക്​ അവർ എല്ലാവിധ അനുഗ്രഹാശംസകളും നേരുന്നു.

ഭരണഘടനയുടെ സംസ്​ഥാപനം മുതൽ ഭരണകൂടത്തി​െൻറ അമിതാധികാര പ്രയോഗങ്ങളിൽ നിന്ന്​ പൗരജനങ്ങളുടെ അവകാശങ്ങൾ സംരക്ഷിച്ചു നിർത്താൻ രൂപം കൊണ്ടതാണ്​ നീതിന്യായ സംവിധാനമെന്ന്​ നാം വിശ്വസിച്ചുപോരുന്നുണ്ട്​. വർഷങ്ങൾക്കിപ്പുറം ഈ ധാരണ പിന്നാക്കം മറിഞ്ഞിരിക്കുന്നു. ഇന്ന്​ ഭരണകൂടത്തിനാണ്​ അഭിപ്രായവ്യക്​തതയുള്ള ജനങ്ങളിൽ നിന്ന്​ സംരക്ഷണം വേണ്ടത്​. ഇതിലേറെ അപഹാസ്യതയെന്തുണ്ട്​?

(രാഷ്​ട്രീയ നിരീക്ഷകനും ഡൽഹി സർവകലാശാല മുൻ അധ്യാപകനുമാണ്​ ലേഖകൻ)