ആ വെ​ട്ടി​പ്പു​കാ​ര​ൻ ഇപ്പോഴുമെ​ന്തേ സ്വ​ത​ന്ത്ര​നാ​യി വിലസുന്നു?

പൊ​തു​മേ​ഖ​ല ബാ​ങ്കു​ക​ളിൽ നിന്ന്​ ആയിരക്കണക്കിന്​ കോടികൾ വായ്​പയെടുത്ത്​ തിരിച്ചടക്കാതെയും നികുതിവെട്ടിച്ചും രാജ്യത്തെ ക​ബ​ളി​പ്പി​ച്ച​ ശേ​ഷം വി​ദേ​ശ​രാ​ജ്യ​ങ്ങ​ളി​ൽ സു​ഖ​വാ​സം ന​ട​ത്തു​ന്ന ഇ​ന്ത്യ​ൻ കോ​ർ​പ​റേ​റ്റു​ക​ൾ നി​ര​വ​ധിയുണ്ട​ല്ലോ. അ​തി​ൽപ്പെട്ട മെ​ഹു​ൽ ചോ​ക്​​സി​, അ​ന​ന്തര​വ​ൻ നീ​ര​വ്​ മോ​ദി​,കി​ങ്​​ഫി​ഷ​ർ ഗ്രൂ​പ്​​ ഉ​ട​മ വി​ജ​യ്​ മ​ല്യ​എന്നിവർ ഏ​റ​ക്കു​റെ ഇ​ന്ത്യ​ൻ ഗ​വ​ൺ​മെ​ൻ​റിെൻറ ക​സ്​​റ്റ​ഡി​യി​ലാ​ക്ക​പ്പെ​ട്ട നി​ല​യി​ലാ​യി​ട്ടു​ണ്ട്. എന്നിരിക്കിലും അ​വ​ർ​ക്കെ​ന്തു സം​ഭ​വി​ക്കു​മെ​ന്ന്​ കാ​ത്തി​രു​ന്നു​ത​ന്നെ കാ​ണേ​ണ്ടി​വ​രും. ഇത്തരം ​വ​ൻ വെ​ട്ടി​പ്പു​കാ​ർ​ക്ക്​ വ​ഴി​കാ​ട്ടി​യാ​യി, അ​തി​ലേ​റെ വി​ദ​ഗ്​​ധ​മാ​യ പ്ര​വ​ർ​ത്ത​ന​മാ​തൃ​ക​ക​ളി​ലൂ​ടെ രാ​ജ്യംവി​ട്ട മ​റ്റൊ​രു കോ​ർ​പ​റേ​റ്റ്​ വ​മ്പ​നെ​പ്പ​റ്റി ഇ​പ്പോ​ൾ അ​ധി​കമൊന്നും പ​റ​ഞ്ഞു​കേ​ൾ​ക്കാ​റി​ല്ല. സു രാ​ജ്​ ഡ​യ​​മ​ണ്ട്​ എ​ന്ന ര​ത്​​ന​വ്യാ​പാ​ര ക​മ്പ​നിയുടെ ചീ​ഫ്​ എ​ക്​​സി​ക്യൂ​ട്ടി​വ്​ ഓ​ഫി​സ​ർ ജ​തി​ൻ മേ​ത്തയെപ്പറ്റി​!. ഓ​ഹ​രിവി​പ​ണി​ക​ളി​ൽ വ​ലി​യ സ്വാ​ധീ​നം നേ​ടി​യെ​ടു​ക്കു​ന്ന​തി​ൽ വി​ജ​യം ക​ണ്ട ഈ ​ര​ത്​​ന​വ്യാ​പാ​രി ഡ​യ​മ​ണ്ട്​ നി​ർ​മാ​ണ​ത്തി​ൽ പു​തി​യ സാ​​ങ്കേ​തി​ക​വി​ദ്യ സ്വാ​യ​ത്ത​മാ​ക്കി​യെ​ന്ന്​ പ്ര​ച​രി​പ്പി​ച്ച​ാണ്​ ഈ പ്രാ​മു​ഖ്യ​മെല്ലാം കൈ​വ​രി​ച്ച​ത്.

സ്വ​ന്തം പ​രീ​ക്ഷ​ണ​ശാ​ല​ക​ളി​ലെ മ​നു​ഷ്യ​നി​ർ​മി​ത​ ര​ത്​​ന​ങ്ങ​ൾ, പ്ര​കൃ​തി​യ​ിൽ​നി​ന്ന്​ ഖ​ന​നം ചെ​യ്​​തെ​ടു​ക്കു​ന്ന​വ​യേ​ക്കാ​ൾ ചെ​ല​വു​കു​റ​ഞ്ഞ​തും ആകർഷകവുമാണെന്നും അ​വ​യു​ടെ വ​ൻ​തോ​തി​ലെ 'നി​ർ​മാ​ണം' അ​മേ​രി​ക്ക​യി​ലെ​യും ഫി​ലി​പ്പീ​ൻ​സി​ലെ​യും ഫാ​ക്​​ട​റി​ക​ളി​ൽ ന​ട​ന്നു​വ​രു​ന്നു​ണ്ടെ​ന്നു​മാ​യി​രു​ന്നു പ്ര​ച​ാരണം. ഇ​തി​നെ​ല്ലാം നേ​തൃ​ത്വം വ​ഹി​ച്ചി​രു​ന്ന​ത്​ 1985ൽ ​സ്​​ഥാ​പി​ത​മാ​യ, ഗു​ജ​റാ​ത്തി​ലെ സൂ​റ​ത്ത്​ ആ​സ്​​ഥാ​ന​മാ​യി പ്ര​വ​ർ​ത്ത​നം തു​ട​ങ്ങി​യി​രു​ന്ന, വി​ൻ​സം ഡ​യ​മ​ണ്ട്​​സ്​ ആ​ൻ​ഡ്​ ജ്വ​ല്ല​റി ലി​മി​റ്റ​ഡ്​ എ​ന്ന ര​ജി​സ്​​ട്രേ​ഡ്​ സ്​​ഥാ​പ​ന​​മാ​യി​രു​ന്നു. പ​ബ്ലി​ക്​ ലി​മി​റ്റ​ഡ്​ ക​മ്പ​നി​യെ​ന്ന നി​ല​യി​ൽ സു​ രാ​ജ്​ ഡ​യ​മ​ണ്ട്​ (ഇ​ന്ത്യ) ലിമിറ്റഡ്​ സ്വ​ന്തം മ​ക​​​െൻറ പേ​രി​ലാ​ണ്​ ര​ജി​സ്​​റ്റ​ർ ചെ​യ്​​തി​രു​ന്ന​ത്​.

2001ൽ ​ഇ​തി​െ​ൻ​റ പേ​ര്​​ സു​രാ​ജ്​ ഡ​യ​​മ​ണ്ട്​​സ്​ ആ​ൻ​ഡ്​ ജ്വ​ല്ല​റി ലി​മി​റ്റ​ഡ്​ എ​ന്നാ​ക്കി മാ​റ്റി. എ​ന്തി​നു​വേ​ണ്ടി​യാ​വും ഈ ​പേ​രു​മാ​റ്റം എ​ന്ന്​ അ​ക്കാ​ല​ത്തു​ത​ന്നെ സം​ശ​യമുയർന്നി​രു​ന്നെ​ങ്കി​ലും അ​ധി​കാ​രി​ക​ൾ ഗൗനിച്ചി​ല്ല. ബെ​ൽ​ജി​യ​ത്തി​ലെ ആ​ൻ​ഡ്​​വെ​ർ​പ്​​ ആ​സ്​​ഥാ​ന​മാ​യ ഇ​ൻ​റ​ർ​നാ​ഷ​ന​ൽ ജെ​മോ​ള​ജി​ക്ക​ൽ ഇ​ൻ​സ്​​റ്റി​റ്റ്യൂ​ട്ട്​ ഇ​തി​നി​ടെ അ​വ​ർ​ക്ക്​ കി​ട്ടി​യ 1000 ര​ത്​​ന​ങ്ങ​ള​ട​ങ്ങി​യ പാ​ക്കേ​ജ്​ പ​രീ​ക്ഷ​ണ​വി​ധേ​യ​മാ​ക്കി​യ​പ്പോ​ൾ ക​ണ്ടെ​ത്തി​യ​ത്, പ്ര​കൃ​തില​ഭ്യ​മാ​യ ഡയ​​മ​ണ്ട്​​സ്​ എ​ന്ന ലേ​ബ​ലോ​ടും അ​തി​ന​നു​സ​രി​ച്ചു​ള്ള വി​ല​യോ​ടു​മു​ള്ള ഇ​വ​യി​ലേ​റെ​യും മ​നു​ഷ്യ​നി​ർ​മി​ത​മാ​യി​രു​ന്നെ​ങ്കി​ലും മോ​ശ​മി​ല്ലാ​ത്ത ഗു​ണ​മേ​ന്മ​യു​ള്ളവ​യായി​രു​ന്നു​ എന്നായിരുന്നുവത്രെ. ഈ കൃ​ത്രിമ ​ര​ത്​​ന​ങ്ങ​ൾ അ​യ​ച്ചി​രു​ന്ന​ത്​ മേ​ത്ത​യു​ടെ സു​രാ​ജ്​ ഡ​യ​​​മ​ണ്ട്​​സ്​ ആ​ൻ​ഡ്​ ജ്വ​ല്ല​റി​യു​െ​ട ന്യൂ​യോ​ർ​ക്​ ഓ​ഫിസി​ൽ​നി​ന്നാ​യി​രു​ന്നു. ആ ​സ​മ​യ​ത്ത്​ അ​തി​​െൻറ പേ​ര്​ വി​ൻ​സം ഡ​യ​​മ​ണ്ട്​​സ്​ എ​ന്നാ​യി​രു​ന്നു. ഈ ​സ്​​ഥാ​പ​നം കു​റേ​ക്കാ​ലം ന​ല്ല​നി​ലയി​ൽ പ്ര​വ​ർ​ത്ത​നം ന​ട​ത്തി​വ​ന്നി​രു​ന്ന​തു​മാ​ണ്.

ര​ത്​​ന​വ്യാ​പാ​ര​ത്തി​ൽ ആ​ഗോ​ള​പ്ര​ശ​സ്​​തി നേ​ടാ​ൻ ക​ഴി​ഞ്ഞി​രു​ന്ന വി​ൻ​സം ഡ​യ​​മ​ണ്ട്​​സി​​െൻറ ആസ്​തി 2008ൽ 2200 ​കോ​ടി രൂ​പ​യാ​യി​രു​ന്ന​ത്​ 2012ൽ 6000 ​കോ​ടി​യാ​യി കു​തി​ച്ചു​യ​രു​ക​യും ചെ​യ്​​തു. എ​ന്നാ​ൽ, ഈ ​വ​ജ്രത്തിളക്കം ഏ​റെ​നാ​ൾ നീ​ണ്ടു​നി​ന്നി​ല്ല. ജ​തി​ൻ മേ​ത്ത​യു​ടെ വ്യ​വ​സാ​യ-​വ്യാ​പാ​ര സാ​മ്രാ​ജ്യം പൊടുന്നനെ ക​ട​ക്കെ​ണി​യി​ലാ​യി. 2013ൽ ​പൊ​തു​മേ​ഖ​ല ബാ​ങ്കു​ക​ളാ​യ പ​ഞ്ചാ​ബ്​ നാ​ഷ​ന​ൽ ബാ​ങ്കും സെ​ൻ​ട്ര​ൽ ബാ​ങ്കും വി​ൻ​സം ഡ​യ​മ​ണ്ട്​​​​സി​​െനയും അ​തി​​െൻറ സ​ഹോ​ദ​ര​സ്​​ഥാ​പ​ന​മാ​യി അ​പ്പോ​ഴേ​ക്ക്​ പ്ര​ശ​സ്​​ത​മാ​യി​രു​ന്ന ഫോ​ർ എ​വ​ർ പ്രെ​ഷ്യ​സ്​ ജ്വ​ല്ല​റിയെ​യും 'വി​ൽ​ഫു​ൾ ഡി​ഫാ​ൾ​​ട്ടേ​ഴ്​​സ്​' വി​ഭാ​ഗ​ത്തി​ൽ​ ഉ​ൾ​പ്പെ​ടു​ത്തു​ക​യും ക​ടം വാ​ങ്ങി​യ മു​ത​ലും പ​ലി​ശ​യും തി​രി​ച്ച​ട​ക്കാ​തി​രു​ന്ന​തി​​െൻറ പേ​രി​ൽ നി​യ​മ​ന​ട​പ​ടി​ക​ൾ​ക്ക്​ നോ​ട്ടീ​സ്​ അ​യ​ക്കാ​ൻ ന​ട​പ​ടി​ക​ൾ ആ​രം​ഭി​ക്കു​ക​യും ചെ​യ്​​തു. വിൽ​ഫു​ൾ ഡി​ഫാ​ൾ​​ട്ടേ​ഴ്​​സ്​ പ​ട്ടി​ക​യി​ൽ ഒ​രു സ്​​ഥാ​പ​നം ഉൾ​പ്പെ​ടു​ന്ന​ത്​ ക​ടം വാ​ങ്ങ​ിയ പ​ണ​വും പ​ലി​ശ​യും മ​ന​പ്പൂ​ർ​വം തി​രി​ച്ച​ട​ക്കാ​തി​രി​ക്കു​ക​യോ വാ​യ്​​പ മൂ​ല​ധ​നം ദി​ശ​മാ​റ്റം വ​രു​ത്തി ദു​രു​പ​യോ​ഗം ചെ​യ്​തെ​ന്ന്​ ക​ണ്ടു​പി​ടി​ക്ക​പ്പെ​ടു​േ​മ്പാ​ഴോ ആ​ണ്. യ​ഥാ​ർ​ഥ​ത്തി​ലു​ള്ള​തി​ലു​മേ​റെ ലാ​ഭ​മു​െ​ണ്ട​ന്ന്​ കൃ​ത്രി​മ ക​ണ​ക്കു​ണ്ടാ​ക്കി ബാ​ങ്കി​ങ്​ സ്​​ഥാ​പ​ന​ത്തെ അ​ധി​ക വാ​യ്​​പ വാ​ങ്ങി ക​ബ​ളി​പ്പി​ച്ചാ​ലും ഈ ​പ​ട്ടി​ക​യി​ൽപ്പെ​ടാം.

മൂ​ന്നു​ പൊ​തു​മേ​ഖ​ല ബാ​ങ്കു​ക​ള​ട​ക്കം 15 വാ​യ്​​പദാ​താ​ക്ക​ളു​ടെ വ​ക നി​യ​മ​പ​ര​മാ​യ ന​ടപ​ടി​ക​ൾ​ക്കും തു​ട​ക്കം​കു​റി​ക്ക​പ്പെ​ട്ടു. 2013 ​മാ​ർ​ച്ച്​ മാ​സ​മാ​യ​തോ​ടെ, വി​ൻ​സം ഡ​യ​മ​ണ്ട്​​സിെൻറ വി​ദേ​ശ ഇ​ട​പാ​ടു​കാ​രും കു​ടി​ശ്ശി​ക തി​രി​ച്ച​ട​വി​ൽ വീ​ഴ്​​ച​വ​രു​ത്തി. ഇ​ന്ത്യ​ൻ ബാ​ങ്കു​ക​ൾ​ക്ക്​ ഇ​തു​വ​ഴി​യു​ണ്ടാ​യ കി​ട്ടാ​ക്ക​ടം 3800 കോ​ടി രൂ​പ​​േയാളമായി​രു​ന്നു. ഫോ​ർ എ​വ​ർ പ്രെ​ഷ്യ​സ്​ ജ്വ​ല്ല​റി തി​രി​ച്ച​ട​വ്​ വീ​ഴ്​​ച വ​രു​ത്തി​യ​ത്​ 1700 കോ​ടി രൂ​പ​യോ​ള​മാ​യി​രു​ന്നു എ​ന്നും രേ​ഖ​പ്പെ​ടു​ത്തി​ക്കാ​ണു​ന്നു.

ജ​തി​ൻ മേ​ത്ത​ ഇ​ൗ സമയമൊന്നും വെ​റു​തെ​യി​രി​ക്കു​ക​യാ​യി​രു​ന്നി​ല്ല. സിം​ഗ​പ്പൂ​രി​ൽ ലോ​ക​ത്തി​ലേ​ക്ക്​ ഏ​റ്റ​വും വ​ലി​യൊരു ര​ത്​​നനി​ർ​മാ​ണ ലാ​ബും ബ​ന്ധ​പ്പെ​ട്ട ആ​ന്ത​ര​ഘ​ട​ന സൗ​ക​ര്യ​ങ്ങ​ളും സ​ജ്ജ​മാ​ക്കു​ക​യും യു.​എ​സ്​ ആ​സ്​​ഥാ​ന​മാ​യി പ്ര​വ​ർ​ത്ത​നം ന​ട​ത്തിവ​ന്നി​രു​ന്ന സ​മാ​ന​മാ​യൊ​രു സ്​​ഥാ​പ​ന​ത്തിെൻറ ഭൂ​രി​ഭാ​ഗം ഓ​ഹ​രി​ക​ളും സ്വ​ന്ത​മാ​ക്കു​ക​യും ചെ​യ്​​തി​രു​ന്നു​വ​ത്രെ. സ്വ​ന്തം സാ​മ്രാ​ജ്യം വ്യാ​പി​ക്കു​ന്ന​തോ​ടൊ​പ്പം അ​ദ്ദേ​ഹം ക​രീ​ബി​യ​ൻ സ്​​റ്റേ​റ്റു​ക​ളാ​യ സെ​ൻ​റ്​​കി​റ്റ്​​​സി​ലും നെ​വി​സി​ലും പൗ​ര​ത്വം സ്വീ​ക​രി​ക്കു​ക​യും അ​തി​നു​ശേ​ഷം ദു​ബൈ​യി​ലേ​ക്ക്​ കു​ടി​യേ​റി​പ്പാ​ർ​ക്കു​ക​യും ചെ​യ്​തു. വിദേശത്ത്​ പു​ത്ര​ൻ വി​ശാ​ൽ മേ​ത്ത​യു​ടെ പേ​രി​ൽ ര​ത്​​ന​നി​ർ​മാ​ണ ലാ​ബും ഇ​തി​നി​ടെ സ്​​ഥാ​പി​ച്ചി​രു​ന്നു.

രത്​ന, ര​ത്​​ന​വ്യ​വ​സാ​യ മേ​ഖ​ല​യി​ലെ പ്ര​മു​ഖ എ​ക്​​സി​ക്യൂ​ട്ടിവാ​യ അ​നി​ൽ പ്ര​ഭാ​ക​ർ സു​രാ​ജ്​ ഡ​യമ​ണ്ട്​​സി​ൽ ജോ​ലി​ക്കു​ പ്ര​വേ​ശി​ച്ച​പ്പോ​ൾ ഈ ​സ്​​ഥാ​പ​നം ഓ​ഹ​രി വി​പ​ണി​യി​ൽ ലി​സ്​​റ്റ്​ ചെ​യ്യ​പ്പെ​ട്ട ക​മ്പ​നി​ക​ളി​ൽ ഒ​ന്നാ​മതാ​യി​രു​ന്നു എ​ന്നാ​ണ് അ​ഭി​പ്രാ​യ​പ്പെ​ട്ടി​രി​ക്കു​ന്ന​ത്. അ​ക്കാ​ല​ത്ത്​ ജ​തി​ൻ മേ​ത്ത ധ​ന​കാ​ര്യ മേ​ഖ​ല മാ​നേ​ജ്​​മെ​ൻ​റി​ൽ അ​ങ്ങേ​യ​റ്റം അം​ഗീ​കാ​രം നേ​ടി​ക്ക​ഴി​ഞ്ഞ​ിരു​ന്ന​തു​മാ​ണ്. അ​തു​കൊ​ണ്ടു​ത​ന്നെ​യാ​യി​രി​ക്ക​ണം ര​ത്​​ന, ര​ത്​​നാ​ഭ​ര​ണ ക​യ​റ്റു​മ​തി പ്രോ​ത്സാ​ഹ​ന കൗ​ൺ​സി​ൽ ചെ​യ​ർ​മാ​ൻ സ്​​ഥാ​ന​ത്ത്​ നി​യ​മി​ത​നാ​യ​തും. സ​മ​കാ​ലീ​ന​നാ​യി രം​ഗ​ത്തു​വ​ന്ന മെ​ഹു​ൽ ചോ​ക്​​സി​യേ​ക്കാ​ൾ ബു​ദ്ധി​മാ​നാ​യൊ​രു ത​ട്ടി​പ്പു​കാ​ര​നാ​യി​രു​ന്നു ജ​തിൻ മേ​ത്ത. മെ​ഹു​ൽ ചോ​ക്​​സി​യു​ടെ ഡ​യ​മ​ണ്ട്​​സ്​ നി​ർ​മാ​ണ ക​മ്പ​നി​യാ​യ കാ​ർ​ബ​ൺ എ​ന്ന പ്ര​മു​ഖ സ്​​ഥാ​പ​ന​ത്തെ സ്വ​ന്തം ഉ​ട​മ​സ്​​ഥ​ത​യി​ലാ​ക്കാ​ൻ ക​ഴി​ഞ്ഞ മേ​ത്ത അ​ത്ര നി​സ്സാ​ര​നൊ​ന്നു​മ​ല്ലെ​ന്ന്​ വ്യ​ക്തമ​ല്ലേ?

ബം​ഗളൂ​രു ക​യ​റ്റു​മ​തി സം​സ്​​ക​ര​ണ മേ​ഖ​ല​യി​ലും മും​ബൈ​യി​ലെ ഓ​പ​റാ ഹൗ​സി​ലും ഉ​ണ്ടാ​യി​രു​ന്ന മേത്തയുടെ സ്​​ഥാ​പ​ന സ​മു​ച്ച​യ​ങ്ങ​ൾ തീ​ർ​ത്തും ജ​യി​ലു​ക​ൾ​ക്ക്​ സ​മാ​ന​ൈ​​ശ​ലി​യി​ലാ​ണ്​ പ്ര​വ​ർ​ത്ത​നം ന​ട​ത്തി​വ​ന്നി​രു​ന്ന​തെ​ന്ന്​ പ​റ​യ​പ്പെ​ടു​ന്നു. ഇ​വി​ടേ​ക്ക്​ പ്ര​വേ​ശ​ന​ത്തി​നാ​യി നി​ര​വ​ധി മു​ൻ​കൂ​ർ പാ​സു​ക​ൾ നി​ർ​ബ​ന്ധ​മാ​യി​രു​ന്നു. സ​്​ഥാപ​ന​ത്തി​ലെ തൊ​ഴി​ലാ​ളി​ക​ൾ​ക്കും മാ​നേ​ജ​ർ​മാ​ർ​ക്കും ഒ​രേ​സ​മ​യ​ം ഭ​ക്ഷ​ണം ക​ഴി​ക്കാ​ൻ പോലും അ​നു​മ​തി​യും ല​ഭി​ക്കു​മാ​യി​രു​ന്നി​ല്ല​ത്രെ. ഒ​റ്റവാ​ച​ക​ത്തി​ൽ പ​റ​ഞ്ഞാ​ൽ, ഒ​ട്ടും​ത​ന്നെ സു​താ​ര്യ​ത​യി​ല്ലാ​തെ പ്ര​വ​ർ​ത്ത​നം ന​ട​ത്തി​വ​ന്നി​രു​ന്ന സ്​​ഥാ​പ​ന​ങ്ങ​ളെ​ന്ന പേ​രി​ലാ​യി​രു​ന്നു ജ​തി​ൻ മേ​ത്ത​യു​ടെ വ്യ​വ​സാ​യ-​വ്യാ​പാ​ര സാ​മ്രാ​ജ്യം മൊ​ത്ത​ത്തി​ൽ അ​റി​യ​പ്പെ​ടേ​ണ്ടി​യി​രു​ന്ന​ത്. അ​തേ​സ​മ​യം, കാ​ര്യ​ങ്ങ​ൾ ഇ​തി​നു​നേ​രെ വ്യ​ത്യ​സ്​​ത​മാ​യ വി​ധ​ത്തി​ലാ​യി​രു​ന്നു. അ​ധി​കൃ​ത സ്​​ഥാ​ന​ത്തു​ള്ള​വ​ർ​ക്കു​പോ​ലും ഇ​തേപ്പ​റ്റി​യൊ​ന്നും വ്യ​ക്തമാ​യ ധാ​ര​ണ​യി​ല്ലാ​യി​രു​ന്നു എ​ന്നു​വേ​ണം അ​നു​മാ​നി​ക്കാ​ൻ. അ​പ്പോ​ൾപി​ന്നെ പൊ​തു​ജ​ന​ശ്ര​ദ്ധ​യി​ൽ ഇ​തൊ​ന്നും ഒ​രി​ക്ക​ലും വ​രാ​നി​ട​യി​ല്ല​ല്ലോ. അ​ത്ര​യേ​റെ വൈ​ദ​ഗ്​​ധ്യ​ത്തോ​ടെ​യാ​ണ്​ ജ​തിൻ ​മേ​ത്ത ത​​െൻറ വ്യ​വ​​സാ​യ-​വ്യാ​പാ​ര സാ​മ്രാ​ജ്യം നി​യ​ന്ത്രി​ച്ചുവ​ന്നി​രു​ന്ന​ത്. ഒ​രി​ക്ക​ൽ​പോ​ലും അ​ദ്ദേ​ഹ​ത്തെ ഒ​രു ത​ട്ടി​പ്പു​കാ​ര​നാ​യി കാ​ണാ​ൻ അ​വ​സ​രം ല​ഭി​ച്ചി​രു​ന്നതുമില്ല.

അ​തേ അ​വ​സ​ര​ത്തി​ൽ മേ​ത്ത​യു​ടെ ത​ട്ടി​പ്പു​ക​ൾ സം​ബ​ന്ധ​മാ​യ വി​വ​ര​ങ്ങ​ൾ നേ​രി​യതോ​തി​ൽ ചോ​ർ​ന്നു​വ​രാ​​ൻ തു​ട​ങ്ങി​യ​തോ​ടെ പ​രാ​തി​ക​ളു​ടെ ഒ​രു കു​ത്തൊ​ഴു​ക്കാ​ണു​ണ്ടാ​യ​ത്. 2014ൽ ​വി​ൻ​സം ഡയ​​മ​ണ്ട്​​സി​േ​ൻ​റ​താ​യൊ​രു വാർത്ത​ക്കു​റി​പ്പ്​ പു​റ​ത്തു​വ​ന്നി​രു​ന്നു. തീ​ർ​ത്തും അ​ടി​സ്​​ഥാ​ന​ര​ഹി​ത​മാ​യ നി​ല​യി​ൽ പു​റ​ത്തു​വ​ന്നി​രി​ക്കു​ന്ന ആ​രോ​പ​ണ​ങ്ങ​ൾ ഒ​രു ഗൂ​ഢ​ാ​ലോ​ച​ന​യു​ടെ ഫ​ല​മാ​ണെ​ന്നാ​യി​രു​ന്നു ഇ​തി​ലൂ​ടെ സ്​​ഥാ​പി​ക്കാ​ൻ ശ്ര​മി​ച്ച​ത്​. ഇ​തി​നു പി​ന്നി​ൽ ഒരു കോ​ർ​പ​റേ​റ്റ്​ റി​സ്ക്​​ അ​ഡ്വൈ​സ​റി സ്​​ഥാ​പ​ന​മാ​ണെ​നും മേ​ത്ത​ക്ക്​ വി​ദേ​ശ വാ​യ്​​പ ന​ൽ​കി​യ ഒ​രു സ്​​ഥാ​പ​ന​വും ഈ ​കോ​ർ​പ​റേ​റ്റ്​ സ്​​ഥാ​പ​ന​വും ചേ​ർ​ന്നാ​ണ് ഈ ​വ്യാ​ജ​കഥ മെ​ന​ഞ്ഞെ​ടു​ക്കു​ന്ന​തെ​ന്നു​മാ​യി​രു​ന്നു വാ​ദ​ഗ​തി. എ​ന്നാ​ൽ, 2017 ആ​യ​തോ​ടെ, മേ​ത്ത​ക്ക്​ പി​ടി​ച്ചു​നി​ൽ​ക്കാ​ൻ ക​ഴി​യാ​തെ ഓ​ഹ​രി​വി​പ​ണി​യി​ൽ​നി​ന്ന്​ പി​ൻ​വാ​േ​ങ്ങ​ണ്ട​താ​യി വ​ന്നു

ജ​തി​ൻ​ മേ​ത്ത ഇ​ന്ത്യ​യി​ൽ എ​വി​ടെ​യും ഇ​ല്ല എ​ന്നു മാ​ത്ര​മേ ന​മു​ക്കിപ്പോൾ അറിയാവൂ. ക​ട​ബാ​ധ്യ​ത​ക​ളൊ​ന്നും കൊ​ടു​ത്തു​തീ​ർ​ത്തി​ട്ടു​മി​ല്ല. പൊ​തു​മേ​ഖ​ല ബാ​ങ്കു​ക​ൾ​ക്ക്​ കോ​ർ​പ​റേ​റ്റ്​ സ്​​ഥാ​പ​ന​ങ്ങ​ൾ വ​രു​ത്തി​യി​രി​ക്കു​ന്ന ക​ട​ബാ​ധ്യ​ത​ക​ൾ ​െകാ​ടു​ത്തു​തീ​ർ​ക്കു​ന്ന​തു​മാ​യി ബ​ന്ധ​പ്പെ​ട്ട ഒ​രു ക​ടം പു​നഃ​സം​ഘ​ട​ന പ​ദ്ധ​തി​ക്ക്​ രൂ​പം ന​ൽ​കി​വ​രു​ന്ന​തി​​ലാ​ണി​പ്പോ​ൾ ആ​ർ.​ബി.​ഐ ഏ​ർ​പ്പെ​ട്ടി​രി​ക്കു​ന്ന​ത്. ഈ ​പ​ദ്ധ​തി പ്ര​യോ​ഗ​ത്തി​ലാ​ക്ക​ണ​മെ​ങ്കി​ൽ ആ​ർ.​ബി.​ഐ​യു​ടെ നി​ല​വി​ലെ നിയമവ്യ​വ​സ്​​ഥ​ക​ളി​ൽ ഭേ​ദ​ഗ​തി അ​നി​വാ​ര്യ​മാ​ണ്. ഇ​ത്ത​ര​മൊ​രു ​േഭ​ദ​ഗ​തി​വ​രു​ത്താ​ൻ എ​ന്തേ ഇ​ത്ര​കാ​ല​താ​മ​സം വേ​ണ്ടി​വ​രു​ന്നു എ​ന്ന​താ​ണ്​ ഉ​ത്ത​രം കി​​ട്ടാ​ത്തൊ​രു ചോ​ദ്യ​മാ​യി ഇ​ന്നും അ​വ​ശേ​ഷി​ക്കു​ന്ന​ത്. മാ​ത്ര​മ​ല്ല, വി​ജ​യ്​ മ​ല്യ​യെ​യും നീ​ര​വ്​ മോ​ദിയെയും ​െമഹു​ൽ ചോ​ക്​​സി​യെ​യും ഇ​ന്ത്യ​യി​ലേ​ക്കു തി​രി​​ച്ചെ​ത്തി​ക്കാ​ൻ കേ​ന്ദ്ര സ​ർ​ക്കാ​ർ ന​ട​ത്തി​വ​രു​ന്ന നീ​ക്ക​ങ്ങ​ൾ എ​ന്തേ ജ​തി​ൻ​ മേ​ത്ത​യു​ടെ കാ​ര്യ​ത്തി​ൽ സ്വീ​ക​രി​ക്കാ​തി​രി​ക്കു​ന്നു എ​ന്ന സം​ശ​യ​വും അ​വ​ശേ​ഷി​ക്കു​ക​യാ​ണ്.

അപര​ന്‍റെ കണ്ണീരൊപ്പുവാനും ഭരണഘടന ഉറപ്പു നൽകുന്ന അവകാശങ്ങൾ ഉയർത്തിപ്പിടിക്കുവാനും രാജ്യത്ത്​ നിയമാനുസൃതം പ്രവർത്തിക്കുന്ന വ്യക്​തികളെയും സംഘടനകളെയും ചാരവലയത്തിൽ നിർത്തി വിവരങ്ങൾ ചൂഴ്​ന്നെടുക്കുന്ന തിരക്കിൽ സാമ്പത്തിക വെട്ടിപ്പ്​ നടത്തി രാജ്യത്തെ ഞെരുക്കുന്നവരെക്കുറിച്ച്​ അന്വേഷിക്കുവാൻ ഭരണകൂടത്തിന്​ താൽപര്യമുണ്ടാവില്ല. പക്ഷേ, ഇത്തരക്കാരെവിടെയെന്നും അവരെ നിയമത്തിന്​ മുന്നിൽ കൊണ്ടുവരാത്തതെന്തേയെന്നും നമ്മൾ ഈ രാജ്യത്തെ ജനങ്ങൾ ചോദ്യമുയർത്തിക്കൊണ്ടേയിരിക്കണം.

(ധനതത്വശാസ്​ത്ര വിദഗ്​ധനും ആക്​ടിവിസ്​റ്റുമാണ്​ മഹാരാജാസ്​ കോളജ്​ മുൻ ​പ്രിൻസിപ്പലായ ലേഖകൻ)