ലൂയി ബ്രെയിൽ: ഹൃദയംകൊണ്ട്​ വായിച്ചൊരാൾ

ഈ വാ​ക്കു​ണ്ടാ​ക്കി​യ​ത്​ കാ​ഴ്ച​യു​ള്ള ഏ​തോ വ്യ​ക്തി​യാ​ക​ണം. അ​തു​കൊ​ണ്ടാ​വും വ​രും​കാ​ല​ങ്ങ​ളെ​ക്കു​റി​ച്ച്​ ധാ​ര​ണ​യും ചി​ന്ത​യു​മു​ള്ള മ​നു​ഷ്യ​രെ Visionary- ദീ​ർ​ഘ​വീ​ക്ഷ​ണ​മു​ള്ള​യാ​ൾ എ​ന്നു​ വി​ശേ​ഷി​പ്പി​ച്ച​ത്. വാ​ക്കു​ണ്ടാ​ക്കി​യ​ത്​ ആ​രു​മാ​വ​ട്ടെ, ഈ ലോ​ക​ത്ത്​ ജീ​വി​ച്ച സു​പ്ര​ധാ​ന വി​ഷ​ന​റി​ക​ളി​ലൊ​രാ​ൾ കാ​ഴ്ച​ശ​ക്തി​യി​ല്ലാ​ത്ത ഒ​രു മ​നു​ഷ്യ​നാ​യി​രു​ന്നു- ലൂ​യി ബ്രെ​യി​ൽ. അ​ദ്ദേ​ഹം ആ​വി​ഷ്ക​രി​ച്ച ബ്രെ​യി​ൽ ലി​പി ലോ​ക​ത്തെ ഏ​റ്റ​വും വി​ശേ​ഷ​പ്പെ​ട്ട ക​ണ്ടു​പി​ടി​ത്ത​ങ്ങ​ളി​ലൊ​ന്നു​മാ​ണ്. കാഴ്​ചയില്ലാഞ്ഞിട്ടും അ​ക്ഷ​ര​ങ്ങ​ളു​ടെ​യും അ​റി​വി​ന്‍റെ​യും തീ​ര​ത്തേ​ക്ക്​ ആത്മവിശ്വാസത്തോടെ ന​ട​ക്കാ​ൻ സ​ഹാ​യി​ച്ച​തി​ന്​ ഞാ​നു​ൾ​പ്പെ​ടെ ദ​ശ​ല​ക്ഷ​ക്ക​ണ​ക്കി​ന്​ മ​നു​ഷ്യ​ർ ആ ​മ​ഹാ​പ്ര​തി​ഭ​യോ​ട്​ ക​ട​പ്പെ​ട്ടി​രി​ക്കു​ന്നു. ലൂ​യി ബ്രെ​യി​ലി​ന്‍റെ 213ാമ​ത്​ ജ​ന്മ​ദി​ന​മാ​ണി​ന്ന്.

1809ൽ ​ഇ​തു​പോ​ലൊ​രു ജ​നു​വ​രി നാ​ലി​ന്​ ഫ്രാ​ൻ​സി​ലെ കു​​​​വ്രേ ഗ്രാ​മ​ത്തി​ൽ തി​ക​ഞ്ഞ കാ​ഴ്ച​ശ​ക്തി​യോ​ടെ​യും ആ​രോ​ഗ്യ​ത്തോ​ടെ​യു​മാ​ണ്​ അ​ദ്ദേ​ഹം ജ​നി​ച്ച​ത്. മ​റ്റാ​രു​മി​ല്ലാ​ത്ത സ​മ​യ​ത്ത്​ പി​താ​വി​ന്‍റെ ലെ​ത​ർ വ​ർ​ക്​​ഷോ​പ്പി​ൽ ക​യ​റി ക​ളി​ക്ക​വെ ക​ണ്ണി​ൽ ഇ​രു​മ്പു​ക​മ്പി തു​ള​ച്ചു​ക​യ​റി​യ​താ​ണ്​ ലൂ​യി​യു​ടെ കോ​ർ​ണി​യ​ക്ക്​ ക്ഷ​തം സം​ഭ​വി​ക്കാ​നും അ​ഞ്ചു വ​യ​സ്സാ​യ​പ്പോ​ഴേ​ക്കും കാ​ഴ്ച പൂ​ർ​ണ​മാ​യി ന​ഷ്ട​പ്പെ​ടാ​നും കാ​ര​ണ​മാ​യ​ത്. ഫാ. ​പാ​ളു​യി എ​ന്ന വൈ​ദി​ക​ന്‍റെ പ്രേ​ര​ണ​യി​ൽ കു​ടും​ബം അ​ദ്ദേ​ഹ​ത്തെ സ്കൂ​ളി​ൽ ചേ​ർ​ത്തു. മി​ടു​ക്ക​നാ​യി​രു​ന്നു ലൂ​യി. മി​ക​ച്ച ക​ലാ​കാ​ര​ൻ​കൂ​ടി​യാ​യി​രു​ന്ന പി​താ​വ്​ മ​ക​ന്​ പ​ഠി​ക്കാ​നു​ള്ള സൗ​ക​ര്യ​ത്തി​ന്​ ഒ​രു മ​ര​ക്ക​ഷ്ണ​ത്തി​ൽ ആ​ണി​ക​ൾ ത​റ​ച്ച്​ അ​ക്ഷ​ര​രൂ​പ​ങ്ങ​ൾ നി​ർ​മി​ച്ചു​ന​ൽ​കി. അ​വ​യി​ൽ സ്പ​ർ​ശി​ച്ച്​ അ​ദ്ദേ​ഹം അ​ക്ഷ​ര​മാ​ല പ​ഠി​ച്ചു.

തു​ട​ർ​പ​ഠ​ന​ത്തി​ന്​ ചേ​ർ​ന്ന റോ​യ​ൽ ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ ബ്ലൈ​ൻ​ഡ്​​സി​ൽ സ​ന്ദ​ർ​ശ​ന​ത്തി​നെ​ത്തി​യ ഒ​രു മു​ൻ പ​ട്ടാ​ള ക്യാ​പ്​​റ്റ​ൻ യു​ദ്ധ​വേ​ള​യി​ൽ സ​ന്ദേ​ശ​ങ്ങ​ൾ കൈ​മാ​റു​ന്ന​തി​ന്​ താ​ൻ ഉ​ണ്ടാ​ക്കി​യെ​ടു​ത്ത കു​ത്തു​ക​ളും വ​ര​ക​ളും ചേ​ർ​ന്ന ഒ​രു അ​ക്ഷ​ര​മാ​ല പ​രി​ച​യ​പ്പെ​ടു​ത്തി. ഇ​ത്​ ലൂ​യി​യെ വ​ല്ലാ​തെ സ്വാ​ധീ​നി​ച്ചു. അ​ച്ഛ​നും ക്യാ​പ്​​റ്റ​നും ന​ൽ​കി​യ അ​ക്ഷ​ര​സ​ഹാ​യ​ങ്ങ​ളി​ൽ​നി​ന്ന്​ ഊ​ർ​ജ​മു​ൾ​ക്കൊ​ണ്ട്​ അ​ദ്ദേ​ഹം സ്വ​ന്ത​മാ​യി ലി​പി വി​ക​സി​പ്പി​ച്ചു. ര​ണ്ടു​ കോ​ള​ങ്ങ​ളി​ലാ​യി ക്ര​മീ​ക​രി​ച്ച ആ​റ്​ കു​ത്തു​ക​ളാ​ണ്​ അ​ക്ഷ​ര​ങ്ങ​ളും അ​ക്ക​ങ്ങ​ളും സിം​ബ​ലു​ക​ളു​മെ​ല്ലാ​മാ​യി മാ​റു​ന്ന​ത്. ഇ​ട​തു​വ​ശ​ത്ത്​ മു​ക​ളി​ലാ​യി ഒ​രു കു​ത്ത്​ മാ​ത്രം ഉ​യ​ർ​ന്നു​നി​ൽ​ക്കു​ന്ന​താ​ണ്​ ഇം​ഗ്ലീ​ഷ്​ അ​ക്ഷ​ര​മാ​ല​യി​ലെ എ, ​അ​ല്ലെ​ങ്കി​ൽ 1 എ​ന്ന അ​ക്കം. ഈ ​ലി​പി ആ​വി​ഷ്ക​രി​ക്കു​മ്പോ​ൾ ഉ​പ​ജ്ഞാ​താ​വി​ന്​ പ്രാ​യം 15 മാ​ത്ര​മാ​യി​രു​ന്നു. അ​ദ്ദേ​ഹ​മ​ന്ന്​ ത​ന്നെ​ക്കു​റി​ച്ച്​ മാ​ത്ര​മ​ല്ല ചി​ന്തി​ച്ച​ത്, കാ​ഴ്ച​യി​ല്ലാ​ത്ത​തി​ന്‍റെ പേ​രി​ൽ അ​ക്ഷ​ര​ലോ​ക​ത്തു​നി​ന്ന്​ അ​ക​റ്റി​നി​ർ​ത്ത​പ്പെ​ട്ട ആ​യി​ര​ക്ക​ണ​ക്കി​ന്​ സ​ഹ​ജീ​വി​ക​ളെ​ക്കു​റി​ച്ചാ​യി​രു​ന്നു. 24ാം വ​യ​സ്സി​ൽ പ്ര​ഫ​സ​ർ പ​ദ​വി ല​ഭി​ച്ചു. ഗ​ണി​തം, ഹി​സ്റ്റ​റി, ജ്യോ​മ​ട്രി എ​ന്നി​വ​യി​ൽ മി​ക​ച്ച അ​ധ്യാ​പ​ക​നാ​യി​രു​ന്നു.

അ​തി​ലേ​റെ മി​ക​ച്ച ഒ​രു സം​ഗീ​ത​ജ്ഞ​നും. കാ​ഴ്ച​യി​ല്ലാ​ത്ത മു​ഴു​വ​ൻ ആ​ളു​ക​ൾ​ക്കും ഉ​പ​യോ​ഗി​ക്കാ​വു​ന്ന രീ​തി​യി​ൽ ലി​പി​യെ സ്വീ​ക​രി​ക്ക​ണ​മെ​ന്ന്​ ലൂ​യി​യും അ​ദ്ദേ​ഹ​ത്തി​ന്‍റെ ഗു​ണ​കാം​ക്ഷി​ക​​ളും ഫ്ര​ഞ്ച്​ അ​ധി​കൃ​ത​രോ​ട്​ അ​ഭ്യ​ർ​ഥി​ച്ചി​രു​ന്നു. ഫ്രാ​ൻ​സി​ലെ അ​ന്ന​ത്തെ ച​ക്ര​വ​ർ​ത്തി​യു​ടെ ശ്ര​ദ്ധ​യി​ൽ​പെ​ട്ടി​ട്ടും ഫ​ല​മു​ണ്ടാ​യി​ല്ല. കാ​ഴ്ച​യു​ണ്ടാ​യാ​ൽ പോ​ര​ല്ലോ, മ​നു​ഷ്യ​രു​ടെ ക​ഴി​വു​ക​ളെ അം​ഗീ​ക​രി​ക്കാ​നും ആ​വ​ശ്യ​ങ്ങ​ളെ തി​രി​ച്ച​റി​യാ​നും മ​ന​സ്സി​ന്​ വ​ലു​പ്പ​വും വേ​ണം. അ​പേ​ക്ഷ നി​ര​സി​ക്ക​പ്പെ​ട്ടു. ലി​പി പ​രി​ഷ്ക​രി​ക്കാ​നും കൂ​ടു​ത​ൽ മ​നോ​ഹ​ര​മാ​ക്കാ​നും അ​ദ്ദേ​ഹം ശ്ര​മി​ച്ചു​കൊ​ണ്ടി​രു​ന്നു. അ​തി​നി​ട​യി​ൽ ക്ഷ​യ​രോ​ഗ ബാ​ധി​ത​നാ​യി 1852ൽ 43ാം വയസ്സിൽ ഈ ​ലോ​ക​ത്തോ​ട്​ വി​ട​പ​റ​ഞ്ഞു.

ഒ​ട്ടു​മി​ക്ക പ്ര​തി​ഭ​ക​ൾ​ക്കും സം​ഭ​വി​ക്കു​ന്ന ദു​ര്യോ​ഗം​ത​ന്നെ അ​ദ്ദേ​ഹ​ത്തി​ന്‍റെ കാ​ര്യ​ത്തി​ലും സം​ഭ​വി​ച്ചു. ജീ​വി​ച്ചി​രി​ക്കെ അം​ഗീ​ക​രി​ക്കാ​ൻ മ​ടി​ച്ച ഫ്ര​ഞ്ച്​ സ​ർ​ക്കാ​ർ ലൂ​യി ബ്രെ​യി​ൽ മ​രി​ച്ച്​ ര​ണ്ടു വ​ർ​ഷം പി​ന്നി​ട്ട​തും ഈ ലിപി മഹാ സംഭവമാണെന്ന്​ അം​ഗീ​ക​രി​ച്ചു, ഉ​പ​ജ്ഞാ​താ​വി​നോ​ടു​ള്ള ആ​ദ​ര​സൂ​ച​ക​മാ​യി ബ്രെ​യി​ൽ ലി​പി എ​ന്ന പേ​രും ന​ൽ​കി.

ഒ​രു കൂ​ർ​ത്ത സൂ​ചി​കൊ​ണ്ട്​ ക​ട​ലാ​സി​ൽ കു​ത്തു​ക​ളി​ട്ടാ​ണ്​ ബ്രെ​യി​ൽ ലി​പി​യി​ൽ എ​ഴു​തി​യി​രു​ന്ന​ത്. പി​ന്നീ​ട്​ ബ്രെ​യി​ൽ ടൈ​പ്റൈ​റ്റ​റും ക​മ്പ്യൂ​ട്ട​റി​ൽ​നി​ന്ന്​ പ്രി​ന്‍റ്​ എ​ടു​ക്കാ​വു​ന്ന എം​ബോ​സ​റു​മെ​ല്ലാം നി​ല​വി​ൽ​വ​ന്നു.

പു​സ്ത​കം വാ​യി​ക്കാ​ൻ മാ​ത്ര​മ​ല്ല ബ്രെ​യി​ൽ ഉ​പ​യോ​ഗ​പ്പെ​ടു​ക. ഭി​ന്ന​ശേ​ഷി​ക്കാ​രാ​യ ജ​ന​ങ്ങ​ളെ മാ​നി​ക്കു​ന്ന നാ​ടു​ക​ളി​ൽ ലി​ഫ്​​റ്റു​ക​ളി​ലും ഓഫീസുകളുടെയും ഹോ​ട്ട​ൽ​മു​റി​ക​ളു​ടെ ഡോ​റി​ലു​മെ​ല്ലാം ന​മ്പ​റു​ക​ൾ ബ്രെ​യി​ലി​ൽ രേ​ഖ​പ്പെ​ടു​ത്തി​വെ​ക്കാ​റു​ണ്ട്. ദു​ബൈ​യി​ലും ഷാ​ർ​ജ​യി​ലു​മെ​ല്ലാം ബ​ഹു​നി​ല കെ​ട്ടി​ട​ങ്ങ​ളി​ലെ കൂ​റ്റ​ൻ ലി​ഫ്​​റ്റി​ൽ ക​യ​റി പ​ര​സ​ഹാ​യം കൂ​ടാ​തെ ആ​വ​ശ്യ​മു​ള്ള ഓ​ഫി​സു​ക​ളി​ലേ​ക്ക്​ പോ​കാ​ൻ അ​ത്​ സ​ഹാ​യി​ച്ചി​രു​ന്നു. ഇ​ന്ന്​ ബ്രെ​യി​ൽ അ​റി​യി​ല്ലെ​ങ്കി​ലും ക​മ്പ്യൂ​ട്ട​ർ സൗ​ക​ര്യ​മു​ള്ള​വ​ർ​ക്ക്​ സ്ക്രീ​ൻ റീ​ഡ​ർ, ടെ​ക്സ്റ്റ്​ സ്​​പീ​ച്ച്​ സോ​ഫ്​​റ്റ്​​വെ​യ​ർ സൗ​ക​ര്യ​മു​പ​യോ​ഗി​ച്ച്​ വാ​യി​ക്കാ​ൻ ക​ഴി​യും.

ആ​യി​ര​ക്ക​ണ​ക്കി​ന്​ ഓ​ഡി​യോ ബു​ക്കു​ക​ൾ വ​ഴി വി​ശ്വ​സാ​ഹി​ത്യ​ കൃ​തി​ക​ൾ ആ​സ്വ​ദി​ക്കാ​ൻ ക​ഴി​യും. എ​ന്നി​രി​ക്കി​ലും എ​ന്തെ​ങ്കി​ലും പു​തി​യ അ​റി​വു​ക​ൾ നേ​ടു​മ്പോ​ൾ, ആ​ശി​ച്ചു കൊ​തി​ച്ചു​കി​ട്ടി​യ ഒ​രു പു​സ്ത​കം മ​നു​ഷ്യ​നെ പേ​ന​കൊ​​ണ്ടെ​ഴു​താ​ൻ പ​ഠി​പ്പി​ച്ച നാ​ഥ​ന്‍റെ നാ​മ​ത്തി​ൽ വാ​യി​ക്കു​മ്പോ​ൾ ക​ണ്ണു​ള്ള​വ​ർ കാ​ണാ​തെ​പോ​യ ഈ ​മ​ഹാ​മ​നീ​ഷി​യെ​ക്കു​റി​ച്ചോ​ർ​ക്കും. ആ​റാം വ​യ​സ്സി​ൽ ആ​ദ്യ​മാ​യി അ​ക്ഷ​രം വാ​യി​ക്കാ​ൻ പ​ഠി​പ്പി​ച്ച വ​ഴു​ത​ക്കാ​ട്​ അ​ന്ധ​വി​ദ്യാ​ല​യ​ത്തി​ലെ ഷാ​ഹി​ദ ടീ​ച്ച​റും വി​ജ​യ​ൻ സാ​റും ബ്രെ​യി​ൽ പ​ഠി​പ്പി​ച്ചു​ത​രു​ന്ന​ത്​ മ​ന​സ്സി​ൽ വ​രും, ആ​രോ വാ​യി​ച്ചു​കൊ​ടു​ക്കു​ന്ന കേ​ര​ള പാ​ഠാ​വ​ലി​യി​ലെ പാ​ഠ​ങ്ങ​ൾ അ​ച്ചടി യ​​ന്ത്രത്തിന്‍റെ വേ​ഗതയിൽ ബ്രെ​യി​ൽ ആ​യി രേ​ഖ​പ്പെ​ടു​ത്തി​ക്കൊ​ണ്ടി​രു​ന്ന ഗി​രി​ജ ടീ​ച്ച​റെ​യും വ്യ​ക്തി​പ​ര​മാ​യി ആ​വ​ശ്യ​മി​ല്ലാ​ഞ്ഞി​ട്ടും എ​ന്‍റെ പ​ഠ​ന​ത്തി​നു​വേ​ണ്ടി മാ​ത്രം മ​ല​യാ​ളം, ഇം​ഗ്ലീ​ഷ്, ഹി​ന്ദി, അ​റ​ബി ഭാ​ഷ​ക​ളു​ടെ ബ്രെ​യി​ൽ പ​ഠി​ച്ച ഉ​മ്മ​യെ​യും ഓ​ർ​ക്കും. ഇ​വ​ർ​ക്കെ​ല്ലാം വേ​ണ്ടി മ​ന​സ്സി​ൽ ന​ന്ദി പ​റ​യും.

ഷാ​ർ​ജ യൂ​നി​വേ​ഴ്​​സി​റ്റി​യി​ലെ കോ​ള​ജ്​ ഓ​ഫ്​ ബി​സി​ന​സ്​ അ​ഡ്​​മി​നി​സ്​​ട്രേ​ഷ​നി​ൽ നിന്ന്​ ഒ​ന്നാം റാ​​ങ്കോ​ടെ ബി​രു​ദം നേ​ടി​യ ആ​ല​പ്പു​ഴ സ്വ​ദേ​ശി​യാ​യ മു​ഹ​മ്മ​ദ്​ മു​സ്ത​ഫ ഹി​ലാ​ൽ ഇ​പ്പോ​ൾ സി​വി​ൽ സ​ർ​വി​സ്​ പ​രീ​ക്ഷ​ക്ക്​ ത​യാ​റെ​ടു​ക്കു​ന്നു