എം.ടി ക​ല​യും കാ​ല​വും

ജീ​വി​ത​ത്തി​ലേ​ക്കു ചി​ത​റി​പ്പ​ര​ന്ന വാ​ക്കു​ക​ളി​ൽ​നി​ന്ന് അ​വ​ശ്യം വേ​ണ്ട​തി​നെ അ​ള​ന്നു​മാ​ത്രം ഉ​പ​യോ​ഗ​പ്പെ​ടു​ത്താ​നു​ള്ള ക​രു​ത​ൽ എം.​ടി എ​ക്കാ​ല​ത്തും എ​ഴു​ത്തി​ൽ പു​ല​ർ​ത്തി​യി​രു​ന്നു

എം.​ടി​യു​ടെ പ്ര​ശ​സ്ത​മാ​യ മൗ​ന​ത്തെ​യും ഇ​ട​ക്കുമാ​ത്രം പു​റ​ത്തെ​ത്തു​ന്ന അ​ള​ന്നു​മു​റി​ച്ച വാ​ക്കു​ക​ളെ​യും അ​ദ്ദേ​ഹ​ത്തി​ന്റെ കൃ​തി​ക​ളെ​ന്ന​പോ​ലെ ഞാ​ൻ ചി​ല​പ്പോ​ഴൊ​ക്കെ വാ​യി​ച്ചി​രു​ന്നു. അ​പ്പോ​ഴെ​ല്ലാം ജീ​വി​ത​ത്തോ​ടു​ള്ള അ​ദ​മ്യ​മാ​യ തൃ​ഷ്ണ​യും ജീ​വി​ച്ചി​രി​ക്കു​ക എ​ന്ന ആ​യാ​സ​ക​ര​മാ​യ അ​വ​സ്ഥ​യും ത​മ്മി​ലു​ള്ള നി​ര​ന്ത​ര​മാ​യ സ​മ​ര​മാ​ണ് അ​വ​യു​ടെ​യെ​ല്ലാം ഉ​ള്ള​ട​ക്കം എ​ന്നു തോ​ന്നി​യി​ട്ടു​ണ്ട്.

എ​ങ്കി​ലും ജീ​വി​ത​ത്തെ അ​ദ്ദേ​ഹം എ​ഴു​ത്തി​ൽ മ​ഹ​ത്ത്വ​വ​ത്ക​രി​ച്ചി​ല്ല; ജീ​വി​ത​ത്തെ ആ​യാ​സ​ക​ര​മാ​ക്കു​ന്ന സം​ഘ​ർ​ഷ​ങ്ങ​ളു​ടെ നൈ​ര​ന്ത​ര്യ​ത്തെ നി​ര​വ​ധി ക​ഥാ​സ​ന്ദ​ർ​ഭ​ങ്ങ​ളാ​യി വി​ന്യ​സി​ക്കു​ക​യും ചെ​യ്തു. ക​ഥ​ക​ളി​ലും നോ​വ​ലു​ക​ളി​ലും അ​തി​നു​ള്ള പ്ര​ധാ​ന ഉ​പാ​ധി​യാ​യി വാ​ക്കി​നെ തി​രി​ച്ച​റി​ഞ്ഞു. ഒ​രു മ​ര​ണ​ത്തി​ന്റെ പ​ശ്ചാ​ത്ത​ല​ത്തി​ൽ, പ​രേ​ത​ന്റെ നാ​ലു മ​ക്ക​ളു​ടെ​യും മ​നോ​നി​ല​ക​ളി​ലൂ​ടെ സ​ഞ്ച​രി​ക്കു​ന്ന വി​ലാ​പ​യാ​ത്ര (1978) എ​ന്ന നോ​വ​ൽ ഓ​ർ​മ​വ​രു​ന്നു.

പ​രേ​ത​ന്റെ ജീ​വി​ത​ത്തി​ലെ അ​ർ​ഥാ​ന​ർ​ഥ​ങ്ങ​ൾ മാ​ത്ര​മ​ല്ല, ജീ​വി​ച്ചി​രി​ക്കു​ന്ന​വ​രു​ടെ പൊ​ള്ള​യാ​യ പ്ര​ക​ട​ന​ങ്ങ​ളും മ​ര​ണ​ത്തെ അ​രി​കി​ലേ​ക്കു​ത​ള്ളി ജീ​വി​തം തു​ട​രാ​നു​ള്ള തി​ടു​ക്ക​വു​മെ​ല്ലാം തീ​ക്ഷ്ണ​മാ​യ ഐ​റ​ണി​യു​ടെ ബ​ല​ത്തി​ൽ എം.​ടി വെ​ളി​പ്പെ​ടു​ത്തു​ന്നു. വൈ​കാ​രി​ക​നി​ല​ക​ളെ പ്ര​തി​നി​ധാനം ചെയ്യു​ന്ന ഭാ​ഷപോ​ലും ഇ​വി​ടെ വി​ചാ​ര​ണ​ക്ക് വി​ധേ​യ​മാ​കു​ന്നു.

പാ​ക്കു​പൊ​ടി​യു​ടെ​കൂ​ടെ ച​വ​ച്ചു​തു​പ്പു​ന്ന സേ​ട്ടു​വി​ന്റെ വാ​ക്കു​ക​ൾ, തെ​റി​വാ​ക്കു​ക​ൾ, മ​ന്ത്രംപോ​ലെ​യു​ള്ള വാ​ക്കു​ക​ൾ, അ​ടി​ഞ്ഞു​കി​ട​ക്കു​ന്ന ബ​ലൂ​ൺ​തു​ണ്ടു​ക​ളും ക​ട​ലാ​സു​ക​ഷ്ണ​ങ്ങ​ളും പോ​ലെ​യു​ള്ള വാ​ക്കു​ക​ൾ... ഇ​ങ്ങ​നെ ജീ​വി​ത​ത്തി​ലേ​ക്കു ചി​ത​റി​പ്പ​ര​ന്ന വാ​ക്കു​ക​ളി​ൽ​നി​ന്ന് അ​വ​ശ്യം വേ​ണ്ട​തി​നെ അ​ള​ന്നു​മാ​ത്രം ഉ​പ​യോ​ഗ​പ്പെ​ടു​ത്താ​നു​ള്ള ക​രു​ത​ൽ എം.​ടി എ​ക്കാ​ല​ത്തും എ​ഴു​ത്തി​ൽ പു​ല​ർ​ത്തി​യി​രു​ന്നു. അ​ത് അ​ദ്ദേ​ഹ​ത്തി​ന്റെ ജീ​വി​ത​ത്തെ​യും ക​ല​യെ​യും വേ​ർ​പി​രി​ക്കു​ന്ന​തു​ത​ന്നെ ദു​ഷ്ക​ര​മാ​ക്കി.

ക​ഥാ​ജീ​വി​ത​ത്തി​ന്റെ ദി​ശാ​സൂ​ചി

1954ൽ ​ലോ​ക​ ചെ​റു​ക​ഥാ​മ​ത്സ​ര​ത്തി​ലെ മ​ല​യാ​ള​വി​ഭാ​ഗ​ത്തി​ൽ എം.​ടി​യു​ടെ ‘വ​ള​ര്‍ത്തു​മൃ​ഗ​ങ്ങ​ൾ’ ഒ​ന്നാം സ​മ്മാ​നം നേ​ടു​ന്ന​തോ​ടെ​യാ​ണ് അ​ദ്ദേ​ഹം സാ​ഹി​ത്യ​ലോ​ക​ത്തു സ​ജീ​വ​മാ​കു​ന്ന​ത്. ഒ​രു സ​ർ​ക്ക​സ് ക​മ്പ​നി​യി​ലെ ട്ര​പ്പീ​സ് ക​ളി​ക്കാ​രി​യാ​യി, അ​വി​ടത്തെ വ​ള​ർ​ത്തു​മൃ​ഗ​ങ്ങ​ളി​ലൊ​ന്നാ​യി ജീ​വി​ച്ച്, ഒ​ടു​വി​ൽ തി​ര​സ്കൃ​ത​യാ​കു​ന്ന ജാ​ന​മ്മ​യു​ടെ ക​ഥ എം.​ടി​യു​ടെ പി​ന്നീ​ടു​ള്ള ക​ഥാ​ജീ​വി​ത​ത്തി​ന്റെ ദി​ശാ​സൂ​ചി​യാ​കു​ന്നു​ണ്ട്.

1958ൽ ​‘നാ​ലു​കെ​ട്ട്’ എ​ന്ന നോ​വ​ലും പു​റ​ത്തു​വ​ന്നു. ‘‘ഈ ​നാ​ലു​കെ​ട്ടു പൊ​ളി​ക്കാ​ൻ ഏ​ർ​പ്പാ​ടു ചെ​യ്യ​ണം; ഇ​വി​ടെ കാ​റ്റും വെ​ളി​ച്ച​വും ക​ട​ക്കു​ന്ന ഒ​രു ചെ​റി​യ വീ​ടു മ​തി’’ എ​ന്നു തീ​രു​മാ​നി​ക്കു​ന്ന അ​തി​ലെ അ​പ്പു​ണ്ണി മാ​റി​യ കാ​ല​ത്തി​ന്റെ പ്ര​തീ​ക​വു​മാ​യി. കാ​ര​ണ​വ​ന്മാ​ർ തി​ര​സ്ക​രി​ച്ച പാ​റു​ക്കു​ട്ടി​യു​ടെ മ​ക​ൻ അ​പ്പു​ണ്ണി ത​നി​ക്കു ന​ഷ്ട​പ്പെ​ട്ട നാ​ലു​കെ​ട്ട് വീ​ണ്ടെ​ടു​ക്കു​ന്നു​വെ​ങ്കി​ലും അ​തൊ​രു പി​ൻ​മ​ട​ക്ക​മ​ല്ലാ​താ​യി​ത്തീ​രു​ന്ന​ത് ആ ​ക​ഥാ​പാ​ത്ര​ത്തി​ന്റെ ഇ​ത്ത​രം മ​നോ​നി​ല​ക​ളി​ലൂ​ടെ​യാ​ണ്.

ജീ​വി​ത​ത്തി​ലു​ട​നീ​ളം അ​പ​ക​ർ​ഷ​താ​ബോ​ധ​വും ന​ഷ്ട​പ്പെ​ട്ട​തു വെ​ട്ടി​പ്പി​ടി​ക്കാ​നു​ള്ള വാ​ശി​യും പ്ര​തി​കാ​ര​വാ​ഞ്ഛ​യും ചി​ല​പ്പോ​ൾ ആ​ത്മ​നി​ന്ദ​യു​മൊ​ക്കെ പ്ര​ക​ടി​പ്പി​ക്കു​ന്ന അ​പ്പു​ണ്ണി മു​മ്പുള്ള ക​ഥാ​നാ​യ​ക​ന്മാ​രി​ൽ​നി​ന്നു വ്യ​ത്യ​സ്ത​നാ​കു​ന്നു. ‘അ​സു​ര​വി​ത്തി​’ലെ (1962) ഗോ​വി​ന്ദ​ൻ​കു​ട്ടി​യും ‘കാ​ല​’ത്തി​ലെ (1969) സേ​തു​വും അ​യാ​ളു​ടെ പ​ല മ​ട്ടി​ലു​ള്ള തു​ട​ർ​ച്ച​ക​ളാ​യി.

എം.​ടി​യു​ടെ നാ​ടാ​യ കൂ​ട​ല്ലൂ​രി​നെ​ത്ത​ന്നെ ഓ​ർ​മ​പ്പെ​ടു​ത്തു​ന്ന ഗ്രാ​മ​പ​ശ്ചാ​ത്ത​ലം, പ​ഴ​യൊ​രു കാ​ല​ത്തി​ന്റെ അ​ന്ത്യ​മാ​യി അ​വ​ശേ​ഷി​ക്കു​ന്നു​വെ​ങ്കി​ലും ക്ഷ​യി​ച്ചു​കൊ​ണ്ടി​രി​ക്കു​ന്ന ത​റ​വാ​ട്, അ​തി​ൽ പ​ഴ​യ മൂ​ല്യ​ങ്ങ​ളെ നി​ര​സി​ക്കാ​നൊ​രു​മ്പെ​ടു​ന്ന നാ​യ​ക​ക​ഥാ​പാ​ത്ര​ങ്ങ​ളു​ടെ സം​ഘ​ർ​ഷ​ങ്ങ​ൾ –എം.​ടി കൃ​തി​ക​ളു​ടെ മു​ഖ​മു​ദ്ര​യാ​യി അ​വ​ത​രി​പ്പി​ക്കാ​റു​ള്ള ഇ​ങ്ങ​നെ​യൊ​രു ക​ഥാ​ഭൂ​മി​ക രൂ​പ​പ്പെ​ടു​ന്ന​ത് പ്ര​ധാ​ന​മാ​യും ഈ ​നോ​വ​ലു​ക​ളി​ലൂ​ടെ​യാ​ണ്. ജീ​വി​ത​ത്തി​ലെ നി​ർ​ണാ​യ​ക​സ​ന്ധി​ക​ളി​ൽ ജാ​ത്യ​ഭി​മാ​ന​വും സ്വാ​ർ​ഥ​ത​യും അ​ല​സ​ത​യും ച​തി​യും പ​ക​യു​മൊ​ക്കെ അ​വ​രി​ലും പ്ര​ക​ട​മാ​കു​ന്നു.

‘കാ​ലം’ എ​ന്ന നോ​വ​ലി​ലെ​പ്പോ​ലെ അ​വ​ർ​ക്കു പ്ര​ണ​യ​വും കാ​മ​വും തോ​ന്നു​ന്ന സ്ത്രീ​ക​ൾ പ​ല​പ്പോ​ഴും അ​വ​രാ​ൽ​ത്ത​ന്നെ ച​തി​ക്ക​പ്പെ​ടു​ന്നു. ‘അ​സു​ര​വി​ത്തി​’ലെ​ന്ന​പോ​ലെ അ​വ​രും ചി​ല​പ്പോ​ൾ തെ​റ്റി​ദ്ധാ​ര​ണ​ക്കു വി​ധേ​യ​രാ​കു​ന്നു. ‘നാ​ലു​കെ​ട്ടി​’ൽ അ​പ്പു​ണ്ണി​യു​ടെ പി​താ​വി​നെ വി​ഷം കൊ​ടു​ത്തു കൊ​ന്ന​യാ​ൾ എ​ന്നാ​രോ​പി​ക്ക​പ്പെ​ട്ട​യാ​ളാ​ണ് സെ​യ്താ​ലി​ക്കു​ട്ടി.വി​ഷ​മ​ഘ​ട്ട​ങ്ങ​ളി​ൽ അ​പ്പു​ണ്ണി​യെ സ​ഹാ​യി​ക്കു​ന്ന​തും അ​യാ​ൾ​ത​ന്നെ.

ത​റ​വാ​ട്ടി​ലേ​ക്കു തി​രി​ച്ചു​ചെ​ല്ലാ​ൻ ധൈ​ര്യം പ​ക​രു​ക​യും ജോ​ലി​ന​ൽകുക​യും ചെ​യ്യു​ന്ന അ​യാ​ളോ​ടാ​ണ് അ​പ്പു​ണ്ണി ക​ട​പ്പെ​ട്ടി​രി​ക്കു​ന്ന​ത്. ന​ന്മ​-തി​ന്മ​ക​ളു​ടെ പ​തി​വു നി​ർ​വ​ച​ന​ങ്ങ​ൾ​ക്കു വ​ഴ​ങ്ങാ​ത്ത ക​ഥാ​പാ​ത്ര​ങ്ങ​ൾ, നാ​യ​ക​ത്വ​ത്തി​ന്റെ പ​തി​വു​ഗു​ണ​ങ്ങ​ളൊ​ന്നു​മി​ല്ലാ​ത്ത നാ​യ​ക​ൻ​മാ​ർ, നി​ർ​ണാ​യ​ക​ സ​ന്ദ​ർ​ഭ​ങ്ങ​ളി​ൽ സ​ഹാ​യി​ക​ളാ​യി​ത്തീ​രു​ന്ന പ്ര​തി​യോ​ഗി​ക​ൾ –എം.​ടി​യു​ടെ ക​ഥാ​ലോ​കം അ​തി​നാ​ധാ​ര​മാ​യ യ​ഥാ​ർ​ഥ​ജീ​വി​ത​ലോ​ക​ത്തു​നി​ന്ന് ഏ​റെ​യൊ​ന്നും വേ​റി​ട്ടു​നി​ൽ​ക്കു​ന്നി​ല്ല.

ഇ​വി​ടെ​യാ​ണ് എം.​ടി​യു​ടെ ര​ച​ന​ക​ൾ മു​ൻ​കാ​ല​കൃ​തി​ക​ളി​ൽ​നി​ന്നു വ്യ​ത്യ​സ്ത​മാ​കു​ന്ന​ത്. മ​ല​യാ​ള​ത്തി​ലെ ന​വോ​ത്ഥാ​ന​ക​ഥാ​കൃ​ത്തു​ക​ൾ​ക്ക് ചി​ല മൂ​ല്യ​ങ്ങ​ളോ​ടു പ്ര​തി​ജ്ഞാ​ബ​ദ്ധ​ത​യും സ​മൂ​ഹ​ത്തോ​ട് സ്വ​യ​മേ​ൽപിച്ച ഒ​രു​ത​രം ഉ​ത്ത​ര​വാ​ദി​ത്തവു​മു​ണ്ടാ​യി​രു​ന്നു. സ​മ​ത്വം എ​ന്ന മൂ​ല്യ​ത്തെ മു​ൻ​നി​ർ​ത്തി സാ​മൂ​ഹി​ക​മാ​യി അ​വ​ഗ​ണി​ക്ക​പ്പെ​ട്ട​വ​രു​ടെ ജീ​വി​ത​ത്തെ അ​ല​ങ്കാ​ര​ഭാ​ര​മി​ല്ലാ​തെ എ​ഴു​തു​ന്ന​തി​നാ​ണ് അ​വ​രി​ലേ​റെ​യും ശ്ര​മി​ച്ച​ത്.

ഈ ​റി​യ​ലി​സ്റ്റ് ര​ച​ന​ക​ളി​ലെ സാ​മൂ​ഹി​ക​ബോ​ധ​ത്തെ​ക്കാ​ൾ ജീ​വി​ത​ത്തി​ൽ ഏ​തു വി​ധേ​ന​യും അ​തി​ജീ​വി​ക്കാ​ൻ ശ്ര​മി​ക്കു​ന്ന​വ​രു​ടെ വ്യ​ക്തി​ബോ​ധ​മാ​ണ് എം.​ടി​ കൃ​തി​ക​ളി​ൽ മു​ന്നി​ട്ടു​നി​ൽ​ക്കു​ന്ന​ത്. ഏ​കാ​കി​ക​ളും അ​വ​ഗ​ണി​ക്ക​പ്പെ​ട്ട​വ​രും നി​സ്സ​ഹാ​യ​രു​മൊ​ക്കെ​യാ​യ അ​ത്ത​രം ക​ഥാ​പാ​ത്ര​ങ്ങ​ളു​ടെ മ​നോ​നി​ല​ക​ളെ​യാ​ണ് എം.​ടി​യു​ടെ കൃ​തി​ക​ൾ ആ​ഖ്യാ​നം ചെ​യ്യു​ന്ന​ത്.

സം​ഭ​വ​ങ്ങ​ളെ​ക്കാ​ൾ മ​നോ​നി​ല​ക​ൾ​ക്കു പ്രാ​ധാ​ന്യം ന​ൽ​കു​ന്ന വി​ധ​ത്തി​ൽ ആ​ഖ്യാ​ന​ശൈ​ലി​യി​ൽ​ത്ത​ന്നെ അ​ദ്ദേ​ഹം കൊ​ണ്ടു​വ​ന്ന മാ​റ്റം എ​ടു​ത്തു​പ​റ​യേ​ണ്ട​തു​ണ്ട്. ഞാ​ൻ എ​ന്ന് ഉ​ത്ത​മ​പു​രു​ഷ​രീ​തി​യി​ലാ​യാ​ലും അ​യാ​ൾ എ​ന്ന് പ്ര​ഥ​മ​പു​രു​ഷ​രീ​തി​യി​ലാ​യാ​ലും ക​ർ​ത്തൃ​സ്ഥാ​ന​ങ്ങ​ൾ ഒ​ഴി​വാ​ക്കി അ​പൂ​ർ​ണ​വാ​ച​ക​ങ്ങ​ളി​ലൂ​ടെ ആ​ഖ്യാ​നം നി​ർ​വ​ഹി​ക്കു​ക എ​ന്ന​താ​ണ് അ​തി​ന്റെ സ്വ​ഭാ​വം. ആ​ഖ്യാ​താ​വി​ന്റെ അ​ദൃ​ശ്യ​ത​യി​ൽ ആ ​മ​നോ​നി​ല​ക​ൾ ത​ത്സ​മ​യം​ത​ന്നെ വാ​യ​ന​ക്കാ​രു​ടേ​തു​കൂ​ടി​യാ​യി.

ക​ഥാ​പാ​ത്ര​ത്തി​ന്റെ വ്യ​ക്ത്യ​നു​ഭ​വം വാ​യ​ന​ക്കാ​രു​ടെ സാ​മാ​ന്യാ​നു​ഭ​വ​മാ​യി. നി​ര​ന്ത​രം ച​ഞ്ച​ല​മാ​കു​ന്ന മ​നോ​വ്യാ​പാ​ര​ങ്ങ​ളി​ൽ വാ​യ​ന​ക്കാ​രെ​ക്കൂ​ടി പ​ങ്കാ​ളി​ക​ളാ​ക്കു​ന്ന ഈ ​മ​ട്ട് കോ​വി​ല​നും പോ​ഞ്ഞി​ക്ക​ര റാ​ഫി​യും മ​റ്റും പ​രീ​ക്ഷി​ച്ചി​ട്ടു​ണ്ടെ​ങ്കി​ലും ആ​വ​ർ​ത്ത​ന​ത്തി​ലൂ​ടെ അ​തി​നു സ്ഥി​ര​ത ല​ഭി​ച്ച​ത് എം.​ടി​യു​ടെ കൃ​തി​ക​ളി​ലാ​ണ്. പു​തി​യ ‘അ​ട​വു​ക​ൾ’, ‘നീ​ർ​പ്പോ​ള​ക​ൾ’ മു​ത​ലാ​യ ആ​ദ്യ​കാ​ല​ ക​ഥ​ക​ളി​ൽ​ത്ത​ന്നെ കാ​ണു​ന്ന ഈ ​ആ​ഖ്യാ​ന​രീ​തി ഏ​റെ സ​ഫ​ല​മാ​കു​ന്ന​ത് ‘മ​ഞ്ഞ്’ (1964) എ​ന്ന നോ​വ​ലി​ലാ​ണ്.

അ​തി​ലെ വി​മ​ല സ്വ​ന്ത​മാ​യ വീ​ക്ഷ​ണ​വും സ​വി​ശേ​ഷ​മാ​യ അ​നു​ഭ​വ​മ​ണ്ഡ​ല​വും​കൊ​ണ്ട് എം.​ടി​യു​ടെ ആ​ദ്യ​കാ​ല​സ്ത്രീ​ക​ഥാ​പാ​ത്ര​ങ്ങ​ളി​ൽ​നി​ന്നു വേ​റി​ട്ടു​നി​ൽ​ക്കു​ന്നു. നി​ശ്ച​ല​ത​യോ​ട​ടു​ത്ത മ​ന്ദ​മാ​യ കാ​ല​വും അ​തി​ന്റെ സ്ഥ​ല​രൂ​പ​മാ​യ മ​ഞ്ഞും ഈ ​നോ​വ​ലി​ന്റെ ശ്രു​തി​യും ഭാ​വ​വു​മാ​കു​ന്നു. വി​മ​ല​യു​ടെ​യും സ​ർ​ദാ​ർ​ജി​യു​ടെ​യും തോ​ണി​ക്കാ​ര​ൻ ബാ​ല​ന്റെ​യും കാ​ത്തി​രു​പ്പു​ക​ൾ മ​ഞ്ഞി​ന്റെ ഈ ​അ​നു​ഭൂ​തി​ത​ല​ത്തി​ന് അ​നു​പൂ​ര​ക​മാ​കു​ന്നു.

ന​ർ​മ​വും വി​ഷാ​ദ​വും

എം​.ടി​യു​ടെ കൃ​തി​ക​ളി​ല്‍ ന​ർമ​ത്തി​ന്റെ സ്ഥാ​നം പ​രി​മി​ത​മാ​ണ്. ആ​ദ്യ​കാ​ല​ ക​ഥ​യാ​യ ‘രാ​ജി’​യി​ലും മ​റ്റും പ്ര​ക​ട​മാ​യ ന​ർ​മ​സാ​ന്നി​ധ്യ​മു​ണ്ടെ​ങ്കി​ലും ക്ര​മേ​ണ ര​ച​ന​ക​ളി​ൽ പ്ര​സ​ന്ന​സ്വ​ഭാ​വം കു​റ​ഞ്ഞു​വ​രു​ന്ന​തു കാ​ണാം. ഐ​റ​ണി​ക​ൾ ധാ​രാ​ള​മു​ണ്ടെ​ങ്കി​ലും അ​വ​ക്കു പ്ര​സാ​ദ​ത്തെ​ക്കാ​ൾ അ​ടു​പ്പം വി​ഷാ​ദ​ത്തോ​ടാ​ണ്.

ആ​ദ്യ​കാ​ല​ ര​ച​ന​ക​ളി​ൽ​നി​ന്നു വ്യ​ത്യ​സ്ത​മാ​യി രാ​ഷ്ട്രീ​യ​ധ്വ​നി​ക​ൾ​ക്കു കൂ​ടു​ത​ൽ ഇ​ടം​കി​ട്ടു​ന്ന ഷെ​ർ​ല​ക്ക് എ​ന്ന ക​ഥ​യി​ൽ, “അ​മേ​രി​ക്ക​യും ഞാ​നും ത​മ്മി​ൽ ഒ​രൊ​ത്തു​തീ​ർ​പ്പി​നു ശ്ര​മി​ക്കു​ക​യാ​ണ്” എ​ന്നു വാ​യി​ക്കു​മ്പോ​ൾ നാം ​ഒ​ന്നു പു​ഞ്ചി​രി​ച്ചേ​ക്കാം. ന​ഖ​ങ്ങ​ൾ ഓ​പ​റേ​റ്റു ചെ​യ്തു മാ​റ്റി​യ ഷെ​ർ​ല​ക്ക് എ​ന്ന പൂ​ച്ച​യു​ടെ ന​ഖ​ങ്ങ​ൾ പെ​ട്ടെ​ന്നു വെ​ളി​പ്പെ​ടു​ക​യും അ​തു ര​ക്ഷാ​മാ​ർ​ഗം തേ​ടി അ​മേ​രി​ക്ക​യി​ലെ​ത്തി​യ ബാ​ലു​വി​നെ ആ​ശ്വ​സി​പ്പി​ച്ചു​കൊ​ണ്ട്, “ഞാ​നി​വി​ടെ​യു​ണ്ട്, പേ​ടി​ക്കാ​തെ​യു​റ​ങ്ങ്” എ​ന്ന് ആ​ശ്വ​സി​പ്പി​ക്കു​ക​യും ചെ​യ്യു​മ്പോ​ൾ ന​ർ​മം നി​സ്സ​ഹാ​യ​ത​ക്കും സ​ന്ത്രാ​സ​ത്തി​നും വ​ഴി​മാ​റു​ന്നു.

സി​നി​മ​ക​ളി​ലെ എം.​ടി

എം.​ടി​യു​ടെ സി​നി​മ​ക​ളെ​പ്പ​റ്റി ആ​ലോ​ചി​ക്കു​മ്പോ​ൾ അ​ദ്ദേ​ഹ​ത്തി​ന്റെ ഒ​രു ജീ​വി​ത​സ​ന്ദ​ർ​ഭം ഓ​ർ​മവ​രു​ന്നു. ‘അ​ടി​യൊ​ഴു​ക്കു​ക​ൾ’ എ​ന്ന ച​ല​ച്ചി​ത്ര​ത്തി​ന്റെ ര​ച​ന​യി​ലേ​ക്കെ​ത്തി​ച്ച സാ​ഹ​ച​ര്യ​മാ​ണ​ത്. ന​ട​ൻ മ​മ്മൂ​ട്ടി എം.​ടി​യോ​ട് തു​റ​മു​ഖ​ത്തി​ന്റെ പ​ശ്ചാ​ത്ത​ല​ത്തി​ൽ ഒ​രു സി​നി​മ എ​ഴു​തി​ന​ൽ​ക​ണ​മെ​ന്ന് അ​ഭ്യ​ർ​ഥി​ക്കു​ന്നു. തു​റ​മു​ഖ​ത്ത​ല്ല ജീ​വി​തം കാ​ണേ​ണ്ട​ത്, തു​റ​മു​ഖ​ത്തി​ന്റെ പി​ൻ​വ​ശ​ത്താ​ണ് എ​ന്നു​മു​ണ്ട്, നി​ഷ്ക​ർ​ഷ. മ​മ്മൂ​ട്ടി പ​റ​ഞ്ഞ മ​റ്റൊ​രു വാ​ച​കം ഇ​താ​യി​രു​ന്നു:

“ന​ങ്കൂ​ര​മി​ട്ടു കി​ട​ക്കു​ന്ന ക​പ്പ​ലു​ക​ൾ​ക്കു പ​ഴ​യ ചാ​യ​മൊ​ക്കെ പോ​യി ഒ​രു ത​വി​ട്ടു​നി​റ​മു​ണ്ടാ​കും. ആ ​പ​രു​ക്ക​ൻ​നി​റ​മു​ള്ള ഒ​രു ചി​ത്രം ഉ​ണ്ടാ​ക്കാ​ൻ പ​റ്റി​ല്ലേ?”

ചി​ത്ര​ത്തി​ന്റെ ടോ​ണി​നെ​ക്കു​റി​ച്ചു​ള്ള ഈ ​സൂ​ച​ന മ​തി​യാ​യി​രു​ന്നു എം.​ടി​ക്ക് ആ ​സി​നി​മ​യു​ടെ ര​ച​ന​യി​ലേ​ക്കെ​ത്താ​ൻ. വാ​സ്ത​വ​ത്തി​ൽ എം.​ടി​യു​ടെ ക​ഥ​ക​ളും നോ​വ​ലു​ക​ളും​ത​ന്നെ ദൃ​ശ്യ​ങ്ങ​ൾ​കൊ​ണ്ടു സ​മൃ​ദ്ധ​മാ​ണ്. അ​തു​കൊ​ണ്ടു​ത​ന്നെ ആ ​ര​ച​ന​ക​ളു​ടെ ച​ല​ച്ചി​ത്ര​രൂ​പാ​ന്ത​രം അ​ത്ര സ്വാ​ഭാ​വി​ക​വു​മാ​യി​രു​ന്നു. അ​ദ്ദേ​ഹ​ത്തി​ന്റെ എ​ത്ര​യെ​ത്ര സാ​ഹി​ത്യ​കൃ​തി​ക​ളാ​ണ് പി​ന്നീ​ടു ച​ല​ച്ചി​ത്ര​രൂ​പം പ്രാ​പി​ച്ച​ത് എ​ന്നോ​ർ​ത്തു​നോ​ക്കു​ക.

‘ഇ​രു​ട്ടി​ന്റെ ആ​ത്മാ​വ്’, ‘അ​സു​ര​വി​ത്ത്’, ‘ഓ​ള​വും തീ​ര​വും’, ‘കു​ട്ട്യേ​ട​ത്തി’, ‘പാ​തി​രാ​വും പ​ക​ൽ​വെ​ളി​ച്ച​വും’, ‘ഇ​ട​വ​ഴി​യി​ലെ പൂ​ച്ച മി​ണ്ടാ​പ്പൂ​ച്ച’, ‘വ​ള​ർ​ത്തു​മൃ​ഗ​ങ്ങ​ൾ’, ‘ഓ​പ്പോ​ൾ’, ‘മ​ഞ്ഞ്’ എ​ന്നി​ങ്ങ​നെ നീ​ളു​ന്നു അ​വ. അ​ദ്ദേ​ഹ​ത്തി​ന്റെ ക​ഥ​ക​ളി​ൽ ‘പ​ള്ളി​വാ​ളും കാ​ൽ​ച്ചി​ല​മ്പും’, ‘ശ​ത്രു’, ‘വാ​ന​പ്ര​സ്ഥം’ എ​ന്നി​വ​യും പേ​രു​മാ​റി യ​ഥാ​ക്ര​മം ‘നി​ർ​മ്മാ​ല്യം’, ‘സ​ദ​യം’, ‘തീ​ർ​ഥാ​ട​നം’ എ​ന്നീ സി​നി​മ​ക​ളാ​യി. മ​നോ​സ​ഞ്ചാ​ര​സ്വ​ഭാ​വ​മു​ള്ള സാ​ഹി​ത്യ​കൃ​തി​ക​ൾ ച​ല​ച്ചി​ത്ര​ഭാ​ഷ​ക്കു വ​ഴ​ങ്ങാ​ൻ ബു​ദ്ധി​മു​ട്ടാ​ണ്. എ​ന്നാ​ൽ, എം.​ടി​യു​ടെ ര​ച​ന​ക​ളി​ലെ ദൃ​ശ്യ​സ​മൃ​ദ്ധി​യും ഭാ​വാ​ത്മ​ക​ത​യു​മാ​ണ് അ​വ​യു​ടെ ദൃ​ശ്യ​ഭാ​ഷ്യ​ങ്ങ​ൾ​ക്കു തു​ണ​യാ​യ​ത് എ​ന്നു വ്യ​ക്തം.

പ്ര​സി​ദ്ധ​ക​ഥ​ക​ളി​ലെ ക​ഥാ​പാ​ത്ര​ങ്ങ​ളെ മ​റ്റൊ​രു വീ​ക്ഷ​ണ​കോ​ണി​ലൂ​ടെ വ്യാ​ഖ്യാ​നി​ക്കു​ന്ന​തി​ലും എം.​ടി​ക്ക് ത​ന്റേ​താ​യ ഒ​രു വ​ഴി​യു​ണ്ട്. മ​ഹാ​ഭാ​ര​ത​ത്തി​ലെ വീ​ര​നാ​യ​ക​ന്മാ​രി​ലൊ​രാ​ളാ​യ ഭീ​മ​സേ​ന​ൻ ക​ഥ​ക​ളി​യി​ലും മ​റ്റും നാ​യ​ക​ത്വം നി​ല​നി​ർ​ത്തു​മ്പോ​ൾ, എം.​ടി​യു​ടെ ‘ര​ണ്ടാ​മൂ​ഴ​’ത്തി​ൽ (1984) കേ​ശ​ഭാ​ര​വും ഉ​ടു​ത്തു​കെ​ട്ടു​മ​ഴി​ച്ചു​വെച്ച് ആ​ദ്യ​സ്ഥാ​നം ന​ഷ്ട​പ്പെ​ടു​ന്ന​തി​ന്റെ അ​പ​ക​ർ​ഷ​ത​യും ആ​ത്മ​നി​ന്ദ​യും പേ​റു​ന്ന ആ​ധു​നി​ക​വ്യ​ക്തി​യാ​കു​ന്നു.

വ​ട​ക്ക​ൻ​പാ​ട്ടി​ലെ ച​തി​യ​ൻ​ച​ന്തു നാ​യ​ക​സ്ഥാ​ന​ത്തെ​ത്തു​ന്ന ‘ഒ​രു വ​ട​ക്ക​ൻ വീ​ര​ഗാ​ഥ’ ഇ​തി​ന്റെ തു​ട​ർ​ച്ച​യാ​ണ്. ഇ​വ​ർ ര​ണ്ടു​പേ​രും എം.​ടി​യു​ടെ സാ​ഹി​ത്യ​ര​ച​ന​ക​ളി​ലെ മ​റ്റു നാ​യ​ക​രോ​ടു ചേ​ർ​ന്നു​നി​ൽ​ക്കു​മ്പോ​ൾ കേ​ര​ള​വ​ർ​മ പ​ഴ​ശ്ശി​രാ​ജ ആ​കാ​ര​സൗ​ഷ്ഠ​വ​ത്തി​ലും​കൂ​ടി വീ​ര​നാ​യ​ക​പ​രി​വേ​ഷ​മ​ണി​യു​ന്ന ജ​ന​പ്രി​യ​നാ​യ​ക​നാ​കു​ന്നു. ആ ​ച​ല​ച്ചി​ത്രം അ​തു​കൊ​ണ്ടു​ത​ന്നെ ഒ​ന്നു വേ​റി​ട്ടു​നി​ൽ​ക്കു​ന്നു.

ത​ന്റെ സി​ദ്ധി​ക​ളെ​യും അ​വ​യു​ടെ സാ​ധ്യ​ത​ക​ളെ​യും​പ​റ്റി തി​ക​ഞ്ഞ ബോ​ധ്യ​മു​ണ്ടാ​യി​രു​ന്ന​യാ​ളാ​ണ് എം.​ടി. ‘കാ​ഥി​ക​ന്റെ ക​ല’, ‘കാ​ഥി​ക​ന്റെ പ​ണി​പ്പു​ര’ തു​ട​ങ്ങി​യ കൃ​തി​ക​ൾ അ​ദ്ദേ​ഹ​ത്തി​ന്റെ ര​ച​നാ​ത​ന്ത്ര​മെ​ന്തെ​ന്നു ധാ​ര​ണ ത​രു​ന്നു. മ​റ്റു നാ​ടു​ക​ളി​ലെ സാ​ഹി​ത്യ-​ക​ലാ​സൃ​ഷ്ടി​ക​ളു​മാ​യു​ള്ള ഗാ​ഢ​പ​രി​ച​യ​ത്തി​ലൂ​ടെ അ​ദ്ദേ​ഹം നി​ര​ന്ത​രം ന​വീ​ക​രി​ച്ചു​കൊ​ണ്ടി​രു​ന്നു. ഒ​രു നൂ​റ്റാ​ണ്ടോ​ളം നീ​ണ്ട ജീ​വി​ത​ത്തെ സ​ർ​ഗാ​ത്മ​ക​മാ​യും ബൗ​ദ്ധി​ക​മാ​യും ആ​വി​ഷ്ക​രി​ക്കു​മ്പോ​ഴും ത​ന്റേ​താ​യ ഒ​രു നി​ല അ​ദ്ദേ​ഹം എ​ന്നും സൂ​ക്ഷി​ച്ചി​ട്ടു​ണ്ട്. എം.​ടി​യു​ടെ മൗ​ലി​ക​മാ​യ ജീ​വി​ത​ത്തി​ന്റെ​യും ക​ല​യു​ടെ​യും വേ​രു​ക​ൾ പൊ​ടി​ച്ചു​വ​ള​ർ​ന്ന​ത് ഒ​രേ മ​ണ്ണി​ൽ​നി​ന്നു​ത​ന്നെ​യാ​ണ​ല്ലോ.