ഇ​ൻ​ജു​റി ടൈം

കേ​ട്ടി​ട്ടി​ല്ലേ, യൊ​ഹാ​ൻ ക്രൈ​ഫ്​ എ​ന്ന ഫു​ട്​​ബാ​ൾ ഇ​തി​ഹാ​സം കാ​ൽ​പ​ന്തു​ക​ളി​യെ​ക്കു​റി​ച്ച്​ അ​വ​ ത​രി​പ്പി​ച്ച മ​ഹ​ത്താ​യ ഫി​ലോ​സ​ഫി: ഏ​​​റെ ല​​​ളി​​​ത​​​മാ​​​ണ്​ ഫു​​​ട്​​​​ബാ​​​ൾ നി​​​യ​​​മ​​​ങ്ങ​​​ ൾ; എ​​​ന്നാ​​​ൽ, ല​​​ളി​​​ത​​​മാ​​​യി ഫു​​​ട്​​​​ബാ​​​ൾ ക​​​ളി​​​ക്കു​​​ന്ന​​​തി​​​നേ​​​ക്കാ​​​ൾ പ്ര​​​യ ാ​​​സ​​​ക​​​ര​​​മാ​​​യി മ​​​റ്റൊ​​​ന്നു​​​മി​​​ല്ല. ഇ​തി​ലും ല​ളി​ത​മാ​യി ഈ ​ക​ളി​യെ വ​ർ​ണി​ക്കു​ന്ന​തെ ​ങ്ങ​നെ​യാ​ണ്. ഒ​ന്ന​ര മ​ണി​ക്കൂ​ർ ക​ളി​നേ​ര​​ത്തി​െ​ൻ​റ സർവ അ​നി​ശ്ചി​ത​ത്വ​വും ആവേശവും നാ​ട​കീ​യ​തയുമൊ ക്കെ ഒളിഞ്ഞിരിപ്പുണ്ട്​ ഈ​ തത്ത്വചിന്തയിൽ. ന​ന്നാ​യി ക​ളി​ക്കു​േ​മ്പാ​ൾ, ഫു​ട്​​ബാ​ളു​മൊ​ത്ത്​ ന​ട​ത്തു​ന ്ന മ​നോ​ഹ​ര നൃ​ത്ത​മാ​ണീ ക​ളി​യെ​ന്നും അ​ദ്ദേ​ഹം മ​റ്റൊ​രി​ക്ക​ൽ പ​റ​ഞ്ഞു​. നൂ​റു മീ​റ്റ​ർ ഗ്രൗ​ണ്ടി​ലെ ഓ ​ട്ട​പ്പാ​ച്ചി​ലി​ന​പ്പു​റം, കൂ​ർ​മ​ബു​ദ്ധി​യി​ൽ ഉ​ര​​ു​ത്തി​രി​യു​ന്ന ച​ല​ന-​പ്ര​തി​ച​ല​ന വേ​ഗ​വും കൃ​ത ്യ​ത​യു​മൊ​ക്കെ​യാ​ണ്​ ഈ ​നൃ​ത്ത​ത്തി​ന്​ മാ​റ്റു കൂട്ടു​ന്ന​ത്.

ആ ​നൃ​ത്ത​ച്ചു​വ​ടു​ക​ളി​ലെ സൂ​ക്ഷ്​​മ​ത​യും ജാ​ഗ്ര​ത​യും ക​ളി​ക്ക​ള​ത്തി​ൽ മാ​ത്ര​മ​ല്ല, പു​റ​ത്തും വേ​ണ​മെ​ന്നും ക്രൈ​ഫ്​ പ​ല ത​വ​ണ ഓ​ർ​മ​പ്പെ​ടു​ത്തി​യി​ട്ടു​ണ്ട്. ഇ​ല്ലെ​ങ്കി​ൽ പേ​രു​ദോ​ഷ​വും മാ​ന​ഹാ​നി​യും സാ​വോ​പോ​ളോ​യി​ൽ​നി​ന്ന്​ പ്ലെ​യി​ൻ ക​യ​റി വ​രും. ക്രൈ​ഫി​നെ പോ​ലെ ബാ​ഴ്​​സ​യു​ടെ ന്യൂകാ​മ്പി​ലും മ​റ്റും ഫു​ട്​​ബാ​ളി​െ​ൻ​റ മ​നോ​ഹ​ര നൃ​ത്ത​ച്ചു​വ​ടു​ക​ളി​ലൂ​ടെ ലോ​ക​ത്തെ ത്ര​സി​പ്പി​ച്ച നെ​യ്​​മ​ർ ക​ള​ത്തി​നു​പു​റ​ത്ത്​ ഈ ​​ഫി​ലോ​സ​ഫി തെ​റ്റി​ച്ച​പ്പോ​ൾ സം​ഭ​വി​ച്ച​ത്​ ഈ ​ദു​ര​ന്ത​മാ​യി​രു​ന്നു. അ​ങ്ങ​നെ​യൊ​രു ശ​നി​ദ​ശ​യി​ലൂ​ടെ ക​ട​ന്നു​പോ​കു​ന്ന ഒരാൾ പ​രി​ക്കി​െ​ൻ​റ പ​ടു​കു​ഴി​യി​ൽ ചാ​ടി​യി​​െല്ല​ങ്കി​ലേ അ​ത്ഭുത​മു​ള്ളൂ. കാ​ര​ണം, കു​മ്മാ​യ വ​ര​ക്കു​ള്ളി​ലാ​ണെ​ങ്കി​ലും പു​റ​ത്താ​ണെ​ങ്കി​ലും ക​ളി​നി​യ​മ​ങ്ങിളിൽ മാ​റ്റ​മി​ല്ലാ​ത്ത സ്​​ഥി​തി​ക്ക്​ ഒ​രി​ട​ത്ത്​ പി​ഴ​ച്ചാ​ൽ സ​ർ​വ​തും പി​ഴ​ച്ചു എ​ന്നാ​ണ​ല്ലോ. അ​തു​ത​ന്നെ​ സം​ഭ​വി​ച്ച​ു. സൗ​ഹൃ​ദ മ​ത്സ​ര​ത്തി​നി​ടെ പ​രി​ക്കേ​റ്റ്​ ക​ണ്ണീ​രോ​ടെ തി​രി​ച്ചു​പോ​രേ​ണ്ടി വ​ന്നു. കാ​ത്തി​രു​ന്ന ‘കോ​പ്പ’ ഗാ​ല​റി​യി​ലി​രു​ന്ന്​ കാ​ണാ​നാ​ണ്​ വി​ധി.

ഇ​ക്കാ​ല​ത്ത്​ ഒ​രു 27കാ​ര​ന്​ സം​ഭ​വി​ക്കാ​വു​ന്ന അ​ബ​ദ്ധം മാ​ത്ര​മാ​യി​രു​ന്നു അ​ത്. പ​ക്ഷേ, ആ ​യു​വാ​വി​െ​ൻ​റ പേ​ര്​ നെ​യ്​​മ​ർ ദാ ​സി​ൽ​വ സാ​േ​ൻ​റാ​സ്​ ജൂ​നി​യ​ർ എ​ന്നാ​കു​േ​മ്പാ​ൾ പാ​പ്പ​രാ​സി ലോ​ക​ത്തു മാ​ത്ര​മ​ല്ല സോ​ക്ക​ർ​വേ​ൾ​ഡി​ലും അ​ത്​ വൈ​റ​ലാ​കും. ന​ഗീ​ല ട്രി​ൻ​ഡാ​ഡ്​ എ​ന്ന ബ്ര​സീ​ലി​യ​ൻ മോ​ഡ​ലു​മാ​യി മു​െ​മ്പ​ങ്ങോ തു​ട​ങ്ങി​യ വാ​ട്​​സ്​ആ​പ്​ സൗ​ഹൃ​ദ​മാ​ണ്. അ​ത്​ പി​ന്നീ​ട്​ ഇ​ൻ​സ്​​റ്റ​ഗ്ര​മി​ലേ​ക്കും മ​റ്റു​മൊ​ക്കെ വ​ള​ർ​ന്നു. പ​ക്ഷേ, അ​പ്പോ​ഴൊ​ന്നും അ​തി​ത്ര​ക്ക്​ വ​ഷ​ളാ​കു​​മെ​ന്ന്​ ക​രു​തി​യ​ത​ല്ല. വെ​ർ​ച്വ​ൽ വേ​ൾ​ഡി​ൽ​നി​ന്ന്​ പു​റ​ത്തു​വ​രാ​ൻ ര​ണ്ടു​പേ​രും തീ​രു​മാ​നി​ക്കു​ന്ന​തോ​ടെ​യാ​ണ്​ കാ​ര്യ​ങ്ങ​ൾ കു​ഴ​ഞ്ഞു​മ​റി​ഞ്ഞ​ത്. ഫ്രാ​ൻ​സി​െ​ല പി.​എ​സ്.​ജി എ​ന്ന ക്ല​ബ്ബി​നുവേ​ണ്ടി ക​ളി​ക്കു​ന്ന നെ​യ്​​മ​ർ, സാ​വോ​പോ​ളോ​യി​ലു​ള്ള ട്രി​ൻ​ഡാ​ഡി​നെ സ്വ​ന്തം ചെല​വി​ൽ പാ​രി​സി​ലെ​ത്തി​ക്കു​ക​യാ​യി​രു​ന്നു. ര​ണ്ടു ദി​വ​സം അ​വി​ടെ ത​ങ്ങി മ​ട​ങ്ങി​യ ട്രി​ൻ​ഡാ​ഡ്​, ര​ണ്ടാ​ഴ്​​ച​ക്കു​ശേ​ഷം നെ​യ്​​മ​റി​നെ​തി​രെ ബ​ലാ​ത്സം​ഗ​ത്തി​ന്​ കേ​സ്​ കൊ​ടു​ത്ത​തോ​ടെ​യാ​ണ്​ ‘ര​ഹ​സ്യ യാ​ത്ര’ പു​റ​ത്താ​വു​ന്ന​ത്.

ഹോ​ട്ട​ലി​ൽ​വെ​ച്ച്​ നെ​യ്​​മ​ർ ത​ന്നെ ബ​ലാ​ത്സം​ഗം ചെ​യ്​​തു​വെ​ന്നാ​ണ്​ പ​രാ​തി. പ​രാ​തി വ്യാ​ജ​മാ​ണ്, പ​ര​സ്​​പ​ര ധാ​ര​ണ​യോ​ടെ​യു​ള്ള ലൈം​ഗി​ക ബ​ന്ധ​മാ​യി​രു​ന്നു അ​ത്, ബ​ലാ​ത്സം​ഗ​മാ​യി​രു​ന്നു​വെ​ങ്കി​ൽ എ​ന്തു​കൊ​ണ്ട്​ അ​പ്പോ​ൾ ത​ന്നെ പ​രാ​തി ന​ൽ​കി​യി​ല്ല തു​ട​ങ്ങി​ ‘വേ​ട്ട​ക്കാ​രു​ടെ’ പ​തി​വ്​ ചോ​ദ്യ​വു​മാ​യി നെ​യ്​​മ​ർ ഇ​പ്പു​റ​ത്തും നി​ല​യു​റ​പ്പി​ച്ചു. ‘പ​ര​സ്​​പ​ര ധാ​ര​ണ’​ക്ക്​ തെ​ളി​വാ​യി നെ​യ്​​മ​റു​ടെ കൈ​വ​ശം ചാ​റ്റ്​ റെ​ക്കോ​ഡു​ക​ളു​മു​ണ്ട്. അ​പ്പോ​ഴാ​ണ്​ ട്രി​ൻ​ഡാ​ഡ്, അ​വ​ർ പ​ര​സ്​​പ​രം ഏ​റ്റു​മു​ട്ടു​ന്ന വി​ഡി​യോ പു​റ​ത്തു​വി​ട്ട​ത്. ചു​രു​ക്കി​പ്പ​റ​ഞ്ഞാ​ൽ, ഒ​രു ക്ല​ബ്ബ്​ സീ​സ​ൺ അ​വ​സാ​നി​ക്കു​േ​മ്പാ​ൾ ത​െ​ൻ​റ ടീ​മി​നെ ചാ​മ്പ്യ​ന്മാ​രാ​ക്കി​യ​തി​െ​ൻ​റ പൊ​ൻ​തൂ​വ​ൽ മാ​ത്ര​മ​ല്ല നെ​യ്​​മ​ർ​ക്ക്​ കി​ട്ടി​യത്​; സാ​മാ​ന്യം ന​ല്ല ചീ​ത്ത​പ്പേ​രും ഒ​രൊ​റ്റ എ​പ്പി​സോ​ഡി​ലൂ​ടെ സ​മ്പാ​ദി​ച്ചു. അ​തി​െ​ൻ​റ ഹാ​ങ്​​ഓ​വ​റി​ലാ​ണ്​ ബ്ര​സീ​ലി​യ​യി​ൽ ഖ​ത്ത​റു​മാ​യു​ള്ള സൗ​ഹൃ​ദ മ​ത്സ​ര​ത്തി​ന്​ ഇ​റ​ങ്ങി​യ​ത്. അ​റി​യാ​മ​ല്ലോ, 14ന്​ ​കോ​പ അ​മേ​രി​ക്ക തു​ട​ങ്ങൂ​ക​യാ​ണ്. ബ്ര​സീ​ലാ​ണ്​ പോ​രാ​ട്ട വേ​ദി. 2007നു​ശേ​ഷം, ദേ​ശീ​യ ടീം ​കോ​പ തൊ​ടാ​നാ​യി​ട്ടി​ല്ല. ആ ​ചീ​ത്ത​പ്പേ​ര്​ ഇ​ക്കു​റി മാ​റ്റി​യേ തീ​രു. നെ​യ്​​മ​റി​ൽ ത​ന്നെ​യാ​യി​രു​ന്നു പ്ര​തീ​ക്ഷ. അ​തി​നു​ള്ള പ്ര​തി​ഭ​യു​മു​ണ്ട്​ അ​യാ​ൾ​ക്ക്. പ​റ​ഞ്ഞി​​ട്ടെ​ന്ത്, പ​തി​വു​പോ​ലെ പ​രി​ക്ക്​ ഇ​ത്ത​വ​ണ​യും വി​ല്ല​നാ​യി.

ഖ​ത്ത​റി​നെ​തി​രെ 17 മി​നി​റ്റ്​ മാ​ത്രം ക​ളി​ച്ച്​ നെ​യ്​​മ​ർ​ക്ക്​ പു​റ​ത്തു​പോ​രേ​ണ്ടി വ​ന്നു. ക​ണ​ങ്കാ​ലി​നാ​ണ്​ പ​രി​ക്ക്. ഭേ​ദ​മാ​കാ​ൻ സ​മ​യ​മെ​ടു​ക്കും. അ​തി​നാ​ൽ, കോ​പ​യി​ൽ നെ​യ്​​മ​റു​ടെ നൃ​ത്ത​ച്ചു​വ​ടു​ക​ളു​ണ്ടാ​കി​ല്ലെ​ന്ന്​ വ്യ​ക്​​തം. അ​ഞ്ചു വ​ർ​ഷം മു​മ്പ്​ ബ്ര​സീ​ലി​ൽ ലോ​ക​ക​പ്പ്​ ഫു​ട്​​ബാ​ൾ വ​ന്ന​പ്പോ​ഴും ഇ​താ​യി​രു​ന്നു അ​വ​സ്​​ഥ. ക്വാ​ർ​ട്ട​ർ ഫൈ​ന​ലി​ൽ കൊ​ളം​ബി​യ​യു​മാ​യി മ​ത്സ​രി​ക്ക​വെ പ​രി​ക്കേ​റ്റു. സെ​മി​യി​ൽ ജ​ർ​മ​നി​ക്കെ​തി​രെ നെ​യ്​​മ​റി​ല്ലാ​തെ ക​ള​ത്തി​ലി​റ​ങ്ങി​യ കാ​ന​റി​ക​ൾ​ക്ക്​ ശ​രി​ക്കും കി​ട്ടി. ഒ​ന്നി​നെ​തി​രെ ഏ​ഴു ഗോ​ളു​ക​ളാ​ണ്​ മ​ഞ്ഞ​പ്പ​ട വാ​ങ്ങി​ക്കൂ​ട്ടി​യ​ത്. നെ​യ്​​മ​റി​ല്ലാ​ത്ത കോ​പ​യി​ൽ ബ്ര​സീ​ലി​നെ കാ​ത്തി​രി​ക്കു​ന്ന​ത്​ എ​ന്താ​കു​െ​മ​ന്ന്​ ക​ണ്ട​റി​യ​ണം.
വി​ര​സ​മാ​യ ടെ​ക്​​നി​ക്ക​ൽ ഫു​ട്​​ബാ​ളി​നോ​ട​ല്ല, ത്ര​സി​പ്പി​ക്കു​ന്ന ആ​ക്ര​മ​ണ ഫു​ട്​​ബാ​ളി​നോ​ടാ​ണ്​ എ​ന്നും ക​മ്പം. ഗാ​ല​റി​ക​ളി​ൽ​നി​ന്നു​കേ​ട്ട ആ​ര​വ​ങ്ങ​ൾ​ക്കൊ​പ്പമാ​ണ്​ എ​ക്കാ​ല​ത്തും കോ​ർ​ട്ടി​നു​ള്ളി​ൽ അ​യാ​ൾ മ​േ​നാ​ഹ​ര നൃ​ത്ത​ച്ചു​വ​ടു​ക​ൾ തീ​ർ​ത്ത​ത്. അ​ങ്ങ​നെ സം​ഭ​വി​ച്ചി​ല്ലെ​ങ്കി​ലേ അ​ത്ഭുത​മു​ള്ളൂ.

ഫു​ട്​​സാ​ലിലും സ്​​ട്രീ​റ്റ്​ ഫു​ട്​​ബാ​ളി​ലും തു​ട​ങ്ങി വി​ഖ്യാ​ത​മാ​യ സാ​േ​ൻ​റാ​സി​ലൂ​ടെ തു​ട​ങ്ങി​യ ക​രി​യ​റാ​ണ​ത്. അ​തെ, സാ​ക്ഷാ​ൽ പെ​ലെ ലോ​ക​ഫു​ട്​​ബാ​ളി​ന്​ കാ​ണി​ച്ച മാ​ന്ത്രി​ക​വ​ഴി. പി​ന്നീ​ട​ത്​ ക്രൈ​ഫി​െ​ൻ​റ ബാ​ഴ്​​സ​യി​ലേ​ക്ക്​ എ​ത്തു​ന്ന​തോ​ടെ ആ ​ചി​ത്രം സ​മ്പൂ​ർ​ണ​മാ​കു​ന്നു. അ​വി​ടെ ക​ളി​ക്കൂ​ട്ടു​കാ​ർ മെ​സ്സി​യും സു​വാ​രസു​മാ​യി​രു​ന്നു. പു​തു​നൂ​റ്റാ​ണ്ടി​ൽ ന്യൂ ​കാ​മ്പി​ലെ സു​വ​ർ​ണ​കാ​ല​മാ​യി​രു​ന്നു ആ ​നാ​ല്​ വ​ർ​ഷം. ചാ​മ്പ്യ​ൻ​സ്​ ലീ​ഗും ലാ​ലിഗ​യു​മ​ട​ക്കം നേ​ട്ട​ങ്ങ​ൾ ഓ​രോ​ന്നാ​യി ബാ​ഴ്​​സ സ്വ​ന്ത​മാ​ക്കി​യ​ത്​ ഈ ​ത്ര​ിമൂ​ർ​ത്തി സ​ഖ്യ​ത്തി​െ​ൻ​റ പി​ൻ​ബ​ല​ത്തി​ൽ. 123 മ​ത്സ​ര​ങ്ങ​ളി​ൽനി​ന്ന്​ 68ഗോ​ളു​ക​ളാ​ണ്​ ഇ​ക്കാ​ല​ത്ത്​ നെ​യ്​​മ​ർ അ​ടി​ച്ചു​കൂ​ട്ടി​യ​ത്. സാ​േ​ൻ​റാ​സി​ലെ നാ​ല്​ വ​ർ​ഷ​ത്തി​നു​ള്ളി​ലും ഗോ​ൾ​വേ​ട്ട​യി​ൽ അ​ർ​ധ സെ​ഞ്ച്വറി തി​ക​ച്ചു. 2017 മു​ത​ൽ ​പി.​എ​സ്.​ജി​യി​ലാ​ണ്​; അ​തും ലോ​ക​ത്തി​ലെ ഏ​റ്റ​വും വി​ല​യേ​റി​യ താ​ര​മെ​ന്ന ഖ്യാ​തി​യോ​ടെ. പ​ക്ഷേ, അ​വി​ടെ കാ​ര്യ​ങ്ങ​ൾ ഇ​ത്തി​രി വ്യ​ത്യ​സ്​​ത​മാ​ണ്. സ്​​പാ​നി​ഷ്​ ലീ​ഗി​നെ​പോ​ലെ പോ​രാ​ട്ട​വീ​ര്യ​മി​ല്ല ഫ്ര​ഞ്ച്​ ലീ​ഗി​ൽ.

പ്ര​തി​യോ​ഗി​ക​ൾ ദു​ർ​ബ​ല​രും. അ​തു​കൊ​ണ്ട്​ പി.​എ​സ്.​ജി​യി​ലെ പ്ര​ക​ട​ന​ങ്ങ​ൾ വേ​ണ്ട​ത്ര ശ്ര​ദ്ധി​ക്ക​പ്പെ​ട്ടി​ല്ല. ചാ​മ്പ്യ​ൻ​സ്​​ലീ​ഗി​ൽ മു​ന്നേ​റാ​ൻ ക​ഴി​യാ​തി​രു​ന്ന​തും തു​ട​ർ​ച്ച​യാ​യു​ള്ള പ​രി​ക്കു​മൊ​ക്കെ ഈ ​നി​റംമ​ങ്ങ​ലി​ന്​ കാ​ര​ണ​മാ​യി​ട്ടു​ണ്ട്. ദേ​ശീ​യ ജ​ഴ്​​സി​യി​ലും മി​ന്നു​ന്ന പ്ര​ക​ട​ന​മാ​യി​രു​ന്നു. 18ാം വ​യ​സ്സിൽ അ​ര​ങ്ങേ​റ്റം കു​റി​ച്ച നെ​യ്​​മ​ർ 97 ക​ളി​ക​ളി​ൽ​നി​ന്ന്​ 60 ഗോ​ളു​ക​ളാ​ണ്​ സ്വ​ന്തം പേ​രി​ൽ കു​റി​ച്ചി​രി​ക്കു​ന്ന​ത്. ഗോ​ൾ​വേ​ട്ട​യി​ൽ ഇ​നി മു​ന്നി​ലു​ള്ള​ത്​ പെ​ലെ​യും ​റൊ​​ണാ​ൾ​േ​ഡാ​യും മാ​ത്രം. പ​ക്ഷേ, ടീ​മി​െ​ൻ​റ പ്ര​ക​ട​ന​ത്തി​ൽ ഇ​ഷ്​​ട​ക്കാ​ര​നാ​യ മെസ്സി​യെ​ പോ​ലെ​ത​ന്നെ ദു​ഃഖി​ത​നാ​ണ്. നാ​ളി​ത്ര​യാ​യി​ട്ടും എ​ടു​ത്തു​പ​റ​യാ​വു​ന്ന ഒ​രു ട്രോ​ഫി​യും ഷെ​ൽ​ഫി​ൽ എ​ത്തി​ച്ചി​ട്ടി​ല്ല. ആ​കെ​യു​ള്ള​ത്​ 2012ലെ ​ഒ​ളി​മ്പി​ക്​​സ്​ ഗോ​ൾ​ഡും തൊ​ട്ട​ടു​ത്ത വ​ർ​ഷ​ത്തെ കോ​ൺ​ഫെ​ഡ​റേ​ഷ​ൻ ക​പ്പും മാ​ത്ര​മാ​ണ്. വ​ലി​യ പ്ര​തീ​ക്ഷ​ക​ളോ​ടെ ക​ള​ത്തി​ലി​റ​ങ്ങി​യ ര​ണ്ടു ലോ​ക​ക​പ്പു​ക​ളി​ലും കോ​പ​ക​ളി​ലും നി​രാ​ശ​യാ​യി​രു​ന്നു ഫ​ലം.

1992 ഫെ​ബ്രു​വ​രി അ​ഞ്ചി​ന്​ സാ​വോ​പോ​ളോ​യി​ൽ​ ജ​ന​നം. പി​താ​വ്​ നെ​യ്​​മ​ർ സാ​േ​ൻ​റാ​സ്​ സീ​നി​യ​ർ പേ​രു​കേ​ട്ട ഫു​ട്​​ബാ​ള​റാ​യി​രു​ന്നു. അ​ദ്ദേ​ഹം ​ത​ന്നെ​യാ​ണ്​ ജൂ​നി​യ​ർ നെ​യ്​​മ​റെ ക​ളി​യു​ടെ ബാ​ല​പാ​ഠ​ങ്ങ​ൾ പ​ഠി​പ്പി​ച്ച​ത്. ഇ​പ്പോ​ഴും നെ​യ്​​മ​റി​െ​ൻ​റ ട്രാ​ൻ​സ്​​ഫ​ർ അ​ട​ക്ക​മു​ള്ള കാ​ര്യ​ങ്ങ​ളി​ൽ അ​ന്തി​മ വാ​ക്ക്​ പി​താ​വി​േ​ൻ​റ​തു ത​ന്നെ​യാ​ണ്. സാ​വോ​േ​പാ​ളോ​യി​ൽ നൂ​റ്റാ​ണ്ട്​ പ​ഴ​ക്ക​മു​ള്ള പോ​ർ​ചു​ഗീ​സ്​ സാ​ൻ​റി​സ്​​റ്റ​യാ​ണ്​ ആ​ദ്യ ക്ല​ബ്. പി​ന്നെ​യാ​ണ്​ സാ​േ​ൻ​റാ​സി​ലേ​ക്കും അ​തു​വ​ഴി ലോ​ക​ഫു​ട്​​ബാ​ളി​ലേ​ക്കും വ​ള​ർ​ന്ന​ത്. തി​ക​ഞ്ഞ പെ​ന്ത​കോ​സ്​​ത്​ ക്രി​സ്​​ത്യ​നാ​ണ്. ആ ​വ​ഴി​യി​ൽ ചാ​രി​റ്റി പ്ര​വ​ർ​ത്ത​ന​വു​മു​ണ്ട്. ഇ​തി​നാ​യി എ​ല്ലാ വ​ർ​ഷ​വും സൗ​ഹൃ​ദ ഫു​ട്​​ബാ​ൾ മ​ത്സ​രം ന​ട​ത്തും. ചി​ല സ​മ​യ​ങ്ങ​ളി​ൽ വം​ശീ​യ അ​ധി​ക്ഷേ​പ​ത്തി​നും ഇ​ര​യാ​യി​ട്ടു​ണ്ട്. മു​ൻ​കാ​മു​കി​യി​ൽ ഒ​രു മ​ക​നു​ണ്ട്​: ഡേ​വി ലൂ​ക്ക.