ഇല്ല, ഗാന്ധി അങ്ങനെ പറയില്ല

രാ​ഷ്​​ട്ര​പി​താ​വി​െൻറ ഇടനെ​ഞ്ചി​ൽ നി​റ​യൊ​ഴി​ച്ച്​ സ്വ​ത​ന്ത്ര ഇ​ന്ത്യ​യി​ലെ ആ​ദ്യ ഭീ​ക​രാ​ക്ര​മ​ണം ന​ട​ത്തി​യ സം​ഘ്​​പ​രി​വാ​ർ അ​ദ്ദേ​ഹ​ത്തി​​െൻറ ഓ​ർ​മ​ക​ളെ​പ്പോ​ലും വേ​ട്ട​യാ​ടുന്നു. വി.​ഡി. സ​വ​ർ​ക്ക​ർ ബ്രി​ട്ടീ​ഷ്​ അ​ധി​കാ​രി​ക​ൾ​ക്ക്​​ മാ​പ്പെ​ഴു​തി​ക്കൊ​ടു​ത്ത്​ ജ​യി​ൽ​മോ​ച​നം നേ​ടി​യ​ത്​ ഗാ​ന്ധി​ജി​യു​ടെ ഉപദേ​ശാ​നു​സ​ര​ണ​മാ​ണ്​ എ​ന്ന കേ​ന്ദ്ര​ ​പ്രതിരോധ മ​ന്ത്രി​യു​ടെ പ്ര​സ്​​താ​വ​ന​യും അ​തി​​െൻറ തു​ട​ർ​ച്ച​യാ​ണ്. ഈ ​ കള്ളം പറച്ചലി​ന്‍റെ കാരണത്തിലേക്ക്​ വിരൽ ചൂണ്ടുന്നു മ​ഹാ​ത്മ ഗാ​ന്ധി​യു​ടെ പൗ​ത്ര​നും ആ​ക്​​ടി​വി​സ്​​റ്റും മ​ഹാ​ത്മ ഗാ​ന്ധി ഫൗ​ണ്ടേ​ഷ​ൻ പ്ര​സി​ഡ​ൻ​റു​മാ​യ ലേ​ഖ​ക​ൻ...

ഗാ​ന്ധി​വ​ധ​ത്തെ ന്യാ​യീ​ക​രി​ക്കാ​നാ​യി ഒ​രു​പാ​ട്​ വ്യാ​ജ ആ​ഖ്യാ​ന​ങ്ങ​ൾ പ​ട​ച്ച്​ പ്ര​ച​രി​പ്പി​ക്ക​പ്പെ​ടു​ന്നു​ണ്ട്. അ​വ പ​ല​വ​ട്ടം ആ​വ​ർ​ത്തി​ച്ചാ​വ​ർ​ത്തി​ച്ച്​ ആ​ളു​ക​ൾ വി​ശ്വ​സി​ക്കു​ന്ന പ​രു​വം എ​ത്തി​യി​രി​ക്കു​ന്നു. വ്യാ​ജ ച​രി​ത്ര​നി​ർ​മി​തി​ക്കാ​യി സം​ഘ്​​പ​രി​വാ​ർ പ്ര​യോ​ഗി​ച്ച്​ ഫ​ല​പ്ര​ദ​മെ​ന്ന്​ ക​​ണ്ടെ​ത്തി​യ കു​ത​ന്ത്ര​മാ​ണി​ത്. അ​തി​​െൻറ അ​വ​സാ​ന ഉ​ദാ​ഹ​ര​ണ​മാ​ണ്​ വി.​ഡി. സ​വ​ർ​ക്ക​റെ​ക്കു​റി​ച്ചു​ള്ള പു​സ്​​ത​ക​ത്തി​​െൻറ പ്ര​കാ​ശ​ന​ച്ച​ട​ങ്ങി​ൽ പ്ര​തി​രോ​ധ മ​ന്ത്രി രാ​ജ്​​നാ​ഥ്​ സി​ങ്​ പ്ര​യോ​ഗി​ച്ച​ത്. ജ​യി​ലി​ൽ​നി​ന്ന്​ മോ​ച​നം തേ​ടി ബ്രി​ട്ടീ​ഷ്​ അ​ധി​കാ​രി​ക​ൾ​ക്ക്​ മാ​പ്പ​പേ​ക്ഷ ന​ൽ​കാ​ൻ സ​വ​ർ​ക്ക​റെ ഗാ​ന്ധി ഉ​പ​ദേ​ശി​ച്ചി​രു​ന്നു എ​ന്നാ​ണ്​ രാ​ജ്​​നാ​ഥ്​ അ​വ​കാ​ശ​പ്പെ​ട്ട​ത്.

എ​ന്ത്​ പൊ​ട്ട​ത്ത​ര​മാ​ണീ പ​റ​യു​ന്ന​ത്​ എ​ന്ന്​ ചി​ന്തി​ച്ച്​ ആ​ളു​ക​ൾ ചി​രി​ച്ചു​പോ​കു​ന്ന വ​ർ​ത്ത​മാ​ന​മാ​ണ​ത്, പ​ക്ഷേ അ​തൊ​രു നി​ഷ്​​ക​ള​ങ്ക​മാ​യ അ​ബ​ദ്ധ​മ​ല്ല. മ​റി​ച്ച്​ ഗാ​ന്ധി​ജി​യു​ടെ ജീ​വി​ത​ത്തെ​യും പ്ര​വ​ർ​ത്ത​ന​ത്തെ​യും സം​ബ​ന്ധി​ച്ച്​ തെ​റ്റി​ദ്ധ​രി​പ്പി​ക്കാ​ൻ ന​ട​ത്തു​ന്ന ആ​ലോ​ചി​ച്ചു​റ​പ്പി​ച്ച ത​ന്ത്ര​ത്തി​െൻറ ഭാ​ഗ​മാ​ണി​ത്. ഗാ​ന്ധി​ഹ​ത്യ​യി​ലെ അ​വ​രു​ടെ ബ​ന്ധം വ്യ​ക്ത​മാ​യ കാ​ലം മു​ത​ൽ സം​ഘ്​​പ​രി​വാ​ർ ന​ട​ത്തി​പ്പോ​രു​ന്നു​ണ്ടി​ത്. കൊ​ല​പാ​ത​കം ന​ട​പ്പി​ലാ​ക്കി​യ​തു​കൊ​ണ്ട്​ വ്യ​ക്തി ഇ​ല്ലാ​താ​യെ​ങ്കി​ലും അ​ദ്ദേ​ഹം മു​ന്നോ​ട്ടു​വെ​ച്ച ആ​ദ​ർ​ശ​സം​ഹി​ത കൂ​ടു​ത​ൽ ക​രു​ത്താ​ർ​ജി​ക്കു​ക​യാ​യി​രു​ന്നു​വെ​ന്ന്​ ബോ​ധ്യ​പ്പെ​ട്ട​തോ​ടെ​യാ​ണ്​ ഗാ​ന്ധി​ജി​യു​ടെ പൈ​തൃ​ക​ത്തെ അ​പ​കീ​ർ​ത്തി​പ്പെ​ടു​ത്താ​ൻ അ​വ​ർ ഒ​രു​െ​മ്പ​ട്ട​ത്. ഗാ​ന്ധി എ​ന്ന ആ​ശ​യ​ത്തെ കൊ​ല​പ്പെ​ടു​ത്താ​നു​ള്ള സു​സം​ഘ​ടി​ത​മാ​യ ഗൂ​ഢാ​ലോ​ച​ന​യു​ടെ മറ്റൊരു അ​ധ്യാ​യ​മാ​ണ്​ ഇ​പ്പോ​ൾ ന​ട​മാ​ടു​ന്ന​ത്.

മ​ന്ത്രി​യു​ടെ വാ​ദം ഒ​ട്ടും​ത​ന്നെ വി​ശ്വാ​സ​യോ​ഗ്യ​മ​ല്ല, എ​ന്നു​വെ​ച്ച്​ അ​ത​ങ്ങ​നെ ചോ​ദ്യം ചെ​യ്യാ​തെ വി​ട്ടു​ക​ള​യാ​നു​മാ​വി​ല്ല. സ​വ​ർ​ക്ക​ർ മാ​പ്പ​പേ​ക്ഷ​യ​യ​ച്ച്​​ തു​ട​ങ്ങു​ന്ന​ത്​ 1911ലാ​ണ്. അ​ക്കാ​ല​ത്ത്​ ഗാ​ന്ധി​ജി ദ​ക്ഷി​ണാ​ഫ്രി​ക്ക​യി​ൽ സ​ത്യ​ഗ്ര​ഹം ന​യി​ക്കു​ന്ന തി​ര​ക്കി​ലാ​യി​രു​ന്നു. ഇ​ന്ത്യ​യി​ൽ ന​ട​ക്കു​ന്ന കാ​ര്യ​ങ്ങ​ളി​ൽ അ​ദ്ദേ​ഹം ശ്ര​ദ്ധ​കേ​ന്ദ്രീ​ക​രി​ച്ചി​രു​ന്നി​ല്ല, ജ​യി​ലി​ൽ ക​ഴി​യു​ന്ന സ​വ​ർ​ക്ക​റു​മാ​യി ആ​ശ​യ​വി​നി​മ​യം ന​ട​ത്താ​നു​ള്ള സൗ​ക​ര്യ​വും അ​ന്നി​ല്ലാ​യി​രു​ന്നു.

സ​വ​ർ​ക്ക​റു​ടെ വി​ഷ​യ​ത്തി​ൽ ഗാ​ന്ധി​ജി​യു​ടേ​താ​യി രേ​ഖ​പ്പെ​ടു​ത്ത​പ്പെ​ട്ട ആ​ദ്യ അ​ഭി​പ്രാ​യ​പ്ര​ക​ട​നം 1920ൽ ​സ​വ​ർ​ക്ക​റു​ടെ സ​ഹോ​ദ​ര​ന്​ അ​യ​ച്ച ക​ത്താ​ണ്. കാ​ല​വി​ളം​ബ​മി​ല്ലാ​ത്ത മോ​ച​ന​ത്തി​ന്​ പി​ന്തു​ണ അ​റി​യി​ക്കു​ന്നു​ണ്ട്​ ആ ​ക​ത്തി​ൽ. അ​ത്​ തി​ക​ച്ചും സാ​ധാ​ര​ണ​മാ​യ ഒ​രു പ്ര​തി​ക​ര​ണ​മാ​ണ്. ഭ​ഗ​ത്​ സി​ങ്ങി​നെ വ​ധ​ശി​ക്ഷ​ക്ക്​ വി​ധി​ച്ച​പ്പോ​ഴും അ​ദ്ദേ​ഹം സ​മാ​ന​മാ​യി പ്ര​തി​ക​രി​ച്ചി​രു​ന്നു. ഭ​ഗ​ത്​​സി​ങ്ങി​നും സ​ഖാ​ക്ക​ൾ​ക്കും വേ​ണ്ടി വൈ​സ്​​റോ​യി​യോ​ട്​ ദാ​ക്ഷി​ണ്യം തേ​ടു​ക പോ​ലും ചെ​യ്​​തു.

പ​ക്ഷേ, സ​വ​ർ​ക്ക​റു​ടെ സ​ഹോ​ദ​ര​ന്​ അ​യ​ച്ച ക​ത്തി​ൽ മാ​പ്പ​പേ​ക്ഷ പോ​യി​ട്ട്​ ദ​യാ​ഹ​ര​ജി ന​ൽ​കാ​ൻ​പോ​ലും ഗാ​ന്ധി നി​ർ​ദേ​ശി​ക്കു​ന്നി​ല്ല. ഒ​രു പ്ര​ധാ​ന കാ​ര്യ​മെ​​ന്തെ​ന്നാ​ൽ, ര​ത്​​ന​ഗി​രി​യി​ലെ ത​ട​വു​കാ​ല​ത്ത്​ താ​മ​സി​ക്കാ​ൻ ഒ​രു വീ​ട്​ ഒ​പ്പി​ച്ചെ​ടു​ക്കു​ന്ന​തി​ന്​ സ​വ​ർ​ക്ക​ർ പേ​ശി​യി​രു​ന്നു, ​പ്ര​തി​മാ​സം 60 രൂ​പ ആ​ജീ​വ​നാ​ന്ത പെ​ൻ​ഷ​ൻ ബ്രി​ട്ടീ​ഷു​കാ​രി​ൽ​നി​ന്ന്​ ത​ര​പ്പെ​ടു​ത്തി​യെ​ടു​ക്കു​ക​യും ചെ​യ്​​തു. 60 രൂ​പ​യെ​ന്നാ​ൽ അ​ന്ന​ത്തെ ജി​ല്ല ക​ല​ക്​​ട​റു​ടെ ശ​മ്പ​ള​മാ​ണ്. കാ​ലാ​കാ​ല​ങ്ങ​ളി​ൽ അ​ത്​ വ​ർ​ധി​പ്പി​ച്ചു​കൊ​ടു​ക്കാ​ൻ ബ്രി​ട്ടീ​ഷു​കാ​രോ​ട്​ അ​ഭ്യ​ർ​ഥ​ന​യും തു​ട​ർ​ന്നി​രു​ന്നു സ​വ​ർ​ക്ക​ർ.

ഗാ​ന്ധി വ​ധ​ക്കേ​സി​ലെ കു​റ്റാ​രോ​പി​ത​ർ ചെ​ങ്കോട്ടയിലെ കോ​ട​തി​യി​ൽ. മു​ൻ നി​ര (ഇ​ട​ത്തു നി​ന്ന്) നാ​ഥു​റാം ഗോ​ഡ്​​സേ, നാ​രാ​യ​ൺ ആ​പ്​​തേ, വി​ഷ്​​ണു ക​ർ​ക​റേ, ര​ണ്ടാം നി​ര: ദി​ഗം​ബ​ർ രാ​മ​ച​ന്ദ്ര ബാ​ഡ്​​ഗേ, ശ​ങ്ക​ർ കി​സ്​​ത​യ്യ, ഗോ​പാ​ൽ ഗോ​ഡ്​​സേ, മൂ​ന്നാം നി​രയിൽ രണ്ടാമത്​ വി.​ഡി സ​വ​ർ​ക്ക​ർ, ഡോ. ദത്താത്രേയ സദാശിവ്​ പ​ർ​ച്ചു​രേ. 

ഗാ​ന്ധി​യാ​വ​​ട്ടെ, ത​ട​വു​ശി​ക്ഷ കു​റ​ച്ചു​കി​ട്ടു​ന്ന​തി​ന്​ അ​ത്ത​രം മാ​ർ​ഗ​ങ്ങ​ളൊ​ന്നും ഒ​രി​ക്ക​ലും സ്വീ​ക​രി​ച്ചി​ല്ല. ദ​ക്ഷി​ണാ​ഫ്രി​ക്ക​യി​ൽ ന​ട​ന്ന ഒ​രു സം​ഭ​വ​ത്തി​ൽ​നി​ന്ന്​ ത​ന്നെ അ​ത്​ സു​വ്യ​ക്ത​മാ​ണ്. 1908ൽ ​അ​ദ്ദേ​ഹം അ​വി​ടെ ജ​യി​ലി​ലാ​യി​രി​ക്കെ ഭാ​ര്യ ക​സ്​​തൂ​ർ​ബ രോ​ഗ​ബാ​ധി​ത​യാ​യി. രോ​ഗം ക​ല​ശ​ലാ​യ​തോ​ടെ എ​ല്ലാ​വ​രും ഭ​യ​പ്പെ​ട്ടു. ഇ​ന്ത്യ​ൻ ഒ​പ്പീ​നി​യ​ൻ പ​ത്രാ​ധി​പ​രും പ്ര​സാ​ധ​ക​നു​മാ​യ ആ​ർ​ബ​ർ​ട്ട്​ വെ​സ്​​റ്റ്​ ക​സ്​​തൂ​ർ​ബ​യു​ടെ രോ​ഗാ​വ​സ്ഥ അ​റി​യി​ച്ച്​ ഗാ​ന്ധി​ജി​ക്കെ​ഴു​തി. കൊ​ളോ​ണി​യ​ൽ അ​ധി​കാ​രി​ക​ളോ​ട്​ മാ​പ്പ്​ പ​റ​ഞ്ഞ്​ ജ​യി​ലി​ൽ​നി​ന്ന്​ വി​ടു​ത​ൽ വാ​ങ്ങാ​നും അ​ദ്ദേ​ഹം നി​ർ​ദേ​ശി​ച്ചു. വി​വ​ര​മ​റി​ഞ്ഞ്​ വി​ഷ​മി​ച്ച ഗാ​ന്ധി ത​െൻറ നി​സ്സ​ഹാ​യാ​വ​സ്ഥ വി​വ​രി​ച്ചാ​ണ്​ ക​സ്​​തൂ​ർ​ബ​ക്ക്​ ക​ത്തെ​ഴു​തി​യ​ത്. എ​​െൻറ മാ​താ​പി​താ​ക്ക​ളാ​യ സു​ഗ​ന്ധ ഗാ​ന്ധി​യും അ​രു​ണും ചേ​ർ​ന്നെ​ഴു​തി​യ 'ഫോ​ർ​ഗോ​ട്ട​ൺ വു​മ​ൺ ദ അൺടോൾഡ്​ സ്​റ്റോറി ഒാഫ്​ കസ്​തൂർ ഗാന്ധി' എ​ന്ന ക​സ്​​തൂ​ർ​ബ​യു​ടെ ജീ​വ​ച​രി​​ത്ര പു​സ്​​ത​ക​ത്തി​ൽ പ്ര​സി​ദ്ധീ​ക​രി​ച്ച ആ ​ക​ത്ത്​ ഇ​ങ്ങ​നെ​യാ​യി​രു​ന്നു.

എ​​െൻറ പ്രി​യ​പ്പെ​ട്ട ക​സ്​​തൂ​ർ,

നി​ങ്ങ​ൾ​ക്ക്​ സു​ഖ​മി​ല്ലാ​ത്ത വി​വ​രം മി. ​വെ​സ്​​റ്റി​ൽ​നി​ന്ന്​ അ​റി​യാ​ൻ ക​ഴി​ഞ്ഞു. ആ​രോ​ഗ്യാ​വ​സ്ഥ​യി​ൽ അ​തീ​വ ഉ​ത്​​ക​ണ്​​ഠ​യു​ണ്ടെ​ങ്കി​ലും അ​വി​ടെ വ​ന്ന്​ പ​രി​ച​രി​ക്കാ​ൻ ക​ഴി​യു​ന്ന ഒ​രു അ​വ​സ്ഥ​യി​ൽ അ​ല്ലാ​താ​യി ഞാ​ൻ. ജീ​വി​ത​ത്തി​ലെ എ​ല്ലാ​കാ​ര്യ​ങ്ങ​ളും പോ​രാ​ട്ട​ത്തി​നാ​യി മാ​റ്റി​വെ​ച്ചി​രി​ക്കു​ന്ന എ​​െൻറ അ​വ​സ്ഥ മ​ന​സ്സി​ലാ​കു​മ​ല്ലോ. ജ​യി​ലി​ൽ​നി​ന്ന്​ പു​റ​ത്തു​വ​ര​ണ​മെ​ങ്കി​ൽ ഞാ​ൻ നി​യ​മ​ലം​ഘ​നം ന​ട​ത്തി​യെ​ന്ന്​ കു​റ്റ​സ​മ്മ​തം ന​ട​ത്തി പി​ഴ​യ​ട​ക്ക​ണം. എ​നി​ക്ക​ത്​ ചെ​യ്യാ​നാ​വി​ല്ല എ​ന്ന​റി​യാ​മ​ല്ലോ. അ​ങ്ങ​നെ ചെ​യ്​​താ​ൽ ന​മ്മു​ടെ പോ​രാ​ട്ടം വെ​റും പ്ര​ഹ​സ​ന​മാ​യി മാ​റും. ധൈ​ര്യ​മാ​യി​രി​ക്കു​ക, ന​ന്നാ​യി ഭ​ക്ഷ​ണ​വും ക​ഴി​ക്കു​ക -അ​സു​ഖം​ ഭേ​ദ​മാ​കു​മെ​ന്ന്​ എ​നി​ക്കു​റ​പ്പു​ണ്ട്. ഇ​നി മ​ര​ണ​മാ​ണ്​ വി​ധി​ച്ചി​രി​ക്കു​ന്ന​തെ​ങ്കി​ൽ എ​നി​ക്ക്​ മുേ​മ്പ സം​ഭ​വി​ക്കു​ന്ന​താ​വും ന​ല്ല​തെ​ന്ന്​ തോ​ന്നു​ന്നു. ഞാ​ൻ എ​ത്ര​മാ​ത്രം സ്​​നേ​ഹി​ക്കു​ന്നു എ​ന്ന​റി​യാ​മോ, വി​ട​പ​റ​ഞ്ഞാ​ലും ആ​ത്മാ​വ്​ എ​നി​ക്കാ​യി അ​മ​ര​മാ​യി നി​ൽ​ക്കും.

എ​ന്തു സം​ഭ​വി​ച്ചാ​ലും മ​റ്റൊ​രു സ്​​​ത്രീ​യെ വി​വാ​ഹം ചെ​യ്യാ​ൻ എ​നി​ക്ക്​ യാ​തൊ​രു​ദ്ദേ​ശ്യ​വു​മി​ല്ല. ഞാ​നി​ക്കാ​ര്യം പ​ല​വു​രു പ​റ​ഞ്ഞി​ട്ടു​ള്ള​തു​മാ​ണ​ല്ലോ. എ​ല്ലാം ദൈ​വ​ത്തി​ല​ർ​പ്പി​ക്കു​ക. നി​ങ്ങ​ളു​ടെ മ​ര​ണം​പോ​ലും സ​ത്യ​ഗ്ര​ഹ​ത്തി​നു വേ​ണ്ടി ന​ട​ത്തു​ന്ന മ​റ്റൊ​രു മ​ഹാ​ത്യാ​ഗ​മാ​യി​ത്തീ​രും.

എ​​െൻറ പോ​രാ​ട്ടം കേ​വ​ലം അ​ധി​കാ​രി​ക​ളോ​ട്​ മാ​ത്ര​മ​ല്ല, മ​റി​ച്ച്​ വ്യ​വ​സ്ഥി​തി​യോ​ട്​ ത​ന്നെ​യാ​ണ്. ഇ​ക്കാ​ര്യം മ​ന​സ്സി​ലാ​ക്കു​മെ​ന്നും എ​ന്നോ​ട്​ അ​പ്രി​യം തോ​ന്നി​ല്ലെ​ന്നും ക​രു​തു​ന്നു, അ​തു മാ​ത്ര​മാ​ണ്​ എ​നി​ക്ക്​ ആ​വ​ശ്യ​പ്പെ​ടാ​നു​ള്ള​തും.

സ്വ​ന്തം

മോ​ഹ​ൻ​ദാ​സ്​

ക​ത്തി​​െൻറ അ​ടി​യി​ൽ മ​ക​ൻ മ​ണി​ലാ​ലി​നെ​യും മ​റ്റൊ​രു മ​ക​നാ​യ ഹ​രി​ലാ​ലി​​െൻറ ഭാ​ര്യ ഗു​ലാ​ബി​നെ​യും സം​ബോ​ധ​ന ചെ​യ്​​ത്​ ഒ​രു പി​ൻ​കു​റി കൂ​ടി ചേ​ർ​ത്തി​ട്ടു​ണ്ട്​ അ​ദ്ദേ​ഹം.

നി​ങ്ങ​ൾ ഇ​ത്​ വാ​യി​ക്കു​ക​യും ബാ (​ക​സ്​​തൂ​ർ)​ക്ക്​ വാ​യി​ച്ചു കൊ​ടു​ക്കു​ക​യും വേ​ണം. നി​ങ്ങ​ൾ വ​ല്ലാ​ത്ത വി​ഷ​മ​ത്തി​ലാ​ണെ​ന്ന്​ എ​നി​ക്ക​റി​യാം, പ​ക്ഷേ, ഞാ​ൻ നി​സ്സ​ഹാ​യ​നാ​ണ്. നി​ങ്ങ​ൾ ബാ​യു​ടെ ആ​രോ​ഗ്യ​വി​വ​ര​ങ്ങ​ൾ കൃ​ത്യ​മാ​യി അ​റി​യി​ച്ചു​കൊ​ണ്ടി​രി​ക്ക​ണം. രാം​ദാ​സി​നെ​യും ദേ​വ​​ദാ​സി​നെ​യും ന​ന്നാ​യി നോ​ക്ക​ണം. ബാ ​വേ​ഗം സു​ഖം​പ്രാ​പി​ക്കു​ന്ന​തി​നാ​യി ഞാ​ൻ പ്രാ​ർ​ഥി​ക്കാം.

ആ​ശി​സ്സു​ക​ളോ​ടെ

ബാ​പ്പു

ഇ​ത്​ ക​രു​ത​ലി​ല്ലാ​ത്ത പെ​രു​മാ​റ്റ​മാ​യി​രു​ന്നി​ല്ല, മ​റി​ച്ച്​ താ​ൻ ഏ​ർ​പ്പെ​ടു​ന്ന വി​ഷ​യ​ത്തോ​ടു​ള്ള പൂ​ർ​ണ​മാ​യ സ​മ​ർ​പ്പ​ണ​മാ​യി​രു​ന്നു. അ​തി​ന്​ ആ​ത്മീ​യ​വും നൈ​തി​ക​വു​മാ​യ ധൈ​ര്യം വേ​ണം, അ​താ​യി​രു​ന്നു ഗാ​ന്ധി. ഇ​ത്ര​മാ​ത്രം സ്വ​യം സ​മ​ർ​പ്പി​ത​നാ​യ ഒ​രാ​ൾ സ​വ​ർ​ക്ക​റി​നെ​പ്പോ​ലെ അ​ടി​യ​റ​വു​പ​റ​യാ​ൻ ഉ​പ​ദേ​ശി​ക്കു​മെ​ന്ന്​ ക​രു​തു​ന്ന​ത്​ പ​ര​മ വി​ഡ്‌​ഢി​ത്ത​മ​ല്ലേ.

1931ൽ ​യ​ങ്​ ഇ​ന്ത്യ​യു​ടെ പ​ത്രാ​ധി​പ​ക്കു​റി​പ്പി​ൽ ഗാ​ന്ധി സ​ത്യ​ഗ്ര​ഹി​ക​ളെ ഇ​ങ്ങ​നെ ഉ​പ​ദേ​ശി​ക്കു​ന്നു: സ​ത്യ​ഗ്ര​ഹി​യു​ടെ സം​ഹി​ത​യി​ൽ മ​ർ​ദ​ക​ശ​ക്തി​യോ​ട്​ കീ​ഴ​ട​ങ്ങ​ൽ എ​ന്നൊ​രു സം​ഭ​വ​മേ​യി​ല്ല. കീ​ഴ​ട​ങ്ങ​ൽ ക്ലേ​ശ​ങ്ങ​ളോ​ടും വേ​ദ​ന​ക​ളോ​ടു​മാ​യി​രി​ക്കും. അ​ല്ലാ​തെ, കു​ത്തു​വാ​ളേ​ന്തി​യ​വ​​െൻറ തീ​ട്ടൂ​ര​ങ്ങ​ളോ​ട​ല്ല. സ​ത്യ​ഗ്ര​ഹി​യു​ടെ കീ​ഴ​ട​ങ്ങ​ൽ അ​യാ​ളു​ടെ ശ​ക്തി​യി​ൽ​നി​ന്നാ​ണ്,​ ദൗ​ർ​ബ​ല്യ​ത്തി​ൽ​നി​ന്ന​ല്ല സം​ഭ​വി​ക്കു​ക.

വി​പ്ല​വ​കാ​രി​ക​​ളെ മ​റ്റൊ​രു​രീ​തി​യി​ൽ ഗാ​ന്ധി​ജി ഉ​പ​ദേ​ശി​ച്ചി​രി​ക്കാ​ൻ ഒ​രു കാ​ര​ണ​വും കാ​ൺ​മാ​നി​ല്ല.

അ​ഹ്​​മ​ദാ​ബാ​ദ്​ ന​ഗ​ര​ഹൃ​ദ​യ​ത്തി​ൽ​നി​ന്ന്​ അ​ക​ലെ​യാ​യി ആ​ശ്ര​മം സ്ഥാ​പി​ക്കാ​ൻ സ്ഥ​ലം ക​ണ്ടെ​ത്തു​​േ​മ്പാ​ഴും ഗാ​ന്ധി തി​ര​ഞ്ഞെ​ടു​ത്ത​ത്​ സ​ബ​ർ​മ​തി ന​ദി​ക്കും ജ​യി​ലി​നും ശ്​​മ​ശാ​ന​ത്തി​നും അ​ടു​ത്താ​യി ഒ​രു ഭൂ​മി​യാ​ണ്. ത​ങ്ങ​ളു​ടെ ല​ക്ഷ്യ​സ്ഥാ​നം ജ​യി​ലോ ശ്​​മ​ശാ​ന​മോ ആ​ണെ​ന്ന​ത്​ സ​ദാ ഒാ​ർ​മ​പ്പെ​ടു​ത്തി​ക്കൊ​ണ്ടി​രി​ക്കു​മെ​ന്ന​തി​നാ​ൽ സ​ത്യ​ഗ്ര​ഹ​ത്തി​െൻറ പോ​രാ​ളി​ക​ൾ​ക്ക്​ ഇ​ത്​ ഏ​റ്റ​വും ഉ​ചി​ത​മാ​യ ഇ​ട​മാ​ണെ​ന്നും അ​ദ്ദേ​ഹം വി​ശേ​ഷി​പ്പി​ച്ചു. അ​ങ്ങ​നെ​യൊ​രു മ​നു​ഷ്യ​ൻ ഒ​രി​ക്ക​ലും ക്ഷ​മ യാ​ചി​ക്കു​ക​യു​മി​ല്ല, അ​ങ്ങ​നെ ചെ​യ്യാ​ൻ മ​റ്റു​ള്ള​വ​​രോ​ട്​ നി​ർ​ദേ​ശി​ക്കു​ക​യു​മി​ല്ല.

ച​രി​ത്ര​സം​ബ​ന്ധി​യാ​യ ഇ​ത്ത​രം ച​ർ​ച്ച​ക​ളി​ൽ കു​രു​ക്കി ഇ​ന്നി​െൻറ യാ​ഥാ​ർ​ഥ്യ​ങ്ങ​ളി​ൽ​നി​ന്ന്​ ന​മ്മു​ടെ ശ്ര​ദ്ധ അ​ക​റ്റി​നി​ർ​ത്തു​ക എ​ന്ന​ത്​ ഈ ​സ​ർ​ക്കാ​ർ വി​ദ​ഗ്​​ധ​മാ​യി പ​യ​റ്റി​വ​രു​ന്ന ഒ​രു കു​ടി​ല​ത​ന്ത്ര​മാ​ണ്. അ​വ​രു​ടെ രൂ​ക്ഷ​മാ​യ പ​രാ​ജ​യ​ങ്ങ​ളി​ൽ​നി​ന്ന്​ ശ്ര​ദ്ധ​തെ​റ്റി​ക്കു​ക​യാ​ണ്​ ല​ക്ഷ്യം. എ​ത്ര​കാ​ലം ന​മ്മ​ളീ ച​തി​ക്കെ​ണി​യി​ൽ കു​രു​ങ്ങി​ക്കി​ട​ക്കും? ക​ഴി​ഞ്ഞു​പോ​യ കാ​ലം പ്ര​സ​ക്തം ത​ന്നെ​യാ​ണ്. പ​ക്ഷേ, ന​മ്മ​ൾ നി​ല​കൊ​ള്ളു​ന്ന ഈ ​കാ​ല​മാ​ണ്​ കൂ​ടു​ത​ൽ പ്ര​ധാ​ന​പ്പെ​ട്ട​ത്.

gandhitushar.a@gmail.com