കാവൽക്കാർ കവർച്ചക്കാരാകരുത്​

ഭരണഘടന ഉറപ്പുനൽകുന്ന മൗലികാവകാശം നിഷേധിക്കപ്പെടു​േമ്പാൾ ഇടപെടാൻ മടിക്കുന്ന ജുഡീഷ്യറി; മുത്തശ്ശിക്ക്​ അത്യ ാവശ്യ മരുന്നുവാങ്ങാൻവേണ്ടി ഡൽഹിക്ക്​ വിമാനം കയറേണ്ടിവന്ന കശ്​മീരിയെപ്പോലുള്ള പതിനായിരങ്ങളുടെ അവസ്​ഥ കണ്ട ില്ലെന്നു​ നടിക്കുന്ന ഇന്ത്യൻ മെഡിക്കൽ അസോസി​േയഷൻ (​െഎ.എം.എ); മാധ്യമ സ്വാതന്ത്ര്യം അപകടത്തിലായ നിർണായക സന്ദർഭ ത്തിൽ ആ സ്വാതന്ത്ര്യത്തിനായി പോരാടാൻ നിയമപരമായി ബാധ്യസ്​ഥമായിട്ടും വിലക്കിന്​ പിന്തുണ നൽകുന്ന പ്രസ്​ കൗൺസ ിൽ ഒാഫ്​ ഇന്ത്യ -കശ്​മീരല്ല, ഇന്ത്യതന്നെ കടുത്ത വിപത്തി​​െൻറ തൊട്ടുമുന്നിലാണെന്ന്​ തെളിയിക്കുന്ന ഇൗ മൂന്ന്​ ഉദാഹരണങ്ങളും കഴിഞ്ഞ ദിവസങ്ങളിൽ രാജ്യം ഞെട്ടലോടെയാണ്​ കണ്ടത്​.

ജനങ്ങളുടെ രക്ഷക്കും ക്ഷേമത്തിനും വേണ്ടി നിലകൊള്ളേണ്ട സ്​ഥാപനങ്ങൾതന്നെ ആ പവിത്രലക്ഷ്യം മറക്കുന്നത്​ രാഷ്​ട്രസ്വാതന്ത്ര്യത്തി​​െൻറയും ജനാധിപത്യത്തി​​െൻറയും അടിത്തറകൾ ഉരുൾപൊട്ടിയാലെന്നപോലെ കീഴ്​മേൽ മറിയുന്ന പ്രതീതിയാണുണ്ടാക്കുക. മൗലിക സ്വാതന്ത്ര്യവുമായി ബന്ധപ്പെട്ട രണ്ട്​ കേസുകളിൽ ജുഡീഷ്യറിയുടെ നിലപാട്​ രാജ്യസ്​നേഹികളിൽ അസ്വസ്​ഥത സൃഷ്​ടിച്ചിട്ടുണ്ട്​. ജമ്മു-കശ്​മീരിലെ വാർത്തവിനിമയ മേഖല അപ്പാടെ സ്​തംഭിപ്പിച്ച സർക്കാർ നീക്കം പൗരാവകാശങ്ങൾക്കുമേലുള്ള ഭരണകൂടത്തി​​െൻറ അന്യായമായ കടന്നുകയറ്റമാണ്​. ഒരു ജനസമൂഹത്തെ മുഴുവൻ കണ്ണും കാതും വായും മൂടി ഇങ്ങനെ ദുരിതത്തിലാക്കിയിട്ട്​ ആഴ്​ചകളോളമായി. ഭരണഘടനാദത്തമായ അഭിപ്രായ സ്വാതന്ത്ര്യവും മാധ്യമസ്വാതന്ത്ര്യവും ഇല്ലാതാക്കുക മാത്രമല്ല, മറ്റനേകം അനുബന്ധസേവനങ്ങൾ ലഭ്യമല്ലാതാക്കുകയും ​നിത്യജീവിതത്തെ അട്ടിമറിക്കുകയും ചെയ്യുന്നുണ്ടിത്​. തന്നെയുമല്ല, യു.എൻ മനുഷ്യാവകാശ കമീഷൻ ചൂണ്ടിക്കാട്ടിയതുപോലെ ഇത്​ നിയമവിരുദ്ധമായ കൂട്ടശിക്ഷയുമാണ്​.

കമ്യൂണിക്കേഷൻ സംവിധാനങ്ങളുടെ ഇൗ സമ്പൂർണ നിരോധനത്തെ ചോദ്യംചെയ്​തുകൊണ്ടുള്ള ഹരജി സുപ്രീംകോടതിയിലെത്തി. സർക്കാർ ചെയ്​തിയുടെ ഭരണഘടനാപരമായ സാധുത പരിശോധിക്കുന്നതിനു പകരം കോടതി, സർക്കാറിന്​ നോട്ടീസ്​ നൽകുകപോലും ചെയ്യാതെ അവർക്ക്​ ‘കൂടുതൽ സമയം’ അനുവദിക്കുകയും കേസ്​ രണ്ടാഴ്​ചത്തേക്ക്​ നീട്ടിവെക്കുകയുമാണ്​ ചെയ്​തത്​. സാധാരണ ജനങ്ങളുടെ ദൈനംദിന ജീവിതംപോലും വരിഞ്ഞുകെട്ടിയപ്പോൾ ആശ്വാസമാകേണ്ടിയിരുന്ന ജുഡീഷ്യറി ഇതുവഴി എന്തു സന്ദേശമാണ്​ നൽകുന്നത്​? ​െഎ.എ.എസിൽനിന്ന്​ രാജിവെച്ച്​ രാഷ്​ട്രീയത്തിലിറങ്ങിയ ഷാ ഫൈസലിനെ തടങ്കലിലിട്ടപ്പോൾ ഡൽഹി ഹൈകോടതിയിൽ ഹേബിയസ്​ കോർപസ്​ ഹരജിയെത്തി. പൗരാവകാശവുമായി ബന്ധപ്പെട്ട അടിയന്തര സ്വഭാവമുള്ള ഇൗ ഹരജിയും പത്തു ദിവസം കഴിഞ്ഞ്​ നോക്കാമെന്നു പറഞ്ഞ്​ മാറ്റിവെക്കുകയാണ്​ കോടതി ചെയ്​തത്. അടിയന്തരാവസ്​ഥക്കാലത്ത്​ ഇത്തരമൊരു നിലപാട്​ കൈ​ക്കൊണ്ടതി​​െൻറ പേരിൽ സുപ്രീംകോടതി ഏറെ വിമർശനം നേരിട്ടതാണ്​. അന്ന്​ എടുത്ത നിലപാട്​ തെറ്റായിപ്പോയെന്ന്​ സുപ്രീംകോടതിതന്നെ 2017ൽ ഏറ്റുപറയുകയും ചെയ്​തതാണ്​.

‘ലാൻസറ്റ്​’ എന്ന അന്താരാഷ്​ട്ര ആരോഗ്യ മാഗസിനെതി​രായ ​െഎ.എം.എയുടെ പ്രതികരണം ആ സംഘടനക്കോ രാജ്യത്തിനോ അഭിമാനകരമായില്ല. കശ്​മീർ ജനത നേരിടുന്ന ആരോഗ്യ, മാനസിക പ്രശ്​നങ്ങളിലേക്ക്​ ശ്രദ്ധക്ഷണിച്ചും സർക്കാറി​​െൻറ അവകാശവാദങ്ങളെ ചോദ്യംചെയ്​തും ‘ലാൻസറ്റ്​​’ എഡിറ്റോറിയലെഴുതിയത്​ ​െഎ.എം.എയെ ചൊടിപ്പിച്ചു. സംഘർഷ മേഖലകളിലെ ജനങ്ങളനുഭവിക്കുന്ന പ്രയാസങ്ങളെപ്പറ്റി അവർ എഴുതുന്നത്​ ഇതാദ്യമല്ല. കശ്​മീരി​​െൻറ കാര്യത്തിൽ ഇന്ത്യയുടെയും പാകിസ്​താ​​െൻറയും നയങ്ങളെ അവർ വിമർശിക്കാറുണ്ട്​. ഇപ്പോൾ ഇതിനെ ഇന്ത്യയുടെ കാര്യങ്ങളിലുള്ള ഇടപെടലായി കാണുന്ന ​െഎ.എം.എ, തങ്ങൾ പറയേണ്ടത്​ പറയാത്തപ്പോഴാണ്​ പുറത്തുള്ളവർ ‘ഇടപെടുന്ന’തെന്നെങ്കിലും തിരിച്ചറിയണം. ഡോക്​ടർ ബിനായക്​സെൻ അന്യായ തടങ്കലിലായപ്പോഴോ ഡോക്​ടർ പായൽ താഡ്​വി ജാതി പീഡനം കാരണം ആത്​മഹത്യ ചെയ്​തപ്പോഴോ ആശങ്ക തോന്നാത്തവർക്ക്​ ഇപ്പോൾ കശ്​മീരിലെ സാധാരണക്കാരായ ഇന്ത്യക്കാരുടെ ആരോഗ്യവും പ്രശ്​നമാകില്ല. പക്ഷേ, അതിനെപ്പറ്റി എഴുതിയതിന്​ ‘ലാൻസറ്റിനോടുള്ള മതിപ്പ്​ ഇന്ത്യയിലെ ഡോക്​ടർമാർ ഇതിനാൽ പിൻവലിക്കുന്നു’ എന്നൊക്കെ പ്രതികരിക്കു​േമ്പാൾ പരിഹാസപാത്രമാകുന്നത്​ അറിയണം.

സ്വന്തം കടമ മറന്നും സർക്കാറി​​െൻറ ചെയ്​തികളെ ന്യായീകരിക്കാനിറങ്ങിയ മറ്റൊരു സംഘടനയാണ്​ പ്രസ്​ കൗൺസിൽ ഒാഫ്​ ഇന്ത്യ. കശ്​മീരിലെ വാർത്തവിലക്കിനെതിരെ ആദ്യം രംഗത്തിറങ്ങേണ്ടിയിരുന്നത്​ അവരാണ്​. കാരണം, പാർലമ​െൻറി​​െൻറ കൽപനപ്രകാരം നിലവിൽവന്ന പ്രസ്​ കൗൺസിലി​​െൻറ സംസ്​ഥാപന ലക്ഷ്യംതന്നെ മാധ്യമങ്ങൾക്കുനേരെ അധികൃതരിൽനിന്നുണ്ടാകാവുന്ന തടസ്സങ്ങൾ ഇല്ലാതാക്കി സ്വാതന്ത്ര്യം ഉറപ്പുവരുത്തുക എന്നതാണ്.​ അതി​​െൻറ അധ്യക്ഷനായ ജസ്​റ്റിസ്​ സി.കെ. പ്രസാദിന്​ മുമ്പാകെ വാർത്തവിലക്ക്​ പ്രശ്​നം അംഗങ്ങൾ ഉന്നയിച്ചിട്ടും ഇടപെട്ടില്ലെന്നു മാത്രമല്ല, ‘കശ്​മീർ ടൈംസ്​’ എക്​സിക്യൂട്ടിവ്​ എഡിറ്റർ അനുരാധ ഭാസിൻ സുപ്രീംകോടതിയിൽ സമർപ്പിച്ച ഹരജിയിൽ അതിനെ ദുർബലപ്പെടുത്തുന്ന വാദങ്ങളോടെ കക്ഷിചേരാൻ മുതിരുകയും ചെയ്​തിരിക്കുന്നു. മാധ്യമങ്ങൾക്കുമേലുള്ള നിയന്ത്രണം രാജ്യത്തി​​െൻറ പരമാധികാരത്തിനും അഖണ്ഡതക്കും ആവശ്യമാണെന്ന കൗൺസിലി​​െൻറ നിലപാടിൽ ഏറ്റവും മുരത്ത സ്വേച്ഛാധിപത്യത്തി​​െൻറ സ്വരമാണ്​ പ്രതിധ്വനിക്കുന്നത്​. കൗൺസിലിൽ ഇതിനെക്കുറിച്ച ആ​േലാചനയോ ചർച്ചയോ നടന്നിട്ടില്ലെന്ന്​ ജയശങ്കർ ഗുപ്​ത, സി.കെ. നായക്​ തുടങ്ങിയ അംഗങ്ങൾ വ്യക്​തമാക്കിയിട്ടുണ്ട്​. പ്രസ്​ കൗൺസിൽ മാധ്യമ വിലക്കിനെ പിന്താങ്ങു​േമ്പാഴും മൗലിക സ്വാതന്ത്ര്യത്തിന്മേലുള്ള കടന്നുകയറ്റത്തിനെതിരെ കവചമാകേണ്ട ജുഡീഷ്യറി അക്കാര്യത്തിൽ ഉദാസീനത പുലർത്തു​േമ്പാഴും ഒാർമിക്കാനുള്ളത്​ ഒരു കാര്യമാണ്​: സർക്കാറല്ല രാജ്യം; സർക്കാർ നയങ്ങളല്ല, ജനക്ഷേമമാണ്​ പരമം.