ക​ശ്മീ​രി​ലെ ചോ​ര

കേ​ര​ള​വും ഗു​ജ​റാ​ത്തും മ​ണി​പ്പൂ​രും അ​രു​ണാ​ച​ൽ​പ്ര​ദേ​ശു​മെ​ല്ലാം​പോ​ലെ ഇ​ന്ത്യ​യു​ടെ ആ​ത്മാ​വി​ന്റെ മു​റി​ച്ചു​മാ​റ്റാ​നാ​കാ​ത്ത ഭാ​ഗ​മാ​ണ് ജ​മ്മു-​ക​ശ്മീ​ർ. ഒ​രു മ​ല​യാ​ളി​ക്ക്, ഗു​ജ​റാ​ത്തി​ക്ക്, മ​ണി​പ്പൂ​രി​ക്ക്, അ​രു​ണാ​ച​ലി​ക്ക് എ​ത്ര​മാ​ത്രം ഇ​ന്ത്യ​യി​ൽ അ​വ​കാ​ശ​ങ്ങ​ളു​ണ്ടോ അ​തേ അ​വ​കാ​ശ​ങ്ങ​ളും അ​ധി​കാ​ര​ങ്ങ​ളും ക​ശ്മീ​രി​ക​ൾ​ക്കു​മു​ണ്ട്. എ​ന്നാ​ൽ, ഇ​ക്കാ​ര്യം അം​ഗീ​ക​രി​ക്കാ​ൻ വ​ർ​ഗീ​യ​പ്രേ​രി​ത ശ​ക്തി​ക​ളും ഭീ​ക​ര​വാ​ദ​സം​ഘ​ട​ന​ക​ളും ത​യാ​റ​ല്ല, അ​വ​രു​ടെ ചൊ​ൽ​പ്പ​ടി​ക്കു നി​ൽ​ക്കു​ന്ന അ​ധി​കാ​രി​ക​ളും അ​തി​ന് ഒ​രു​ക്ക​മ​ല്ല. ക​ശ്മീ​രി​ൽ​നി​ന്നു​ള്ള വി​ദ്യാ​ർ​ഥി​ക​ൾ രാ​ജ്യ​​ത്തി​ന്റെ മ​റ്റു ഭാ​ഗ​ങ്ങ​ളി​ലെ ഉ​ന്ന​ത വി​ദ്യാ​ഭ്യാ​സ​സ്ഥാ​പ​ന​ങ്ങ​ളി​ൽ വി​വേ​ച​ന​ങ്ങ​ൾ നേ​രി​ടേ​ണ്ടി​വ​രു​ന്ന​തി​ന്റെ​യും ഡ്രൈ ​ഫ്രൂ​ട്ട്സ് ക​ച്ച​വ​ട​ക്കാ​ർ യു.​പി ത​ല​സ്ഥാ​ന​മാ​യ ല​ഖ്നോ​വി​ൽ ആ​ട്ടി​യോ​ടി​ക്ക​പ്പെ​ട്ട​തി​ന്റെ​യും വാ​ർ​ത്ത​ക​ൾ ക​ഴി​ഞ്ഞ ആ​ഴ്ച​ക​ളി​ൽ പു​റ​ത്തു​വ​ന്നി​രു​ന്നു. ജ​മ്മു-​ക​ശ്മീ​ർ ഇ​ന്ത്യ​യു​ടെ അ​വി​ഭാ​ജ്യ​ഘ​ട​ക​മാ​ണ് എ​ന്ന പ്ര​ഖ്യാ​പ​നം പേ​ർ​ത്തും പേ​ർ​ത്തും തു​ട​രു​ന്ന​തി​നി​ടെ​യാ​ണ് ഇ​ന്ത്യ​ക്കാ​രെ​ന്നോ മ​നു​ഷ്യ​രെ​ന്നോ ഉ​ള്ള അ​ടി​സ്ഥാ​ന പ​രി​ഗ​ണ​ന​പോ​ലു​മി​ല്ലാ​ത്ത വി​ധ​ത്തി​ൽ ക​ശ്മീ​രി​ക​ൾ അ​ന്യ​വ​ത്ക​ര​ണ​ത്തി​നി​ര​യാ​വു​ന്ന​ത്. ഭീ​ക​ര​വാ​ദ​ത്തെ ഇ​ല്ലാ​താ​ക്കാ​ൻ എ​ന്ന പേ​രി​ൽ സാ​ധാ​ര​ണ​ക്കാ​രാ​യ ജ​ന​ങ്ങ​ൾ​ക്കും കു​ട്ടി​ക​ൾ​ക്കും മാ​ധ്യ​മ​ങ്ങ​ൾ​ക്കും മ​നു​ഷ്യാ​വ​കാ​ശ​പ്ര​വ​ർ​ത്ത​ക​ർ​ക്കു​മെ​തി​രെ ന​ട​ക്കു​ന്ന അ​ന്യാ​യ​ങ്ങ​ളും അ​തി​ക്ര​മ​ങ്ങ​ളും ക​ശ്മീ​രി​ൽ ഒ​രു പു​തി​യ വാ​ർ​ത്ത​യ​ല്ല. ആ ​പ​ട്ടി​ക​യി​ലെ അ​വ​സാ​ന​ത്തെ​താ​ണ് പൂ​ഞ്ചി​ൽ ന​ട​ന്ന ​ഭീ​ക​രാ​ക്ര​മ​ണ​ത്തി​ന്റെ അ​ന്വേ​ഷ​ണ​മെ​ന്ന പേ​രി​ൽ ന​ട​ന്ന പീ​ഡ​ന​ങ്ങ​ൾ മൂ​ന്നു മ​നു​ഷ്യ​രു​ടെ ജീ​വ​ൻ ഹ​നി​ച്ച സം​ഭ​വം.

ഡി​സം​ബ​ർ 21ന് ​പൂ​ഞ്ച് ജി​ല്ല​യി​ലെ ബ​ഫ്‍ലി​യാ​സ് സ​വാ​നി മേ​ഖ​ല​യി​ൽ ര​ണ്ടു സൈ​നി​ക​വാ​ഹ​ന​ങ്ങ​ൾ​ക്കു​നേ​രെ ന​ട​ന്ന ഭീ​ക​രാ​ക്ര​മ​ണ​ത്തി​ൽ അ​ഞ്ചു സൈ​നി​ക​ർ വീ​ര​മൃ​ത്യു വ​രി​ച്ചി​രു​ന്നു. ഭീ​ക​രാ​ക്ര​മ​ണ​ത്തി​നു പി​ന്നി​ൽ പ്ര​വ​ർ​ത്തി​ച്ച​വ​രെ ക​ണ്ടെ​ത്താ​നു​ള്ള അ​ന്വേ​ഷ​ണ​ത്തി​ന്റെ ഭാ​ഗ​മാ​യി എ​ട്ടു ഗ്രാ​മ​വാ​സി​ക​ളെ സൈ​ന്യം ക​സ്റ്റ​ഡി​യി​ലെ​ടു​ത്തു. ഇ​വ​രി​ൽ മൂ​ന്നു പേ​രെ പി​ന്നീ​ട് ക​ണ്ടെ​ത്തു​ന്ന​ത് ജീ​വ​ൻ ന​ഷ്ട​പ്പെ​ട്ട നി​ല​യി​ലാ​ണ്. ക​സ്റ്റ​ഡി​യി​ലെ​ടു​ക്ക​പ്പെ​ട്ട​വ​ർ അ​തി​മാ​ര​ക പീ​ഡ​ന​ങ്ങ​ൾ​ക്ക് ഇ​ര​യാ​ക്ക​പ്പെ​ടു​ന്ന​തി​ന്റെ വി​ഡി​യോ പു​റ​ത്തു​വ​ന്ന​തോ​ടെ ജ​ന​ങ്ങ​ളു​ടെ സ​ങ്ക​ടം രോ​ഷ​മാ​യി മാ​റി. വി​വ​സ്ത്ര​രാ​ക്കി ലാ​ത്തി​യും ഇ​രു​മ്പു​വ​ടി​ക​ളും​കൊ​ണ്ട് അ​തി​ക്രൂ​ര​മാ​യി മ​ർ​ദി​ച്ച​ശേ​ഷം മു​റി​വു​ക​ളി​ൽ മു​ള​കു​പൊ​ടി പു​ര​ട്ടി​യെ​ന്നാ​ണ് പീ​ഡ​ന​ശേ​ഷ​വും ജീ​വ​ൻ അ​വ​ശേ​ഷി​ച്ച​വ​ർ ‘ഇ​ന്ത്യ​ൻ എ​ക്സ്പ്ര​സ്’ പ​ത്ര​ത്തി​ന്റെ പ്ര​തി​നി​ധി​യോ​ട് പ​റ​ഞ്ഞ​ത്. ഗ്രാ​മം വ​ള​ഞ്ഞ സൈ​ന്യം കൊ​ല്ല​പ്പെ​ട്ട ഗ്രാ​മ​വാ​സി​ക​ളു​ടെ ഖ​ബ​റ​ട​ക്കം ഉ​ട​ന​ടി ന​ട​ത്താ​ൻ ആ​വ​ശ്യ​പ്പെ​ടു​ക​യും ചെ​യ്തു. സം​ഭ​വി​ച്ച​ത് അ​ന്യാ​യ​മാ​ണെ​ന്ന് ബോ​ധ്യ​പ്പെ​ട്ട​തു​കൊ​ണ്ടാ​വ​ണം കേ​ന്ദ്ര​ഭ​ര​ണ​പ്ര​ദേ​ശ​ത്തി​ന്റെ മേ​ൽ​നോ​ട്ട ചു​മ​ത​ല​യു​ള്ള കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം കൊ​ല്ല​പ്പെ​ട്ട​വ​രു​ടെ കു​ടും​ബ​ത്തി​ന് ന​ഷ്ട​പ​രി​ഹാ​ര​വും ആ​ശ്രി​ത​ർ​ക്ക് ജോ​ലി​യും പ്ര​ഖ്യാ​പി​ച്ച​ത്.

സി​വി​ലി​യ​ന്മാ​ർ കൊ​ല്ല​പ്പെ​ട്ട സം​ഭ​വ​ത്തി​ൽ പേ​രു​പ​രാ​മ​ർ​ശി​ക്കാ​തെ ഏ​താ​നും സൈ​നി​ക​ർ​ക്കു​നേ​രെ കൊ​ല​ക്കു​റ്റ​ത്തി​ന് ജ​മ്മു-​ക​ശ്മീ​ർ പൊ​ലീ​സ് കേ​സെ​ടു​ത്തു. ‘‘അ​തീ​വ പ്ര​ഫ​ഷ​ന​ൽ രീ​തി​യി​ൽ’’ വേ​ണം പ്ര​വ​ർ​ത്ത​ന​ങ്ങ​ളെ​ന്ന് അ​വി​ടം സ​ന്ദ​ർ​ശി​ച്ച ആ​ർ​മി ചീ​ഫ് ജ​ന​റ​ൽ മ​നോ​ജ് പാ​ണ്ഡെ സൈ​നി​ക ഓ​ഫി​സ​ർ​മാ​ർ​ക്ക് നി​ർ​ദേ​ശം ന​ൽ​കു​ക​യും ചെ​യ്തു. സം​ഭ​വ​ത്തി​ൽ സൈ​നി​ക​ത​ല അ​ന്വേ​ഷ​ണ​വും ആ​രം​ഭി​ച്ചി​ട്ടു​ണ്ട്.

ശ​ത്രു​സൈ​ന്യ​ങ്ങ​ളു​ടെ കു​ത​ന്ത്ര​ങ്ങ​ളെ​യും മാ​ര​കാ​യു​ധ​ങ്ങ​ളെ​യും പ്ര​തി​രോ​ധി​ച്ച്, കാ​ഠി​ന്യ​മേ​റി​യ കാ​ലാ​വ​സ്ഥ​യെ അ​വ​ഗ​ണി​ച്ച്, രാ​ജ്യാ​തി​ർ​ത്തി​ക്ക് കാ​വ​ൽ നി​ൽ​ക്കു​ന്ന ഇ​ന്ത്യ​ൻ സൈ​ന്യം സം​ഘ​ർ​ഷ​കാ​ല​ത്തും സ​മാ​ധാ​ന​കാ​ല​ത്തും ജ​ന​ങ്ങ​ളെ​യും രാ​ജ്യ​ത്തെ​യും ഒ​രു​മി​ച്ചു​ചേ​ർ​ത്തു​നി​ർ​ത്തു​ന്ന​തി​ൽ നി​ർ​ണാ​യ​ക പ​ങ്കാ​ണ് വ​ഹി​ച്ചു​വ​രു​ന്ന​ത്. രാ​ജ്യ​ര​ക്ഷാ​പ്ര​വ​ർ​ത്ത​ന​ങ്ങ​ളി​ൽ മാ​ത്ര​മ​ല്ല, ദു​രി​താ​ശ്വാ​സ​പ്ര​വ​ർ​ത്ത​ന​ങ്ങ​ളി​ലും സേ​വ​ന​പ്ര​വ​ർ​ത്ത​ന​ങ്ങ​ളി​ലു​മെ​ല്ലാം വ്യാ​പൃ​ത​രാ​ണ് ഇ​ന്ത്യ​യു​ടെ പ​ല കോ​ണു​ക​ളി​ൽ വി​ന്യ​സി​ക്ക​പ്പെ​ട്ടി​രി​ക്കു​ന്ന സൈ​നി​ക​ർ. എ​ന്നാ​ൽ, സ​ക​ല​വി​ധ മ​ര്യാ​ദ​ക​ളെ​യും മ​റി​ക​ട​ക്കു​ന്ന ഇ​ത്ത​രം സം​ഭ​വ​ങ്ങ​ൾ സൈ​ന്യ​ത്തി​ന്റെ സ​ൽ​കീ​ർ​ത്തി​യെ​യും സൈ​ന്യ​ത്തി​നും രാ​ജ്യ​ത്തി​നും മേ​ൽ ജ​ന​ങ്ങ​ൾ പു​ല​ർ​ത്തി​പ്പോ​രു​ന്ന വി​ശ്വാ​സ​ങ്ങ​ളെ​യും അ​ട്ടി​മ​റി​ച്ചു​ക​ള​യും എ​ന്ന് പ​റ​യാ​തി​രി​ക്കാ​നാ​വി​ല്ല. ക​സ്റ്റ​ഡി​പീ​ഡ​ന​ങ്ങ​ളും വ്യാ​ജ ഏ​റ്റു​മു​ട്ട​ൽ കൊ​ല​പാ​ത​ക​ങ്ങ​ളും മു​ൻ​വി​ധി​യോ​ടെ ഭീ​ക​ര​വാ​ദ ചാ​പ്പ ചാ​ർ​ത്തി​ക്കൊ​ടു​ന്ന​തു​മെ​ല്ലാം കൂ​ട്ടി​ച്ചേ​ർ​ക്ക​ൽ ദു​ഷ്ക​ര​മാ​ക്കും​വി​ധ​ത്തി​​ൽ ജ​ന​ങ്ങ​ളെ​യും ഭ​ര​ണ​കൂ​ട​ത്തെ​യും ത​മ്മി​ൽ അ​ക​റ്റി​ക്ക​ള​യു​മെ​ന്ന​തി​ന് ജ​മ്മു-​ക​ശ്മീ​രും പ​ഞ്ചാ​ബും വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ളും ഉ​ൾ​പ്പെ​ടെ ഒ​ട്ടേ​റെ ഉ​ദാ​ഹ​ര​ണ​ങ്ങ​ൾ ന​മു​ക്കു മു​ന്നി​ലു​ണ്ട്. ക​ശ്മീ​രി ജ​ന​ത​യെ മു​ഖ്യ​ധാ​ര​യു​മാ​യി ഒ​ന്നി​പ്പി​ക്കാ​നു​ള്ള ശ്ര​മ​ങ്ങ​ൾ ന​ട​ത്തു​ന്നു​വെ​ന്ന് ഭ​ര​ണ​കൂ​ടം പ്ര​ഖ്യാ​പി​ക്കു​ക​യും പ​ര​മോ​ന്ന​ത നീ​തി​പീ​ഠ​ത്തെ വി​ശ്വ​സി​പ്പി​ക്കു​ക​യും​ചെ​യ്ത ശേ​ഷ​വും ജ​ന​ങ്ങ​ളെ ശ​ത്രു​ക്ക​ളാ​യി കാ​ണു​ന്ന സ​മീ​പ​നം അ​വ​സാ​നി​പ്പി​ക്കാ​ൻ സാ​ധി​ച്ചി​ല്ല എ​ന്ന​തു​ത​ന്നെ കൊ​ടി​യ വീ​​ഴ്ച. സൈ​നി​ക​രു​ടെ ജീ​വ​നെ​ടു​ത്ത ഭീ​ക​രാ​ക്ര​മ​ണ​ത്തി​ന്റെ യ​ഥാ​ർ​ഥ ആ​സൂ​ത്ര​ക​രെ​യും ന​ട​ത്തി​പ്പു​കാ​രെ​യും ക​ണ്ടെ​ത്തി അ​വ​രെ നി​യ​മ​ത്തി​നു മു​ന്നി​ൽ കൊ​ണ്ടു​വ​രു​ന്ന​തി​നു പ​ക​രം ഗ്രാ​മ​വാ​സി​ക​ളെ പീ​ഡി​പ്പി​ച്ചു​കൊ​ല്ലു​ന്ന​ത് നി​യ​മ​ങ്ങ​ളു​ടെ​യും മ​നു​ഷ്യാ​വ​കാ​ശ​ങ്ങ​ളു​ടെ​യും ലം​ഘ​നം മാ​ത്ര​മ​ല്ല, രാ​ജ്യ​ത്തി​നു​വേ​ണ്ടി ജീ​വ​ൻ വെ​ടി​ഞ്ഞ ധീ​ര​യോ​ദ്ധാ​ക്ക​ളോ​ടു​ള്ള അ​വ​ഹേ​ള​നം​കൂ​ടി​യാ​ണ്.