സ​മൂ​ഹ മാ​ധ്യ​മ സ്വാ​ത​ന്ത്ര്യം:കൂ​ട്ടാ​യ പ്ര​തി​രോ​ധം വേ​ണം

ന​രേ​ന്ദ്ര മോ​ദി ഫാ​ഷി​സ്റ്റാ​ണോ എ​ന്ന് ചോ​ദ്യം. മ​റു​പ​ടി: ‘‘ചി​ല വി​ദ​ഗ്ധ​ർ ഫാ​ഷി​സ്റ്റ് ന​യ​ങ്ങ​ൾ എ​ന്നു വി​ശേ​ഷി​പ്പി​ക്കു​ന്ന​വ അ​ദ്ദേ​ഹം ന​ട​പ്പാ​ക്കു​ന്ന​താ​യി ആ​രോ​പ​ണ​മു​ണ്ട്. ഈ ​ആ​രോ​പ​ണ​ങ്ങ​ൾ​ക്കാ​ധാ​ര​മാ​യി പ​ല ഘ​ട​ക​ങ്ങ​ളു​മു​ണ്ട്. ബി.​ജെ.​പി​യു​ടെ ഹി​ന്ദു ദേ​ശീ​യ​വാ​ദ പ്ര​ത്യ​യ​ശാ​സ്ത്രം, വി​യോ​ജി​പ്പു​ക​ളെ അ​ത് അ​ടി​ച്ച​മ​ർ​ത്തു​ന്ന​ത്, മ​ത​ന്യൂ​ന​പ​ക്ഷ​ങ്ങ​ൾ​ക്കെ​തി​രെ അ​ത് ഹിം​സ പ്ര​യോ​ഗി​ക്കു​ന്ന​ത് തു​ട​ങ്ങി​യ​വ ആ ​ഘ​ട​ക​ങ്ങ​ളി​ൽ പെ​ടു​ന്നു.’’ ഗൂ​ഗ്ളി​ന്റെ നി​ർ​മി​ത​ബു​ദ്ധി പ്ലാ​റ്റ്ഫോ​മാ​യ ജെ​മി​നൈ​യോ​ട് ഒ​രു ഉ​പ​യോ​ക്താ​വ് ചോ​ദി​ച്ച ചോ​ദ്യ​വും അ​തി​ന് ജെ​മി​നൈ ന​ൽ​കി​യ മ​റു​പ​ടി​യു​മാ​ണ് ഇ​ത്. ഇ​ത് സ​മൂ​ഹ​മാ​ധ്യ​മ​ങ്ങ​ളി​ൽ വ​ന്ന​തോ​ടെ കേ​ന്ദ്ര ഐ.​ടി സ​ഹ​മ​ന്ത്രി രാ​ജീ​വ് ച​ന്ദ്ര​ശേ​ഖ​ർ ‘എ​ക്സി’​ൽ (ട്വി​റ്റ​ർ) ഭീ​ഷ​ണി​പ്പോ​സ്റ്റി​ടു​ന്നു: ‘‘ഇ​ത് ഐ.​ടി നി​യ​മ​ത്തി​ലെ മ​ധ്യ​വ​ർ​ത്തി ച​ട്ട​ങ്ങ​ളു​ടെ ലം​ഘ​ന​മാ​ണ്. ക്രി​മി​ന​ൽ നി​യ​മ​ത്തി​ലെ ച​ട്ട​ങ്ങ​ളു​ടെ ലം​ഘ​ന​വും.’’ ന​ട​പ​ടി എ​ടു​ക്കു​മെ​ന്ന മ​ട്ടി​ൽ ഈ ​പോ​സ്റ്റ് മ​ന്ത്രാ​ല​യ​ത്തി​നും ജെ​മി​നൈ​യു​ടെ ഉ​ട​മ​ക​ളാ​യ ഗൂ​ഗ്ളി​നും ടാ​ഗ് ചെ​യ്യു​ന്നു. ഗൂ​ഗ്ളി​ന് നോ​ട്ടീ​സ​യ​ക്കാ​ൻ മ​ന്ത്രാ​ല​യം ഒ​രു​ങ്ങു​ന്ന​താ​യി വാ​ർ​ത്ത​വ​രു​ന്നു. അ​പ്പോ​ഴേ​ക്കും ജെ​മി​നൈ ‘വി​വാ​ദ’ മ​റു​പ​ടി നീ​ക്കം​ചെ​യ്യു​ന്നു. ഫാ​ഷി​സ്റ്റോ ഭ​ര​ണ​കൂ​ടം എ​ന്ന ചോ​ദ്യ​ത്തി​ന് ജെ​മി​നൈ ന​ൽ​കി​യ​തി​നെ​ക്കാ​ൾ കൃ​ത്യ​മാ​യ മ​റു​പ​ടി​യ​ല്ലേ പി​ന്നീ​ട് മ​ന്ത്രാ​ല​യ​ത്തി​ന്റെ ന​ട​പ​ടി ന​ൽ​കി​യ​ത്? സ​മൂ​ഹ​മാ​ധ്യ​മ​ങ്ങ​ളെ സെ​ൻ​സ​ർ ചെ​യ്യാ​നു​ള്ള ഉ​പ​ക​ര​ണ​മാ​യാ​ണ് യൂ​നി​യ​ൻ സ​ർ​ക്കാ​ർ ഐ.​ടി നി​യ​മ​ത്തെ ഉ​പ​യോ​ഗി​ക്കു​ന്ന​ത്. സ​ർ​ക്കാ​റി​നോ​ട് വി​യോ​ജി​ക്കു​ന്ന​തോ പ്ര​തി​ഷേ​ധി​ക്കു​ന്ന​തോ ആ​യ പോ​സ്റ്റു​ക​ൾ നീ​ക്കം​ചെ​യ്യാ​ൻ സോ​ഷ്യ​ൽ മീ​ഡി​യ ക​മ്പ​നി​ക​ളോ​ട് ആ​വ​ശ്യ​പ്പെ​ടും; ക​മ്പ​നി​ക​ൾ ആ ​ക​ൽ​പ​ന പൊ​തു​വെ അ​നു​സ​രി​ക്കും. ഇ​ങ്ങ​നെ സ​ർ​ക്കാ​ർ വി​രു​ദ്ധ പോ​സ്റ്റു​ക​ൾ നി​രോ​ധി​ച്ച​തി​ന്റെ ഒ​രു ഉ​ദാ​ഹ​ര​ണ​മാ​ണ് ഡ​ൽ​ഹി​യി​ൽ ന​ട​ക്കു​ന്ന ക​ർ​ഷ​ക പ്ര​ക്ഷോ​ഭ​വു​മാ​യി ബ​ന്ധ​പ്പെ​ട്ട ക​ർ​ഷ​ക​രു​ടെ പോ​സ്റ്റു​ക​ൾ നീ​ക്കം​ചെ​യ്യാ​ൻ ‘എ​ക്സി’​നോ​ട് ആ​വ​ശ്യ​പ്പെ​ട്ട​തും ക​മ്പ​നി വ​ഴ​ങ്ങി​യ​തും.

‘നി​ർ​മി​ത​ബു​ദ്ധി ചാ​റ്റ് ബോ​ട്ടു’​ക​ൾ ന​ൽ​കു​ന്ന മ​റു​പ​ടി​ക​ൾ ശ​രി​യാ​ണെ​ന്ന് അ​വ​യു​ടെ ഉ​ട​മ​ക​ളാ​യ ക​മ്പ​നി​ക​ൾ​ത​ന്നെ അ​വ​കാ​ശ​പ്പെ​ടാ​റി​ല്ല. അ​വ​യെ​ല്ലാം പ​രീ​ക്ഷ​ണ​ഘ​ട്ട​ത്തി​ലാ​ണ് എ​ന്ന് അ​വ​ർ പ്ര​ഖ്യാ​പി​ച്ച​താ​ണ്. എ​ന്നു​വെ​ച്ച് വ്യാ​ജം പ്ര​ച​രി​പ്പി​ക്കാ​മോ എ​ന്ന ചോ​ദ്യം പ്ര​സ​ക്ത​മാ​ണു​താ​നും. മ​ന്ത്രി രാ​ജീ​വ് ച​ന്ദ്ര​ശേ​ഖ​ർ അ​ത് ഉ​ന്ന​യി​ച്ചി​ട്ടു​മു​ണ്ട്. പ​ക്ഷേ, ഇ​വി​ടെ ജെ​മി​നൈ ന​ൽ​കി​യ മ​റു​പ​ടി​യി​ൽ തെ​റ്റി​ല്ല എ​ന്ന​താ​ണ് വ​സ്തു​ത. മോ​ദി ഫാ​ഷി​സ്റ്റാ​ണ് എ​ന്ന​ല്ല അ​തി​ന്റെ മ​റു​പ​ടി. മ​റി​ച്ച്, അ​ങ്ങ​നെ ‘വി​ശേ​ഷി​പ്പി​ക്ക​പ്പെ​ടു​ന്ന’ ന​യ​ങ്ങ​ൾ അ​ദ്ദേ​ഹം ന​ട​പ്പാ​ക്കു​ന്ന​താ​യി വി​ദ​ഗ്ധ​ർ ‘ആ​രോ​പി​ക്കു​ന്നു’ എ​ന്നാ​ണ്. അ​ങ്ങ​നെ ആ​രോ​പ​ണ​മു​ണ്ട് എ​ന്ന​ത് വ​സ്തു​താ​വി​രു​ദ്ധ​മ​ല്ല​ല്ലോ. എ​ന്നി​ട്ടും അ​ത് നീ​ക്കം​ചെ​യ്യി​ച്ച സ​ർ​ക്കാ​ർ, ത​നി വം​ശീ​യ​വും വി​ദ്വേ​ഷ​പ​ര​വു​മാ​യ അ​നേ​കം വ്യാ​ജ പോ​സ്റ്റു​ക​ൾ ഹി​ന്ദു​ത്വ​പ​ക്ഷ​ക്കാ​രു​ടേ​താ​യി പ്ര​ച​രി​ച്ച​പ്പോ​ഴും അ​ന​ങ്ങി​യി​രു​ന്നി​ല്ല. അ​ത്ത​രം വി​ദ്വേ​ഷ പോ​സ്റ്റു​ക​ൾ ഇ​റ​ക്കു​ന്ന സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളെ പ്ര​ധാ​ന​മ​ന്ത്രി ‘ഫോ​ളോ’ ചെ​യ്യു​ന്ന ഉ​ദാ​ഹ​ര​ണ​ങ്ങ​ൾ​ത​ന്നെ ധാ​രാ​ള​മു​ണ്ടാ​യി. ചാ​റ്റ് ബോ​ട്ടു​ക​ൾ വ്യാ​ജം പ​ര​ത്തു​ന്നു എ​ന്നും വി​വേ​ച​നം പു​ല​ർ​ത്തു​ന്നു എ​ന്നു​മൊ​ക്കെ​യു​ള്ള പ​രാ​തി ന്യാ​യ​മാ​ണെ​ന്ന​തി​ൽ ത​ർ​ക്ക​മി​ല്ല. എ​ന്നാ​ൽ, അ​ത് ത​ട​യു​ന്ന ഭാ​വ​ത്തി​ൽ വി​യോ​ജി​പ്പു​ക​ളെ അ​ടി​ച്ച​മ​ർ​ത്തു​ന്ന​ത് ശ​രി​യ​ല്ല. തെ​ര​ഞ്ഞെ​ടു​പ്പ് അ​ടു​ത്തു​കൊ​ണ്ടി​രി​ക്കെ സ​ർ​ക്കാ​ർ പ​ര​സ്യ​ങ്ങ​ളെ​ന്ന നി​ല​ക്ക് മാ​ധ്യ​മ​ങ്ങ​ളി​ൽ വ​ന്നു​കൊ​ണ്ടി​രി​ക്കു​ന്ന ഔ​ദ്യോ​ഗി​ക പ്ര​ചാ​ര​ണ​ങ്ങ​ളി​ൽ എ​ത്ര ശ​ത​മാ​നം വ​സ്തു​ത​യു​ണ്ട് എ​ന്ന​ത് പ​രി​ശോ​ധി​ക്കാ​വു​ന്ന​താ​ണ്. വ്യാ​ജം സ​ർ​ക്കാ​റി​ന് അ​നു​കൂ​ല​മെ​ങ്കി​ൽ ആ​കാ​മെ​ന്നും വ്യാ​ജ​മ​ല്ലെ​ങ്കി​ൽ​പോ​ലും സ​ർ​ക്കാ​റി​ന് എ​തി​രാ​യ​ത് പാ​ടി​ല്ലെ​ന്നു​മു​ള്ള നി​ല​പാ​ട് സ്വീ​കാ​ര്യ​മ​ല്ല. ഇ​തി​നെ​തി​രെ ജ​നാ​ധി​പ​ത്യ​വി​ശ്വാ​സി​ക​ൾ രം​ഗ​ത്തു​വ​രേ​ണ്ട​തു​ണ്ട്. ഐ.​ടി മ​ന്ത്രാ​ല​യ​ത്തി​ന്റെ ജോ​ലി സ​മൂ​ഹ​മാ​ധ്യ​മ​ങ്ങ​ളെ സെ​ൻ​സ​ർ ചെ​യ്യ​ലാ​യി​ക്ക​ഴി​ഞ്ഞി​ട്ടു​ണ്ട്. അ​തി​ന് പാ​ക​ത്തി​ൽ നി​യ​മ​ങ്ങ​ൾ നി​ര​ന്ത​രം വ​ന്നു​കൊ​ണ്ടി​രി​ക്കു​ന്നു.

ഫേ​സ്ബു​ക്ക്, എ​ക്സ് തു​ട​ങ്ങി​യ സ​മൂ​ഹ​മാ​ധ്യ​മ​ങ്ങ​ൾ അ​ഭി​പ്രാ​യ​സ്വാ​ത​ന്ത്ര്യ​ത്തി​ന്റെ വേ​ദി​ക​ളാ​യും ആ ​നി​ല​ക്ക് ജ​നാ​ധി​പ​ത്യ​ത്തി​ന്റെ ന​വ​ചാ​ല​ക​ശ​ക്തി​ക​ളാ​യും വി​ല​യി​രു​ത്ത​പ്പെ​ട്ടി​രു​ന്നു. എ​ന്നാ​ൽ, അ​ടു​ത്ത കാ​ല​ത്താ​യി അ​വ സ​ർ​ക്കാ​റു​ക​ളു​ടെ തീ​ട്ടൂ​ര​ങ്ങ​ൾ ചോ​ദ്യം​ചെ​യ്യു​ക​പോ​ലും ചെ​യ്യാ​തെ അ​നു​സ​രി​ച്ച് സ്വ​ന്തം മൂ​ല്യം ന​ഷ്ട​പ്പെ​ടു​ത്തു​ന്നു​ണ്ട്. ഇ​ൻ​റ​ർ​നെ​റ്റ് വി​ല​ക്കു​ക​ൾ മു​ത​ൽ അ​ന്യാ​യ കേ​സു​ക​ൾ വ​രെ​യാ​യി സ​മൂ​ഹ​മാ​ധ്യ​മ ച​ർ​ച്ച​യും സം​വാ​ദ​വും ജ​ന​ങ്ങ​ൾ​ക്ക് അ​പ്രാ​പ്യ​മാ​ക്കാ​ൻ ഭ​ര​ണ​കൂ​ട​ങ്ങ​ൾ ശ്ര​മി​ക്കു​മ്പോ​ൾ നി​യ​മ​ത്തി​ന്റെ മാ​ർ​ഗ​മു​പ​യോ​ഗി​ച്ച് നി​യ​ന്ത്ര​ണ​ങ്ങ​ളെ ചോ​ദ്യം​ചെ​യ്യേ​ണ്ട ബാ​ധ്യ​ത സ​മൂ​ഹ​മാ​ധ്യ​മ ക​മ്പ​നി​ക​ൾ​ക്കു​ണ്ട്. ആ ​നി​ല​ക്ക്, ക​ർ​ണാ​ട​ക​യി​ൽ കു​റെ ട്വീ​റ്റു​ക​ൾ വി​ല​ക്കി​യ സ​ർ​ക്കാ​ർ ന​ട​പ​ടി​ക്കെ​തി​രെ ‘എ​ക്സ്’ ക​മ്പ​നി ക​ർ​ണാ​ട​ക ഹൈ​കോ​ട​തി​യെ സ​മീ​പി​ച്ച​ത് സ്വാ​ഗ​താ​ർ​ഹ​മാ​ണ്. വി​ല​ക്ക് പു​നഃ​പ​രി​ശോ​ധി​ച്ച റി​വ്യൂ ക​മ്മി​റ്റി​യു​ടെ തീ​രു​മാ​നം പു​റ​ത്തു​വി​ടാ​നാ​കി​ല്ലെ​ന്ന സ​ർ​ക്കാ​ർ നി​ല​പാ​ട് നി​ർ​ഭാ​ഗ്യ​വ​ശാ​ൽ കോ​ട​തി ശ​രി​വെ​ച്ചി​രു​ന്നു; അ​തി​നെ​തി​രെ​യാ​ണ് അ​പ്പീ​ൽ. ഒ​ട്ടും സു​താ​ര്യ​ത​യി​ല്ലാ​ത്ത ‘സീ​ൽ​ഡ് ക​വ​ർ’ തീ​ർ​പ്പു​ക​ളെ, വേ​ണ്ടി​വ​ന്നാ​ൽ സു​പ്രീം​കോ​ട​തി വ​രെ ചോ​ദ്യം​ചെ​യ്യാ​ൻ ക​മ്പ​നി ത​യാ​റാ​ക​ണം. 50 ല​ക്ഷം രൂ​പ​യു​ടെ പി​ഴ ഒ​ഴി​വാ​യി​ക്കി​ട്ടു​ക മാ​ത്ര​മാ​ക​രു​ത് അ​തി​ന്റെ ല​ക്ഷ്യം. അ​നു​രാ​ധ ഭാ​സി​ൻ കേ​സി​ൽ സു​പ്രീം​കോ​ട​തി വി​ധി ഉ​റ​പ്പു​വ​രു​ത്തി​യ സു​താ​ര്യ​ത മാ​ധ്യ​മ​സ്വാ​ത​ന്ത്ര്യ​ത്തി​ന്റെ​യും ജ​നാ​ധി​പ​ത്യ​ത്തി​ന്റെ​യും അ​ടി​ത്ത​റ​യാ​ണ്. അ​തി​ൽ വെ​ള്ളം ചേ​ർ​ക്കാ​ൻ സ​ർ​ക്കാ​റോ ഹൈ​കോ​ട​തി​ക​ളോ ത​യാ​റാ​യി​ക്കൂ​ടാ. ഇ​പ്പോ​ൾ ജെ​മി​നൈ അ​നു​ഭ​വം​കൂ​ടി രാ​ജ്യ​ത്തി​നു മു​മ്പാ​കെ ഭീ​ഷ​ണി ഉ​യ​ർ​ത്തി​യി​രി​ക്കെ സ​മൂ​ഹ​മാ​ധ്യ​മ സ്വാ​ത​ന്ത്ര്യം കു​റെ​ക്കൂ​ടി സം​ഘ​ടി​ത​മാ​യ പി​ന്തു​ണ ആ​വ​ശ്യ​പ്പെ​ടു​ന്നു​ണ്ട്. സ​മൂ​ഹ​മാ​ധ്യ​മ ക​മ്പ​നി​ക​ളും പൊ​തു​സ​മൂ​ഹ​വും ജ​നാ​ധി​പ​ത്യ ക​ക്ഷി​ക​ളും ഒ​രു​മി​ച്ചു ന​ട​ത്തേ​ണ്ട ചെ​റു​ത്തു​നി​ൽ​പാ​ണ് അ​ത്.