ഇ​ത്ത​ര​മൊ​രു മ​ര​ണം അ​വ​സാ​ന​ത്തേ​താ​വ​ണം

കാ​മ്പ​സ് അ​രാ​ജ​ക​ത്വ​ത്തി​ന് ഒ​രു ര​ക്ത​സാ​ക്ഷി​കൂ​ടി. ഒ​പ്പ​മി​രു​ന്ന് പ​ഠി​ച്ച, ഒ​രു​മി​ച്ചു​ന​ട​ന്ന് പു​തി​യൊ​രു കാ​ലം പ​ടു​ക്കേ​ണ്ടി​യി​രു​ന്ന കൂ​ട്ടു​കാ​ര​നെ​യാ​ണ് ന​ഗ്ന​നാ​ക്കി ആ​ൾ​ക്കൂ​ട്ട വി​ചാ​ര​ണ ചെ​യ്തും ക്രൂ​ര​മാ​യി മ​ർ​ദി​ച്ചും മാ​ന​സി​ക​മാ​യി പീ​ഡി​പ്പി​ച്ചും പൂ​ക്കോ​ട് വെ​റ്റ​റി​ന​റി കാ​മ്പ​സി​ലെ ഒ​രു സം​ഘം വി​ദ്യാ​ർ​ഥി​ക​ൾ മ​ര​ണ​ത്തി​ലേ​ക്കു ത​ള്ളി​വി​ട്ട​ത്. അ​ന്യാ​യ​മാ​യി ത​ട​ഞ്ഞു​വെ​ക്ക​ല്‍, അ​ടി​ച്ചു​പ​രി​ക്കേ​ല്‍പി​ക്ക​ല്‍, റാ​ഗി​ങ്, ആ​ത്മ​ഹ​ത്യ​പ്രേ​ര​ണ തു​ട​ങ്ങി​യ വ​കു​പ്പു​ക​ള്‍ ചു​മ​ത്തി ഏ​ഴു​പേ​രെ സം​ഭ​വ​ത്തി​ൽ അ​റ​സ്റ്റ് ചെ​യ്തി​ട്ടു​ണ്ട്. കോ​ള​ജ് യൂ​നി​യ​ന്‍ പ്ര​സി​ഡ​ന്റ്, യൂ​നി​യ​ന്‍ അം​ഗം, എ​സ്.​എ​ഫ്.​ഐ യൂ​നി​റ്റ് സെ​ക്ര​ട്ട​റി തു​ട​ങ്ങി 11ഓ​ളം പേ​ർ ഒ​ളി​വി​ലു​മാ​ണ്.

ഫെ​ബ്രു​വ​രി 18നാ​ണ് ര​ണ്ടാം വ​ർ​ഷ ബി.​വി.​എ​സ് സി ​വി​ദ്യാ​ർ​ഥി ജെ.​എ​സ്. സി​ദ്ധാ​ർ​ഥനെ ഹോ​സ്റ്റ​ൽ ശു​ചി​മു​റി​യി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. വാ​ല​ൈ​ന്റ​ൻ​സ് ഡേ ​ത​ലേ​ന്ന് കോ​ള​ജി​ൽ ന​ട​ന്ന പ​രി​പാ​ടി​ക്കി​ടെ ഒ​രു പെ​ൺ​കു​ട്ടി​യോ​ട് ഇ​ഷ്ടം പ​റ​ഞ്ഞ​തി​ന്റെ പേ​രി​ലാ​ണ് 14ന് ​സീ​നി​യ​ർ വി​ദ്യാ​ർ​ഥി​ക​ൾ സം​ഘം​ചേ​ർ​ന്ന് ഇ​ദ്ദേ​ഹ​ത്തെ മ​ർ​ദി​ച്ച​ത്. തു​ട​ർ​ദി​വ​സ​ങ്ങ​ളി​ൽ പ​ര​സ്യ​വി​ചാ​ര​ണ​യും ന​ഗ്ന​നാ​ക്കി മ​ർ​ദ​ന​വു​മു​ണ്ടാ​യെ​ന്ന് ബ​ന്ധു​ക്ക​ൾ ആ​രോ​പി​ക്കു​ന്നു. ശ​രീ​ര​ത്തി​ൽ ര​ണ്ടു ദി​വ​സം പ​ഴ​ക്ക​മു​ള്ള ഒ​ട്ടേ​റെ മു​റി​വു​ക​ളു​ണ്ടെ​ന്ന് പോ​സ്റ്റ്മോ​ർ​ട്ടം റി​പ്പോ​ർ​ട്ടി​ലു​ണ്ട്. നെ​ഞ്ചി​ലും ക​ഴു​ത്തി​ലും പാ​ടു​ക​ളും ച​ത​വു​മു​ണ്ടെ​ന്നും. 18ന് ​മ​രി​ച്ചെ​ങ്കി​ലും ആ​റു ദി​വ​സം ക​ഴി​ഞ്ഞ് സം​ഭ​വം വി​വാ​ദ​മാ​യ​ശേ​ഷം മാ​ത്ര​മാ​ണ് വൈ​ത്തി​രി പൊ​ലീ​സ് കേ​സെ​ടു​ത്ത​ത്. ഈ ​വി​ദ്യാ​ർ​ഥി​യു​ടെ ഉ​യി​ര​റ്റ ശ​രീ​ര​ത്തി​നു​മേ​ൽ പാ​ർ​ട്ടി​പ്പ​താ​ക പു​ത​പ്പി​ക്കാ​നും ജീ​വി​ക്കു​ന്ന​വ​ൻ ഞ​ങ്ങ​ളി​ലൂ​ടെ​യെ​ന്ന് മു​ദ്രാ​വാ​ക്യം വി​ളി​ക്കാ​നും ആ​രെ​ങ്കി​ലും വ​ന്നു​വോ എ​ന്ന​റി​ഞ്ഞു​കൂ​ടാ. എ​ന്താ​യാ​ലും അ​വ​ന്റെ ഉ​യ​ർ​ച്ച​യും വ​ള​ർ​ച്ച​യും കാ​ത്തി​രു​ന്ന കു​ടും​ബ​ത്തി​നും നാ​ടി​നും ഈ ​മ​ര​ണം വ​രു​ത്തി​വെ​ച്ച ന​ഷ്ടം നി​ക​ത്താ​നാ​വാ​ത്ത​താ​ണ്.

അ​തി​ക്ര​മ​ങ്ങ​ളും അ​ക്ര​മ​വും അ​റി​ഞ്ഞി​ട്ടും ന​ട​പ​ടി എ​ടു​ക്കാ​തി​രു​ന്ന കോ​ള​ജ് അ​ധി​കൃ​ത​രും സ​ഹ​പാ​ഠി​ക​ൾ മൊ​ഴി​ക​ൾ ന​ൽ​കി​യി​ട്ടും കേ​സ് ഗൗ​ര​വ​മാ​യി കാ​ണാ​തി​രു​ന്ന പൊ​ലീ​സും സം​ഭ​വ​ത്തി​ൽ ഒ​രു​പോ​ലെ കു​റ്റ​ക്കാ​രാ​ണ്. മ​ര​ണം ന​ട​ന്ന് നാ​ലു ദി​വ​സം ക​ഴി​ഞ്ഞാ​ണ് കോ​ള​ജി​ൽ റാ​ഗി​ങ് വി​രു​ദ്ധ സ​മി​തി വി​ളി​ച്ചു​ചേ​ർ​ത്ത​ത്. മ​ർ​ദ​ന​ങ്ങ​ൾ​ക്ക് നേ​തൃ​ത്വം ന​ൽ​കി​യ കോ​ള​ജ് യൂ​നി​യ​ൻ പ്ര​സി​ഡ​ന്റും ഇ​തേ സ​മി​തി​യി​ലെ അം​ഗ​മാ​യി​രു​ന്നു​വെ​ന്ന​റി​യു​ക.

ഏ​റെ വൈ​കി​യെ​ങ്കി​ലും സം​ഭ​വം അ​ന്വേ​ഷി​ക്കു​ന്ന​തി​ന് പ്ര​ത്യേ​ക സം​ഘം രൂ​പ​വ​ത്ക​രി​ക്കാ​ൻ ആ​ഭ്യ​ന്ത​ര​ത്തി​ന്റെ കൂ​ടി ചു​മ​ത​ല വ​ഹി​ക്കു​ന്ന മു​ഖ്യ​മ​ന്ത്രി ഉ​ത്ത​ര​വി​ട്ട​ത് ആ​ശ്വാ​സ​ക​ര​മാ​ണ്.​സം​ഭ​വ​ത്തി​ൽ ഉ​ൾ​പ്പെ​ട്ട​വ​ർ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ക്കാ​നും നി​ർ​ദേ​ശി​ച്ചി​ട്ടു​ണ്ട്.

എ​സ്.​എ​ഫ്.​ഐ​ക്ക് നി​യ​ന്ത്ര​ണ​മു​ള്ള ചി​ല കോ​ള​ജു​ക​ളി​ൽ ന​ട​ക്കു​ന്ന ജ​നാ​ധി​പ​ത്യ​വി​രു​ദ്ധ ന​ട​പ​ടി​ക​ളെ​ക്കു​റി​ച്ച് കാ​ല​ങ്ങ​ളാ​യി ആ​ക്ഷേ​പ​മു​ണ്ട്; അ​ത്ത​രം ഒ​രു ക​ലാ​ല​യ​മാ​ണ് പൂ​ക്കോ​ട് കോ​ള​ജും. പ​ല​ കോ​ള​ജു​ക​ളി​ലും ഈ​യി​ടെ​യു​ണ്ടാ​യ സം​ഘ​ർ​ഷ​ങ്ങ​ൾ ഇ​ത്ത​രം ഏ​കാ​ധി​പ​ത്യ ന​ട​പ​ടി​ക​ൾ​ക്കെ​തി​രാ​യ പ്ര​തി​ഷേ​ധ​ത്തി​ന്റെ​കൂ​ടി തു​ട​ർ​ച്ച​യാ​ണ്. ര​ണ്ടു പ​തി​റ്റാ​ണ്ടാ​യി എ​സ്.​എ​ഫ്.​ഐ അ​ട​ക്കി​വാ​ണി​രു​ന്ന തി​രു​വ​ന​ന്ത​പു​ര​ത്തെ പ്ര​മു​ഖ കോ​ള​ജി​ൽ ഇ​ക്കു​റി വി​ദ്യാ​ർ​ഥി​ക​ൾ പി​ന്തു​ണ​ച്ച​ത് കെ.​എ​സ്.​യു​വി​നെ​യാ​യി​രു​ന്നു. ‘ഞ​ങ്ങ​ൾ കെ.​എ​സ്.​യു പ്ര​വ​ർ​ത്ത​ക​ര​ല്ല, എ​സ്.​എ​ഫ്.​ഐ​യു​ടെ ജ​നാ​ധി​പ​ത്യ​വി​രു​ദ്ധ, ഏ​കാ​ധി​പ​ത്യ ന​ട​പ​ടി​ക​ളി​ൽ പ്ര​തി​ഷേ​ധി​ച്ച് കെ.​എ​സ്.​യു​വി​നെ പി​ന്തു​ണ​ക്കു​ക​യാ​യി​രു​ന്നു’​വെ​ന്ന തെ​ര​ഞ്ഞെ​ടു​പ്പു​ഫ​ലം സം​ബ​ന്ധി​ച്ച വി​ദ്യാ​ർ​ഥി പ്ര​തി​ക​ര​ണം സം​ഘ​ട​നാ നേ​താ​ക്ക​ളെ ചി​ന്തി​പ്പി​ക്കേ​ണ്ട​താ​ണ്.

ക​ലാ​ല​യ​ങ്ങ​ളി​ൽ ജീ​വ​നു​ക​ൾ പൊ​ലി​യു​ന്ന​ത് ആ​ദ്യ​മ​ല്ല. ഓ​രോ ത​വ​ണ പൊ​ലി​യു​മ്പോ​ഴും നി​യ​ന്ത്ര​ണ​ങ്ങ​ളും നി​യ​മ​ങ്ങ​ളും കൊ​ണ്ടു​വ​രു​മെ​ങ്കി​ലും ഫ​​ല​പ്ര​ദ​മ​ല്ല എ​ന്ന​താ​ണ് വ​സ്തു​ത. തി​രു​വ​ന​ന്ത​പു​ര​ത്ത് കോ​ള​ജി​ൽ ഓ​ണാ​ഘോ​ഷ​ത്തി​നി​ടെ വി​ദ്യാ​ർ​ഥി കൊ​ല്ല​പ്പെ​ട്ട​പ്പോ​ഴും കാ​ഞ്ഞി​ര​പ്പ​ള്ളി​യി​ൽ വി​ദ്യാ​ർ​ഥി ആ​ത്മ​ഹ​ത്യ ചെ​യ്ത​പ്പോ​ഴും സ​മാ​ന നീ​ക്ക​ങ്ങ​ളു​​ണ്ടാ​യി. റാ​ഗി​ങ്ങി​നെ​തി​രെ നി​ര​വ​ധി നി​യ​മ​ങ്ങ​ൾ നി​ല​വി​ലു​ണ്ട്. യു.​ജി.​സി​യും നി​ര​ന്ത​രം ഇ​ത്ത​രം കാ​ര്യ​ങ്ങ​ൾ ഓ​ർ​മി​പ്പി​ക്കു​ന്നു​ണ്ട്. പ​ക്ഷേ, ന​ട​പ്പാ​ക്കു​ന്ന​തി​ൽ രാ​ഷ്ട്രീ​യ​മ​ട​ക്ക​മു​ള്ള പ​രി​ഗ​ണ​ന​ക​ൾ വ​രു​ന്ന​തോ​ടെ പ്ര​തി​ക​ൾ ര​ക്ഷ​പ്പെ​ടു​ക​യാ​ണ്. ക​ലാ​ല​യ രാ​ഷ്ട്രീ​യം നി​രോ​ധി​ക്ക​ണം എ​ന്ന മു​റ​വി​ളി​ക്കും, വി​ദ്യാ​ർ​ഥി​ക​ൾ കൊ​ള്ള​പ്പ​ലി​ശ​ക്ക് ക​ടം​വാ​ങ്ങി വി​ദേ​ശ പ​ഠ​ന​ത്തി​ന് പോ​കു​ന്ന​തി​നു​മെ​ല്ലാം ഇ​ത്ത​രം അ​തി​ക്ര​മ​ങ്ങ​ൾ കാ​ര​ണ​മാ​വു​ന്നു​ണ്ട്.

ക​ലാ​ല​യ രാ​ഷ്ട്രീ​യം ഒ​ഴി​വാ​ക്ക​പ്പെ​​ടേ​ണ്ട സം​ഗ​തി​യേ​യ​ല്ല. സ്വാ​ത​ന്ത്ര്യ​സ​മ​ര​കാ​ലം മു​ത​ൽ രാ​ജ്യ​ത്തി​ന് മി​ക​ച്ച നേ​താ​ക്ക​ളെ സം​ഭാ​വ​ന ചെ​യ്ത​തി​ൽ വി​ദ്യാ​ർ​ഥി രാ​ഷ്ട്രീ​യം വ​ഹി​ച്ച പ​ങ്ക് ഏ​റെ വ​ലു​താ​ണ്. എ​ന്നാ​ൽ, ക​ലാ​ല​യാ​ന്ത​രീ​ക്ഷം ജ​നാ​ധി​പ​ത്യ​വി​രു​ദ്ധ​വും മ​നു​ഷ്യ​ത്വ​വി​രു​ദ്ധ​വു​മാ​വാ​തെ നോ​ക്കാ​ൻ സം​ഘ​ട​ന​ക​ൾ​ക്കും അ​വ​രെ തു​റ​ന്നു​വി​ടു​ന്ന രാ​ഷ്ട്രീ​യ ക​ക്ഷി​ക​ൾ​ക്കും ബാ​ധ്യ​ത​യു​ണ്ട്. പേ​ശീ​ബ​ലം​കൊ​ണ്ട് സ​ഹ​പാ​ഠി​ക​ളെ അ​ടി​ച്ച​മ​ർ​ത്തി​യ​തും അ​തി​ന്റെ പേ​രി​ൽ വ​ന്ന കേ​സു​ക​ളും സം​ഘ​ട​നാ​നേ​താ​ക്ക​ളു​ടെ യോ​ഗ്യ​ത​യാ​യ​ല്ല കാ​ണേ​ണ്ട​ത്. പാ​ഠ​പു​സ്ത​ക​ത്തി​ലെ അ​റി​വി​നൊ​പ്പം പ​ര​സ്പ​ര സ്നേ​ഹ​വും സാ​ഹോ​ദ​ര്യ​വും മാ​ന​വി​ക​ത​യു​മൊ​ക്കെ പ​ഠി​ക്കാ​ൻ​കൂ​ടി​യാ​ണ് ക​ലാ​ല​യ​ങ്ങ​ൾ. അ​ല്ലാ​തെ കു​റെ സാ​മൂ​ഹി​ക​വി​രു​ദ്ധ​രെ സൃ​ഷ്ടി​ക്കു​ക​യും അ​വ​രു​ടെ ഭീ​ക​ര​ത​ക്കും ആ​ൾ​ക്കൂ​ട്ട വി​ചാ​ര​ണ​ക്കും ഇ​ര​യാ​യി വി​ദ്യാ​ർ​ഥി​ക​ൾ ജീ​വ​നൊ​ടു​ക്കു​ക​യും ചെ​യ്യു​ന്ന ഇ​ട​ങ്ങ​ളാ​യി വി​ദ്യാ​ഭ്യാ​സ സ്ഥാ​പ​ന​ങ്ങ​ൾ മാ​റു​ന്ന ദുഃ​ഖ​ക​ര​മാ​യ അ​വ​സ്ഥ ഇ​നി ആ​വ​ർ​ത്തി​ച്ചു​കൂ​ടാ. കു​റ്റ​വാ​ളി​ക​ൾ നി​ർ​ദാ​ക്ഷി​ണ്യം ശി​ക്ഷി​ക്ക​പ്പെ​ട​ണം. ഇ​വ്വി​ധ​മൊ​രു ദു​ര​വ​സ്ഥ​യി​ൽ​നി​ന്ന് ക​ലാ​ല​യ​ങ്ങ​ളെ ര​ക്ഷി​ക്കാ​നു​ത​കു​ന്ന ആ​ത്മ​പ​രി​ശോ​ധ​ന​ക്ക് വി​ദ്യാ​ർ​ഥി സം​ഘ​ട​ന​ക​ളും അ​വ​രു​ടെ രാ​ഷ്ട്രീ​യ നേ​തൃ​ത്വ​വും സ​ന്ന​ദ്ധ​മാ​വു​ക​യും വേ​ണം.