ആശങ്കകളുടെയും സാധ്യതകളുടെയും നിർമിതബുദ്ധിക്കാലം

മ​നു​ഷ്യ​രാ​ശി​ക്ക് സം​ഭ​വി​ച്ചേ​ക്കാ​നി​ട​യു​ള്ള ‘അ​ന​ന്ത​മാ​യ അ​പ​ക​ട​സാ​ധ്യ​ത​ക​ള്‍’ മു​ന്‍നി​ര്‍ത്തി നി​ർ​മി​ത​ബു​ദ്ധി (Artificial Intelligence-AI) സം​വി​ധാ​ന​ങ്ങ​ളു​ടെ പ​രീ​ക്ഷ​ണ പ​രി​ശീ​ല​ന​ങ്ങ​ൾ കു​റ​ഞ്ഞ​ത് ആ​റു മാ​സ​ത്തേ​ക്കെ​ങ്കി​ലും നി​ർ​ത്തി​വെ​ക്കാ​ന്‍ ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് ലാ​ബു​ക​ളോ​ട് എ‌.​ഐ സാ​ങ്കേ​തി​ക​രം​ഗ​ത്തെ പ്ര​മു​ഖ​ര്‍ ക​ഴി​ഞ്ഞ ദി​വ​സം ആ​വ​ശ്യ​പ്പെ​ട്ടി​രു​ന്നു. ഫ്യൂ​ച്ച​ർ ഓ​ഫ് ലൈ​ഫ് ഇ​ൻ​സ്റ്റി​റ്റ്യൂ​ട്ട് പ്ര​സി​ദ്ധീ​ക​രി​ച്ച ഈ ​നി​വേ​ദ​ന​ത്തി​ല്‍ ഡ​സ​ൻ​ക​ണ​ക്കി​ന് സാ​ങ്കേ​തി​ക വി​ദ​ഗ്ധ​ർ​ക്കും പ്ര​ഫ​സ​ർ​മാ​ർ​ക്കും ഗ​വേ​ഷ​ക​ർ​ക്കു​മൊ​പ്പം ടെ​ക്നോ​ള​ജി ഭീ​മ​നും ഓ​പ​ൺ എ.​ഐ ക​മ്പ​നി സ്ഥാ​പ​ക​രി​ല്‍ ഒ​രാ​ളു​മാ​യ ഇ​ലോ​ൺ മ​സ്‌​കും ഒ​പ്പു​വെ​ച്ചി​രി​ക്കു​ന്നു.

ടെ​ക്നോ​ള​ജി ലോ​ക​ത്ത് പു​തി​യ ത​രം​ഗം സൃ​ഷ്ടി​ച്ച് വൈ​റ​ലാ​യ ChatGPTയു​ടെ കൂ​ടു​ത​ൽ ശ​ക്ത​മാ​യ പ​തി​പ്പ് GPT-4 പ്ര​ഖ്യാ​പി​ച്ച് ര​ണ്ടാ​ഴ്ച​ക്കു​ശേ​ഷ​മാ​ണ് ഈ ​ക​ത്ത് വ​രു​ന്ന​ത്. വ്യ​ക്തി​ക​ളു​ടെ സ്വ​കാ​ര്യ​ത​യും മ​നു​ഷ്യ​രാ​ശി​യു​ടെ ഭാ​വി​യും മു​ന്നി​ല്‍ക​ണ്ട് സു​ര​ക്ഷി​ത​മാ​യ എ‌.​ഐ ഉ​പ​യോ​ഗം ഉ​റ​പ്പു​വ​രു​ത്തു​ന്ന​തി​നു​ള്ള നി​യ​മ​ങ്ങ​ളും മാ​ർ​ഗ​നി​ര്‍ദേ​ശ​ങ്ങ​ളും ന​ട​പ്പാ​ക്കു​ന്ന​തു​വ​രെ കാ​ത്തി​രി​ക്ക​ണ​മെ​ന്ന​താ​ണ് അ​വ​രു​ടെ ആ​വ​ശ്യം. ഈ ​ക​ത്തി​ലൂ​ടെ നി​ർ​മി​ത​ബു​ദ്ധി​യു​ടെ സം​ഹാ​ര​ശേ​ഷി​യെ​ക്കു​റി​ച്ച് പു​തി​യ ച​ര്‍ച്ച​ക്ക് തു​ട​ക്ക​മി​ടു​ക​യാ​ണ് ടെ​ക്നോ​ള​ജി ലോ​കം.

യു​ട്ടോ​പ്യ​യും ഡി​സ്റ്റോ​പ്യ​യും

ChatGPT അ​ട​ക്ക​മു​ള്ള നി​ല​വി​ലെ നി​ർ​മി​ത​ബു​ദ്ധി സം​വി​ധാ​ന​ങ്ങ​ള്‍ക്ക​പ്പു​റം കൂ​ടു​ത​ല്‍ ആ​ശ​ങ്ക​ക​ള്‍ പ​ങ്കു​വെ​ക്ക​പ്പെ​ടു​ന്ന​ത് ദ്രു​ത​ഗ​തി​യി​ല്‍ ‍ഗ​വേ​ഷ​ണം ന​ട​ന്നു​കൊ​ണ്ടി​രി​ക്കു​ന്ന സൂ​പ്പ​ര്‍ ഇ​ന്‍റ​ലി​ജ​ന്‍സി​നെ​ക്കു​റി​ച്ചാ​ണ്. മ​നു​ഷ്യ​ന് സാ​ധ്യ​മാ​വു​ന്ന ഏ​തു ബൗ​ദ്ധി​ക​ജോ​ലി​യും ചെ​യ്യാ​ൻ ക​ഴി​യു​ന്ന നി​ർ​മി​ത​ബു​ദ്ധി​യു​ടെ സ​ങ്ക​ൽ​പ​മാ​ണ് ആ​ർ​ട്ടി​ഫി​ഷ്യ​ൽ ജ​ന​റ​ൽ ഇ​ന്റ​ലി​ജ​ൻ​സ് (Artificial General Intelligence). മ​നു​ഷ്യ​ബു​ദ്ധി​യെ മ​റി​ക​ട​ക്കു​ന്ന, എ​ന്നാ​ല്‍ ഇ​തു​വ​രെ​യും അ​പ്രാ​പ്യ​മാ​യ ഭാ​വി​യി​ലെ ഈ ​സാ​ങ്ക​ൽ​പി​ക ലോ​കം സൂ​പ്പ​ര്‍ ഇ​ന്‍റ​ലി​ജ​ന്‍സ് (Super Intelligence), എ.​ഐ സിം​ഗു​ലാ​രി​റ്റി (AI Singularity) എ​ന്നി​ങ്ങ​നെ​യും അ​റി​യ​പ്പെ​ടു​ന്നു. മ​നു​ഷ്യ​ന് ക​ഴി​യു​ന്ന​തു​പോ​ലെ കാ​ര്യ​ങ്ങ​ള്‍ വി​ശ​ക​ല​നം ന​ട​ത്താ​നും കാ​ര്യ​കാ​ര​ണ​ങ്ങ​ള്‍ ക​ണ്ടെ​ത്താ​നും സ്വ​യം പ​ഠി​ക്കാ​നും ആ​സൂ​ത്ര​ണം​ചെ​യ്യാ​നും പ​രി​ഹ​രി​ക്കാ​നും ക​ഴി​യു​ന്ന നി​ർ​മി​ത​ബു​ദ്ധി​യ​ന്ത്ര​ങ്ങ​ളു​ടെ വി​കാ​സ​മാ​ണി​ത്.

ChatGPT അ​ട​ക്ക​മു​ള്ള നി​ർ​മി​ത​ബു​ദ്ധി സം​വി​ധാ​ന​ങ്ങ​ള്‍ ഭാ​ഷ​ക​ള്‍ മ​ന​സ്സി​ലാ​ക്കു​ക, വി​വ​ര്‍ത്ത​ന​ങ്ങ​ള്‍ ന​ട​ത്തു​ക തു​ട​ങ്ങി​യ പ്ര​ത്യേ​ക ആ​വ​ശ്യ​ങ്ങ​ള്‍ക്കു​വേ​ണ്ടി (Specialized/Narrow-AI) നി​ർ​മി​ക്ക​പ്പെ​ട്ട​താ​ണ്. മ​റു​വ​ശ​ത്ത് ഭാ​വി​യി​ല്‍ ജ​ന​റ​ല്‍ എ.​ഐ വ്യ​ത്യ​സ്ത ആ​വ​ശ്യ​ങ്ങ​ള്‍ക്കു​വേ​ണ്ടി പൊ​തു​വാ​യി ഉ​പ​യോ​ഗ​പ്പെ​ടു​ത്താ​വു​ന്ന​തും സ്വ​ന്ത​മാ​യി പു​തി​യ സാ​ഹ​ച​ര്യ​ങ്ങ​ളും ജോ​ലി​ക​ളും പ​ഠി​ക്കാ​നും പൊ​രു​ത്ത​പ്പെ​ടു​ത്താ​നു​മു​ള്ള ക​ഴി​വു​ള്ള​തു​മാ​യി​രി​ക്കും. അ​ത്ത​ര​മൊ​രു വി​ദ്യ ഇ​പ്പോ​ൾ നി​ല​വി​ലി​ല്ലെ​ങ്കി​ലും, ഭാ​വി​യി​ൽ വി​വി​ധോ​ദ്ദേ​ശ്യ​ങ്ങ​ള്‍ സാ​ധ്യ​മാ​കു​ന്ന സൂ​പ്പ​ര്‍ ഇ​ന്റ​ലി​ജ​ൻ​സ് സം​വി​ധാ​നം സൃ​ഷ്ടി​ക്കാ​ൻ ക​ഴി​യു​ക​ത​ന്നെ ചെ​യ്യു​മെ​ന്ന് മേ​ഖ​ല​യി​ലെ വി​ദ​ഗ്ധ​ർ വി​ശ്വ​സി​ക്കു​ന്നു. അ​തി​നാ​യി ഇ​നി​യും ഒ​രു​പാ​ട് ഗ​വേ​ഷ​ണ​ങ്ങ​ളു​മാ​യി ശാ​സ്ത്ര​ലോ​കം മു​ന്നോ​ട്ടു​പോ​കേ​ണ്ട​തു​ണ്ടെ​ങ്കി​ലും അ​നി​യ​ന്ത്രി​ത​മാ​യ അ​തി​ബു​ദ്ധി മ​നു​ഷ്യ​രാ​ശി​ക്ക് അ​സ്തി​ത്വ ഭീ​ഷ​ണി ഉ​യ​ർ​ത്താ​നു​ള്ള സാ​ധ്യ​ത ഈ ​മേ​ഖ​ല​യി​ലെ സ​ജീ​വ സം​വാ​ദ​വി​ഷ​യ​മാ​ണ്. ആ​ര്‍ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍സ് മേ​ഖ​ല​യി​ലെ മു​ന്‍നി​ര ശാ​സ്ത്ര​ജ്ഞ​ൻ സ്റ്റു​വ​ർ​ട്ട് റ​സ​ല്‍ ഇ​തേ​ക്കു​റി​ച്ച് പ​റ​ഞ്ഞ​ത്, ലോ​ക​ത്തി​ലെ ഏ​റ്റ​വും വ​ലി​യ ബു​ദ്ധി​ജീ​വി​ക​ള്‍ പ​തി​റ്റാ​ണ്ടു​ക​ളാ​യി ആ​ര്‍ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍സ് മേ​ഖ​ല​യി​ല്‍ ഗ​വേ​ഷ​ണം ന​ട​ത്തി​യി​ട്ടും ജ​ന​റ​ല്‍ എ.​ഐ എ​ന്ന ല​ക്ഷ്യ​ത്തി​ന്​ അ​രി​കി​ലെ​ത്താ​നാ​യി​ട്ടി​ല്ല, പ​ക്ഷേ സാ​ധ്യ​മാ​കു​ന്ന​പ​ക്ഷം മ​നു​ഷ്യ​ന്‍ കൈ​വ​രി​ക്കു​ന്ന അ​വ​സാ​ന കാ​ര്യ​മാ​യി​രി​ക്കും അ​തെ​ന്നാ​ണ്.

നി​ർ​മി​ത​ബു​ദ്ധി​യു​ടെ ഭാ​വി​ലോ​കം നി​ർ​മാ​ണാ​ത്മ​ക​മാ​കു​മോ അ​തോ സം​ഹാ​രാ​ത്മ​ക​മോ എ​ന്ന വി​ഷ​യ​ത്തി​ല്‍ ശാ​സ്ത്ര​ലോ​കം ര​ണ്ടു ചേ​രി​യി​ലാ​ണ്. എ.​ഐ ഡി​സ്റ്റോ​പ്യ (Dystopia) വാ​ദ​മ​നു​സ​രി​ച്ച്, സാ​ങ്കേ​തി​ക​വി​ദ്യ മ​നു​ഷ്യ​ബു​ദ്ധി​യെ അ​തി​ജ​യി​ക്കു​ന്ന ‘വി​നാ​ശ​ക​ര​മാ​യ’ ഒ​ന്നാ​യി​രി​ക്കും നി​ർ​മി​ത​ബു​ദ്ധി​യു​ടെ ലോ​കം. യ​ന്ത്ര​ങ്ങ​ൾ മ​നു​ഷ്യ​രേ​ക്കാ​ള്‍ ബു​ദ്ധി​ശ​ക്തി​യു​ള്ള​വ​രാ​യി​ത്തീ​രും. ടെ​ർ​മി​നേ​റ്റ​ർ സി​നി​മ​യി​ലേ​തെ​ന്ന​പോ​ലെ മ​നു​ഷ്യ​ന്റെ ക​ഴി​വു​ക​ളും പെ​രു​മാ​റ്റ​ങ്ങ​ളും നി​യ​ന്ത്രി​ച്ച് അ​വ​രെ വം​ശ​നാ​ശ​ത്തി​ലേ​ക്കു ന​യി​ക്കാ​നു​ള്ള ക​ഴി​വ് അ​ത് നേ​ടി​യെ​ടു​ക്കും. സാ​മ്പ​ത്തി​ക-​രാ​ഷ്ട്രീ​യ താ​ല്‍പ​ര്യ​ങ്ങ​ള്‍ക്കു​വേ​ണ്ടി എ.​ഐ ആ​യു​ധ​ങ്ങ​ള്‍ വി​ക​സി​പ്പി​ച്ച് രാ​ഷ്ട്ര​ങ്ങ​ളും കു​ത്ത​ക ക​മ്പ​നി​ക​ളും ലോ​ക​ത്തെ ഭ​രി​ക്കും. അ​രാ​ജ​ക​ത്വ​വും അ​സ്ഥി​ര​ത​യും നി​റ​ഞ്ഞ ഒ​രു ലോ​ക​മാ​യി​രി​ക്കും നി​ർ​മി​ത​ബു​ദ്ധി​യു​ടെ ഭാ​വി എ​ന്നാ​ണ് ഡി​സ്റ്റോ​പ്യ​ന്‍ വാ​ദം.

മ​റു​വ​ശ​ത്ത്, നി​ർ​മി​ത​ബു​ദ്ധി യു​ട്ടോ​പ്യ​ന്‍ (Utopian) വാ​ദ​മ​നു​സ​രി​ച്ച് എ​ല്ലാം ശു​ഭ​മാ​യി​രി​ക്കും. നി​ർ​മി​ത​ബു​ദ്ധി മ​നു​ഷ്യ​ജീ​വി​ത​ത്തി​ൽ ഗു​ണ​ക​ര​മാ​യ സ്വാ​ധീ​നം ചെ​ലു​ത്തു​ന്ന ഒ​രു ഘ​ട്ട​ത്തി​ലേ​ക്ക് വി​ക​സി​ക്കും. യ​ന്ത്ര​ങ്ങ​ളും മ​നു​ഷ്യ​രും ഏ​കോ​പ​ന​ത്തോ​ടെ ഒ​രു​മി​ച്ച് പ്ര​വ​ർ​ത്തി​ക്കും. സ​ങ്കീ​ർ​ണ​മാ​യ വൈ​യ​ക്തി​ക, രാ​ഷ്ട്രീ​യ, സാ​മൂ​ഹി​ക, വൈ​ദ്യ​ശാ​സ്​​ത്ര പ്ര​ശ്ന​ങ്ങ​ള്‍ക്ക് പ​രി​ഹാ​രം കാ​ണാ​ന്‍ നി​ർ​മി​ത​ബു​ദ്ധി ഉ​പ​യോ​ഗ​പ്പെ​ടും. സ്വ​യം​നി​യ​ന്ത്രി​ത വാ​ഹ​ന​ങ്ങ​ള്‍ ട്രാ​ഫി​ക് അ​പ​ക​ട​ങ്ങ​ള്‍ കു​റ​ക്കും, അ​ർ​ബു​ദ​സാ​ധ്യ​ത​ക​ള്‍ വ​ള​രെ നേ​ര​ത്തേ ക​ണ്ടെ​ത്താ​ന്‍ സാ​ധി​ക്കും, കൂ​ടു​ത​ല്‍ കാ​ര്യ​ക്ഷ​മ​മാ​യ എ.​ഐ പ​ട്ട​ണ​ങ്ങ​ള്‍ വ​ള​ര്‍ന്നു​വ​രും. മ​നു​ഷ്യ​രാ​ശി​യു​ടെ ജീ​വി​ത​നി​ല​വാ​ര​ത്തി​ല്‍ ഗു​ണ​പ​ര​മാ​യ മാ​റ്റ​ങ്ങ​ൾ വ​രു​ത്തു​ന്ന, ഭൗ​തി​ക പ്ര​പ​ഞ്ച​ത്തി​ന്‍റെ നി​ഗൂ​ഢ​ത​ക​ൾ അ​തി​വേ​ഗം ചു​രു​ള​ഴി​ക്കാ​ന്‍ ന​മ്മെ പ്രാ​പ്ത​രാ​ക്കു​ന്ന സ​​ങ്കേ​ത​മാ​യാ​ണ് യു​ട്ടോ​പ്യ​ൻ ചി​ന്ത​ക​ർ ജ​ന​റ​ല്‍ എ.​ഐ​യെ കാ​ണു​ന്ന​ത്. ആ​ര്‍ട്ടി​ഫി​ഷ്യ​ല്‍ ഇ​ന്‍റ​ലി​ജ​ന്‍സ് ഭീ​മ​ന്‍ ഡീ​പ്‌​മൈ​ൻ​ഡ് (DeepMind) സ്ഥാ​പി​ച്ച ഡെ​മി​സ്ഹ​സാ​ബി​സ് ന​ട​ത്തു​ന്ന പ്ര​വ​ച​ന​പ്ര​കാ​രം, സൂ​പ്പ​ർ ഇ​ന്റ​ലി​ജ​ൻ​സി​ന്റെ സൃ​ഷ്ടി മ​നു​ഷ്യ​നാ​ഗ​രി​ക​ത​യു​ടെ അ​പ​രി​ഹാ​ര്യ​മാ​യ പ്ര​ശ്ന​ങ്ങ​ൾ​ക്ക്​ പ​രി​ഹാ​രം ക​ണ്ടെ​ത്തു​ക​യും ആ​ഗോ​ള​താ​പ​ന​ത്തി​നും നി​ല​വി​ല്‍ ഭേ​ദ​മാ​ക്കാ​നാ​കാ​ത്ത രോ​ഗ​ങ്ങ​ൾ​ക്കും അ​ചി​ന്ത​നീ​യ​മാം​വി​ധം മി​ക​ച്ച പോം​വ​ഴി​ക​ൾ സൃ​ഷ്ടി​ക്കു​ക​യും മ​നു​ഷ്യ​രാ​ശി​യു​ടെ ഭാ​രം ല​ഘൂ​ക​രി​ക്കു​ക​യും ചെ​യ്യും. എ.​ഐ ശാ​സ്ത്ര​ജ്ഞ​നും ഗൂ​ഗ്ള്‍ ചൈ​ന​യു​ടെ മു​ന്‍ പ്ര​സി​ഡ​ന്‍റു​മാ​യ കൈ-​ഫൂ-​ലീ പ​റ​ഞ്ഞു​വെ​ക്കു​ന്ന​ത് വൈ​ദ്യു​തി​യു​ടെ​യും ആ​വി എ​ൻ​ജി​ന്റെ​യും ക​ണ്ടു​പി​ടി​ത്തം​പോ​ലെ നി​ർ​മി​ത​ബു​ദ്ധി​യും എ​ല്ലാ മേ​ഖ​ല​യി​ലും ഉ​പ​യോ​ഗ​പ്പെ​ടു​ത്താ​വു​ന്ന ഒ​രു സാ​ങ്കേ​തി​ക​വി​ദ്യ​യാ​ണ് എ​ന്നാ​ണ്; അ​ത് സ്വാ​ധീ​നം ചെ​ലു​ത്തു​ക​യോ പ​രി​വ​ര്‍ത്ത​ന​വി​ധേ​യ​മാ​ക്കു​ക​യോ ചെ​യ്യാ​ത്ത ഒ​രു മേ​ഖ​ല​യോ വ്യ​വ​സാ​യ​മോ ഉ​ണ്ടാ​വി​ല്ല എ​ന്നും.

എ.​ഐ യ​ന്ത്ര​ങ്ങ​ളു​ടെ സം​ഹാ​ര​ശേ​ഷി

അ​മേ​രി​ക്ക​യി​ലെ എ.​ഐ ഗ​വേ​ഷ​ക​ൻ കു​ർ​സ്‌​വെ​യി​ലി​ന്റെ വി​ഭാ​വ​ന​പ്ര​കാ​രം ന​മ്മു​ടെ ഭാ​വി മ​നു​ഷ്യ​രും യ​ന്ത്ര​ങ്ങ​ളും പൂ​ർ​ണ​മാ​യി ല​യി​ച്ചു​ചേ​ര്‍ന്ന​താ​വും. അ​ദ്ദേ​ഹം പ്ര​വ​ചി​ക്കു​ന്ന സാ​ങ്ക​ൽ​പി​ക ലോ​ക​ത്തി​ൽ നാം ​ന​മ്മു​ടെ മ​ന​സ്സി​നെ ക്ലൗ​ഡി​ലേ​ക്ക് അ​പ്‌​ലോ​ഡ് ചെ​യ്യും, ന​മ്മു​ടെ ര​ക്ത​പ്ര​വാ​ഹ​ത്തി​ലേ​ക്ക് ക​ട​ത്തി​വി​ടു​ന്ന ബു​ദ്ധി​യു​ള്ള നാ​നോ​റോ​ബോ​ട്ടു​ക​ളി​ലൂ​ടെ നാം ​ശ​രീ​ര​ത്തെ നി​ര​ന്ത​രം പു​തു​ക്കി​ക്കൊ​ണ്ടി​രി​ക്കും. 2029ഓ​ടെ മ​നു​ഷ്യ​നു​മാ​യി താ​ര​ത​മ്യ​പ്പെ​ടു​ത്താ​വു​ന്ന ബു​ദ്ധി​ശ​ക്തി​യു​ള്ള ക​മ്പ്യൂ​ട്ട​റു​ക​ൾ ന​മു​ക്കു​ണ്ടാ​കു​മെ​ന്നും 2045ഓ​ടെ ന​മ്മ​ൾ സൂ​പ്പ​ര്‍ ഇ​ന്റ​ലി​ജ​ന്‍സി​ല്‍ എ​ത്തു​മെ​ന്നും കു​ർ​സ്‌​വെ​യി​ൽ പ്ര​വ​ചി​ക്കു​ന്നു. പ​ക്ഷേ, നി​ല​വി​ലെ സാ​ങ്കേ​തി​ക​വി​ദ്യ​പ്ര​കാ​രം സൂ​പ്പ​ര്‍ ഇ​ന്റ​ലി​ജ​ന്‍സ് എ​ന്ന​ത് അ​ത്ര എ​ളു​പ്പം പ്രാ​പ്യ​മാ​യ ഒ​രു യാ​ഥാ​ര്‍ഥ്യ​മ​ല്ല.

വ​രും​നാ​ളു​ക​ളി​ല്‍ ChatGPT അ​ട​ക്ക​മു​ള്ള എ.​ഐ സാ​ങ്കേ​തി​ക​വി​ദ്യ​ക​ള്‍ മ​നു​ഷ്യ​ജീ​വി​ത​ത്തി​ന്‍റെ ഭാ​ഗ​മാ​വു​ക​യും ന​മ്മു​ടെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ക​യും ചെ​യ്യും. അ​തോ​ടൊ​പ്പം നി​ർ​ണി​ത​മാ​യ ആ​വ​ശ്യ​ങ്ങ​ള്‍ക്കു​വേ​ണ്ടി നി​ർ​മി​ക്ക​പ്പെ​ട്ട നി​ർ​മി​ത​ബു​ദ്ധി (Special Purpose AI) സാ​ങ്കേ​തി​ക​വി​ദ്യ​ക​ളും വ്യാ​പ​ക​മാ​യി ദു​രു​പ​യോ​ഗം ചെ​യ്യാ​ന്‍ സാ​ധ്യ​ത​യു​ള്ള​താ​ണ്. ChatGPT നി​ർ​മാ​താ​ക്ക​ളാ​യ ഓ​പ​ണ്‍ എ.​ഐ സി.​ഇ.​ഒ സാം ​ആ​ൾ​ട്ട്മാ​ൻ ഈ​യി​ടെ ന​ൽ​കി​യ അ​ഭി​മു​ഖ​ത്തി​ൽ എ.​ഐ​യു​ടെ ഭാ​വി​യെ​ക്കു​റി​ച്ച് ആ​ശ​ങ്ക​യു​ണ്ടെ​ന്നും തെ​റ്റാ​യ വി​വ​ര​ങ്ങ​ള്‍ പ​ട​ച്ചു​വി​ടു​ന്ന​തി​നും അ​തി​ലൂ​ടെ തെ​ര​ഞ്ഞെ​ടു​പ്പു​ക​ളെ അ​ട​ക്കം വ​ലി​യ അ​ള​വി​ല്‍ സ്വാ​ധീ​നി​ക്കാ​ന്‍ സാ​ധ്യ​ത​യു​ള്ള സാ​ങ്കേ​തി​ക​വി​ദ്യ​യാ​യി മാ​റു​മെ​ന്നും ആ​ശ​ങ്ക പ്ര​ക​ടി​പ്പി​ച്ചി​രു​ന്നു.

കൂ​ടു​ത​ല്‍ ഡേ​റ്റ​യും എ.​ഐ സാ​ങ്കേ​തി​ക​വി​ദ്യ​യു​മു​ള്ള ഭ​ര​ണ​കൂ​ട​ങ്ങ​ളും ക​മ്പ​നി​ക​ളു​മാ​യി​രി​ക്കും ഭാ​വി​യെ തീ​രു​മാ​നി​ക്കു​ക. ഈ ​സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് സ​മൂ​ഹ​ത്തി​ന്‍റെ ചി​ന്താ​രീ​തി​ക​ളെ സ്വാ​ധീ​നി​ക്കാ​നും തെ​ര​ഞ്ഞെ​ടു​പ്പു​ക​ളെ​യ​ട​ക്കം സ്വാ​ധീ​ന​വ​ല​യ​ത്തി​ല്‍ കൊ​ണ്ടു​വ​രാ​നും സാ​ധി​ക്കും. ഇ​ന്ത്യ​യി​ലും അ​മേ​രി​ക്ക​യി​ലും 2024ൽ ​ന​ട​ക്കാ​നി​രി​ക്കു​ന്ന തെ​ര​ഞ്ഞെ​ടു​പ്പു​ക​ളി​ല്‍ വ​ലി​യ അ​ള​വി​ല്‍ സ്വാ​ധീ​നം ചെ​ലു​ത്താ​ന്‍ എ.​ഐ സാ​ങ്കേ​തി​ക​വി​ദ്യ​ക​ൾ ഉ​പ​യോ​ഗ​പ്പെ​ടു​ത്തും. ‘‘എ.​ഐ സാ​ങ്കേ​തി​ക​വി​ദ്യ​യി​ൽ ആ​രാ​ണ് ജേ​താ​വാ​കു​ന്ന​ത് അ​വ​രാ​കും ലോ​ക​ത്തി​ന്റെ ഭ​ര​ണാ​ധി​കാ​രി’’​യെ​ന്ന്​ യു​ക്രെ​യ്​​ന്‍ അ​ധി​നി​വേ​ശ​ത്തി​ന് വ​ർ​ഷ​ങ്ങ​ൾ​ക്കു​മു​മ്പ് റ​ഷ്യ​ന്‍ പ്ര​സി​ഡ​ന്‍റ് ന​ട​ത്തി​യ പ്ര​സ്താ​വ​ന ഈ ​ആ​ശ​ങ്ക​ക​ളെ സാ​ധൂ​ക​രി​ക്കു​ന്ന​താ​ണ്.

എ.​ഐ സാ​ങ്കേ​തി​ക​വി​ദ്യ​യു​ടെ അ​ടി​സ്ഥാ​നം ഡേ​റ്റ​യും ഡേ​റ്റ ഉ​പ​യോ​ഗ​പ്പെ​ടു​ത്തി നി​ഗ​മ​ന​ങ്ങ​ളി​ലെ​ത്താ​ന്‍ സാ​ധി​ക്കു​ന്ന ക​മ്പ്യൂ​ട്ട​ര്‍ കോ​ഡു​ക​ളും അ​ൽ​ഗോ​രി​ത​ങ്ങ​ളു​മാ​ണ്. നി​ങ്ങ​ള്‍ക്ക് ആ​വ​ശ്യ​മു​ള്ള ഔ​ട്ട്പു​ട്ട് ല​ഭ്യ​മാ​ക്കാ​ന്‍ സാ​ധി​ക്കു​ന്ന രൂ​പ​ത്തി​ല്‍ പ്രോ​ഗ്രാ​മു​ക​ള്‍ നി​ർ​മി​ക്കാ​ന്‍ സാ​ധി​ക്കു​ന്ന​താ​വും ഭാ​വി​യി​ലെ എ.​ഐ സാ​ങ്കേ​തി​ക​വി​ദ്യ. ചോ​ദ്യ​ങ്ങ​ള്‍ക്ക് ഉ​ത്ത​രം ന​ല്‍കു​ന്ന​തു​പോ​ലെ സം​ഹാ​രാ​ത്മ​ക​മാ​യ ആ​വ​ശ്യ​ങ്ങ​ള്‍ക്കു​വേ​ണ്ടി​യു​ള്ള സ​ങ്കീ​ർ​ണ​മാ​യ പ്രോ​ഗ്രാ​മു​ക​ളും വ​ലി​യ പ്ര​ത്യാ​ഘാ​ത​ങ്ങ​ള്‍ ഉ​ണ്ടാ​ക്കാ​ന്‍ സാ​ധി​ക്കു​ന്ന ഹാ​ക്കി​ങ് സാ​ങ്കേ​തി​ക​വി​ദ്യ​ക​ളും വ​ള​ര്‍ത്തി​യെ​ടു​ക്കാ​ന്‍ ഇ​തി​ലൂ​ടെ സാ​ധി​ക്കും. ഇ​ത്ത​രം സാ​ധ്യ​ത​ക​ളെ​ക്കു​റി​ച്ച് സാം ​ആ​ൾ​ട്ട്മാ​ൻ ത​ന്നെ ആ​ശ​ങ്ക​ക​ള്‍ പ​ങ്കു​വെ​ക്കു​ന്നു​ണ്ട്.

നി​ർ​മി​ത​ബു​ദ്ധി​യു​ടെ സ​മീ​പ ഭാ​വി

നി​ർ​മി​ത​ബു​ദ്ധി, ക്രി​പ്‌​റ്റോ ക​റ​ന്‍സി, ഓ​ട്ടോ​മേ​ഷ​ൻ തു​ട​ങ്ങി​യ സാ​ങ്കേ​തി​ക​വി​ദ്യ​ക​ൾ നാം ​അ​റി​യാ​തെ​ത​ന്നെ ന​മ്മെ​യും ന​മു​ക്കു ചു​റ്റു​മു​ള്ള മു​ഴു​വ​ൻ വ്യ​വ​സാ​യ​ങ്ങ​ളെ​യും മാ​റ്റ​ങ്ങ​ള്‍ക്കു വി​ധേ​യ​മാ​ക്കി​യി​രി​ക്കു​ന്നു. ക​റ​ന്‍സി​ക്കു പ​ക​രം ഡി​ജി​റ്റ​ല്‍ വാ​ല​റ്റു​ക​ളും ടൈ​പ്പി​ങ്ങി​നു പ​ക​രം വാ​ക്കാ​ലു​ള്ള നി​ര്‍ദേ​ശ​ങ്ങ​ളും പാ​സ്​​വേ​ഡി​നു പ​ക​രം ഫോ​ണി​ലെ ഫേ​സ് ഐ​ഡി​യും ന​മ്മു​ടെ താ​ല്‍പ​ര്യ​ത്തി​ന​നു​സ​രി​ച്ചു​ള്ള സോ​ഷ്യ​ല്‍ മീ​ഡി​യ ഫീ​ഡു​ക​ളും നാം ​മ​ന​സ്സി​ൽ ക​രു​തു​ന്ന അ​ടു​ത്ത വാ​ച​കം മെ​യി​ലു​ക​ളി​ലും കീ​ബോ​ർ​ഡു​ക​ളി​ലും നി​ർ​ദേ​ശി​ച്ചു​ത​രു​ന്ന​തു​മെ​ല്ലാം ഇ​തി​ന​കം ന​മ്മു​ടെ ജീ​വി​ത​ത്തി​ന്‍റെ ഭാ​ഗ​മാ​യ നി​ർ​മി​ത​ബു​ദ്ധി​യ​ധി​ഷ്​​ഠി​ത സാ​ങ്കേ​തി​ക​വി​ദ്യ​ക​ളാ​ണ്.

‘നി​ർ​മി​ത​ബു​ദ്ധി​യു​ടെ ലോ​കം ആ​രം​ഭി​ച്ചി​രി​ക്കു​ന്നു’ എ​ന്ന ത​ല​ക്കെ​ട്ടി​ല്‍ ക​ഴി​ഞ്ഞ ദി​വ​സം ബി​ല്‍ ഗേ​റ്റ്സ് പു​റ​ത്തി​റ​ക്കി​യ ഒ​രു കു​റി​പ്പി​ല്‍ വ​രും​നാ​ളു​ക​ളി​ല്‍ അ​ത്​ വ​രു​ത്തു​ന്ന മാ​റ്റ​ങ്ങ​ള്‍ വി​ശ​ദീ​ക​രി​ക്കു​ന്നു​ണ്ട്. ChatGPT നി​ർ​മാ​താ​ക്ക​ളാ​യ ഓ​പ​ണ്‍ എ‌.​ഐ ടീ​മു​മാ​യി 2016ലും 2022​ലും ന​ട​ത്തി​യ ര​ണ്ടു കൂ​ടി​ക്കാ​ഴ്ച​ക​ളെ​ക്കു​റി​ച്ച് അ​ദ്ദേ​ഹം പ​റ​യു​ന്ന​ത് ചു​രു​ങ്ങി​യ കാ​ലം​കൊ​ണ്ടു​ത​ന്നെ അ​ത്ഭു​ത​ക​ര​മാ​യ നേ​ട്ട​മാ​ണ് ഓ​പ​ണ്‍ എ.​ഐ നേ​ടി​യ​ത് എ​ന്നാ​ണ്. അ​ദ്ദേ​ഹ​ത്തി​ന്റെ സാ​ന്നി​ധ്യ​ത്തി​ല്‍ ന​ട​ന്ന ഒ​രു പ​രീ​ക്ഷ​ണ​ത്തി​ല്‍, 60 ചോ​ദ്യ​ങ്ങ​ള​ട​ങ്ങി​യ ബ​യോ​ള​ജി ചോ​ദ്യ​പേ​പ്പ​റി​ല്‍ നി​മി​ഷ​ങ്ങ​ള്‍ക്ക​കം ഉ​ത്ത​രം പ​റ​ഞ്ഞ് ChatGPT 59 മാ​ര്‍ക്ക് നേ​ടി. നി​ർ​മി​ത​ബു​ദ്ധി​യു​ടെ വി​കാ​സം ഈ ​വേ​ഗ​ത്തി​ല്‍ മു​ന്നേ​റു​ക​യാ​ണെ​ങ്കി​ല്‍ വ​രു​ന്ന 10 വ​ര്‍ഷം​കൊ​ണ്ട് സ​ർ​വ മേ​ഖ​ല​യും നി​ർ​മി​ത​ബു​ദ്ധി അ​ടി​സ്ഥാ​ന​പ്പെ​ടു​ത്തി​യു​ള്ള മാ​റ്റ​ങ്ങ​ള്‍ക്ക് വി​ധേ​യ​മാ​വു​മെ​ന്ന് ബി​ൽ ഗേ​റ്റ്​​സ്​ പ്ര​വ​ചി​ക്കു​ന്നു. ഓ​രോ വ​ർ​ഷ​വും ദ​ശ​ല​ക്ഷ​ക്ക​ണ​ക്കി​ന് കു​ട്ടി​ക​ളു​ടെ ജീ​വ​ൻ ര​ക്ഷി​ക്കാ​നും എ​ല്ലാ​വ​ര്‍ക്കും വി​ദ്യാ​ഭ്യാ​സം ല​ഭ്യ​മാ​ക്കാ​നും നി​ർ​മി​ത​ബു​ദ്ധി സ​ഹാ​യി​ക്കു​മെ​ന്ന് ഗേ​റ്റ്സ് വി​ഭാ​വ​നം ചെ​യ്യു​ന്നു.

വി​ദ്യാ​ഭ്യാ​സ​ത്തി​ന്‍റെ മ​ട്ടും ഭാ​വ​വും​ത​ന്നെ നി​ർ​മി​ത​ബു​ദ്ധി മാ​റ്റി​മ​റി​ക്കും. വി​ദ്യാ​ർ​ഥി​യു​ടെ താ​ൽ​പ​ര്യ​ങ്ങ​ളും പ​ഠ​ന​ശൈ​ലി​യും അ​ടി​സ്ഥാ​ന​മാ​ക്കി ഉ​ള്ള​ട​ക്കം ക്ര​മീ​ക​രി​ക്കാ​നും ഉ​ട​ന​ടി ഫീ​ഡ്‌​ബാ​ക്ക് ന​ൽ​കാ​നും ക​രി​യ​ർ ആ​സൂ​ത്ര​ണം​ചെ​യ്യാ​നും സ​മീ​പ ഭാ​വി​യി​ല്‍ നി​ർ​മി​ത​ബു​ദ്ധി ഉ​പ​യോ​ഗി​ക്ക​പ്പെ​ടും. രോ​ഗ​ങ്ങ​ള്‍ ഏ​റ്റ​വും സൂ​ക്ഷ്മ​മാ​യി ക​ണ്ടെ​ത്തു​ക​യും ഏ​റ്റ​വും ന​ല്ല ചി​കി​ത്സാ​രീ​തി​ക​ള്‍ പ​റ​ഞ്ഞു​ത​രു​ക​യും ചെ​യ്യു​ന്ന ‘AI Doctor’ നി​ല​വി​ല്‍ വ​രും. നി​ത്യ​ജീ​വി​ത​ത്തി​ലെ പ്ര​വ​ര്‍ത്ത​ന​ങ്ങ​ള്‍‍ ചെ​യ്യു​ന്ന​തും ജോ​ലി​ക​ള്‍ ചെ​യ്യു​ന്ന​തും പ​ഠി​ക്കു​ന്ന​തും യാ​ത്ര​ചെ​യ്യു​ന്ന​തും ആ​രോ​ഗ്യ​പ​രി​ര​ക്ഷ നേ​ടു​ന്ന​തും ആ​ശ​യ​വി​നി​മ​യം ന​ട​ത്തു​ന്ന​തു​മ​ട​ക്കം സ​ർ​വ മേ​ഖ​ല​യും നി​ർ​മി​ത​ബു​ദ്ധി പ​രി​വ​ർ​ത്ത​ന​വി​ധേ​യ​മാ​ക്കും. മു​ഴു​വ​ൻ വ്യ​വ​സാ​യ​ങ്ങ​ളും മാ​റ്റ​ങ്ങ​ള്‍ക്കു വി​ധേ​യ​മാ​വും. എ.​ഐ ശാ​സ്ത്ര​ജ്ഞ​ൻ കൈ-​ഫൂ-​ലീ പ​റ​ഞ്ഞ​തു​പോ​ലെ ‘‘അ​ത് സ്വാ​ധീ​നം ചെ​ലു​ത്തു​ക​യോ പ​രി​വ​ര്‍ത്ത​ന​വി​ധേ​യ​മാ​ക്കു​ക​യോ ചെ​യ്യാ​ത്ത ഒ​രു മേ​ഖ​ല​യോ വ്യ​വ​സാ​യ​മോ ഉ​ണ്ടാ​വി​ല്ല.’’ അ​ങ്ങ​നെ നി​ർ​മി​ത​ബു​ദ്ധി​യു​ടെ പു​തി​യ ലോ​ക​ത്ത് അ​ത് ഉ​പ​യോ​ഗ​പ്പെ​ടു​ത്തി അ​ഭി​വൃ​ദ്ധി​പ്പെ​ടാ​നു​ള്ള വ​ഴി​ക​ള്‍ തു​റ​ക്ക​പ്പെ​ടും. ന​ഷ്ട​പ്പെ​ടു​ന്ന ഒ​രു ജോ​ലി​ക്കു പ​ക​രം കൂ​ടു​ത​ല്‍ സാ​ധ്യ​ത​ക​ളും നി​ർ​മാ​ണാ​ത്മ​ക​മാ​യ ഒ​രാ​യി​രം പു​തി​യ ജോ​ലി​ക​ളും ഉ​ണ്ടാ​ക്ക​പ്പെ​ടും.

നി​ർ​മി​ത​ബു​ദ്ധി​യു​ടെ വി​ക​സ​ന​വും ഉ​പ​യോ​ഗ​വും ധാ​ർ​മി​ക​വും സു​താ​ര്യ​വും ഉ​ത്ത​ര​വാ​ദി​ത്ത​മു​ള്ള​തു​മാ​യ രീ​തി​യി​ൽ മു​ന്നോ​ട്ടു​പോ​കു​ന്ന​തി​ന് ആ​വ​ശ്യ​മാ​യ മാ​ർ​ഗ​നി​ര്‍ദേ​ശ​ങ്ങ​ള്‍ ത​യാ​റാ​ക്കാ​ന്‍ രാ​ജ്യ​ങ്ങ​ളും ടെ​ക്നോ​ള​ജി ക​മ്പ​നി​ക​ളും മു​ന്നോ​ട്ടു​വ​രേ​ണ്ട​തു​ണ്ട്. സ​മൂ​ഹ​ത്തി​ന് പ്ര​യോ​ജ​നം​ചെ​യ്യു​ന്ന ത​ര​ത്തി​ൽ ഉ​പ​യോ​ഗി​ക്കു​ന്നു​വെ​ന്നും സം​ഹാ​രാ​ത്മ​ക​മാ​യി ഉ​പ​യോ​ഗ​പ്പെ​ടു​ത്തു​ന്നി​ല്ലെ​ന്നും ഉ​റ​പ്പാ​ക്കാ​ൻ നി​ര്‍ദേ​ശ​ങ്ങ​ളും നി​യ​മ​നി​ർ​മാ​ണ​ങ്ങ​ളും പ്ര​ധാ​ന​മാ​ണ്. നി​ർ​മി​ത​ബു​ദ്ധി​യെ ശ്ര​ദ്ധാ​പൂ​ർ​വം ഉ​പ​യോ​ഗി​ച്ചാ​ല്‍ ഏ​വ​ര്‍ക്കും ന​ല്ല നാ​ളു​ക​ള്‍ ന​ല്‍കു​ന്ന ഭാ​വി​യി​ല്‍ ന​മു​ക്ക് ‍ എ​ത്തി​ച്ചേ​രാ​നാ​വും. ഏ​വ​ര്‍ക്കും സാ​ങ്കേ​തി​ക​വി​ദ്യ​ക​ളു​ടെ ഗു​ണ​ഫ​ല​ങ്ങ​ൾ ല​ഭ്യ​മാ​വു​ക​യും സ​ർ​വ​രു​ടെ​യും ജീ​വി​ത​നി​ല​വാ​രം അ​തി​ലൂ​ടെ അ​ഭി​വൃ​ദ്ധി​പ്പെ​ടു​ക​യും ചെ​യ്യും.